影片
港鐵西灣河站 A 出口, 步行約4分鐘
繼續閱讀
電話號碼
25605144
付款方式
其他資料
外賣服務
以上資料只供參考, 請與餐廳確認詳情
依家喺香港消費越嚟越貴，外面食碗雲吞水餃麵都要百幾蚊，但喺春記係百幾蚊就有兩大盒水餃雲吞，可以食足一個星期。咁嘅價錢真係抵到爛，啱哂月尾窮人(我)食。雲吞水餃睇落粒粒都好飽滿又新鮮包起，我即刻忍不住煮咗幾隻嚟食。雖然味道唔係驚為天人，但真係對得住個價錢有餘。雲吞嘅餡料係半肥瘦豬肉加蝦，水餃就比雲吞多咗木耳絲。兩者比較我就鍾意食水餃多啲，因為木耳爽脆嘅口感加埋豬肉蝦餡食落較有層次。值得一讚嘅係個皮，皮薄得嚟煮嘅時候又唔容易穿，我特登比平時滾耐啲啲水餃雲吞都亦然完好無缺！性價比咁高，我(糧尾)一定會回購！
繼續閱讀
住喺西灣河嘅老街坊，大部份都識得春記。佢喺一間有歷史嘅麵廠，呢度啲麵，水餃同雲吞一向有口碑，平日祇開一個上晝，中午休息。而水餃、雲吞更祇係喺星期六、日上晝限量發售，先到先得。 我就試過晏咗來，無得買！所以我今日，九点半就來，已見到很多人塞住個檔口仔，好在重有幾盒，即時同老細講「唔該俾盒鴛鴦，同埋一包魚蓉麵。」盛惠$108！鴛鴦(雲吞併水餃)$54点解咁多人爭住買春記啲水餃、雲吞？無他，好嘢自然多人欣賞，呢度啲水餃雲吞，皮薄餡靚，真材實料，雲吞蝦肉新鮮爽口，同瘦肉比例啱啱好，全人手現包現賣，落水唔會散開！啲麵浸耐咗亦唔會變糊，攪到一pat嘢咁！上網睇過佢哋嘅訪問，原本間廠幾大規模，但因人事變遷，剩得兩兄弟做，佢哋志不在賺錢，甚至情願賺少啲，堅持慢工出細活，志在承傳做麵這門手藝👏👐。總結:今時今日，做麵嘅堅持仍在，慢工出細活，正係這間老字號品質保證的秘訣，原來美味嘅背後，喺要付出代價嘅！
繼續閱讀
我之前會去北角春秧街街巿裏面間麵店買蝦籽麵。但近日發現有間比它總好味。麵裏好多蝦籽，而且煮完麵D水可以唔雖要加任何調味料，已經好夠味。我介紹咗比公司幾位同事，佢地都好鐘鐿。一包$48，有12份。
繼續閱讀
母親大人堅持出筲箕灣買雲吞，我對她的執著實在有點微言，心想：用不用這樣大費周章？乘車之後又步行一陣子，就來到目的地街市大樓，沿扶手電梯而上，眼前就是只有「豆腐潤」般細小的春記。看看舖前的硬咭紙，原來這裏只售三款餃類：「雲吞$40/40粒、菜肉餃$38/25粒、水餃$42/40粒」我們向密密手包雲吞的老闆落柯打，怎料他說要等二十五分鐘才有貨。而令我十分意外的是，在短暫逗留的五分鐘左右，已不停有人來買雲吞，又有師奶怪自己忘記落訂，想不到這間小店竟然如此受歡迎！最後我們購買了雲吞和菜肉餃，取貨後又想多要半打水餃，可是老闆卻指不售半打，即使我們表示不需盒子也不答允，並指只會一打一打賣，但客人可以選擇鴛鴦款。回家後將雲吞和菜肉餃用雞湯煮熟，前者確是跑羸幾條街。它每粒細細的正好一口一啖，外皮薄透包著彈牙的鮮蝦，半肥瘦豬肉醃得完全入味，結合起來滋味無比，而然吃慣清淡的朋友或會嫌它味道過濃，不過我配上蔬菜吃又覺得不錯。至於菜肉餃重量十足，每隻樣子都非常豐滿。可是它的外表太厚，單是吃餃皮已非常飽肚。餡料有豬肉和椰菜，也算得上鮮美。
繼續閱讀