春芳號 (始創中心)

營業中

休息中

有日經過太子始創，見到佢哋貼咗🐨投票宣傳海報，約人之前仲有時間，於是買咗杯冇試過嘅奶茶 😚 見到個紙杯有🐳，啱晒feel tim 呀！🧋 地瓜奶茶 (凍) 😋😋😋😋微糖、少冰拿捏得啱啱好 👌🏻 店員提到佢哋採用地瓜磨成嘅粉沖泡，會有地瓜嘅營養成分～ 小編飲到淡淡地瓜味，奶同茶嘅香滑比較明顯 🤓下午茶 💵 約港幣$30/人💁🏻‍♀️ 由於想知道自己叫嘅飲品有咩材料，所以會詢問店員，而佢哋都好專業、用心解答 👍🏻 下次大家去開始創攞🐨應援，都支持一下 😉 依家《久別重逢》嘅單張都有啦！🙆🏻‍♀️ 最後，喜歡嘅話，歡迎follow @foodirectory.hk ！

附近返工間中平日見冇人經過都會買杯濕下口職員有禮貌而且等待時間好短（1-2分鐘）推介「蜜桃寒天綠 」男店員好細心問我會不會怕甜 怕的建議微糖或以下我揀左微糖 真係有少少甜好彩提醒了我入口好冰涼 寒天好有咬口 飲到綠茶香另外仲推介「菠蘿冰茶 」想飲菠蘿飲品 但店員話菠蘿椰果甜度固定但菠蘿冰茶可以無糖係門口見到店員好用力搖😂一入口甜度剛好茶底有淡淡花香同氣泡感（可能有梳打水？）好有層次不過最近幾次幫襯好似轉左手？定轉左供應商？店員轉左 味道都唔同左飲品叫半冰但拎到上手得幾粒冰唔夠凍茶好似冇左花香同氣泡感😅有少少失望又少左個手搖店的選擇

四季春青茶係一種好清香嘅台灣綠茶，飲落有淡淡嘅花香同埋果香，口感清爽。茶嘅香味加上愛玉嘅滑嫩，飲落真係好清新，特別啱夏天。愛玉嘅涼感可以中和茶嘅微苦，令整個飲品更加好飲。-而烏龍茶口感醇厚，有點回甘。烏龍茶的香氣和寒天的清涼感互相襯托，讓整體飲品既有茶的醇厚，又帶有寒天的清爽口感

見到新出左愛玉同埋寒天飲品，個餐牌仲寫住任何茶飲均可+$6選配愛玉/桂花凍/寒天晶球，好似都好吸引不過我又唔想試新野，最尾我都係揀咗杯布丁奶茶，因為我好鍾意食布丁同飲奶茶，滿足🫶

我之前多數用whatsapp order，但今次用openrice係佢有promotion 透過whatsapp 話我知。我見食評話佢茶味啖，我又唔覺，反而覺得佢清香同大杯，而且好多款飲品都可以走冰，我最估唔到係佢桂花紅/烏龍可以走甜，因為好多間台式飲品都用桂花糖，所以欣賞佢呢點。佢嘅甘庶青茶真係好好飲👍🏻不個有個地方可以改善就係見佢出面放出嚟嘅menu冇顯示可以加配料，所以見到佢openrice有桂花凍發晒青光🤩，同佢桂花凍好味😋。

平時好少行入始創，都唔知原來呢度有間春芳號！因為之前朋友買過幾杯外賣一齊飲，覺得幾好飲，啲杯又好靚好有特色！今日親自經過，又見12月都仲有25度，點都要整返杯解下渴😆上次飲咗奶綠，今次揀咗烏龍珍珠奶茶嚟試！落單時店員有細心咁問珍珠要唔要轉愛玉/寒天，話佢哋今個星期開始有得轉呢啲配料～ 我都係揀返original — 覺得珍珠配奶茶先係最夾😆 飲品一拎到手就覺得個杯好靚好有聖誕氣氛！烏龍珍珠奶茶好飲！叫咗半糖，甜度適中，烏龍茶味好出，奶茶好順口～ 珍珠飲落口滑得嚟 咬落又幾煙韌！下午茶整返杯春芳號真係好滿足！

今日去始創買野，經過鋪頭見到d花花杯，好靚！即時被吸引左過嚟😂😂😂有好多款飲品，唔知飲邊款好，見到No. 1係玉荷青蘆薈蜜，原來係荔枝 + 四季春青茶。飲落好好味，同d蘆薈好夾😋😋😋男朋友唔想飲茶，叫店員介紹左一d 無茶既飲品～ 最後揀左百香蘆薈蜜，佢飲完都幾滿意 我都有幫手試味🤣由於係台灣口味，所以我地兩杯都揀左走糖 ，微冰 。如果下次經過太子/旺角呢附近，可以再encore, 試下唔同口味既野飲～

飲過第二間分店係ok的但試過呢間分店味道真係唔ok淡到好似水的味道 😔唔想再買呢間了 一飲就伏比錢買呢杯我都係去飲返水會實際啲茶飲店最重要係茶味 最基本。冇下次 真係冇下次

桂花烏龍鮮奶茶好好飲好重嘅桂花甜味，正常甜度，對於一個超愛飲甜嘢嘅人黎講，係啱啱好，店員都會好細心問你需唔需要少甜少冰。從來冇試過飲到咁好飲嘅桂花烏龍鮮奶茶，不過個珍珠奶茶係少甜少冰嘅，我覺得冇桂花烏龍好飲

呢間春芳號太子店新開業嗰陣都有幫襯過，幾好飲👍🏻 嚟到中秋都仲好熱，同朋友去開太子就入商場涼下冷氣兼買杯嘢飲～本身朋友話唔飲嘅，不過咁啱見到舖面貼住告示，話喺中秋呢個星期，買兩杯茶飲就送一個精美file，就說服埋朋友一齊飲😂我今次揀咗烏龍珍珠奶茶半糖半冰(記得好耐之前喺春芳號其他分店飲過有珍珠嘅茶飲都唔錯)，果然記憶係無錯嘅😀 好鍾意佢啲茶味！香濃度啱啱好！珍珠入口好滑，咬落煙韌！真係好飲～ 而朋友揀咗特別啲嘅地瓜珍珠奶茶，好似都係舖頭熱賣之一，佢都話幾好飲，等我下次都要試下先！而隨茶飲送嘅A4 file都真係幾精美嘅😂

😎 較早前發現社交平台有🐨hellosss出應援放喺茶飲店，依日見約開朋友喺附近，就喺見面前去睇睇同幫襯～ 🍹 百香果綠茶 😋😋😋小編揀咗微糖、少冰，拎走飲咗一啖之後，發現店員畀咗少糖，真係幾甜下 🙈 百香果味依然都有，如果有埋百香果籽就好喇！🤔下午茶 💵 約港幣$30/人💁🏻‍♀️ 佢哋嘅手搖紙杯係signature，相信大家經過見到都一定會留低印象，分店亦越開越多。如果大家好奇而又口渴嘅話，可以一試！想攞🐨新歌應援物嘅hellosss，就要去太子依間分店啦～🙆🏻‍♀️ 最後，喜歡嘅話，歡迎follow @foodirectory.hk ！

呢間春芳號太子店新開嘅時候都飲過一兩次，覺得幾好飲，啲杯又好靚～ 會好期待每次隨機得到個咩圖案嘅杯😂今日經過，見到門口貼咗新系列嘅飲品 — 多多系列，即係益力多茶飲啦，覺得幾得意，就買咗杯嚟試，諗住順便睇下今次可唔可以拎到好想要嚟打卡嘅粉紅色花花杯😂 諗咗一陣，揀咗一杯百香多多～ 本來想叫半糖，但店員好好咁提醒益力多本身有甜味，可以考慮唔要咁甜，之後我就改咗微糖～ 果然恰到好處！甜度適中，好飲解渴！不過飲品沖好先知 原來呢個多多系列係用透明杯裝嘅🤣 不過少少漸變色咁都好打卡able～ 但就注定要再幫襯去儲個粉紅色花花杯喇😂

夏日炎炎個日經過始創見到春芳號，即刻入去買杯手搖降下溫！買左佢地新既檸檬系列，荔枝檸檬椰果消暑解渴一流！不得不讚下店面隔離有個擺滿杯既櫃，做打卡背景正正而家新開期間限定有九折讚讚讚

之前行過始創中心已經見到呢間台式茶飲店裝修緊，呢日行過終於見到開咗，見到貼住試業期間有9折優惠，天氣又咁熱，等緊朋友嘅時間就買咗杯嚟試下～Menu有好幾個系列嘅茶飲，因為想解渴，所以就揀咗人氣茶飲之一嘅冬瓜烏龍嚟試下，半糖半冰，烏龍茶好飲，同時又有冬瓜茶嘅清甜，飲落好順口～ 很可以！而呢間茶店嘅杯好多花款好靚！舖面仲有個杯櫃擺咗好多款唔同design嘅杯，非常搶眼！之後會再嚟試下唔同系列嘅茶飲👍🏻