春月堂 (山景商場)

營業中

休息中

嘢食一般般就算，服務態度又差。嗌個飯20分鐘都未到，仲要狂上錯其他臺嘅比我地，仲要上錯咗兩三次😅😅同個服務生講話上錯賬單比我，條友仔粒聲唔出拎完就走，唔講以為我做錯嘢😂😂其實記唔清台號你可以唔洗做，次次過黎都上錯嘢，0有禮貌😂😂

今日去買lunch佢間野本身已經出名慢，所以就打電話去落單先講左要食乜之後，佢走黎問番我轉頭即係咩number？成個對話loop左兩三次佢先get到其實我講個野食名你去搵係咪真係咁難呢？係咪個個客都要背到野食number先可以落單？搞完一輪佢出到餐咁我都算但食到一半我先發現有隻曱甴仔係兜湯入面認真$52呢個服務態度呢個衛生情況真心唔值之後唔會再去呢間野度買/食以下為放大版：

🚇交通：近輕鐵鳴琴站，上商場的二樓，在大家樂旁邊。🏠環境：淺色系的裝潢，面積大，門口就是收銀位，設有卡座、二人靠牆座位，餐具收在枱下抽屜，很方便，整體算整潔。🤵🏻服務：QR Code/人手下單，新年期間收取加一，但職員明顯一點也不想工作，自己倒水，當我們點完甜品，也不收拾，而等到甜品上枱，無位置放才收走一隻碗，送餐也是靠機器，所以加一只是為了想收而收，而不是為了服務顧客。🍽️午市：主打台灣料理，看到餐牌不錯，價錢合理。🍝五彩冷麵+熱朱古力🍫 $53這是朋友點的，朱古力是用了阿華田沖😂，但味道淡🙃，而五彩是由青瓜絲、蛋絲、蟹柳絲和火腿絲，加上麵條搭成，味道挺清新😊，也有少許調味，份量也多，反而這麵食不錯😗。🐔鹽酥雞扒+🐷肉燥飯+熱黑糖薑母茶🍵 $65附送三款小食：半隻水蛋🥚、雲耳和酸菜，味道不錯。🍚白飯特多，肉燥量不多，而雞扒很薄身😅，炸粉厚，整體一般🤨，不值得回頭😓。

食咗個芋圓糖水（413通化街1號），冇味冇糖水，仙草凍同愛玉都係現成切件嗰種，但要$48。唔建議呢間食糖水。佢同隔離間茶餐廳係一齊做，試過早餐都還好，餓可以食不過都係小小貴

早晨係呢間食，三個人，叫左三個餐。1.雜菜湯火腿通2.酸菜肉燥米粉3.沙爹牛肉麵衰到返唔到轉頭，叫個早餐沙爹牛肉麵無汁既。問侍應佢答你唔知喎，啲麵煮到漲哂。麵質差到哭。個酸菜米粉啲味淡過淡馬錫。餐配多士叫左走肉桂，嚟左無走到。叫佢換返換嚟。點知嚟果塊就咁係麵面無𤎖過。睇都唔睇就咁拎出嚟。啲服務差到一個點。可能係屋邨關係，侍應覺得咁樣服務已經係比緊五星級既質素啦

同同事出左街食飯，第一次去到山景食，咁Budget有限，又唔想食太頹，所以諗住揀間正正常常嘅偽台灣料理，無諗過咁驚嚇。我點左個烏醋豬軟骨新竹米粉，其他同事叫左啲湯麵同定食一路都相安無事，一路傾偈，嗰吓仲覺得食晒就夠喇，唔使食到男同事嗰份咁大。已經食左一半，再喺底撩上嚟，見到一條長長哋有六隻腳收縮左嘅嘢，我嗰陣都仲懷疑緊，心諗唔會掛，可能係調味料之類嘅嘢。點知我反轉左佢，見到長形嘅身軀有尖尖嘅頭同尾部，好似中指指甲咁大，我再問我同事，佢都話係，好彩我夠冷靜，我即刻將口入面嗰啖隔着紙巾嘔翻出嚟，之後仲想喊，因為真係好驚曱甴…我同事見到都無晒胃口，食到一半都食唔到落去，勁恐怖。咁啱嗰陣lunch hour, 仲有班學生入嚟無耐喺附近坐低，一見到咁都估到乜事，即刻走左。結果只有退返嗰碗嘅錢… 真係點都唔會再去食，真係好核突⋯⋯

🤦🏻‍♀️好差！！！未試過湯麵嘅外賣盒會係爛既😓外賣盒已經需要另外收費，但係俾個爛既我🌚🌚🌚結果湯麵幾乎冇晒湯！完全唔理解🙄🙄🙄🙄🙄食物正常發揮，價錢都合理既…飲品就麻麻地，只係試過珍珠奶茶🧋，可能冰溶咗，味道會淡咗（揀咗正常甜少冰），雖然跟餐半價，但唔太推薦🙈落單收銀嘅職員態度一般，不過都係外賣，就冇好在意，而負責包裝嘅同事相對好好。整體今次嘅外賣感受都好差，唔會再有下一次！

想飲台灣嘢，又未試過呢間咪買杯嚟過下口癮。點知中伏😨首先奶係無問題，我一飲，勁甜！於是加返暖水中和下佢。飲到差不多一半，想食芋頭，一放落口即嘔，嘔都嘔唔切，勁餿！嘔完都仲有陣味！最後我想倒咗杯奶水，再掉垃圾桶，點知杯裡面啲芋頭傳嚟好強烈嘅餿味。我同我朋友都有買杯熱野飲，佢同我講甜度正常（平時佢好怕甜）。我心諗，間嘢唔係想用啲甜奶蓋過陣餿味😰。唔會再幫襯，一定無下次，員工擺到明攞起芋頭已經好大陣味，最後整埋杯野飲，用勁甜嘅奶去蓋過陣餿味，令人懷疑佢嘅做法。

近排搵到依間餐廳，食過幾次水準穩定，最鍾意食這裏的下午茶，約埋三五知己傾吓計食吓，茶餐廳價錢平，食物質素唔差，最鍾意食呢度嘅鹽酥雞加番杯珍珠奶茶🧋，味道一流！另外，這裏的肉燥撈麵👍🏼，三個人食咗150幾蚊抵食！

好耐冇食過台式早餐，星期日既早上一於試試佢！🤪芋見起司肉鬆蔥抓餅配迷你地瓜粥 $36.6芋泥加肉鬆同芝士既手抓餅好夾，早餐份量岩岩好，而個地瓜粥本身冇乜味，所以佢配左啲咸菜撈埋落去一齊食！再加一杯台式奶茶，令我好掛住去旅行既時間！🤭地方好大，座位寬敞，唯一係侍應少，冇乜service，不過都冇影響心情既🤡呢間會有下次，下次想試下佢既肉燥飯同窩夫～～～下次見😋

唔知大家知唔知屯門山景邨商場裝修咗之後多咗好多嘢食呢😋！呢間就係其中一間唔錯嘅台灣美食，一定要去試吓佢哋嘅豚肉🐷便當，雖然可能見到咁多油會有啲驚，但係嗰啲先係精粹啊，用嚟撈飯🍚簡直絕配，豚肉又唔會太過柴，仲多埋隻糖心蛋添❕另外嘅小香腸便當就不過不失啦，好難會唔好食嘅～🤣而且佢哋嘅飯唔係普通飯，有淡淡的麻油香。呢間平日都好受學生歡迎，價錢亦都好親民，店舖都幾大㗎，而且送餐服務係由機器附送，就唔需要咁多人手都可以快速送餐，方便好多😆小朋友好鍾意㗎

414. 綜合十寶（珍珠，地圓，紫薯，抹茶，芋圓，愛肉，仙草，紅豆，豆花，香草雪糕）$48.00這個甜品非常有誠意，每一樣都足料好味道，CP值超高，份量適中。超級推介。C4. 芝士肉鬆蛋餅$32.00不想推薦，覺得太鹹。芋頭鮮奶（走甜走冰）跟餐飲品半價就是鮮奶加一粒芋頭泥，芋頭味唔算好突出，唔會太甜，正正常常。101. 鹽酥雞肉燥飯便當$53.00鹽酥雞正宗，又香又脆，煮得剛剛好，下飯一流。涼拌菜都好食，酸酸甜甜非常開胃。份量適中。免加一。餐廳是電子機械人出餐，十分有趣。兩個人食$150左右已經可以食到非常滿足。