時代冰室 (One Madison) (已結業)

今天工人姐姐放假，我便和家人一起到附近的「時代冰室」吃頓家常便飯。看過餐牌後，都是選了些家常小菜套餐，總算是魚、肉、菜、湯樣樣齊全，套餐還附送白飯、例湯和熱飲。兩餸套餐之一：“豉汁蒸䱽魚”，䱽魚都頗大條，肉質鮮嫩，蒸得火候剛好，豆豉獻汁也相當惹味。兩餸套餐之二：“龍鳳柚子西檸雞塊”，酸甜開胃，但雞塊份量較少，粉漿亦較厚。“鮑魚花膠滑雞石鍋湯泡飯”+$12雞全髀，有鮑魚、花膠，湯底濃味，用來泡飯也很美味，加上大雞髀，就很滿足了。“最多肉煲仔飯”+$15 蠔油生菜，煲仔飯有臘腸、潤腸、排骨，份量足夠一人吃過飽。因為原煲煮，所以特別香，特別入味，而最好味的是煲底的飯焦。一頓充滿「老香港」味道的家常晚餐，全家都吃得飽飽，而且價錢還相當實惠。

天氣凍凍地，突然好想食煲仔飯，但老公就好想鋸扒，問朋友邊到有餐廳兩樣都有得食，朋友介紹時代冰室～於是去試吓除左煲仔飯，仲有$128酸菜魚～所以我決定order埋老公order的雜扒餐有豬扒、煙肉、蛋、香腸、雞扒、少少雜菜，味道唔錯，黑椒汁夠濃酸菜魚， size有兩隻手板咁大，肉質鮮嫩，酸菜湯底夠濃酸菜魚入邊有豆卜、萵筍、什菇，索埋啲湯好入味魚肉十分嫩滑，冇泥味及冇鯹味臘腸潤腸排骨煲仔飯，排骨肉質鮮嫩煲仔飯內有飯焦，好好味龍鳳鹹檸七，有檸檬、鹹金吉、話梅，酸酸甜甜好開胃整體來說，餐廳食物款式多，一次過符合晒我哋要求，又有煲仔飯食、又有得鋸扒，服務亦不錯，絕對可以再encore

今日同朋友食晏時試左長沙灣的時代冰室，裝修很有懷舊電影室的感覺，都幾特別😍我地叫左兩個午餐，分別係蔥燒肥牛鐵板飯（照燒汁）及芝士滑蛋巨人豬扒漢堡包伴胡麻沙律＋炸薯餅。首先講下蔥燒肥牛鐵板飯，熱辣辣的鐵板好夠熱放上肥牛，煎到好香，加上照燒汁撈飯好好味。另外，芝士滑蛋巨人豬扒漢堡包，漢堡包包皮夾住塊豬扒好大塊，炸到好香， 金黃色的滑蛋再配上原塊蕃茄，好厚的口感，另外再配上炸薯餅同沙律菜，有早餐的感覺。

天氣轉凍，時代冰室都增添不同火鍋🍲，俾我哋過返一個暖粒粒的冬天❤️秋季限定🍁·台式麻辣-牛三盛$118·台式特盛-臭臭鍋$98雞煲聯盟🐔·重慶麻辣-川式煮法$88·醬烤香茜-鮮滑雞件$88烤魚之味🐟·麻辣之味$128·酸菜之味$128我今次首選-台式特盛·臭臭鍋因為鍾意佢唔辣，小朋友都食得👍配料超豐富，有原隻大鴨髀、鴨血、大腸、炸豆腐、豆卜、時菜、蕃茄、枝竹、金菇、鮮野菌、芫荽、京蔥、粟米、芽菜原本已經夠晒濃郁惹味嘅臭臭鍋，再加上咁多配料一齊滾湯，成個湯底更加突出更加美味😋另外追加咗2份特級美國肥牛、一份巴西豚肉、一份豬大腸、一份生菜、一份讚岐手打烏冬·特級肥牛，肥瘦參半，牛味都好重·薄切巴西豚肉，一啲都唔韌，仲有好鮮嘅豬肉味烏冬、大腸、生菜吸到晒臭臭鍋的精華，唔使加任何醬料，就咁食都已經好好味😋另外跟餐特飲半價Order咗·懷舊紅豆冰 & ·時代·黑牛冰整體來講，性價比冇得輸食材品質上盛、大份夾抵食，仲有選擇種類多👍👍👍環境都十分懷舊、非常寬敞、相當舒適😊

下午茶正想食菠蘿油，經過門口見到有麵包櫃就知岩晒，入到去望望餐牌原來仲有好多款揀，連沙翁、台式肉鬆卷蛋、咖哩牛腩批都有⋯🤭下次可以一試！🥯冰火菠蘿包我哋叫咗冰火菠蘿油餐&雞批，菠蘿油用六角型碟裝住，黑金色幾型格，仲可以拼埋一齊添。最痴線係塊牛油🧈好厚勁大塊！！牛油用不鏽鋼杯裝住，仲有冰底，本身成塊硬實實，夾落熱辣辣菠蘿包好快溶晒，唔怪之得叫冰火菠蘿包！不過牛油實在大得誇張，我都係夾一半就夠。

普遍冰室都系以懷舊菜式招來，而時代冰窒就有別於傳統，menu有好多選擇，既有基本既焗飯，鐵板餐，亦有新穎菜式石鍋湯，台式燥飯等，心大心細揀左好耐先揀到，點完餐後，隨後送上兩碗例湯。珍寶肥牛芝士鐵板發出"吱吱"聲既鐵板放上枱，已經嗅到一陣胡椒同芝士既香氣，白飯同肥牛數量多，整體都唔錯。極尚鮑魚花膠花菇滑雞石鍋湯烏冬只需+$12就有一隻拳頭咁大既雞批，石鍋湯有一兩件鮑魚花膠，嫩滑雞批，滑咚咚既烏冬，滋潤又養生。鐵板大蝦魷魚炒烏冬黑山水果雪山一口多士除左西多士有成吋厚，香口軟身，加上牛油同花生醬，又有雪糕同水果食，值得一試。期間及分店限定:烤魚鍋有酸菜味或麻辣味揀，而家做緊推廣價$128。比普遍價格便左一折。值得嘗試!

今日同朋友到長沙灣做運動，做完運動後就一齊食飯。我們選擇了食雞煲加打邊爐，我叫了重慶麻辣雞煲小辣。再加了兩份特級美國肥牛，一份豚腩片，一份鮮冬菇，一份娃娃菜，一杯黑牛冰同一杯仙草奶茶。雞煲先上，雞件份量適中，而且味道都濃烈，辣度就由小辣，變到越煲越辣，雞的口感滑身，而且每件都平均地有味道。食完雞煲之後再加湯打邊爐，湯底就有雞煲味道。肥牛有牛味，而且不會太硬。最後食娃娃菜就吸了湯的精華，入口味道鮮甜多汁。另外特飲跟餐半價，飲了我想飲了很久的茶記特式飲品-黑牛，朱古力蛋糕加可樂，味道的確令人回味。整體而言，性格比一流，不會好貴又有美食。

附近都都多餐廳貪佢睇落幾新淨就去食啲野食係幾好特別係下午茶幾抵食食左幾次但杯野飲真係好難飲以為佢一兩次失手點知次次都係咁凍檸茶怪味凍奶茶水汪汪凍檸水冇甜味好奇怪

今日上完興趣班，和同學仔一起吃晚餐。見到餐廳有台式火鍋，所以入去試試。從未食過臭臭鍋，$98可以夠1-2人份量，有時連個湯底都不止這個價錢。材料十分豐盛，有咬口的鴨髀，滑溜的鴨血，香滑的炸豆腐，爽口的芽菜，邪惡豬大腸，入味枝竹和多汁粟米等。不夠的話還可以加料，加了肥牛和生菜。打邊爐當然少不了汽水，加$16的大檸樂份量驚人。海南雞飯有香嫩雞肉，配三款不同醬汁。加$13試了阿華田雪山，不會太甜。餐廳亦一開始就上了餐湯。

濃沙嗲湯.沙嗲牛麵 $35個湯底真係超級濃沙嗲味，多牛肉，不過好重味精，食完個早餐之後勁口渴火腿奄列+牛角包我怕個份量太多所以我走咗包，火腿奄列入面啲火腿份量好少檸檬茶，跟餐凍飲加$3檸檬茶好大杯

食過時代冰室幾次 第一次嚟長沙灣分店😌店舖地方都幾大 卡位為主 坐得都幾舒服 落完order一陣 就有店員上前問你飲唔飲湯啊💕感覺親切講返今次食嘅野先😜天氣最近轉涼 所以出咗煲仔飯 有4款揀 價錢仲好抵tim 所以我地一人叫咗一煲 再加兩個小食◾最多肉煲仔飯有豉汁排骨/臘腸/膶腸 飯同料嘅份量都比基本煲仔飯多 排骨夠入味 多肉少骨 正啊🤤臘腸多汁 膶腸亦夠沙 仲要讚下佢哋嘅豉油調味都調得啱啱好👍🏻◽最黯然煲仔飯即係叉燒同三眼煎蛋🍳作為蛋怪 見到呢個就毫無懸念即刻叫啦 賣相已經好吸晴 叉燒偏瘦但都幾嫩 唔會鞋口🐷除咗豉油 另外仲比多兜蔥油你 加埋蛋汁撈埋一齊食 應該大家都想像到嗰種簡單得嚟有幾好味❤️◾蒜香南乳雞中翼可以揀4隻/6隻 雞翼size偏大隻 煎得皮脆 唔會好乾🐔南乳味比蒜香更突出◽越式蝦肉釀長春卷以蝦肉同蔬類做饀料 唔會太膩🦐仲有甜酸醬料跟埋 更加開胃◾特盛龍鳳大檸樂勁誇張呢個🤣特盛即係2罐330ml 跟餐只係加$13 勁抵◽冰鎮原味樽仔奶茶冰鎮奶茶都夠凍 意料之外 茶味都幾香幾濃🤗滿意兩個人食咗咁多野都係2百蚊多啲 真係抵食夾大件❣️

下班後，相約友人吃個晚飯，友人想吃冰室的味道，我便推介了位於長沙灣山道One Madison樓下的時代冰室，冰室的口號「無論時代點變，味道依然不變」，裝飾擺設走港式懷舊風，很有港式情懷，環境方面設有非常多的卡位，坐得舒服，場地寬敞闊落，餐牌很有設計感，選擇多到不得了，無論是中式小菜、常餐、台式、西式、中式、東南亞，炒粉麵，焗飯，石鍋湯飯，特餐，全日早餐等等！今天因為我工作到午飯也沒吃，非常肚餓，便點了一個三人份量小菜套餐，包含了三道小菜，白飯，老火湯及飲品！薑蔥煎封倉魚，有豉汁蒸可選，很大的一條魚！魚皮煎得金黃色，不會帶有魚鱗，魚肉夠嫩滑，很新鮮，整條魚「外脆內軟」，很有驚喜！闊佬三色蒸肉餅，肉餅蒸得很不錯，豬肉入口滑而軟嫩，不會過肥，肥瘦肉搭配恰到好處，加上醬油令味道鮮甜，更有冬菇，花膠，鮑魚一般不會出現在肉餅的名貴材料，口感更豐富！XO西蘭花炒魚聊，即叫即整熱度足，同樣份量大碟，魚柳片很多，肉質爽滑，西蘭花保持翠綠爽脆，雜菇等材料很豐富，加上XO醬非常香，鑊氣十足！蒜香南乳雞翼，有四隻或六隻選，賣相吸引，炸得金黃香口，南乳味道突出，少少蒜香味，有誠意之作！台式蔥油芝士肉鬆煎蛋餅，份

已經嚟過呢度食好多次啦! 每次見到佢個餐牌 我都唔知揀咩好 因為實在花多眼亂 今次就試咗蔥油即炸厚切豬扒伴三眼煎蛋飯 呢個呢係佢哋嘅寫住推介嘅飯餐 咁所以我就試下啦碟飯嚟到嘅時候 賣相非常唔錯 58蚊呢個價錢嚟講 有咁大碟飯 而且跟餐仲有嘢飲 性價比真係好高不過佢餐牌明明寫住係炸厚切豬扒 我以為係有層炸粉嘅豬扒 但係佢拎到上嚟 我覺得偏向似煎豬扒多啲豬扒食落去都唔錯 真係好大塊好厚 而且唔會太鹹 幾啱送飯 而且再加埋三隻蛋 份量非常足夠至於杯凍檸茶就正正常常啦 呢度嘅環境都幾大但係呢以一個四人卡位嘅座位嚟講 呢到d卡位就偏窄咗少少嘅 不過佢啲嘢食都幾好食 抵食夾大碟 值得黎試下!

青山道這間冰室真的是與時並進，不但有冰室平時食的菜色，而且增加了 我喜愛食的可愛的小火鍋。秋季限定台式火鍋 台式麻辣牛三盛$118內有美國肥牛、鮮辣牛片、五香牛腩、豆卜、時菜、蕃茄、支竹、金菇、鮮野菌、芫茜、大豆芽、京蔥、粟米……等，一至二人份量。煲內牛肉的份量也不少，台式麻辣不會太辣，但面上放有一隻隻的紅辣椒，美國肥牛，切得厚薄適中，頗有牛味。鮮辣牛片入口軟嫩，肉質較嫩滑，味道香辣，好味。至於五香牛腩就切得較厚及大件，炆得也夠淋，牛腩瘦中有肥，食落油香帶辣，啖啖肉。時代咖哩 慢煮牛坑腩$58牛坑腩面上有2件酥皮，點上香濃的咖哩，酥脆滋味。牛坑腩也是炆得夠腍又帶滑，沾著滿滿的咖哩汁，夠惹味的。因咖哩汁真的很香濃，所以加$10 跟配多一個煎薄餅。至於飲品，要了檸檬蜜及蛋白杏仁茶。

某日咁岩要出旺角整野，正當苦惱去旺角食乜之制，靈機一觸，不如係公司附近搵茶記食下午茶。睇左幾間茶記，最後揀左呢間時代冰室，一黎評價幾高，二黎價錢最吸引。下午茶選擇甚多，軍艦、漢堡、湯麵、飯餐都有，有好幾款都想食，不過胃得一個，最終揀左最中意食嘅生炸脾同埋茶記先做到好味嘅邪惡西多士。王牌生炸雞脾配西多士 $36相信兩樣野都係即叫即炸，等左十分鐘終於上枱。厚麵包整嘅西多士，比普通麵包嘅食落更有口感，更能食到外脆內軟嘅口感。另外我欣賞佢用粗粒花生醬，食落好有花生香。生炸雞脾估計應該係先滷係炸，食落好重滷水味，而肉質亦唔算滑，但一次過可以滿足食滷水脾同炸脾嘅慾望😆。一向都中意飲茶記咖啡，但今次呢杯就唔太好飲，唔夠熱，咖啡唔夠香。但整體以呢個價錢，絕對可以接受😅。