是但求其食

營業中

休息中

個忌廉餐湯好似罐頭湯，勁咸無香味唔滑；西餐廳牛扒竟然話無貨 ( 嗰時7點都未到，成間餐廳得我一枱客，一定唔係太好生意售罄 )，正常當眼處貼無貨或俾餐牌時講聲啦，落單先講，最後點左一客意粉同薄餅，都係普普通通唔算特別好食，反而個沙律唔錯，啲菜好新鮮 ... 最後最離譜嘅係睇住個員工 ( 似老闆，落單埋爐收錢都係佢，嗰日另有有啲年紀嘅女員工傳菜 ) 係廚房食煙，仲要無關門逼住食佢嘅二手煙，行出門口食煙都唔係遠，都唔明點解當住個客面喺餐廳內食煙，只可講無下次

本身打幾次電話去訂枱，完全無人聽，無論係午市前後還是晚市前後。上網搵佢社交媒體網站PM又唔覆，WhatsApp又唔睇，都好奇怪餐廳仲有冇營運，直到親自去餐廳見到有人，先可以順利訂枱。問清楚職員當日有冇位，佢話有，先去食。一去到餐廳，好似比人包場咁，成間餐廳大約二十個位，有兩張大枱係同一Group人。由於我有訂枱，所以可以入餐廳坐低，但莫名奇妙被嗰Group食客講說話我地聽。不過見佢哋有時會進出廚房附近，可能同老闆認識掛點菜餐牌係中文，但侍應表示唔識中文，點菜要用英文，發生咩事？明明我唔係去印度餐廳，亦唔係去法國餐廳。我地配合同事嘅語言，只好就佢用英文點菜。第一道菜，上餐湯，普通；沙律，普通；黑松露醬薯條，普通；明太子海鮮Pizza，無明太子味；T骨扒，職員問幾成熟，我地表達medium ，最後拎出黎，切都切唔到，大約3成左右。同侍應表達要熟番d，拎番入去再處理，勉強切到但咬落去無哂肉汁，乾哂。旁邊兩枱又係叫扒類，又係生到切唔到，又要職員拎番入去再煮過。。。最後，我地都明白餐飲市道唔好，大家都喺到捱緊中，但係食物質素都係好緊要。仲有，既然你地有大客佔用4分3嘅餐廳，不如你提供包場而不開放

嗰日喺附近做完野，lunch嘅時候經過間餐廳見到個名幾得意，又唔使等位，就入咗去試下！Ca Jun烤雞燴飯呢個燴飯原來係辣嘅，有好重黑胡嘅辣味，但係佢又冇寫明係辣，如果知道係辣嘅話，我一定唔會揀依個餐。不過都叫咗唯有頂硬上食，味道其實係唔錯嘅，雞肉份量唔多，燴飯份量都足夠，食完啱啱好夠飽。套餐仲有配餐湯同一杯飲品，餐湯係粟米忌廉湯，但係就冇乜料，味道普普通通同平時飲開嘅冇乜分別。餐飲方面我就叫咗杯熱奶茶，一樣都係普通，冇特別。

今日又做孤獨的美食家，中午放飯係元朗搵食，行下水邊圍呢邊睇下食乜，見到呢間小店店名幾得意，叫是但求其食，主打西餐既，門口睇下午餐餐牌都唔算貴，咁就試下啦。餐湯點完餐先黎個餐湯，係粟米忌廉湯，夠熱調味都唔錯，口感唔會好稀。土耳其烤雞卷今日唔係太肚餓，就點個烤雞卷食下，先講講個雞卷唔熱，偏凍少少，餅皮都較淋身,雞肉生菜蕃茄都ok，醬汁帶點酸味又幾開胃，味道係唔錯係唔夠熱，另外有跟薯條，呢個餐牌無寫，薯條加左粉炸新鮮熱，幾香脆。金蛋雞翼加20蚊跟小食，金蛋即鹹蛋黃，唔太入味，雞翼都有少許雪味，麻麻地。呢餐黎講我覺得普通，有改善空間，差又未算，餐廳環境都算幾舒服，坐位不多。

呢間野係番工地方附近， 疫情最嚴重果時試過一次， 果時佢地收好平， 所以黎試。 但啲意粉同飯冇料， 淨係得一大兜汁加飯/意粉。 近排有新同事黎話想試， 於是再去多次。 但大家都一致認為， 以後lunch 就算冇位食野都唔會入黎再食過。 叫左個帶子燴飯， 啲飯同啲帶子粒一樣咁白，成兜野都淨係得白色。 冇色，冇香，冇味。 不過間野個名都講左啦， 是但求其食呀麻。 有少少要求既都唔好去呀。 普通茶記食都冇咁難食。 其他人叫左個雞卷， 食完都唔飽， 雞得幾粒， 夾埋個墨西哥卷餅。

行開元朗，想搵間西餐廳食，見到呢間餐廳個名叫“是但求其食”甘得意，心諗個老闆改名既時候一定好求其啦🫢望一望個餐牌先，好多選擇，除左意粉，仲有pizza,土耳其烤卷，burger等等。菜式都幾新穎，例如：四川麻辣手撕雞漢堡，芥末豬頸肉意粉😂😂我都係叫個正正常常既卡邦尼意粉試下先！⭐️卡邦尼意粉一d都吾是旦求其! 意粉煮得岩岩好，吾會太淋，保持意大利粉既咬口，個汁比例好夾，有煙肉同少少洋蔥，幾好食，但食到尾會好油膩😂😂跟餐加左2隻雞翼，熱辣辣，正常發揮

見到網上評價唔差諗住去試吓啦一開始食意粉pizza都OK還好嘅跟住最後上嚟嗰個炸魚薯條簡直連食物都稱唔上食邊邊嘅時候都只係覺得佢有少少油益味食到中間嗰幾舊發現顏色唔係好對路頂…生嘅 簡直就好似魚生咁…有彈性最後同店員講佢話會向廚房反映 what the….大佬你而家係食物唔熟喎下次搵鬼食☺️從來都未試過食一間餐廳總係覺得自己會肚痾肚痛依家嘢以後black list難怪間餐廳改名叫做是但求其食啦原來佢都係是但求其煮俾你🤢

嘩，今次食嘅個啲食物，真係一試嗌晒👍！先講講個四川麻辣手撕雞漢堡，啖啖雞肉香辣得嚟唔會辣到掉漆，同埋啲薯條啲脆皮咬落去真係格啦格啦，翻版小食過癮。再嚟就係個All Day Breakfast，黑松露炒蛋滑嘟嘟🍳，加埋啲鴨胸肉腍滑，食落一啲唔膩口，飽肚之余又滿足。飲品啲話，個忌廉朱古力厚濃得嚟又夠香，配埋焦糖朱古力咖啡，一甜一苦正好平衡，飲落過癮到停唔到口！😋總評，呢間鋪頭啲小食真係啱晒鍾意嘆嘢嘅鬼馬食客，口味夠晒正，款款都有驚喜。仲要旁邊啲黑膠唱片、魚缸嘅佈置，加埋啲火熱嘅美食，真係食得開心，玩得放心！下次有得揀，我一定再黎過！🍔🍟🍳

本人極少寫負評，呢個主食豬肋骨，骨條左右兩側有豬腥味，中間位置勁咸，似食緊鹽咁，食完要狂飲水，原全食唔到豬味，價錢雖然係豬肋骨嚟講算平，但味道完全接受唔到！而呢杯奇異果沙冰，係會飲到用水溝果汁味道既奇異果，怪怪地，完全飲唔出新鮮奇異果味。最後呢款海鮮薄餅，其實無咩口感，勁薄既皮，海鮮份量少，勁慳皮，食完覺得成個晚餐無誠意，又劣！服務員一入嚟問有無訂位，食完之後感覺呢間餐廳都要訂位？完全唔明點解有咁多好評？！

食過幾次，都覺得水準keep到👍🏻侍應服務又Nice，坐得幾舒服，適合比較鍾意寧靜嘅客人。最鍾意食牛油果大蝦燴飯，抵食又大碟😝 pizza都好幾好，餅底夠薄又多料。

見咁多好評，Bookmark左一段時間，星期日lunch time 與幾位朋友來試試。 有lunch set, 價錢約 $88-$158。可加配小食 $38。▪️美國頂級西冷牛扒 $158牛扒偏薄，冇乜牛味。▪️松露離菌燴飯 $88正常。▪️辣肉腸煙肉蘑菇漢堡$88正常。唔多料。▪️香辣蕃茄海鮮意粉 $88冇乜海鮮，只有d蜆肉。▪️水牛雞翼 $38冇乜特別，有點失望因只係在炸雞翼上加左buffalo水汁。雞翼裡冇左個辣味。▪️金蛋雞蛋 $38香口。 炸雞翼加鹹蛋黃，呢個combination，can’t go wrong lol❇️總括嚟講，套餐價錢正常，抵食。味道ok, 不過不失。係牛扒餐🥩不值$158。 ⭕️ 餐廳環境內外都好多烏蠅，衛生問題有待改善。

見到餐廳名其實嚇咗一下會唔會就好似佢咁樣講係是但求其食質素唔係咁好🥹幸好並不是如此！每一樣食物嘅份量都係好足的，特別佢嘅海鮮龍蝦汁燴飯😉飯嘅份量係有兩碗飯而且龍蝦汁係先沾上每一粒飯！

第一次去食係食咗佢嘅抗疫二人餐，當時已經覺得佢嘅pizza餅底整得好好。佢係薄身嘅餅底但係整得好脆🥰上面嘅餡料都好足料！今次叫咗一個韓式泡菜海鮮薄餅，泡菜味唔係好聰，芝士嘅份量好多同埋海鮮有蝦魷魚等等都係令成個薄餅嘅口感更加好😍

住係港島區嘅我，唔好話新界，就算九龍都唔多去🤣今日大長征，入咗去朗屏。 以前有朋友住元朗，加上做嘢嘅關係，都有去過元朗，不過真係一次起兩次止。 今日朋友帶路去食好嘢 😋喺網絡見到哩間餐廳個名好得意，啲食物睇落都唔錯，決定去試下！餐廳位置喺內街，唔算難搵，由地鐵站大約行5分鐘左右就到。因為預先訂位，到步後就可以立刻入座。 週末有brunch set，如果想單點可以問職員拎餐牌。 我哋只係叫咗一份餐，單點咗豬手、沙律同小食。 即使唔係叫set，每人都會送一碗餐湯。風乾火腿沙律 ($88) 沙律菜上面鋪咗火腿同芝士碎，火腿份量好多，唔係一片鋪面，有3～4片，好有誠意。 沙律醬亦都好夠，每啖都食到沙律醬。美國頂級西冷牛扒 ($158)跟餐進加一份水牛城雞翼 (3隻) ($38) 牛扒配薯條同沙律菜一齊上，牛扒大細約一隻手左右大，3個人分，每人都可以食到兩件。 落單時，要求5成熟，可惜⋯⋯連少少紅色都無⋯⋯😨接近全熟嘅牛扒，肉質好淋，個感覺唔太新鮮。反而薯條炸到好脆，好香口。 水牛城雞翼都做得好好，熱辣辣，同樣脆口。脆炸黃金雞翼 (6隻) ($68)睇到食評，好多人讚黃金雞翼。 當職員係廚房拎出

雖然個名叫是但求其食，但野食一啲都唔求其，絕對有質素，職員服務態度有禮貌，午餐set都好抵，有餐湯，有飲品，同埋環境幾chill天花 video wall 幾吸引好舒服😌