映月樓

營業中

休息中

尖沙咀文化中心位於遊客區，附近食店雲集，高級餐廳，酒店多的是，竟然這間餐廳可以這麼不堪，前菜花生又硬又不脆，美心集團的海南菜一向保持水準，但是這間餐廳真的將菜式變成好難食的菜，味道不好當你主廚放假...星期五晚上連服務也强差人意，部長定經理似惡人谷大聲無禮，「你對完菜式先啦，到時咪知有沒有85折囉」，好彩我的母親大人在，否則我真的叫佢話事那位出來道歉！

同bb兩個人撐檯腳，兩個人點超多，仲要都係主食🤣最後都基本上食噻，真誇張⋯我地十一點幾到噶，樓下婚姻登記處有人影婚紗相，好冧啊～ 十一點幾依個時間是branch最岩啦，又唔洗一早同d老人家爭位，又可以早中飯一齊解決。等左兩分鐘，上去岩好有個靚位靠窗邊，見到海邊噶人流，加上心情靚，d茶點特別好味😋 其實本來就好好味～ 又比較精緻，唔失美心翠園噶水準，仲會來幫襯～見其他評價多係講服務同衛生，今次我地運氣好掛，完全無遇到，希望有問題噶地方改下咯，越做越好～

要參加婚禮,最早又近文化中心可跟屋企人飲茶的地方就只有呢間。略有聽聞價錢偏貴,但都試一次吧。8:30am望下未開門唯有去海傍行下,8:50am再返到酒樓見門外忽然排哂隊。而且見大多是旅客,一於就八下有什麼吸引旅客來港一試酒樓雖寫9am開門,但實際9:08am才開門然後續一安排客人取枱入座，都頗快的。幸運地可坐近窗邊,天朗氣清望著維多利亞港飲茶都幾心曠神怡。大部份食客差不多時間入座,差不多時間入單,所以食物都差不多時間上枱,上菜都算快。好彩是平日,點心價錢真的不平,種類也有限,而且餐具乾淨程度真是頗劣,巴不得用熱水仔細地洗過先用得。食物質素方面,最貴的金魚餃不值得推介;竟然1粒蝦肉都沒有,內餡只是蝦膠跟馬蹄製成。煎蝦餅也是沒有蝦味的，似魚餅多啲。牛肉球和帶子菜苗餃永遠是最穩陣的炸物方面,相信是酒樓必食推介之一:奶皇炸刺蝟,賣相令分數提高,味道還好,似是炸饅頭包著奶皇。另一炸物是鳳尾蝦芋角,終於有蝦了(完整的一隻),可惜咬一口便是成口油了,可惜可惜。最後唯一有曙光的還是1人前煲仔飯,揀選2款最常食的，味道也可保持水準,北菇雞飯更可值得讚,啲雞相當嫰滑。

一家人吃晚飯，共點了7味餸，魚肚扒鴨，鴨肉柴皮，淡而無味魚肉煎藕餅，全無魚味，上枱的一剎那，只是微暖雜菜煲個湯底過鹹龍蝦可以吃到的肉很小其餘都沒有好感⋯⋯不會再光顧了～失望

如果9點左右到，可以坐到望海的位置，都好享受。茶樓也多外國遊客。食物方面，餐單好復古，幾特別。選擇都算多。但味道普通。可能地段關係，食物偏貴。總體而言，如果要找一家9點就開嘅茶樓，呢間係不錯的選擇。人手太不足，你預左會等好耐，加水都係自己做。

父親節前一日去飲茶 諗住會好多人點知又無喎 只係前面有兩個人等緊一張枱等位期間無野做望下知客有乜搞作本身佢皮膚偏黑加上全程黑面 可謂相得益彰酒樓位於旅遊區 自然有外國人黎有兩個唔知韓國定日本女仔入黎 唔識英文知客同佢雞同鴨講 神情語氣擺明勁唔想應酬佢到排我前面兩個人有位 因為佢地自己傾計傾得太投入聽唔到叫飛 個知客係佢自己個位勁大聲不斷重複喪叫頂 全場得我唔係就佢等梗位你行過去叫一聲唔會即刻斷腳嘛如果返工容許講粗口 佢應該好樂意係佢自己個位直接大聲問候人地娘親了到我有位 佢係張紙仔寫低枱號同幾多位我拎住張紙仔行上樓睇 上到去無人帶位都算問阿姐指我行去右邊 問題係我行去右邊都唔知邊張枱係98號架佢又唔係好似一般酒樓咁有個三角牌清楚寫住枱號後來先發現佢將個枱號刻係一個入住點心紙o既皮套上但個套係平放枱面 啲客行過點自己搵枱號呢唔想請咁多人服侍客就自己係配套上做好啲先啦之後行到右邊見到有張四人枱有個阿姐執梗雖然睇唔到枱號 但我諗我地三個人應該係安排坐呢張於是企定係到等佢執 忽然另一個阿姐叫我地去窗邊已經執好o既大枱坐咁我地照行過去 諗住畀得大枱轉頭可能都要同人搭枱不過窗邊景又好啲 所以無所謂

地址位於香港文化中心，如果一早知咁貴可能唔會入來食喇，不過好好彩坐到窗邊嘅位，隔離就係維多利亞港來，無敵嘅海景美不勝收吖，真係賺咗喇！燒臘三拼，望落去好長一碟吖，不過細數分量都只係麻麻喇，燒肉皮好脆，蜜汁叉燒同燒鴨都唔錯，不過可惜都唔係几幾熱，有d凍喇！叉燒包就唔同喇，熱辣辣嘅，叉燒偏甜，汁好多，趁熱食好好味！蘿蔔糕煎得香香嘅，蘿蔔好多，有些小臘肉丁，好味。荔枝肉，睇個名就知喇，肯定有荔枝，同菠蘿咕咾肉差不多味道，酸酸甜甜嘅，d肉包住荔枝同馬蹄，唔會覺得油膩哦。腸粉好大份！！好抵食，不過皮好厚吖！唔係我鐘意嘅嗰种。牛肉菜心一般，無功無過。

今晚一家人去映月樓果度飲茶，去果度食系聽講話環境好，如果訂臺訂得早可以坐窗邊臺，可以睇到維港夜景，一邊食一邊欣賞夜景，好賞心悅目。可能因為環境問題，所以呢度嘅同類食品價格都比其他要貴少少，但做得比較精致，一份收撻有三個，睇落個樣幾OK，食落覺得都幾可以，蛋撻皮好酥，好有層次，蛋液整得好滑好有蛋味同奶味，不過我覺得有少少甜，食一個就OK。春卷好似有少少隆，但炸得好脆，入邊D餡都調得味道好好，咸咸脆脆，幾好食，食落好香脆。瑤柱韮菜水晶餃覺得整得好靚，以前無食過瑤柱整嘅餃子，覺得幾特別，而且系水晶皮，睇到入邊有咩餡，估唔到瑤柱搭配韮菜又幾好食，覺得幾有新鮮感，味道幾好，不過分量就比較細，我一個人都差唔多可以食完一籠，幾得下。

我所屬的業餘樂團和老師一起春茗，師姐們選了映月樓，因為老師很喜歡這家酒樓的「撈起」!!!我們一圍14人 (13位為女士)，點了一個信用卡優惠的「撈起」套餐!!!談天說地一番，過了一會兒便見到今天的主角「撈起」登場!!!一上檯便是一大碟菜和兩小碟，分別是三文魚和原隻鮑魚!!!另外還有幾款不同的醬汁和三封利是~ 我們一邊聽著侍應的指示，一邊跟著她說出吉祥的祝福語，真是非常有氣氛!!!由第一樣檸檬汁，一直到最後的橄欖油，總共九樣配料或調味料，長長久久，意頭十足!!!最後侍應叫我們每人都拿起筷子，一起將配料及醬汁拌勻，並同聲說著「撈起撈起，風山水起」!!!老人家當然非常高興，不斷地拍照及短片。最後侍應還主動地替我們拍大合照，非常專業!!! 完成所有拍照的動作，當然要開動及填飽肚子!!! 出乎意料地，這個撈起是非常多蔬菜，作為前菜真的非常不錯!!!這道菜以椰菜，蘿蔔，柚子，海蜇，酸瓜，洋蔥等等蔬菜製作而成，配以新鮮的三文魚及口感煙韌的鮑魚及薄脆片，口感真的非常豐富!!!至於味道方面，由於有青檸汁及魚生醬，味道酸酸甜甜，非常惹味醒胃，因此很快便被掃清!!!至於這個套餐的其他餸菜都非常好，共有八道菜

年尾總是特別多聚會的，昨日晚上的時候我們一群老朋友就聚集在映月樓，位於尖沙咀的中心區域吧，位置很顯眼的，粵菜餐廳。鮑汁鳳爪的味道麻麻，中規中矩，唯一令我印象深刻的是，鳳爪特別的入味，連骨頭都是有味道的感覺，但是又不會味道過重而導致鹹了。鮮蝦餃的鮮蝦是真正的鮮蝦，味道很正，口感非常的鮮甜可口，忍不住吃了幾個。片皮鴨的味道不錯，確實是很正宗的味道，皮鴨很香，表皮都是黃色誘人的，但是不會過於油膩，也是很入味的。滑豆腐也是真的很滑，口感對得起這個名字吧。環境也不錯哦、

聽同事講映月樓啲鮑汁鳳爪特別出名，於是我就叫佢搵日一定要帶我嚟試下。今日終於有時間帶我嚟啦，然之後我發覺呢度唔單只鮑汁鳳爪好食，仲有好多其他好食嘎！當然一嚟就試下啲鳳爪先啦，鳳爪俾啲鮑汁浸住，好入味，而且啲鳳爪超級無敵大隻，每隻食落去都好滿足。蘿蔔糕，煎噶時間啱啱好，唔會整得太隆或者整得太生，而且入面有好多蘿蔔絲，唔喺單純只有蘿蔔粉，所以性價比好高呢款鮑魚燒麥真係每次嚟都要食一次吖，強烈推介！！雖然一籠只有兩隻，但係一隻就已經可以令你欲罷不能啦，鮑魚燒麥鮮嫩多汁，口感嫩滑，簡直喺人間極品吖春卷，入面噶食材非常多，而且春卷皮好鬆脆

一直都是粵菜的忠實fans,食咗咁多年粵菜，宜家口味越來越挑剔喇，之前有個朋友介紹去映月樓。今日與朋友一起去食午飯，鳳爪都系要點嘅，覺得太重口，噶虐太鹹喇，咬咗一啖就無想再食落去咯。腸粉都係值得點嘅，以為真系唔錯，腸粉都系皮薄餡多，入邊嘅餡都系手工做的，食個時候都感覺好彈牙，口感真的是爽滑，油光閃閃，咬開軟嫩多汁。叉燒包也是不錯，呢度啲叉燒包都唔會覺得好油膩，包子又軟又熱，叉燒餡好多，叉燒都很多。春捲都麻麻，其實有小小難食，春捲味道一點都唔正宗，炸的很過龍，油味太重。服務都算麻麻，環境都唔算話好，唉，好失望。

朋友請飲喜酒，本來不想以此去作品評，但食到翅就真是不能寫了。一上乳豬就已經感覺有點問題，一隻乳豬的皮有兩種色，兼且刻意皮肉分離地擺放，乳豬皮完全不脆，但豬肉味道尚算有肉味，食落去的菜式都是一般過一般，除了乳豬外，其中另外兩個更經典的食品是那個翅和飯真令人塑難以忘記。紅燒蟹肉翅，所謂的翅，入口像吃粉絲，沒有噬口；蟹肉又淋又削，也全汉有味道；但個湯底就杰到像漿糊一樣，有相為證，入口完全是漿粉水，口感像生吞茨汁，味道就只有"師傅"味。鴛鴦鷄絲飯，完全像是湯飯一樣，茨汁跟先前食翅的湯相比就還要稀，為避免'開飯'這裏某些編輯又指我發放不實﹑捏造事實﹑惡意 猜測或含誤導成份的內容，也附相為證，味道就尚算有點酸酸的茄汁味。

有親自遠方來，不亦樂孚，帶他們遊了文化中心同星光大道，就近去映月樓食lunch～腸粉入面啲蝦好大隻，又多～腸粉又好滑。鹹水角就standard左啲，不過都唔會油淋淋的，上枱仲熱騰騰的。炸藕餅，一般般喇，層皮都不算厚嘅，不過真係無咩特別，就無咩ｃｏｍｍｅｎｔ了。呢個湯飯啲飯不會太爛，有啲海鮮，口感不錯，湯飯來說已經算處理得好好了。雪菜雞肉米粉，米粉不算太南，雪菜同雞肉都好有口感，個湯亦不太味精。大大粒蝦蛟，出面啲皮又薄又熱騰騰的，very good！我本人最喜歡的就是呢個蛟的皮，透明好靚又熱騰騰，口感煙韌到不得之了，至愛呀～燒賣都好，皮好薄，隻蝦頂到好上，好足料雲吞，我就覺得出面好味的雲吞面店的略勝一籌，呢度個皮唔夠貼同實身，可能個人喜好喇～雜菌魚肉河～　材料都好新鮮同足夠。味道不錯，湯不是很濃，淡淡的好fresh好大包的雞紮～火腿條粗粗的，不過出面層腐皮可以唔好咁老身同深色就更好了。另一樣appreciate的就是珍珠雞了，開正我喜歡的整法，即係呢種好似糯米burger咁，唔會太多糯米，又唔會太多meat同juice，因此不會太鹹。

早前堂妹結婚了，她並冇大搞婚禮只是簡簡單單搞觀禮儀式,揀了TST文化中心進行小型婚禮，堂妹在女家親友只邀請我們一家,衷心祝福她 ,觀禮之後就在映月樓進行午餐，由堂妹同丈夫宴請親友，親友團共有2圍，眏月樓是美心其下,我第一次來映月樓,估唔到又幾好味,我覺得唔油膩呀,春卷又幾好吃，同平時吃有唔同,炒河都OK,我相信映月都唔平,起碼平均200一位啦 它的食物水準比想像中好,服務都OK,棲高2層地方幾大,我覺得環境都唔錯呀,它的的腸粉［幾好味,点仙之中最愛春卷/奶黃包/叉燒腸粉 ,我覺得整體幾好味,以前去過美心感覺又貴又唔好吃，原來美心其他品牌有好味地方，映月樓分店唔多，我同屋企人好少去中式酒樓，亦唔會專登坐車出來飲茶，今次因堂妹結婚才出來呀味道:我覺得整體好味,少了平日油膩感覺環境:我覺得地方夠大,感覺都舒服服務:我覺得都OK價錢:我估平均200一位,因為不是我埋單推介:3粒星