時代冰室 (One Madison) (已結業)

第二次黎食早餐，第一次可能新開冇耐，唔使等位，今次已經要喺門口攞飛等一陣， 九點半都坐滿。首先想講，份早餐真係大份又抵食， 一份餐入面有火腿奄列配餐包(餐包可以選擇多士、牛角包，仲做免費轉迷你菠蘿包)， 仲有瑞士雞翼撈麵。火腿奄列好足料，入面包滿火腿， 一啲都唔求其。瑞士雞翼撈麵真係大份到食唔曬， 直頭飽到午餐都唔使食， 最鍾意係加咗啲蔥油， 再自加少少辣椒醬，好食第一次嚟比較好， 迷你菠蘿包啱啱出爐仲暖身， 同埋瑞士雞翼嘅質素都做得比較穩定😃 第二次差咗少少，因為一隻雞翼爭少少先至熟透，而第二隻就太熟，一叉落去就爛曬。 希望下次再嚟可以保持到水準

知道蕭生在深水埗開了新店，這個早上特意過來試試，店內人頭湧湧，等了差不多10分鐘才可進入店內。等待期間，看到櫥窗內放滿不同種類的麵包，你又會喜歡那一種呢？冰火菠蘿油竟然只是$10個，使唔使咁平呀 ？早餐有10款選擇，我就揀了鮮茄雞扒米粉、西煎雙蛋、迷你菠蘿包及熱奶茶。雞扒煎得香而肉也滑，起燶邊的太陽蛋最合我意，奶茶的茶香尚可。特地繞道而吃的早餐，卻是吃得舒服自在。#時代冰室#深水埗#早餐時代冰室地址: 深水埗青山道305號One Madison地下1B號舖電話: 23677123

座位寬敞，早餐雞扒竟然半生熟， 熱齋啡變了有奶 。告訴店員，店員立即更換齋啡， 再煎一塊雞扒送來。 服務算是不錯的。 菠蘿包味道不錯， 外皮鬆脆 。健康烚蛋有兩隻， 整體來說可以接受。

時代冰室，聽講好抵又好食！想唔到會開係長沙灣區！目前為止食過兩次！早餐蔥油滑雞麵，牛角加炒蛋$32 with Hot 0 Tea蛋炒得ok！牛角就麻麻地！蔥油雞麵係好香，好食既！但d雞咁岩係冇乜肉既骨位，搞到我食到有d頹🙄晚餐滑蛋叉燒飯配瑞士雞比老老實實，滑蛋叉燒我期望係高既...點知真係好一般！雞比唔錯，唔算太大隻，細隻d肉冇咁鞋！都夠晒入味！整體來講，性價比ok，當然..食物質素有進步空間！

時代冰室終於開到嚟長沙灣，見今日下午唔太多人等位所以試一試佢啲午餐， 叫咗兩個午餐 ，一個係古早肉燥飯伴台式腸拼鹽酥雞塊， 另一個係田園烤鴨胸平雞翼鐵板飯。 午餐跟餐有一個湯加一杯嘢飲。先講個肉燥飯， 啲肉燥都唔算太肥而台式腸冇黑橋牌嗰啲香腸咁好食 ，鹽酥雞食落去都脆口嘅。另一個鐵板飯， 鴨胸就一般，雞翼就係炸雞翼好食 ，我個人就覺得似pepper lunch的鐵板飯。至於個湯同其他茶餐廳一樣其實都係啲味精湯， 至於杯熱飲就同其他茶餐廳一樣。

一直都等緊時代冰室喺九龍區開餐廳，估唔到竟然係屋企附近開咗一間。即刻同屋企人買咗$1000現金券係時代冰室食嘢，所以我哋已經試過晒早午晚餐。下午茶係時代冰室最抵嘅餐。咖喱牛腩飯好好味，咖喱入面有椰汁嘅香，亦都有蕃茄嘅酸味，牛腩嘅份量足夠，又肥嘅又瘦嘅，亦都有比牛筋。反而芝士肉醬鐵板意粉就比較乾身一啲，但係份量都係10分大份嘅。唔太鍾意口水雞飯，雞就得幾件，飯就好多，個人認為食其他嘢會比較抵食。雞滑，味道正常。檸檬茶茶底一般，比較苦澀。屋企人話鐵板牛肉芝士飯好味，應該同某一間大型連鎖店嘅味道差唔多。晚市+30幾蚊可以叫一個胡麻醬蟹柳菠蘿沙律，都幾健康嘅，好過食一般菜心生菜咁悶。牆身貼滿左一啲蕭生做導演嘅電影。另外，早餐有一個營養之選，可以叫烚蛋方包，適合減肥人士。

上次試完佢個雙飛撈面，感覺一般，但無理由一嘢就 blacklist人，點都要試多一兩樣先可以下決定今次試咗佢個咖喱，相比上次，今次好Ok，咖喱味夠濃，牛腩夠淋，比連鎖快餐店嗰啲所謂慢熟咩咩咖哩都好味 真係要搵嘢講嘅，果日嘅白飯硬咗少少

係長沙灣番工，附近已經食到爛，又見係燒山開既，lunch點都即刻沖去試下🤣🤣🤣咖喱牛腩。10分滿分有3分。汁太淡唔夠香，牛腩太硬。我同事好唔開心lol甜薯蟹棒雜菜沙律。足料。10分滿分有7分。奶茶夠茶味，好飲。厚切豬扒芝士焗飯10分滿分有7分。有一舊鮮茄，真係即局，味道正正常常，豬扒幾好食蔥油厚切豬扒三眼煎蛋飯10分滿分有7分。豬扒幾好食，可encore基本上豬扒3眼煎蛋飯是公認ok 的。完😂

衛生方面-入門口無人理你有無探熱就坐低啦！-卡位系比較好因為卡位之間檔版比較高裝修應該有部分系前兩手業主改裝，冷氣嘈到講野都聽吾到焗豬扒飯 1分- 賣相一D都吾似焗過，芝士好似無咁，蕃茄得一角仲可以整整齊齊，飯無炒底只是白飯，哩D材料如果焗得夠一定吾會咁。 豬扒好薄，但連平時食得鹹的老豆都話鹹到哪喉嚨。乾炒牛河（$59）2分- 牛肉比較鞋，河粉吾滑，睇照片就睇到河粉表面系D油都未炒雲。鮑魚肉餅飯（$56）3分- 肉餅份量系夠，但都系幾鞋，上面放兩只小鮑魚，普通啦，個白飯就吾得軟熟。咖啡-只有苦味，沒有香味。

係附近返工，有新嘢就當然要試下啦叫咗個：011 王牌。瑞士雙飛翼（全翼）+ 蔥油瑞士汁撈麵；另外，例湯 and 熱咖啡咖啡：口感帶少少酸，不過無麥當勞咁酸，個人比較喜歡附近X樂嘅口味雞翼：份量足，兩隻雞全翼，但未算好入味，但又唔過太甜蔥油撈麵：好似撈丁咁（但濕少少）之後加 d 蔥油咁；唔會好油，唔會好鹹例湯：夠味，有一隻雞腳，一舊豬肉，兩細舊紅蘿蔔整體表現：不過不失，分量對得起個價錢，但未至於想聽日馬上再encore

屋企人依個星期食左兩次時代冰室 話要跟住蕭生去台灣😂😂佢地食得咁開心 咁就一定會趁我放假捉我去試下啦去到門口既時候見到都幾多人下 好彩禁左飛之後等左陣就有得入去 入面真係好滿座咁坐低就叫餐啦 佢食第三次亦都係叫第三次既餐堅·鮑魚花菇花膠滑雞石頭鍋湯飯外賣係幾吸引 又健康又養身咁樣 我試左啖湯幾好味既雞湯 不過主角鮑魚係得一粒 整體黎講係唔錯 但d雞就一定唔係滑雞 如果改善到依一點定Verygood我就叫左韓式·泡菜豚肉石頭鍋烏冬我覺得就冇乜泡菜味同埋豚肉都幾硬下次試第二樣 不過不得不提加$5可樂 係好大枝335ml玻璃樽板

《時代冰室》「無論時代點變，味道依然不變。」其實今次係我第一次幫襯蕭生既時代冰室😳想試左好耐架啦，但耐何地點上真係有D遠。今次佢係長沙灣開左新分店，真係打鐵趁熱即刻去啦😍堅。鮑魚花菇花膠滑雞石鍋濃湯烏冬 $62（配例湯同熱飲，凍飲+$3）上碟時「哇😳～」左聲！個湯既色水金黃色好吸引，雞味好濃，望落有點油但食落唔會好肥膩。先講鮑魚，我有d意外佢原粒上（我以為會係仿鮑片），雖然細細粒但賣相好有誠意！有好大塊既花菇，煮到好淋好入味😍花膠有3塊，都幾厚同大塊下，口感唔錯唔會好膠～個雞既色水好靚，都有好多雞件～質素有少少参差，因為我食到一舊好un好老既雞雞（咬得好辛苦），但其他幾件又正常發揮，不過都有少少偏老，雞雞可以再煮好D。配料有蘿蔔，唔係淋哂個種可以再入味D~娃娃菜同個湯好夾～烏冬另上非常彈牙💛我地遲左黎食，黎到已經過2點，額外減5蚊（$57）～呢個價位呢個質素我覺得有賺啦！蔥油厚切豬扒 伴三眼煎蛋飯 $46 （下午飯餐，配例湯同熱飲，凍飲+$3）下午茶餐但午餐份量～豬扒係堅。厚切同勁大塊～肉質幾好，唔會煮到好老，亦唔是落好多鬆肉粉好假既肉感。3粒太陽蛋都係半生熟，一吉落去爆哂漿😳個汁都好

見佢試業，就去試下佢個早餐叫咗一個沙嗲牛肉米粉配火腿奄列+牛角包仲叫咗杯凍檸茶點知個沙嗲牛一上檯已經覺得唔對路，無色既？好啦，照試下啦！點知一啲沙嗲味都無，牛肉白烚咁超唔掂再跟手試埋佢個奄列，老到嚇親我好似唔記得睇火咁食咗一半就無再食到而杯凍檸茶，檸檬唔香，淨係得啲茶既苦澀味，麻麻地🙊公道啲，牛角包我無食到就唔評論喇🤷🏻‍♀️唯一可取既係成啲位都算闊落，係幾好坐既唔會同隔離位癡得好埋而且佢啲餐具同醬料都好齊全，企企理理服務方面都可以接受既，侍應都有禮貌但真係無下次