時代冰室 (毓華里)

營業中

休息中

去咗咁多次今次係最失望嘅一次 我嗌咗個雞肉蛋飯佢上咗嚟個鰻魚蛋飯 埋單嗰陣時唔小心睇錯咗俾多咗十蚊俾個阿姨閙 本身係畀返我就冇事 要話我真係好唔理解囉 真係好唔推介囉嗌嘢食又要等好耐

呢一間時代都開咗應該超過一年，但啲人同食物質素每況愈下...由夏天到冬天，等親外賣都成4個字有時仲要問先有得拎，因為有時職員外賣出咗都但唔叫號..今日試下加錢叫特飲，華田脆脆由我拎外賣到我打開5分鐘內杯嘢無冰，唔凍，有D唔知咩浮面（第一次飲可能唔識嘢）但！！華田味呢？？？我唔期待佢係美祿恐龍咁濃味但未至於連普通凍華田都唔係...淡 如 水 喎 佢完全癲覆咗我對特飲嘅期待 食物嚟講，還可以但千祈唔好叫：- 咖哩牛肉（烚完牛肉放落咖哩汁，一齊無味）- 鰻魚（極度多刺骨）

舉手叫埋寫嘢都等咗5分鐘有多先有人應我，懶懶閑咁。講完叫咩食又唔記得再問我一次，加上冇乜禮貌，我先似員工唔該前唔該後，平時有叫開外賣delivery，估唔到堂食係咁嘅服務態度。希望會改善一吓

今日放假，瞓到醒已經下午了，落時代食下午茶☕️當午歺，平時食開嘅下午茶食到有啲厭，見到新menu「地標最強熱狗歺」有三款口味選擇，未食過，轉一下口味，店員將熱狗送上枱真嚇一跳，成呎長嘅熱狗包，滿到寫黑椒肥牛，洋蔥，生菜🥬，好驚喜，（不過哈哈，冇熱狗腸）黑椒將軍肥牛熱狗🌭️$34已包括即磨咖啡☕️，食完飽到上心口🤣🤣

第一次幫襯嘅時候，見到個餐牌真係好多嘢食，所有坊間冰室出名嘅嘢食佢都有做，是但嗌咗個三眼仔豬扒蔥油飯，豬扒太熟有啲乾身，但係三眼仔配蔥油飯呢個配搭真係冇得輸呀，幾多飯都會撈咗佢，其他嘢食暫時未試，有機會都想試吓

食過幾次，野食係不錯的，員工好唔掂，我每次去佢地都只顧吹水，又大聲，因為只顧吹水成日漏單，有餐出左又唔送，要自己去睇，唔知以為自助餐, 真係冇下次，吹水實在太嚴重….

/ 同男朋友晚餐諗唔到食咩，就是但行左去毓華里到睇下，之後見到時代冰室既鐵板餐好似幾吸引⋯我地兩個都係食鐵板餐📍招牌王牌雜扒 (雞扒、豬扒、腸仔、火腿、煎蛋) $88💬男朋友個鐵板餐配左意粉🍝同埋黑椒汁，佢話配意粉好好味😋，雞扒肉幾滑！📍重量級·美國西冷牛扒 $86💬我自己個鐵板餐就配左薯角同埋蒜蓉汁，牛扒就比較一般，肉偏硬，而薯角就好好食🤣

今日星期日又想食個靚早餐 ，慈雲山都係果幾間， 想食大份d 一定係時代冰室。 今次選左歐陸套餐 - 美式千島炸魚柳餐（42） 。 有魚柳/多士/炒蛋/腸仔/薯餅。 好可惜已經無左牛角包， 味道都係正常， 唔知係唔係外賣影響 ， 今次薯餅同包都一般，平時食堂食都係好食。 下次堂食多返位 都係堂食安全d. 魚柳超大件 有2-3件 大家X 大快X 嘅size . 唔洗再食縮水魚柳。 另外豬/雞扒都係超大件 ， 如果你係食肉獸都啱晒 ，唔係食兩啖就無哂，俾多10蚊8蚊一定抵過食其他。

下午茶時間叫左個burger 個面包燶到有苦味真係… 🥺🥺要出聲換過塊包店員好好 換左個包俾我加左個薯餅…油到喊 …似係翻炸又翻炸既感覺 😰另外朋友叫左個麵…麵唔係好熟 … 生生地有好大既改善空間…勝在店店員好有禮貌～ 如果唔係真係食到嬲嬲😂

唔太肚餓所以食個下午茶等左陣先有位唔算太耐呢個厚多士真係好邪惡🤩味道ok價錢又合理For食tea真係好正！但夏天如果近門口真係熱住食，好彩今次坐入面先感受到冷氣🙈

喺慈雲山毓華街，雖然好多好嘢食，但係想坐得舒服啲開心啲，好似今日咁我坐咗兩個鐘食下午茶，就要搵間見得人嘅餐廳，時代冰室就係你嘅選擇。下午茶來講，呢一個漢堡扒，簡直係物超所值，店員都話呢一個係最好食嘅下午茶，佢好用心咁整個包，嗰塊肉唔會好乾口，如果用30幾蚊嚟睇，直情係平到笑，仲有一杯飲品，如果唔講30幾蚊，可能你覺得50蚊都唔出奇。同埋佢真係好好彩呀，坐咗兩個鐘都冇人話我地，啲位又乾淨又舒服，員工服務態度又唔錯。最重要嘅係佢旁邊坐玻璃嘅位，可以慢慢享受你今日嘅下午茶，咁舒服嘅地方可以去邊度搵？

王牌厚切豬扒芝士焗飯 ($58)餐廳用佐不鏽鋼兜加埋木板上焗🐷 幾有特色😽個兜比平時連鎖店既相對比較淺 呢個設計可以令中間啲飯更平均焗到😻細心位呀🙌🏻厚厚既茄汁芝士🍅🧀仲有焗🐷必有既🍍超級開胃🤤🐷扒都好厚切同juicy大大塊!!!唯一美中不足我覺得個炒飯底稍稍乾佐小小 但overall都好滿足食曬架❤️千其唔好以為焗🐷扒飯係好容易整 係屋企整好花功夫架 ~所有材料要炒過 飯又要炒 先攞去焗 小啲耐性都唔得😂重量級美國西冷牛扒($86)呢個牛就麻麻地🤢雖然份扒幾大 但肉質林到好緊要 比我感覺係用鬆肉粉那到林晒🤢無咩牛味呀韓式雞翼($28)炸得有啲過佐龍 然後加啲韓式辣醬就係韓式雞翼 普普通通🙈Overall 黎講雖然個牛扒普通 但用餐體驗都幾好💛店員都好有禮貌又坐得舒服 呢個價錢黎講性價比都高架~為食指數: 3.5/5性價比指數: 3.5/5推介指數:3.5/5

lunch食了d嘢，所以諗搵間嘢食個tea，見呢間裝潢都企理，所以就入咗去幫襯呢間。order 咗 5cm 兩層特級厚西多士$28 及 厚切沙津豬扒包$34西多士真係好厚，有冇5cm 就當然唔知啦，但真係好抵食同好食😋。豬扒包個豬扒醃得好入味同埋真係厚切豬扒，超級飽，十分大滿足，下次可以再嚟試下其他。

慈雲山毓華街一向是平民美食區集中地😋今次一嚐時代冰室，時代冰室裝修走懷舊風格，將舊年代電影元素加入，別具一番風味。餐廳座位主要是卡位，坐位舒適，沒有一般茶餐廳的壓迫感。食物種類選擇眾多，鐵板燒、豬扒飯、港式咖喱🍛、餐蛋飯、拉麵、全日早餐，還有不少懷舊小食和日式創意小食。先點了巨大脆皮蜜糖豬手，只是$88。豬手超大隻，用鐵板上，在即場淋上燒汁或番茄汁，香氣撲鼻！豬手皮烤至脆身，口感香脆，而且豬手肉質嫩滑👍🏻😋另外點了全日早餐，選了蜜糖雞扒，雞扒大份，肉質也不錯。另外配了炒蛋、香腸、薯餅、牛角包🥐、沙律，全日歐陸早餐已經很飽肚，份量很多。小食方面瑞士雞全翼，略嫌瑞士汁有點少。日式拉絲芝士玉子燒，好好味😋我玉子燒分量多，而且每啖都附有芝士，口感豐富。懷舊小食，炸燒賣伴泰雞醬，別有一番風味。燒賣口感香脆，沾泰雞醬好惹味！

諗住食牛腩飯，諗咗陣決定食時代冰室嘅咖喱牛腩飯，係午餐嚟，所以有湯送招牌·秘製咖喱牛腩飯咖喱味好濃，但唔太辣，而牛腩非常之冧，完全一啲靭都冇，啲咖喱汁好夠，撈落飯度唔會唔夠汁，份量絕對食得飽奉送個蘿蔔湯都好好飲