時代冰室 (毓華里)

營業中

休息中

凌晨三點幾因為睡不着，去廿四小時智能櫃攞順豐，路經看見他們的餐廳門口放了很多麵包，全部是沒有用過的，應該是明天用來做生意的麵包，旁邊20米就是一個很大的垃圾站，他們不怕晚上有老鼠或其他昆蟲螞蟻爬入麵包裏面嗎？我幾個月前也去吃了一次，他們裏面的侍應生態度很差，叫他們給我一杯水叫了兩次才能拿到，而且他們的食物味道很一般之後我也在沒去幫襯了現在發現他的麵包可能送貨是凌晨的時間，這個樣子很不衛生，希望老闆和經理好好政治這個問題，食物維生是很重要的

經開附近做野，見到呢間茶記都有好多選擇，就入嚟試試。有別於其他茶餐廳，呢度冇乾牛河、星洲米俾你選擇，反而有日本拉麵、韓式部隊鍋、和牛漢堡扒俾你揀，茶記嚟講都算破格。今次揀咗個慢煮雞胸拉麵，免費轉地獄湯($64)嚟試食，成個拉麵賣相企理。雞胸軟嫰、拉麵似係日本拉麵店質感、溏心蛋夠味，地獄湯有驚喜，唔止係一般嘅死辣，多咗個豬骨湯嘅層次，夠爽👍🏻 凍檸茶正常不過。環境同服務大致正常，雖然都係連鎖，但見到職員嘅招呼算係熱情嘅，唔係機械人。如果下次經過，會試其他餐。

平時都喜歡時代餐廳食午飯或晚飯的。最喜歡食它的下午茶，價錢大眾化。下午茶必叫西多士+飲品西多大大件中間夾住花生醬，再加上糖漿就十分之美味啦。呢間餐廳座位都算多，職員服務都可以的。我要求不是很高。始終係做街方生意的。

因為之前試過愈黎愈差，所以好耐無食，又想試返，原來仲有得再差啲！牛腩又韌又柴都算！個咖哩合埋眼聞落去唔會知係咖喱，同以前食既唔係同隻味，完全唔係咖哩，仲要見到蒜蓉，成口生蒜味！邊個天才煮架？個廚係咪唔想做？定請唔到人求其搵個人入廚房？成盒得白飯食得落口！唔以後都唔會再幫襯，比錢我都唔再去，唔明點解可以差到甘，仲有人去食？又唔係平，附近仲有其他餐廳揀，係我個傻左先再試多次，永世唔再去明明一開始唔差，唔知點解會變到甘

由開張到而家有經開都會過嚟，以前係可以嘅，依家真係越嚟越差，實在忍唔住要反映一下，一開始係因為個厚豬扒真係好食😋，但後期實在越來越差，好似翻炸，又乾又黑，唔係一次半次的了，真係唔應該變到咁差。

🏩～時代冰室 (毓華里)～～～～～～～～～～～～～～～～～～～～～～～～～～～凍冰冰既晚上 去左自己地頭附近既良心鋪 👍🏻時代冰室打個暖笠笠既邊爐😄🥩～醉愛肥牛鍋～  湯底方面選擇左bb辣既沙嗲湯底肉類：花雕醉雞件(約6-7件)🍗美國殼飼肥牛(約8-10件)🥩肉味十足 份量夠 肥牛唔會太薄👍🏻八寶盒：生菜  冬菇  蘿白  娃娃菜  粟米  金菇  烏冬  番茄仔菜類選擇多 特別提下粟米同蘿白非常甘甜😋五福臨門：鬼馬油炸鬼  貢丸  鴨血脆炸響鈴卷  獅子狗卷油炸鬼入面有舊蝦 好特別😙貢丸亦好入味😋💰：HK$78🥤～XXXL超級珍寶系列～名符其實既XXXL凍檸樂只需要加$18就有啦😊💰：HK$18(套餐加配)餐廳環境：📸📸📸📸服務質素：😊😊😊😊食物味道：👅👅👅👅性價比：💰💰💰💰HK$96/1人🏘～ 時代冰室 (毓華里) 📮～ 慈雲山毓華里12-14號地舖

今日嚟到慈雲山就梗係支持吓蕭生食佢嘅時代冰室啦！一入到去舖頭坐低嗰陣就發覺個裝修真係幾特別，幾有舊時餐廳嘅嗰種風格，牆上面亦都貼有舊時見影嘅海報。好有特色！咁我就叫咗一個醉雞肥牛鍋，一上到枱就覺得好驚喜，估唔到份量有咁多。而且個湯亦都幾重酒味，令到嘢食都多左一份味道👍🏻👍🏻最後要讚嘅一樣係超級珍寶系列嘅龍鳳大檸樂🤣🤣，誠意十足，超級推介！又有檸檬又有青檸，真係好足料，打邊爐飲龍鳳檸樂真係乜都gur哂！

慈雲山時代冰室時代冰室之前成日聽聞，早兩日係慈雲山嗰頭打完波搵嘢食，見到時代冰室做緊秋季限定menu，有一人火鍋同煲仔飯，呢排天氣轉涼啱啱好入去試吓。坐低好肚餓兩個人叫咗一個珍寶海鮮鍋、一個麻辣肥牛炒烏冬、同埋一個北菇臘腸滑雞煲。珍寶海鮮鍋由個湯底海鮮出嚟，個煲一上枱蓋都未開就好香濃蝦味！成個餐唔使$100但料都好多，海鮮類有鮮蝦、飛魚籽蝦滑、帆立貝、蟹棒、黑魚片、仲有長洲大魚蛋，仲有一大個蔬菜盤，同埋香口類鬼馬油炸鬼、響鈴、獅子狗卷等等！仲包一整個烏冬同貢丸，真係多到兩個人食都夠飽。我哋仲用coupon $10換多碟肥牛，夾埋個蝦湯食真係不錯。秋冬季必食煲仔飯，我叫咗個北菇臘腸滑雞煲仔飯。一開蓋就好香臘味味，同埋啲餸多到睇唔到下面有飯咁濟。臘腸有咬口油脂分明又香口，滑雞都啖啖肉同唔會鞋烚烚，涼涼哋食落夠晒暖。$68足料煲仔飯都好抵。最後就係上個麻辣肥牛炒烏冬，又係好大碟抵食！仲落咗幾隻辣椒落去炒，麻辣味好出，啱晒我哋呢啲無辣不歡嘅人。肥牛夠多之餘亦唔會好肥膩啖啖油咁。成個炒烏冬係用鐵板上，可以keep住食物溫度更耐！嗰日coupon仲可以特價叫珍寶水果茶！啱晒一路打邊爐一路飲！siz

等30分鐘但可以煮到冇味既野食出黎我究竟食左咩太求其腸條煎到起泡薯餅全是油多士係凍既奶茶冇奶茶味第一次幫襯都係最後一次中伏中伏中伏失望失望失望早晨都可以咁求其真失望

明明在門口自己貼了吉豬漢堡的海報，打去叫外賣個阿姐好似唔知發生咩事咁，竟然同我講2點先有，再打去第2間分間就話即刻有，自己賣D咩都唔知，一係就揀野黎做，等我仲滿心期待，失望。之前都已經係呢間時代叫左2次漢堡，一次雞，一次鰻魚，今日竟然話咩漢堡下午茶先有，有冇搞錯？我仲要打去2次，第2次佢好似好唔情願咁講咩『照做俾你』，好似我好無理咁咁我打去第2間時代又有？平時都成日光顧呢間時代，經此一役我諗我都會有一段時間唔會去

服務態度非常差，食物質素極差，意粉湯底完全冇味，瑞士雞翼好似食緊白烚雞翼。環境污糟，餐具好似成年冇洗過咁。牛角包都好難食，一喺啖都食吾落。食個早餐等左半個鐘先有嘢食。

火腿通粉加腸仔，餐蛋公仔麵完全冇味好似水咁，腸仔好似係炸過，但乾到成條乾柴咁，，火腿奄列其實係火腿炒蛋，仲要係乾嘅，又扁又乾，杯凍檸茶完全冇茶味，講完！之前試過外賣晚餐都已經唔好食，今次因為食開隔離嗰間冇開到就走入去試吓個早餐，點知都係失望而回收銀一個樓面三個，不停嗌唔夠人手，係自己人大聲喺度嗌，有個客等咗40分鐘都食唔到個常餐嘅炸豬扒，嬲到起身走人，我哋都係食晒成份早餐再等多15分鐘先等到杯凍檸茶出現，廚房又不停大大聲嗌出嚟話好忙好多嘢做，都明白真係好忙嘅，不過都唔使捱到街市咁嘅啫，成個環境都好嘈

睇到YouTube 廣告介紹過年盤菜都幾吸引，就試吓，真係中伏，盤菜用料一般，味道淡而無味，炆豬肉鞋口，以為有鵝掌原來得鴨腳，魚蛋用普通白魚蛋，花膠張口，蘿蔔有根，豬皮紹菜就多，只得蝦正常，冇下次😅😅

午餐諗唔到食咩ge時候，就會想食茶記頹飯「招牌三眼仔煎蛋飯配蔥油豬排飯」，雖然係一間連鎖茶餐廳，但的確每間的水準會各有參差，位於慈雲山ge呢間分店的招牌頹飯都叫做整得中規中矩。首先半熟三隻煎蛋做到燶邊脆底，火候岩岩好，另外豬排都係炸到外脆內軟，基本上都係豬排淋得黎又有咬口，有質感，咬落去唔會好似食緊其他淋pa pa ge嘢咁，配埋甜豉油，同生熟蛋汁，頹飯黎講都真係有9.5分，凍奶茶就選擇左茶味多啲，飲落唔澀，不過不失，總括就係9.5分頹飯已經好食過好多茶記。完

【#肥波茶記系列】🎈今日食左個超伏早餐，一早心情就被破壞！1️⃣ 被打尖。拎飛嘅時候已經比個港女打尖，派飛個姐姐仲視而不見，完全唔理👎🏻2️⃣ 服務欠佳，樓面態度極差，完全無諗住serve你👎🏻3️⃣ 食物質素欠佳，薯餅係凍嘅；丹麥多士完全唔酥脆；豬扒厚身但極肥👎🏻4️⃣ CP值低，加$7嘅肉燥通粉超細碗，唔值得加👎🏻都係嗰句，黃店唔係大哂，如果餐廳無質素無水準一樣唔會令人想翻叮👎🏻📍 時代冰室 @timescafehk 📍 慈雲山毓華里12-14號地舖#中伏系列 #中伏 #時代冰室