映月樓

營業中

休息中

服務態度差，本來訂咗北京填鴨，然後話無啦啦燒燶咗，這樣很不負責任，本來有親人生日，可能是讓給第二個顧客，而不是這個理由，食物昂貴，問了有沒有剪蟹的剪刀，然後只遞給我們一隻叉。

媽媽說去文化中心飲茶，去到才知道有間映月樓，入到去環境及服務都好好，我們坐望海的枱很寫意～連平時只看手機的媽媽也不自覺地放低手機～食物水準也比平時的大品牌好～應該之後會經常來而我地經常去不同地方食灌湯餃，映月樓真的是做到皮薄，還有一粒帶子，湯味清甜，記得千其唔好加醋，咁樣更能飲到個鮮味另外煎釀三寶也是必食的，因為6件都係大大件的，一見到我同媽媽都“嘩”左一聲魷魚鬚也是第三款必食的，這裡的魷魚鬚很香口，所以一定要試記得下午茶平很多的*其實我所說的必食係我同媽媽去飲茶的地方一定會試的

其實我都睇唔透呢點解我星期日之外出去飲茶竟然可以有位，我諗依家呢真係好少人去飲茶。難得出到嚟尖沙咀仲要咁早，決定飲番個早茶，去到映月樓以為好多人啦，點知一坐就有個海景位，真係不得了，正常叫點心，唔知係咪因為太耐冇食過茶樓嘅點心呢我真係覺得好好食，點心好新鮮好好食，連我阿媽都話好耐冇食過咁好食嘅鳳爪，夠淋，連啲汁都好好味！仲要讚吓個炸魷魚鬚！佢唔係普通嗰啲口粉炸魷魚鬚喎，係真係食落去輕輕脆卜卜嘅魷魚鬚🥹好耐都未食過啦。我都有見到呢，其他評論話啲侍應好差，我想話其實嗰度真係冇乜侍應唔夠人手，不過講真啦飲茶都可以等吓嘅，又唔講，點心真係好好食！但係樓面情況可以改善吓！

周日，带儿子去吃饭，里面就剩2个桌子，一个是摆好餐具的五人桌，一个是还没摆好桌布及餐具的2人桌，然后店员说，让我等下，他收拾下里面的2人桌。我说，我还有个朋友会过来，所以就坐到了五人桌，正与朋友发信息，让他来这里！店员说，我不适合坐这里，我一抬头，看到一家三口(说粤语),我问他们几个人，他们说:三个人!问题来了，凭什么他们三个人可以，我同样有三个人不可以呢？当时因为孩子在身边，不好吵架，内心非常的火，总觉得他们欺负我们不会说粤语，然后我就走了，他还说了句，等你有消费了再说吧。总之，这样不尊重客人的餐厅，不去也罢！

之前成日帶朋友過去光顧，今次路過小朋友肚痛想借廁所，經理黑口黑面話不借用，態度非常之差，完全不顧小朋友苦苦哀求，我說點外賣拎走，經理都話不可以，自己去出面找公廁。下次再也不去

很喜歡 去這裏吃晚飯， 第一環境優美， 尤其如果你選中窗邊位， 望住個海 吃東西很寫意 ，入面的菜式亦有特色， 即使普通的 咕嚕肉也煮得很好食 ，在這裏點家常小菜便可以了。 茶亦好飲，服務態度極佳

我們今天到尖沙咀逛街，晚上看到一間餐廳坐立於文化中心，環境優雅，所以想walk in 嘗試.怎料被他的服務質素嚇親。我們被安排座位後，等了10分鐘也沒有任何職員接待提供餐牌。我們還很有耐性，自己在附近職員區域直接拿餐牌打算點菜。怎料到我們想點菜時，又等了5分鐘不斷揮手也冇人招待餐廳。當天是weekday 餐廳其實只有3成full 左，我哋見到職員不斷自己聊天和玩手機，開始有點不耐煩，然後我哋親自走向職員旁邊要求點菜，怎料餐廳職員也沒有理會我們，繼續喺度玩手機。我們從來未遇過這樣的服務質素，所以最後決定離開餐廳。而係當中經歷嘅大約半小時，我們是完全給餐廳職員忽略，不但沒有茶水，也沒有提供餐牌，也不被給予任何回應。「金玉其外，敗絮其中」，我深信是對這間餐廳最貼切的評價……

時代進步，而家大部分酒樓叫點心都係用QR Code落單，有時都會懷念點心車，舊式菜式嘅時光❤️最近美心中菜推出咗十四款經典懷舊家庭式手工菜，滿滿回憶嘅味道。先嚟有開胃前菜藤椒魚皮，新鮮魚皮仲有木耳同青瓜粒，配上藤椒同辣油，麻麻辣辣，醒胃🐠
再嚟就有脆炸妙齡鴿，阿女最鍾意嘅乳鴿，而呢度嘅醬油特別甜，阿女食到啜晒手指🕊️👍🏻
主菜方面有一夜情老薑蒸走地雞，先將黃花魚用鹽處理過夜再蒸走地雞，味鮮肉嫩，味道又夾，令人食指大動🐓
仲有五年陳皮煎斑球，煎過嘅斑塊有少少脆，仲有淡淡嘅陳皮香味，份量亦算足夠🎣
蔬菜就有崧子珍菌小南瓜，原個小南瓜配上雜菌，用南瓜汁嚟煮，仲有崧子增加口感🍄呢啲滿滿懷舊味道嘅菜式，同埋屋企人食就啱晒啦！

无意间发现的一家店，居然就在尖沙咀维多利亚港旁的文化中心，算一个中高端的中餐厅，环境不错，在饭店门口和窗口位可以看到维多利亚港，如果晚上在这边散步走累了，这家店会是一个不错的选择。-本来我想预定窗口位，但是他们家不接受窗口位置的预订，以先到先得的原则安排。所欲想看到美丽夜景的一定要早点来。-这边的服务员态度都很友善，介绍菜名时会首先说普通话，应该是考虑到来这边就餐的内地游客很多。-我们点了半只烧鹅，吃起来感觉偏肥偏油，水准一般，但真的好大一份！另外点了香芋鸭，这道菜很有特色，鸭肉里面包着很细腻的芋泥，又脆又香，还带着芋头的特殊清甜，很喜欢这道菜。主食点了炒饭，具体什么名字忘了，孩子很喜欢吃，炒的粒粒分明，热气腾腾，也是超大一盘。人均在250–500左右，价格偏贵，但是为了维多利亚港的景致来的，加上这家店的地理位置确实不错，感觉适合请长辈吃饭或者婚庆摆酒。

同家人一起食晚飯，餐飲都叫okay, 服務似街坊。對於佢收既價錢，係會expect 高級小小，野食又水平高小小，幸好 環境還是幾寬敞，感覺有privacy 。為維港境而來，但佢地用左金色反光鏡面咁既貼紙，看得一般般。希望下次各方面都會好D。

閑來無事在尖沙咀梳士巴利道香港文化中心逛逛，看見對面的映月樓重開，還記得多年前已改名為翠韻軒而在2021年曾經停業一段時間，直至現在卻重開了映月樓，必來趁趁熱鬧。訂了今日午膳，出𨋢轉左已看見開揚落地玻璃窗，盡覽迷人維多利亞港海景。記得多年前也曾在這裡晚膳後，約七時許步行在附近欣賞幻彩詠香江（8時開始），實在令人難忘！

今日探店這家在疫情中停業近日重開營業的可靠飲食集團品牌, 已番新的內部保留了向維港海景落地窗, 十分開陽🤔點了：煎芋頭糕蔥油手撕雞柚皮蒸豉汁鳳爪山竹牛肉叉燒腸粉總體點心水平仍可, 保持一定質素😋主食：古法炒牛河（兜亂）, 熱度夠, 若然芡汁油量微減更理想🙏尖東多了另一探店出路

今晚試吓呢間“新酒家”，點左貴妃脆蝦球、脆皮豉油雞、海味雜菜煲、斑蘭蒸蛋糕等試吓，味道不俗，但收費係尖沙咀價位，一點也不便宜。或許零宣傳關係，酒樓只開左1層，仲有吉枱，無限時任坐。註：呢間酒家由香港文化中心1989年落成已在此營業，2017年曾結業，其後改名“翠韻軒”，之後因社會運動和防疫規定而停業，上星期靜悄悄重開。

好耐無去映月樓，今天特意帶媽媽去飲茶，本身對美心集團有一定嘅信心，但今天極之失望。打開點心紙，見到有多款特色點心，當然即刻order，我點了一口鮑魚撻，白菌燒鵝酥，鳳尾蝦蜂巢芋角，义燒腸粉，帶子菜苗餃，义燒飽。鮑魚撻同白菌酥一嚟到，外形吸引㗎，但一食落口凍冰冰冇諗過焗嘅點心係會凍囉，稻香都會有熱爐存放焗製點心，出到嚟唔好食起碼都熱呀。個鮑魚酥嘅醬汁本來好好味，但因為凍就破壞咗個味道，而燒鵝酥一樣只係微暖，好似放咗好耐咁。個芋角亦都係微暖，我即刻食仲有小小暖嘅感覺，我家人比我遲3分鐘食已經變凍，一口油。碟腸粉仲衰， 腸粉皮做到太痴牙， 豉油淡茂茂， 仲差過啲街市大排檔。好彩6碟點心中仲有2碟蒸點係夠熱，老人家唔中意食凍冰冰嘅食物。食完下次都唔想再嚟囉。又唔係平比咗錢唔緊要，有水準嘅比幾多都值，但咁嘅質素就唉唉唉

星期日，家庭日，帶媽咪去飲茶。原佢上次幫襯映月樓已經係廿幾年前😳嘩！都好耐喇喎！我地好好彩，被安排窗邊枱，靚view😍望海，正呀！映月樓係屬於美心集團，品質無須質疑😏點心方面，最得意箭豬奶皇包，奶皇唔甜，包鬆軟，有埋流心就好喇😌帶子菜苗餃、鮮蝦腸粉都好足料，餡靚👍另外仲炒左兩碟野，牛河同鴛鴦炒飯，鑊氣十足既！唯一挑剔係serve 我地既姐姐唔知係咪新泥，經常搞錯order到隔離枱…整體媽媽都表示滿意！