春風撞奶舖 (已結業)

第一次嚟呢到 係yoho mall同元朗交通廣場中間 位置方便易揾 我夜晚去都唔洗排隊 員工手腳好快 等咗2至3分鐘就有得飲啦 叫咗金蛋烤布蕾黑糖撞奶 好似張相咁 個容器係蛋型 都幾有趣 揸住行仲好多人望住同問我係咩嚟 員工會問嚟需唔需要蓋 飲唔晒就可以扭實個蓋放落袋 夠方便 重點係飲完 可以循環再用 裝小物 整甜品都得講返杯嘢飲 賣相吸引之餘 一飲落去 口感相當厚實 唔同坊間黑糖撞奶咁好水 所以呢杯金蛋烤布蕾黑糖撞奶相對係飽肚 tea time飲就正啦 可以止口痕 而且可以比你調整冰量 可以少冰 但為咗保持飲品既質感 係唔可以走冰既 呢點要留意啦 飲落去 除咗厚實 珍珠大小適中 唔係細珍珠嚟 而係稔既中size 黑糖味好重 我個人鐘意甜嘢 就好鐘意佢呢種黑糖味下次經過必飲，再試下其他口味！

係元朗美食FB group，出哂名好伏，但個個都爭住去中下伏先甘心嘅，就係之前好多人排隊嘅春風撞奶舖！依家閒日夜晚，無人排隊，叫左杯黑糖青蛙撞奶～Um...好似飲梗淡奶水撈黑糖珍珠，無失望因爲本身就抱著中伏心態哈哈！

一直都好想試春風奶的飲品，無奈成日都好多人又排哂隊，心想下次又下次一定要買嚟飲，打下咭！今日使出無比嘅耐心，终於買左杯最近好hit 既金蛋烤布蕾黑糖撞奶$42賣相簡直係 Very good, 個人鐘意飲黑糖茶，又鐘意飲芝士奶蓋，呢杯飲品直頭係 perfect match首先面頭有炙過嘅黑糖，類似葡撻咁面頭有片焦糖，脆脆地。飲第一啖有好濃沃嘅奶+芝士味，好creamy ,我覺得咁嘅甜味道好啱我。再食下D黑糖珍珠，煙煙韌韌，好有咬口，攪下成杯飲品，就會飲到好香嘅奶味、芝士味及黑糖味，有哂3種享受！個金蛋杯洗乾淨仲可以要嚟裝D小物件，一舉4得

繼之前飲左佢地間姊妹鋪春風三月之後，好有衝動想飲埋呢間，究竟係有咩動力可以令到佢地開咁多間鋪，究竟係佢地出品好飲，定係普羅大眾嘅要求唔高呢，即刻試試去 😛 #黑糖青蛙撞奶 $29，其實好似就係黑糖珍珠鮮奶，而我亦唔係好清楚啲奶係點撞法可以撞到咁嘅味出黎，直頭唔係奶黎，係奶味嘅水，俗稱奶水，淡到呢，都唔知溝左咩落去，冇黑糖味亦都係理所當然，啲珍珠仲硬過用 Gatsby gel 完嘅頭，真係整杯咁難飲嘅嘢出黎都唔容易，五體投地 🙇🏿‍♂️🙏🏿-春風撞奶舖元朗鳳琴街 15 號鴻運中心地下 74A 號舖旺角旺角弼街 60 號地下 B 舖

不嬲都無飲黑糖珍奶,今次見呢間野既黑糖珍奶既盛器好特別,又剛過復活節不久,好有飲復活蛋既衝動。呢杯焦糖布蕾好有層次,有黑糖,有焦糖奶蓋,有CHEWY既珍珠。本身以為黑糖好甜,但同D奶MIX埋之後岩岩好,重點係D黑糖係熱的,未MIX前飲到底,啜到熱既黑糖珍珠,真係好正,同普通珍珠好唔同。我見佢仲有MATCHA布蕾,我好想飲的,但今日賣晒,睇黎下次要早D黎先得啦!不過我家離呢度好遠,如果多D分店就好啦!

難得入開元朗睇戲，就係附近地方覓食 ，行番入市中心途中，就經過呢間春風撞奶舖。入面既產品有好多種，都係出面其他地方少見既飲品，見咁特別，就試試佢啦！叫左杯金蛋烤布蕾黑糖鮮奶，再等左前面幾張Order，大概3-4分鐘就整好啦。原來係一個蛋形透明杯裝住既飲品，幾得意！好適合呃Like！ 面頭有d黑糖，應該用火槍燒過，賣相好好。入面係黑糖鮮奶，飲落唔係好「漏 」，但又夠甜，LIKE口感上都幾Creamy，有d厚度，而唔係真係好似飲奶咁咁稀，加上d珍珠整得岩岩好！好彈牙而且大大粒好圓，真心抵讚。作為甜品一流，下次會試試佢地其他飲品！

吃過飯後﹐來了這家春風撞奶舖飲個甜品 這家店位於人不算太多的地方﹐但旁邊就是 YOHO MALL在這些氣溫30度的天氣可以買完就直奔的商場中好好品嘗一下這家店的飲品都是奶為主﹐如果想喝茶的朋友可能要等等他們再研發一下新產品啦正是這樣﹐我對他們的奶更有信心﹐是奶類飲品的專家嘛所以就點了他們的鎮店之寶之一金蛋黑砂布蕾撞奶這杯飲品未喝就一定要先打卡他們專誠為這飲品訂製杯了﹐要留意一下下面的底托是和杯身一體過﹐不能分開也是為了這個金蛋主題作準備上面先是鋪上了一層金黃的粉﹐有一點燒焦的黑糖 是下面的就是黑糖鮮奶加上珍珠(如果喜歡杯子可以跟店員取回蓋子)黑糖鮮奶對我來說一點也不陌生不過令我驚喜的是燒焦的黑糖﹐提供了一些些的苦味和甜味為甜甜的奶加了些小點綴 而他們的黑糖奶不會過甜 (沒有點少甜)也讓我感到小意外﹐為這杯邪惡飲料加了不少分最後﹐也是最重要最基本的就是珍珠!每一粒都很圓很堅挺 很彈牙咬下來仍然很有嚼勁 這絕對會把其他店的珍珠比下去！我個人蠻喜歡春風這家店的誠意﹐他們其他飲品都是很創新的下次一定要試試！ 

元朗呢間春風撞奶舖開左都有一段時間，由於位置唔太顯眼，所以每次經過都忽略左佢～今次認真去搵呢間撞奶舖，飲下佢的奶🤩人氣熱賣：黑糖青蛙撞奶 $31當我叫完呢杯黑糖青蛙撞奶後，已經聞到好大陣黑糖嘅味道，勁香勁甜，另外仲有啲焦糖嘅味道，未到手覺得好正，不停大啖吸氣😂到手嘅時候杯野飲仲係熱既，黑糖掛杯做得不錯，用飲筒攪勻之後掛杯就完全消失左，飲落去黑糖嘅味道唔會太濃郁，燒賣嘅味道比較出，珍珠比較淋身，整體來說還可以，只不過畀我期望中嘅無咁驚喜。宇治抹茶紅豆 $36呢杯嘅外表漸層做得好靚，抹茶味好濃郁，紅豆蓉一舊係痴埋既，要用飲筒整開佢，有少許麻煩，但味道都唔錯。

之前都已經飲過呢間既第二間分店今日偶然之下竟然係元朗都見到仲要比我見到有新野,梗係要整返杯啦選擇雖然唔係好多,但係飲食既野貴精不貴多架姐雖然上次飲過仙草凍都幾好飲但有新野,梗係要整返杯金蛋烤布蕾黑糖撞奶原本以為只會用一個普通杯原來係用一個咁靚既蛋黎裝飲完仲可以留個個蛋殼黎裝野真係又華麗,又實用,仲可以飲一舉三得好吸引既焦糖見到已經好想飲奶蓋因為係用真鮮奶所以奶味好香濃珍珠好有咬口而且仲有淡淡既黑糖味

前幾日經過元朗，見到呢間手調飲品店好似幾有特式，就忍唔住睇下menu,最後更加忍唔住買一杯試下啦🙈🙈金蛋黑砂布蕾撞奶$42 🥚 呢杯飲品係用膠樽入住既，比起平時其他飲品店既膠杯紙杯黎講得意啲，而膠樽既形狀好似粒雞蛋，拎住打卡會覺得好cute cute,而且一時之間飲唔曬都唔洗驚，佢亦都會有蓋🙈🙈扭番實個蓋慢慢再飲都得黑糖奶蓋味道夠曬濃而且好厚，令人好滿足，而且下層既黑糖鮮奶好香烤過既黑糖味，令人覺得好回味🙈🙈珍珠方面亦都好夠咬口，抵讚🤤🤤

都係抵唔住試新嘢嘅心，點知就出事啦。話說係元朗洗完車，路過見到開咗呢間飲品店，又係好多人排隊，心郁郁又想試下。點知。。排咗近２０分鐘，換來一杯無咩特別嘅仲要飲剩嘅飲品。好重奶味無咩黑糖味道，好似飲緊淡鮮奶。珍珠無咩咬口。總括。。唔好飲。。真係唔推薦大家去飲。。。

平時行過D乜乜堂, 物物堂就覺得好笑~ 幾好飲都只係一杯飲品, 有必要排一餐嗎? 本地出品就唔好飲嗎?之前已經飲過春風撞奶舖既黑糖珍珠鮮奶, 珍珠夠彈牙, 黑糖有焦香, 奶亦夠哂滑~今次再行過, 想試試特別D既金蛋宇治綠蛙奶蓋撞奶($42)! 丫~又唔錯bo~金蛋宇治綠蛙奶蓋撞奶既金蛋原來係講緊個杯, 好得意啊而且佢唔係得個樣, 入面都好足料!最上層既奶蓋厚滑, 咸咸香香咁~ 中間既鮮奶又夠滑, 奶味濃~ 而下面既綠茶珍珠有淡淡既茶香, 雖然偏腍, 但都算有咬口!整體味道比黑糖味冇咁甜, 所以更加可以飲得出佢既原味

去到叫左芋圓奶茶 奶茶偏甜 不飲太甜既可以叫少甜最失望系芋圓 吾知系咪未煮得軟 咬落去好硬似麵團 系好硬 其他飲品未試過 不過吾建議加芋圓 同埋杯奶茶果種感覺吾太香 整體黎講印象吾好 不過都會試下其他款既

元朗岀名多野食，今日特地同朋友黎元朗閒逛兼食下街頭小食，行到渴渴地，見到呢間春風撞奶鋪，忍唔住要買番杯野飲。飲品都有好多選擇，不過好快就被外型好可愛嘅金蛋黑砂布蕾撞奶吸引咗。等咗無耐就有得拎，好靚呀！星空藍色嘅蛋殻好搶眼，中間嘅透明部分見到顏色好靚嘅黑糖撞奶，好似藝術品咁。途人經過見到都會望呢！扭開蛋殻，面頭係一層芝士，將芝士，奶，黑糖輕輕拌勻，急不及待試一口。好香好creamy，唔會太甜(呢度嘅飲品係無糖份選擇)。珍珠好重黑糖味，味道有少少似年糕，幾特別。

約左朋友夜晚係元朗食飯趁朋友未到 決定買啲野填下個肚先~春風撞奶其實岩岩開既時候已經好多人講好多人試不過我就一直都未試~ 今日就決定買黎試下舖面細細 但有霓虹燈係到都好易睇到見到有期間限定既金蛋烤布蕾黑糖撞奶($42)諗都唔洗諗 即黎買黎試下先~勁鐘意黑糖既我見到依個已經心心眼~因為佢好多黑糖去掛個邊!!而且同時又有奶蓋再加上佢個面係有燒過既黑糖粉 一飲落去口感好豐富 有黑糖味得黎又唔會話甜到漏而且啲珍珠好好食 勁有咬口 好新鮮~再加上佢個杯真係好得意呀~係一個蛋形黎如果唔係即刻飲佢地會比埋個蓋你個杯飲完仲可以洗番黎攡番屋企裝野添呀!!估唔到依杯野性價比咁高~下次黎試埋杯綠茶先~