影片
開飯介紹
店名的泰文意指河流之母湄南河，店家同時開設老牌泰國雜貨店，確保餐廳用料正宗，加上由泰藉廚師主理，其招牌南瓜咖喱軟殼蟹等風味十足又不失創意。
繼續閱讀
營業時間
今日營業
11:30 - 22:00
星期一至日
11:30 - 22:00
*6點后做外賣
以上資料只供參考, 請與餐廳確認詳情
-
網上訂座服務暫停
第一次食呢間喺九龍城嘅泰式菜。比起平時食開嘅泰國菜，多咗一啲新嘅菜式。新嘗試，較為吸引後生仔。軟殼蟹南瓜咖喱，咖喱有椰漿，甜甜地，熱辣辣。點落軟殼蟹食都幾夾。炸皮蛋，包住嗰啲應該係蝦餅。呢個幾好食點埋啲辣醬，辣辣地更加惹味。傳統嘅柚子蝦沙律（呢個遲咗影相，所以唔係好完整）反而呢個有啲失色，沙律醬油比較少，製作Hea咗少少，味道一般。椰青海鮮炒飯，呢個想像有差距。椰漿比較甜，夾落啲飯怪怪地，下邊啲飯又齋咗啲，海鮮比較少，中間夾咗啲椰青肉。整體嚟講味道一般，加返少少創意分，勉強合格。當然唔少得泰國象啤。店內都有個招牌
繼續閱讀
第一次值得打返幾隻字講吓對“昭拍耶”感受。白色牆壁門面，招牌字體幼細不大顯眼。進入餐廳座位約有三十多，裝修實而不華。不逐一點評了，總括所點食物高質性價比也高，老板娘熱情好客。點評見到的😋實至名歸！
繼續閱讀
因為親友住九龍城所以食過唔少九龍城嘅泰菜。昭拍耶暫時係我最鍾意嗰間，炒河夠鑊氣又大份足料，餸都好豐富唔會得一堆河粉hea你。調味好正宗而且新鮮熱辣好正店員服務態度都好友善，店面雖小但坐得舒服。PS 沙冰個人最愛都仲係泰金國XD 同埋追求平價嘅話呢間就未必適合了
繼續閱讀
大份夾抵食既泰國菜😍😍😍😍有驚喜🤗🤗（10分為滿分：🌕）味道：🌕🌕🌕🌕🌕🌕🌕🌕🌗🌑炸蝦餅($78)平時食開炸蝦餅通常一碟都係得四嚿🙂↕️嘩但係呢個一上枱竟然有八嚿🤣🤣雖然佢都係切開一半，但係感覺上非常之澎湃🤪食落去炸漿非常之薄，然後入面啲蝦肉都非常之彈牙😎😎泰式燒豬頸肉($82)呢一碟係舖頭每一枱都有嗌嘅一碟餸，所以我哋都有嗌😎😎豬頸肉燒得非常之好，一口咬落去唔覺得好肥膩，點埋佢所比嘅醬汁，酸酸辣辣咁非常之開胃🤗🤗🤗串燒6串（豬/雞）($72)串燒就$72有六吋，每一串啲肉都大大粒又燒到好嫩滑，唔會好嚡颯颯，啱晒鍾意食肉嘅朋友或者健身嘅朋友仔😎😎椰青海鮮焗飯($98)本身諗住叫個主食share，諗住個焗飯都唔會好大碟，點知食落都起碼有七碗至八碗飯，完全食唔晒😂😂再加上啲椰汁焗得好好味，佢撈埋啲椰肉一齊落個飯嗰度成件事好出色🥰🥰珍多冰($32)食泰國嘢一定要叫返啲椰汁嘢飲，呢個珍多冰超好味椰汁香濃，然後佢嘅配料煙煙韌韌，仲有大樹菠蘿，飲落唔會太甜又清涼🤩🥳魚露炒椰菜(滿$300加$5)呢個純粹係因為見到舖頭黐住值滿$300有得加碟炒椰菜，只係加$5🧐🧐諗住$5都應該係細細碟，點知上到嚟又係大過你隻手掌咁滯😂😂😂都係啱啱好食得晒，個椰菜炒得好惹味加咗啲魚露，仲有啲蝦米🦐價錢：🌕🌕🌕🌕🌕🌕🌕🌕🌑🌑以泰國菜嚟講價錢唔算太貴，不過佢最抵食嘅係佢嘅份量十分之驚人每一碟都係比平時食開嘅餐廳大一倍咁多所以我哋完全冇預算到最後係食唔晒要打包拎走😆都算係第一次遇到咁嘅情況🫣🫣交通：🌕🌕🌕🌕🌕🌕🌕🌑🌑🌑去九龍城我哋不嬲都係會等咪錶，但最近發現九龍城廣場頭一個鐘係免費泊車，所以就去試一試😎😎星期六晚上係非常多人排隊等呢個停車場，不過我哋都好好彩好快入到😆😆除返開每個鐘都係$15，感覺仲抵過拍咪錶啊，如果唔揸車就可以搭到去宋王臺站，行過去都好近🥳🥳環境：🌕🌕🌕🌕🌕🌕🌗🌑🌑🌑舖頭面積唔算大，所以都唔算十分之多位，不過好好彩我哋一去到就有位唔使等😎你舖雖然有啲窄，但係枱同枱之間都叫做有少少距離同埋佢有隔板隔住，所以都可以接受，不過冷氣就唔算話太足夠，所以食食吓都會覺得有啲熱🙂↕️🙂↕️性價比：🌕🌕🌕🌕🌕🌕🌕🌕🌑🌑嚟到九龍城一定係會想食泰國菜🇹🇭呢度其實有超級多泰國餐廳，有啲好出名即係好似泰金國，但係又要排好耐🧐反而呢間細細間，舖頭乾淨企理，唔使等好耐位，服務亦都非常之好👍🏻👍🏻最後仲送咗個甜品係椰汁糕俾我哋食，下次一定會再食返呢一間😍😍
繼續閱讀
椰青海鮮焗飯：椰子的香甜與海鮮的鮮美完美結合，每一口都帶來滿滿的滿足感。蒜蓉炒椰菜：椰菜經過炒製，散發出濃厚的蒜香，口感鮮嫩多汁，帶來清爽的味覺享受。皮蛋炸蝦餅：酥脆的外皮包裹著鮮嫩的蝦肉和香濃的皮蛋，一口咬下，美味爆發。串燒雞豬半打：多種肉類串燒搭配，經過炭火燒烤，質地嫩滑，香氣四溢，令人垂涎欲滴，不過由於椰香飯太過濃郁令到我哋興趣不大，否則串燒應該幾惹味。咖喱雞：濃郁的咖喱香氣，搭配嫩滑的雞肉，口感豐富，帶來濃郁的風味饗宴，是次我哋真誠食得太飽，如果點叫白飯或是薄餅配食味道更佳。
繼續閱讀