時代冰室 (One Madison) (已結業)

以茶記黎講，時代冰室都真係好多選擇同埋大間！夜晚入去食唔洗點等位就入得去，最開心係枱同枱之間有好大距離，可以有番私人空間，座位亦都好舒服😎一坐低就即刻擺低兩杯熱水，仲有兩碗青紅蘿蔔豬骨湯～未食野就先有頭啖湯潤下先😛座位枱下已經有齊曬餐具同調味料～海南雞飯😋首先碗油飯份量好足，好似成座山咁！雞塊無骨，岩曬懶人😛 肉質唔老，仲有好多醬汁，唔似出面有時啲餐廳俾好少，搞到要慳住點汁😂海陸空三併鐵板扒😋即係有牛仔骨、蒜蓉煙肉扒大蝦、 炸乳鴿，簡左配飯加蒜蓉汁，一黎到已經係鐵板到燒到熱辣辣，個蒜蓉汁都係超級熱又大杯！根據佢既教學，要先將醬汁均勻地倒落食物，然後將半熟食材炒熟，最後再用鐵匙羹攪拌，的確成碟變得更香噴噴😍黃金咸蛋雞中翼唔係好厚粉，無咁油膩😛蠔油菜心食咁多野一定要叫番個菜平衡下😂 啲菜好新鮮唔韌～仲有跟餐檸檬茶😛

下午茶時間，餐牌其實有好多選擇，我地就想輕食一點，點了肥牛熱狗配餐飲及吉列魚柳蛋漢堡飽配薯條。味道不錯，但擺碟可以再精緻一點，例如薯條可以集中一點，燶咗的部份不用放上碟。

通常晚餐如果唔煮飯呢就會落茶餐廳食，最近樓下有開咗新餐廳，今晚一於嚟試吓！呢度間隔唔錯，枱同枱之間好闊落坐得舒服，而且勁多卡位，加上呢度啲小菜晚餐幾抵食，二人餐都係$128左右，仲已經有埋餐湯、餐茶、白飯。夠晒我哋兩個份量啦！今晚我哋叫咗個豉汁蒸倉魚同埋古早慢煮梅菜扣肉煲試下！呢度啲倉魚估唔到勁大條，完全有驚喜！目測足足有斤半，而且食落肉質結實嫩滑，食得岀到係新鮮魚唔係死魚，廣州街市買一條咁上下size都起碼$60啦，所以我覺得勁抵食喎！而且加咗豉汁夠入味，最難得係無魚鱗👍所以我哋食得好滋味！淨係為咗條魚都絕對會返轉頭encore！梅菜扣肉都唔錯，扣肉本身夠肥美，瘦肉部份亦都唔會柴皮，口感軟綿綿！梅菜唔會死咸，底部仲有啲時蔬，正好中和一下肥膩感！

兩口子在深水埗搵野食，見到這間裝修帶點懷舊特色茶餐廳，就捉埋男神入去食喇😆小菜套餐- 3小菜+白飯+飲品「XO西蘭花炒魚聊」份量十足😋，魚柳片數塊😆「大紅大紫咕嚕排骨」有2款味道，一款是平時食的醉甜，另一款係鳳梨味道😋「韭黃叉燒大蝦炒蛋」食小菜我必叫的，今次連大蝦炒👍🏻👍🏻抵食！$193/套餐「妙齡脆乳鴿」一開四😍 炸至脆香👍🏻可惜未有調味料🤪 如果唔係應該更好食備註：🔺例湯必定送上🥰🥰🔺叫少飯可 -$1 👏🏻

今日去長沙灣食時代冰室，閑日食下茶餐廳都幾好。晚上有二人小菜套餐選擇$128，仲有10幾款不同小菜可以選擇。我們叫了龍鳳柚子西檸雞，雞塊切好一嚿嚿，加上脆卜卜的外皮，再加埋酸酸甜甜的柚子醬同檸檬汁，喺悶熱的天氣10分開胃。雞肉肉汁豐富，沒有雪味！另外叫了個西蘭花炒魚柳，魚柳肉質嫩滑，西蘭花份量很多，加上雜菇等，材料很是豐富。讚一讚小菜都是即叫即整，熱度十足，加分不少。另外叫了個南乳雞翼，呢個雞翼比較少見，南乳10分入味，送飯一流。叫了杯加加大的檸檬可樂，俾足兩罐可口可樂我哋，cp值好高！仲最後叫了個葡撻，新鮮出爐蛋味香濃，好好食呀！

呢度主打冰室快餐 即係常餐 小炒個種菜式呢度最正係連環境都幾特別 用返以前好懷舊既明星海報做背景幾有FEEL瑞士汁雙飛雞翼撈丁 3.6牛奶炒蛋加丹麥多士 包咖啡或茶一杯 瑞士汁雞翼撈麵 雞全翼大大隻浸到透入曬味 香甜既瑞士汁仲用埋黎麵食雞肉非常嫩滑香甜 個皮好超食入曬味! 撈丁唔會太淋身仲夠彈牙 炒蛋係牛奶炒,特別香滑之餘又有奶香甜味 用厚身丹麥多士抹上牛油烘香,味道好脆口平均消費$50評分8/10長沙灣青山道305號One Madison地下1B號舖

突然夜晚好想食港式小菜 諗起長沙灣呢間充滿時代感嘅冰室呢句slogan雖然睇落好老土但都好寫實滿滿嘅時代情懷返晒嚟冰室入面一個個卡位嘅設計都好特別😆😆香港人入茶餐廳最鍾意坐一定係卡位呢度唔使特別request 張張到啱你心意點解想來呢間 係因為無論小菜或者常餐甚至係亞洲 歐洲嘅嘢食你都可以起到揀到😁😁你咪係蝦醬肉碎炒通菜係我影得衰其實有啲大大隻蝦乾鋪晒起底影唔到😅完全係誠意之作鑊氣十足 通菜鮮嫩每位一到餐廳就會送上中式湯一碗鐵板醬爆鰻魚炒魷魚🦑呢個醬汁不得了 鰻魚同魷魚軟硬兼施攻陷口感再加上入晒味嘅四季豆送飯一流南乳雞翼 正宗港式下午茶必點項目 估唔到夜晚都有機會食到 皮脆肉爽 南乳味突出懷舊波囉啫喱冰兒時回憶返晒嚟🥺🥺雖然佢用罐頭菠蘿但係冇平時嗰浸鹼水味🙏🏻🙏🏻最咪點餐姐姐經過仲問我哋飲唔飲糖水送俾我哋今次真係大豐收🤣🤣

時代冰室開左好多分店，食過一次早餐都唔錯既，大大份，賣相都幾好。今次黎左食下午茶，叫左個炸雞翼西多士、炒蛋豬排包、滑蛋义燒蝦仁飯。黎到三樣野食賣相都好黎，好足料，雖然係下午茶，但分量都大大份。

想來時代冰室好耐了，今日終於有機會。侍應服務好好，一坐低即刻短上兩碗熱辣辣嘅老火湯。原來呢度有好多唔同種類嘅食物，有扒餐、小菜、鐵板、湯飯等等，真係花多眼亂。最咪我哋叫咗巨人炸雞髀拼蔥油肉燥撈手工刀削麵，份量好多，炸雞髀真係不得了，好巨型，好厚肉，個皮炸到脆卜卜，奄得又入味，仲要上面有蔥油，食落更加香口。手工刀削麵， 十分煙韌，好有口感，我哋加$8要咗兩隻煎雙蛋，成個餐真係好豐富！另外薑蔥霸王雞，啲雞肉好嫩滑，豉油特製醬汁滲入雞肉入面，每一口要配埋香蔥食，送飯一流！至於藤條豬肉，個名夠晒特別，其實係類似椒鹽豬扒，不過就加咗炸蒜，豬扒唔會太乾身，食落仲有肉汁，係半肥瘦豬肉，個皮煎得好香脆。叫餐嘅話仲可以優惠價加小食，我哋加咗$24要白汁芝士焗西蘭花🥦，以為優惠價加配嘅小食通常都係細細碟，點知上枱係原價嘅大碟size, 好良心！食咗咁多肉都要食返啲菜嘅，呢個芝士焗西蘭花唔會太漏。野飲方面，我就推介火山華田脆脆冰，好濃郁嘅阿華田，唔會太甜，配埋脆脆，夏天飲真係透心涼。

超級喜歡這裏的裝修，有時光倒流的感覺，回到過去7-80年代，過來食飯，順便穿越了時空🤩🤩🤩！除了裝修時光倒流之外，他們的價格也時光倒流了，相當便宜又好吃😋！呢度嘅下午茶係去到6:00的，相當抵食‼️‼️令我最驚喜係竟然見到有下午茶三層架🤣‼️‼️🤍時代下午茶：📌黑糖・雪糕紅豆西多士$34超級濃郁的朱古力雪糕🍫，上方淋有黑糖漿，配有煉奶，西多士即叫即炸，熱烘烘，配合超多大大粒軟綿綿的紅豆，相當好吃，相當滿足👍🏻🤤😋📌厚切蛋治配王牌・生炸雞髀🍗$38同樣超級高質，雞髀即叫即炸，超香，皮脆肉嫩😋🍗，蛋治隻蛋超級厚，炒得好嫩滑🍳👍🏻📌巨峰·提子啫喱冰+$8好喜歡這杯傳統的啫喱冰，時光倒流之作，以前要喺高級餐廳先飲到㗎🤤🤤，好懷念，好開心呢度可以飲到！❤️📌熱檸水🤍單點：鮮果大蝦·千島沙律🥗$48震驚😱超抵食‼️份量超級大‼️大過我個頭‼️蔬菜新鮮，配合超多鮮果及蝦仁， CP值超高‼️👍🏻🤍新鮮出爐包點：📌古早蛋糕肉鬆味🐖🍰$28📌古早蛋糕蜜糖味🍯🍰$28平時喺出面動輒要$70-$80的古早味蛋糕，竟然呢度只係買$28 ❣️❣️❣️立即叫咗兩個❣️超大個，好抵食，鬆軟濕潤，軟綿綿，蛋香濃郁🤤👍🏻🍰🍰🍰📌冰火·菠蘿包🧊🧈🥠

朋友搬左去長沙灣，上佢屋企參觀坐左陣就落去食飯，本身話過深水埗多選擇，但見佢樓下近近地有間「時代冰室」，望入去幾大幾深間舖，又多卡位，又有電視，咁就不如試下呢間餐牌好多選擇，真係多到唔識揀，台式、西式、中式、東南亞都有目測隔離枱d炒粉麵都好夠鑊氣，而且份量好大碟我地最後揀左兩個扒餐＋個「富貴生財」鐵板好體貼有紙圍邊，淋汁時唔會彈到衫，非常好扒餐可配飯、意粉、薯條、沙律！意份都幾大碗，塞得很實，撩開都好多，係蕃茄意粉，幾夠味沙律就加左芝麻醬，無得輸富貴生財，即係花膠＋花菇＋生菜花膠同菇各有4-6件，花菇夠厚夠菇味生菜都好夠味時代。重量級什扒$88好抵食，因為真係好大份，煙肉、腸、蛋、大大塊雞扒及豬扒，肉質嫩滑無雪味海陸空三拼$106煙肉、半隻乳鴿、一隻芝士大蝦、因為牛仔骨無貨改左半塊西冷一樣非常豐富半塊西冷都好大塊，呢道只係1/3七成熟剛好，肉質唔鞋唔會乾半隻乳鴿大大隻大蝦食物唔錯，坐得寬敞舒服，食飽唔洗滾水淥腳比人趕走，唔錯

晚上又來這食店，近來已是第三次了，第一次差，第二尚可，唔知第三次怎樣？！今次叫了看來很大碗的鰻魚滑蛋飯。一送來，實物如餐牌圖示一樣咁滿，鰻魚size都很合理，肥美厚身的，不過溫度略太室溫，如果稍微整熱一點就完美了。滑蛋呢？很大，蓋晒成個飯，真的算滑，蛋香就不怎突出。我就叫了茶記最平凡的揚州炒飯，送來感覺份量足，不過啲叉燒就一般，味道鹹，還要一大舊，不是切粒炒埋落飯度咩？！幾舊都是完整的，以為食緊叉燒飯。這揚州炒飯以瓜粒一起炒，我鍾意，蝦的質素都不錯，爽的，份量也不少。略嫌飯唔夠熱。整體都算合格，但不達到期望，或許餐牌太吸引，現實質素有一點的落差。下次又再試另外種類的吧！

上星期試了中式二人餐感覺一般，今次就同老公分開各自叫食。老公點了焗豬扒飯，話就要廿分鐘等候，但最終十數分鐘已呈來。感覺都算大，還有隻太陽蛋。不過老公食到一半，他的形容是鹹死了。老公話下次不會再試了，個汁又鹹又唔好味。我就叫了花膠、鮑魚、冬菇雞的石頭鍋，選了刀削麵。一送來，都幾吸睛。試一口湯，不特別，屬正常。花膠淡得無味，特意再浸，至最後食，仍然淡的。鮑魚細細隻，真的鮑魚啊！刀削麵倒落湯鍋，感覺淡而無味。最後我要加一點辣椒油撈食。整個石鍋料子豐富，冇欺場，價錢不貴，只是味淡而矣。下星期又再試另外款式先

路過見到好多人排隊 覓食緊嘅我即刻俾吸引了😋😋 入到去好大全部都係卡位坐得超舒服🥰裝修走舊情懷🤪正🥳🥳坐低揀野食都揀左好耐 因為實在太多嘢揀🤩🤩同埋款款都好似好吸引咁😋😋乜都想試下😛因為下午茶時間所以最後揀食啲邪惡嘢😇王牌生炸雞髀拼西多士西多士比正常size 細一半 份量幾好😛因為西多士實在太邪惡 食少少過下口癮都幾好😋😋中間個餡料有花生醬不過太少 如果多啲就更好🥰🥰炸髀炸得好靚😂而且啱啱好 食落啲肉唔老好嫩 啖啖肉爽啊🤪🤪就咁食都夠味😋重口味可以自己再落啲🧂應該更正😆果然係王牌值得一試👍🏻最後再配埋杯熱奶茶☕️ nice tea time🤩個餐牌實在太豐富🥳下次再試其他野🤪🤪

同老公經過這店，看看餐單，非常多的款式，很吸引哩！進店後，感覺店員都有禮貌。看著餐牌真眼花撩亂⋯⋯眼見周邊的食客所點的都大大碟，賣相也吸引。最後因為食不多，所以叫了二人小菜餐，有大紅大紫咕嚕肉及口水雞。所謂老火骨，感覺少少淡。咕嚕肉是十分難煮得好，今天就試試。的確，一送來，已有點失望。汁過多了，浸著肉都不脆了，而且肉質及肉味也不好。另一就是口水雞，第一感是碟大，但雞奀，瘦削。雞胸鞋，雞肉除了辣椒味，不感雞味。惟一讚的就是熱奶茶，茶香且滑。店員服務態度好，座位舒適，價錢合理。雖然今次中餐麻麻，但會再光顧，因為餐牌食物款式多得很，而且眼看鄰座的西式及其他都感不錯。期待下星期再來