春水堂 (香港西九龍站)

營業中

休息中

It’s quite special because this Taiwanese bubble tea shop sells mini sized pearls in their drinks. I tried the iced Tieguanyin milk tea and it was fragrant. Ordered with less sweet and little ice, and it tasted just right. The bubbles are so small and easy to be gobbled up. Convenient location inside the West Kowloon station so you can grab your drink and go ahead with the high speed rails. Ha ha! Also not a lot of customers so you don’t need to queue up, very nice.

春水堂係香港嘅分店唔多，只有四五間。今次咁啱係西九龍站到撘高鐵，就試下呢間台灣野。感覺上價錢都係同門店差唔多，叫左一個滷肉便當，同一杯珍珠奶茶。兩樣嘢食都正常，未去到好好食

唔講唔知，原來春水堂唔係淨係賣飲品，仲有便當架！呢日小弟試既就係蒲燒鯛魚便當。雖然食之前小弟都唔係好知鯛魚係咩味，但見佢係蒲燒，就博佢好似鰻魚咁。點知食落其實同鰻魚差唔多，不過鯛魚就肥d，但係自己就好似食緊鰻魚咁至於旁邊既配菜，一睇有秋葵就知絕對唔係hea你啦～～份量雖然唔係多，但起碼都夠飽。呢個價錢當食鰻魚飯，抵啦

今日嚟到春水堂食嘢，呢一間係外賣店嚟嘅，不過附近都有座位坐下嘅😫我覺得佢個牛肚幾好食喎，係麻辣，但係辣中帶甜，如果辣度唔會係你個口停留好耐，幾鍾意！而牛肚幾有嚼勁，不過切到一絲絲，份量睇落好多實際就唔多🤣🤣仲有啲芫荽調下味，作為點綴都唔錯當然唔少得叫埋嘢飲啦，我叫咗茉香珍珠奶茶，小冰少甜，珍珠都幾有咬口，不過不失啦，奶茶嘅味道就係奶味偏重啲，我覺得都唔錯。價錢方面我覺得貴左少少，作為外賣店應該平返d

早前係附近經過，上網睇到話係台灣好出名，所以就去試下" 春水堂" 既珍珠奶茶👎🏻 🙈可能期望太高& 吾係好岩自己口味🙈，試過一次就夠，珍珠吾好食，茶味吾夠，整體黎講好一般。但價錢差吾多成30蚊一杯，吾係好值。

喺高鐵站嘅春水堂，原本只賣飲品，見佢推出左台式便當，就買黎做lunch試下啦。台式魯肉便當 $48魯肉便當配料有兩條菜心，半隻魯蛋，酸菜、荀，一粒冬菇，一粒西蘭花。份量唔算太多，男仔食應該唔夠飽。本身都幾期待，但賣相已經扣左一大截分。魯肉食落一啲都唔香，冇乜味，隻魯蛋又唔入味，可以話係難食！基本上$48嘅外賣又冇包嘢飲係非常之唔抵，仲要等左成15分鐘先有，佢話係即叫即做，但又唔見佢熱辣辣，大失所望！以後唔會再食。

終於有香港分店LA，非常多人排隊，台式飲品同食物真係好受歡迎。春水堂既珠奶茶真係好大杯，飲落比係台灣飲既竟然更好飲，鮮奶味更濃郁，甜度剛好，細細粒係珍珠十分彈牙。

台灣過江龍—春水堂 選址登錄西九龍高鐵站一刻，我都有d意外。因為高鐵站始終係個關口，出入既人都係旅客居多，莫非佢唔打算做本地客生意？/去過一試之後，發覺佢地理位置冇想像中咁遠，地鐵站口一出行上一層就係。/何況，由於排隊既人唔多，所以慳翻好多時間。/呢度只做飲品take away外賣，(觀塘個間仲有得坐低食野)，製作時間唔算長，好快就有得飲！/試左最basic既珍珠奶茶，覺得普普通通，茶味奶味都唔算突出，珍珠亦唔甜唔彈牙，再訪機會微乎其微。/

早幾日去Elements 醒起西九站係附近🚄而且入面有間春水堂Elements 又冇珍珠奶茶店☕就過去買杯野飲順道行下春水堂位置都算易搵而且冇人龍👥可能開業左已經一段時間呢間分店係一間外買店冇坐位但除左珍珠奶茶外都有其他小食賣🍱我要左杯"珍珠鐵觀音奶茶" $31由點餐到拎到杯奶茶都係10分鐘左右之前去過觀塘店 今次可以對比下有咩唔同😎奶茶感覺味道比觀塘店的較濃😋茶味多d 亦都會甜d個人比較喜歡西九店的味道但地點唔方便 下次再經過都唔知幾時了🧐

咁啱公司上大陸training 返落嚟嘅時候又係貓同事問我飲唔飲春水堂😱好強勁一隻魔鬼呀👻我呢啲邊會忍到口㗎我見我仲有D時間，結果同左佢一齊去買我本身都幾鍾意飲珍珠奶茶嘅所以都係揀咗珍珠奶茶佢啲珍珠都好細粒，OK都幾好咬口不過講到奶茶呢，我覺得就冇乜話好特別但係絕對唔難飲可能通街都係珍珠奶茶而且我開始愛上芝士奶蓋系列所以呢杯春水堂都冇乜特別茶香我又唔覺得好突出因為我已經係叫普通，冇減甜冇小冰盡量想試吓佢最原始個味道不過都唔係太特別

今日去左西九龍送我朋友搭高鐵🚄，臨上火車前傾到有d 口喝，所以就去左黎自台中人氣店舖《春水堂》買杯野飲消一消暑先，假日特別多人，排左10分鐘隊先飲到！🥺珍珠茉香奶茶 $31，正常冰度、少甜：茶底清香細膩，有明顯茉莉花香味，冇被奶香味掩蓋，而珍珠細細粒，易咀嚼，嚼感突出。檸檬蜜凍飲 $30，正常冰度、少甜：檸檬味超酸，蜜糖可惜未就唔太突出，但飲完很清新既感覺，解暑飲一流！☺️******************如果大家中意我寫既食評📝，麻煩幫幫手禁個❤比我，我會搵更多正野既餐廳、寫更多食評比大家！😌😋******************

Finally got a chance to try the pearl milk tea of 春水堂🤤🤤 This ship opened around half year ago as per my memory? There was a long queue that time so didn’t have a try until a few days ago!Since it’s a weekday afternoon and no one is queuing up so I decided to have a try of 熱鐵觀音珍珠奶茶🤣It’s delicious and not too sweet ! Pearls are very chewy and the taste of tea very good !! Recommend ☺️

今日經過高鐵西九站見到這間春水堂，聞說佢係台式珍珠奶茶的始祖，便立刻買了一杯紅豆珍珠奶茶試下。價錢比一般珍珠奶茶貴，但味道就一般，首先紅豆唔大粒亦唔甜比不上大家樂的紅豆冰，二來珍珠細粒無口感(應該係粉圓而唔係常常食到的珍珠)，三來冰大大塊好快就飲完。給我的感覺是名過其實，天仁銘老虎堂等好飲好多。

春水堂既珍珠奶茶就飲左幾次喇，今日決定試試這特色小吃—台灣香腸，幾有特式的小吃，一咬落去肉質肥瘦適中，口感嫩滑微甜，台灣香腸果然係非常好吃😋我最喜歡有點甜的香腸，味道剛剛好，不概為台湾一大著名美食會繼續光顧

今日搭高鐵返大陸，因為早左到嘅關係所以決定試下春水堂。春水堂一d都唔難搵，喺買飛同一層嘅另一面。之前聽朋友講呢間係珍珠奶茶始祖，所以有d期望，都怕要排隊，但點知原來無人等，唔知係咪時間尚早嘅關係。我點左呢度最出名嘅珍珠奶茶，由我買左到有得攞，都等左成兩三個字，不敢覺得呢度有d手腳慢。我今日點左半糖走冰，味道剛好，唔會太甜，不過略嫌茶味唔算好香濃。佢d珍珠比一般嘅珍珠奶茶細粒，所以好多野咬，但無乜咬口，我個人都係比較鍾意出面大粒d嘅珍珠，無咬得咁攰😂 整體黎講呢杯珍珠奶茶不過不失，不過我唔會專登買黎飲。