時代冰室 (毓華里)

營業中

休息中

今日去慈雲山時代冰室下午茶，價格由$23起，選擇都不少🤦🏼‍♀️我有選擇困難症真係好難選擇🙈最後決定都係來一個傷風感冒餐和一個all say breakfast 😛傷風感冒餐是蕃茄意式雜菜湯底，可以選擇火腿通粉或滑雞通粉，再跟3.6牛奶炒滑蛋或火腿奄列和牛角包和一杯熱飲。湯底比較稀，如果濃一點會比較好，滑蛋如果再滑一點更加好，但總括也是可以的！All day breakfast 可以選擇雞扒，魚柳或厚切豬扒..配有3.6牛奶炒滑蛋，半條司華力腸，沙律，薯餅，牛角等...魚柳份量足，外脆內軟，亦不會太油，薯餅夠脆，$53可以食到all day breakfast 抵！

等位入去時，剛過了兩點，有下午茶餐供應，所以點了兩份午餐同兩份下午茶餐。厚切豬扒芝士焗飯。豬扒如同餐牌所講，非常厚身，茄醬芝士再加菠蘿，絕對係港式風味。原條魚柳蛋包飯配意式醋汁。再加一份西多士同奶油脆豬。西多士亦都好厚身，典形茶餐質素。反而脆豬有少少令人失望，因為佢係用漢堡包去做，而唔係用豬仔包。

本來諗住食個下午茶，坐低揭下本Menu見到唔使$90有得食鐵板餐，即刻轉軚食返個雜扒先！我個餐有一大塊雞扒一大塊厚豬扒一條腸仔仲有隻煎雞蛋幾舊西蘭花同埋一堆薯角，未食都已經覺得飽啊😂醬汁方面我揀咗蒜蓉汁，都幾鹹下🙈呢個係西冷，好厚切！因為佢用鐵板上嘅關係，我哋叫咗五成熟，切開真係仲紅紅地㗎，好過某啲餐廳問你幾成熟，但其實都係全熟。個份量真係好大，帶到我覺得佢冇錢賺😂喺度食一餐真係夠飽足一日，好抵食呀！

今日去到慈雲山時代冰室，食咗佢好出名嘅三眼仔豬扒蔥油飯同埋焗豬扒飯，兩樣野直情係男人的浪漫，大大份食完好飽，埋單$100都唔使超值。味道又好食，鍾意食肉嘅你必定要食呢款。食完之後如果你夜晚如果好早食飯，千祈唔好唔做運動，因為你會飽到九點

疫情第四波又蔓延起來，真令人心情煩悶，三點三落街行一行，食過下午茶☕️希望能令心情好啲！厚切滑蛋🥚治配王牌生炸雞髀🍗$37厚切麵飽同香滑牛油炒蛋🧈，大大口咬落去，好味😋而生炸雞髀要做到外層脆卜卜丶內裏嫩滑多汁就最好味道，重點在於調教可以令雞腿肉汁非常 Juicy 的醃料。有些茶餐廳的炸雞髀煮得又乾又柴，有的會做炸滷水髀(即先煮後炸)，有的調味太鹹，總是不合心水。今次生炸雞髀，做得酥脆可口。不妨一試，再配一杯即磨咖啡☕️......明天會更好💪💪💪

很久沒有來慈雲山了，一個中學時期經常流連的地方。😌餐廳位於毓華里，就在蒲崗村道體育館對面，走上樓梯便到。餐廳內有些懷舊的電影海報，一句「無論時代點變...」令人內心有點感慨。😅招牌·秘製咖哩牛腩飯 | 轉印色薄餅 $66咖哩牛腩可跟飯或印度薄餅，印度薄餅有兩塊，每塊開四份。咖哩汁香濃，醬汁厚身，加上印度薄餅的牛油香味，配搭起來十分惹味。牛腩夠腍，如果可以加多兩舊薯仔就更加好。重量級·美國西冷牛扒 | $86牛扒的熟度及醬汁都可以選擇，我們點了全熟黑椒汁牛扒。即使全熟牛扒都不會韌牛扒幾鬆軟，好大塊，黑椒汁味道偏淡，不會太䶢，好開心有得配薯角。巨人·脆皮蜜糖豬手 | $88豬手大大隻，皮脂不會太厚，吃起來不會感到肥膩，肉質鹹味適中，好容易切。雪山·華田脆脆冰 | 跟餐+$8青檸·回魂七 | 跟餐+$8雪山原指雪糕，但當日剛好沒有雪糕，但我都想試試華田脆脆冰，華田的味道挺濃郁，脆脆是可可脆球。朋友的回魂七加了青檸，味道清新。侍應會主動派湯，蓮藕湯湯料十足，不油膩。

今晚約咗同我一齊喺慈雲山讀中學嘅朋友食飯，畢業之後都無返過嚟，今晚就揀咗慈雲山新開嘅時代冰室敘舊。今晚大家都做咗食肉獸，我叫咗重量級美國西冷牛扒配燒汁意粉，西冷扒七成熟，啱啱好，唔太生，但係亦都有豐富嘅肉汁。特別係牛筋嘅部份，係我最鍾意嘅。我朋友叫咗厚切豬扒拼司華力腸，配蒜蓉汁薯菜。大大份嘅鐵板餐，未食都覺得好滿足，而且仲有老火湯。話明敘舊傾偈，當然叫杯野慢慢飲啦，我就叫咗奶茶紅豆冰，朋友就叫咗華田脆脆冰。我第一次飲奶茶加紅豆冰，幾特別。食咁多肉，我哋各人都叫咗個沙律平衡返一下，分別叫咗個夏日菠蘿蟹棒雜菜沙律，同埋蜜桃甜薯雜菜沙律。沙律份量超大，好抵食。我特別鍾意蜜桃甜薯，唔係度度食到。我見佢哋嘅雞翼都幾出名，所以都叫咗個椒鹽雞翼同埋瑞士雞全翼。食冰室都可以食得好滿足㗎，特別係同中學時期嘅同學一齊，大家經歷都唔少，無論時代點變，味道依然不變。

不知所謂 鐵板送餐時已燶曬 ，西冷全舊都係筋 成舊一啖都食唔落。伙記見到舉手都唔理會 又冇禮貌 見佢俾杯水我最後冇左件事 攞左位竟然俾啲冇攞位嘅人入去先 野食質素周價錢不合比例 就算黃店都係咁話

由於疫情關係已經好耐無出街食就變咗晚晚住家飯之餘，仲連埋第二日返工嘅lunch，煮飯諗煮咩都諗到頭爆，咁情況下就罷工一日同媽媽出街食。近近地唔去咁遠，就兜咗去慈雲山毓華街一帶睇吓，可能太耐無嚟慈雲山，原本紅色米變咗時代冰室，由於知道係同一集團覺得有保證，於是泊好架車就入去食。裝修同九龍灣一樣都係光鮮企理，最緊要坐得舒服。一坐低職員好快就上咗兩碗例湯，效率都好快手。嘢食方面點咗王牌蔥油雞半隻、咖喱原條炸魚柳配印式薄餅、蟲草花上湯浸娃娃菜同埋黃金鹹蛋雞中翼。嘢食都好快上枱，先上咗個蟲草花上湯浸娃娃菜，上湯好鮮甜，菜又夠新鮮；跟住到黃金鹹蛋雞中翼，鹹蛋好香口之餘又唔會過多，因為太多鹹蛋黃嘅話就會搶哂雞翼味之餘仲會好油膩嘅感覺，呢到整到配搭啱啱好，食多幾隻都唔怕！到個咖喱原條炸魚柳上枱，塊魚柳都幾大塊，而且仲好香脆；咖哩汁夠香又夠辣，仲越食越想食，最搞笑係媽媽話食到覺得個喉嚨好舒服，我都係第一次聽到食咖哩會有咁嘅感覺。最後到個王牌蔥油雞，成碟雞都係蔥，望落去已經感覺D雞好滑，果然放入口都係一樣，而且蔥油都整到好好味，最衰呢排戒緊澱粉質，否則一定要埋碗飯嚟送蔥油，真係送飯一流！如果呢餐飯要挑剔，

時代冰室無論時代點變，味道依然不變。終於都有時間嚟試下慈雲山的時代冰室 ，叫得冰室係咪都充滿懷舊電影院風味呢？打開餐牌俾囡囡見到有兒童餐（$46）， 即時話要跑車， 下次先畀佢試飛機。肉醬意粉超多汁，份量連我都夠食，不過略嫌太多油。炸雞翼2隻， 炸得香口，脆卜卜，好好味。薯角，賣相幾好呈黃金色。咬開內部夠粉。日式麻醬沙律， 食咗咁多油物，用清清爽爽沙律中和口腔一下， 點少少醬汁就夠。蔥燒肥牛鐵板飯配蒜蓉汁 （$56）鐵板來到的時候淋上蒜蓉汁， 聽不到基本的「沙」聲音， 說實有點失望， 但慢慢看到生牛肉變熟亦很自癒， 哈哈哈哈。味道不錯蔥油厚切豬扒配 叉燒炒蛋飯 （$62）真的真的真的超厚切豬扒而且肉質還很嫩，叉燒切粒，炒蛋香滑。不用200元一家三口吃得飽飽的

成日都去屋企附近依間分店，食極唔厭！因為依間野，涵蓋左西式、台式、日式、韓式野！唔係一般既港式菜餐廳甘簡單！裝修又靚～ 價錢又平！大份又抵食！CP值好高， 又多選擇！！成日嚟呢間食佢嘅鐵板或者烏冬！今次 就叫咗美國西冷牛扒，個扒堅係大塊㗎。都算幾厚， 86蚊咁大塊！抵呀！肉質仲要唔錯㗎。呢個係私心推薦嘅花膠雞煲！個湯好好飲，仲有四塊大花膠喺入面！配埋彈牙嘅日式烏冬真係一流！唯獨係嘢飲方面， 次次都畀一大堆冰🤣🤣總體黎講，超級推薦！！

🍴招牌王牌雜扒 88 蚊 🔥用左寫住餐廳名既紙包住 落黑椒汁時鐵板既汁唔會彈到 夠哂細心👍🏻有彈牙厚肉既雞扒 連骨肥味豬扒 香咸腸仔同 火腿 仲有半溶既 煎蛋 🥚🐤🐷 黑椒汁夠哂入味 點左黑椒汁 要薯條🥔 薯條粗身帶有粉身口感夠哂香脆 落 d茄汁都 ok 👍🏻🍴雪山華田脆脆冰 26 蚊❄️其實就係冰凍柯華田 甘柯華田份落得足就好正 有 d脆脆喺上面 有少少甜 口感幾好🍴奶茶紅豆冰 26 蚊❄️奶茶茶底幾夠茶味同香滑 加 d紅豆冰都好正👍🏻 有哂傳統舊式茶餐廳 feel🍴黃金咸蛋雞中翼 4 隻 36 蚊🥚🐤4 隻雞翼幾大隻 雞翼外皮整得香脆 咸蛋皇汁幾香 帶 d沙沙口感 雞翼啖啖肉 正🍴日式拉絲芝士玉子燒 42 蚊🧀🥚大大碟 42 蚊好抵 用生菜做底 入面有哂木魚 紫菜 芝麻調味 蛋夠香滑 一咬開入面有熱辣辣既芝士 🧀正🍴滷水雞脾 伴葱油肉燥手工拌麵 56 蚊🐤🍜雞脾大大隻 滷水汁夠入味 雞脾肥瘦適中 手工拌麵 好闊身 口感爽口 帶 d煙韌 麵既醬汁 甜咸適中 肉碎豬肉夠 juicy仲有 d芽菜増加口感👍🏻🍴芝士流心西多士30 蚊🧀🍞好厚既多士夠哂香脆 放滿蜜糖同牛油 切開 包夠軟熟 入

之前一直覺得時代嘅沙嗲牛肉麵都唔錯另外仲有佢嘅瑞士雞翼撈麵都係喺疫情期間，曾經停業左一段時間見佢最近開返，特登去捧場就食返佢嘅沙嗲牛肉麵同埋瑞士雞翼撈麵沙嗲牛肉麵嚟到嘅時候我已經有預感佢唔好食因為睇得出個面質，係未煮透當食落口嘅時候，個感覺就係你用熱水浸熟啲面好似發脹左嘅感覺🤢🤢🤢呢個時候我都擔心緊個撈麵，終於佢嚟到喇一睇個麵已經知道唔會好食附上對比圖，之前嘅撈麵睇得出麵條彈牙，醬汁望落去亦都係滲透嘅但今次食嘅撈麵，同樣同沙嗲牛肉麵嘅問題一樣，都係似用熱水浸熟嘅連雞翼都係冇乜味道到底係轉左師傅，定係疫情期間，所以功夫生梳左呢定抑話真係時間嘅問題，所以煮唔透真係有啲失望，希望佢哋可以改善返圖一最近食圖二，之前食

首先，我最鍾意佢個奶茶，係比老M個奶茶更有奶香，隻奶香飲完係會令人回味既。而且呢度外賣係一定會比個膠袋仔你裝熱飲！吾似當年有次去老M買熱奶茶外賣，個店員無比膠袋仔。我以為佢地用完D膠袋，就唯有用隻手攞個奶茶。行到半路，我隻手就比個熱到hihi既奶茶燙傷，係咁不停換手去攞住杯奶茶，嗱嗱臨跑番屋企！然後就打番間老M去問，佢就話因為要環保吾主動提供膠袋！我真係問候佢地既母親！因為老M個「普通」熱飲紙杯（吾計M cafe）係一D都吾隔熱！仲要吾主動提供膠袋想燙傷人咩？相反，時代冰室個熱飲紙杯有凹凸不平的條紋設計，利用多D空氣提高隔熱性能，老細咁為客着想，係值得一讚既！沙律正常，麻醬另外裝左杯仔入面！唯一不足既係，沙律食完會有少少水響杯底，有機會係洗完未整乾！其餘都正正常常，個雞扒底部可能會有少少油，但整體Ok吾差！個牛角包都正常，絕對吾硬既！！！但可能雞扒既油滲左出黎，整到個包會有少少油咁！牛角包質感係吾會咁易就過硬！總體而言，質素良好！其他吾同既茶餐我諗都係可以值得一試既！

與朋友行左5個鐘頭既山, 餓到扁了....一落山就即刻搵定嘢食.....間冰室都幾旺下, 雖然下午2點幾, 但都要等位, 等左約10分鐘左右.2點打後order精選午市套餐仲可以便5蚊:1. 巨人漢堡蛋包飯配黑椒汁 份量十足, 有一塊大大既漢堡扒, 沙律, 蛋裡面包住番茄飯底. 飯底酸甜酸甜,幾開胃,但個蛋就煎得太實淨, 唔夠滑,黑椒汁有點過咸, 塊漢堡扒尚算唔錯, 外脆內嫩.  2. 極尚濃花膠滑雞石鍋湯泡烏冬 雞肉都幾嫩滑, 仲有2塊大大塊既花膠,花膠口感軟淋, 仲有其他配菜白蘿卜,肉丸,娃娃菜,杞子及蟲草花,湯底清甜,唔渴候, 與烏冬十分搭.