時代冰室 (頌安商場)

營業中

休息中

依家啲冰室開到成行成市，時代冰室係少數真正主打香港情懷已有做到有質素嘅冰室。店內有好多香港風味嘅裝飾，例如八九十年代電影海報、入到去好似時光倒流咁。餐牌嘅選擇非常之多，淨係揀想食咩都非常困難，因為樣樣都想食！今日試咗鐵板蔥油豬扒炒意粉，一上枱個鐵板仲煮熱緊，主導啲意粉沙沙聲，食嘅時候要小心啲呀唔好辣親！蔥油味都算濃郁，意粉係鐵板上煎嘅時候最好撈嘅路，令到蔥油味煮得更加香，而且啲意粉唔會癡晒喺鐵板上邊。厚切豬扒我哋All day breakfast，估唔到冰室會玩埋fusion有all day breakfast，又幾有趣。 厚切豬扒肉質實淨有口感，唔會醃到淋pat pat，但又唔會鞋口，以煎豬扒嚟講都幾滑，牛奶炒滑蛋，蛋味濃郁，有奶味入口好creamy。牛角包中規中矩，薯餅夠熱夠脆口，味道同老麥有得揮。配一碟小沙律，夠晒健康。

.講起黃嘅茶餐廳你會諗起邊間？💛可能第一個答案都係龍門/ 光榮，唔會諗起燒生嘅時代冰室不過👦🏻👧🏻小編一致覺得時代冰室最高質 ( ´▽｀)而且餐單上有更加多元化嘅選擇，你諗到嘅都應該有(⁎⁍̴̛ᴗ⁍̴̛⁎).✨ 王牌厚切焗豬扒飯私心推薦焗豬😙睇相都見到有好多芝士，豬扒夠晒淋同埋最正嘅係用左蛋炒飯，仲會食到少少飯焦.✨ 野菜咖喱雞皇配印式薄餅咖哩可以配印度薄餅/ 飯不過就算食印度薄餅都唔怕唔夠飽咖哩入面有薯仔蓉，質地比較杰.✨ 王牌生炸雞髀✨ 5cm兩層特級厚多士✨ 水果茶（兩人份量）下午茶嘅雞脾有少少細隻🤣西多士炸得好香口，夠晒邪惡而加$13嘅水果茶又真係幾好飲～.💭有日係某間時代冰室外面等緊位，見到有位露宿者行過然後餐廳一位職員出嚟問伯伯係唔係肚餓過左一陣就見到職員攞左盒食物同飲品比伯伯食希望大家想食茶餐廳個時都會諗起時代冰室啦～.王牌厚切焗豬扒飯 $54野菜咖喱雞皇配印式薄餅 $51王牌生炸雞髀 $285cm兩層特級厚多士 $31水果茶（兩人份量）$13———不專業評分💯食物指數 🍴: 💛💛💛💛🤍環境指數 ⛱: 💛💛💛💛🤍抵食指數 🤑: 💛💛💛💛💛推薦指數 👾: 💛💛💛💛💛———📍時代冰室

終於第一次試時代叫左炸脾$26 + 薯條$5 +凍奶茶$3, 好抵食不過質素就麻麻王牌生炸雞脾，唔知係咪生炸，但一定唔係即炸，但亦都冇翻炸，好快上到枱，唔熱既，成個碟都係油，食起上黎都成口油，雞肉唔滑，但慶幸雞皮仲係脆，朕雞油味仲幾香，有d 炸子雞feel薯條可以唔洗嗌，又係一早炸好，有d 脆有d 已經淋晒，隻叉吉落去就見到d 油咇出黎嗰隻，個底左有勁大粒鑊燶，開頭以為係昆蟲凍奶茶係樽仔奶茶，冇冰，茶同奶比例剛好，只係甜左d我諗飯類會比較出色，下午茶就不了

見到好多人推介呢個飯 所以即使有啲唔健康同好肥都試吓三隻太陽蛋撈飯再加埋佢啲蔥，令到個白飯好好食，本身食好少飯，都可以食晒成個飯咁滯。豬扒嘅份量好大，肉味道正常，但又係啲蔥同豉油令到佢好好食😋

之前每次都係食三眼豬扒飯，今次轉轉口味試下巨人漢堡扒蛋包飯。巨人漢堡扒蛋包飯(黑椒汁)$53+凍飲$3蛋包飯會配埋沙律菜，普通蔬菜加沙律醬，因為不嬲唔好沙律菜，所以都係食左兩啖。蛋包飯方面蛋炒到幾滑唔會太熟，當然就無日本半生熟咁厲害，但係香港茶餐廳係合格以上，而飯用番茄膏炒，幾有誠意，但番茄味略厭淡左啲。漢堡扒肉質厚實，食落幾有口感，但就比較乾身。黑椒汁好夠黑椒味，但係偏辣，如果唔食辣嘅朋友未必食到。時代冰室係屋村lunch價錢屬於偏貴，但食物質素算係合理，不過有啲奇怪就係佢黑辣汁，蒜蓉汁係跟餐配，如果巨人漢堡扒蛋包飯(黑椒汁)想改配蒜蓉汁係唔得嘅，希望蕭生聽到我意見之後可以俾顧客轉汁啦。

平日午餐專登去食，好多人排隊，兩個人都要等10分鐘，佢入面掛住幾張90年代電影海報，幾有feel幾特別。我同朋友分別叫左吉列豬扒鐵板炒烏冬同肥牛鐵板炒烏冬，佢幾好的，送野飲，可以揀青蘋果綠茶或者荔枝紅茶，5x價錢份量都幾合理。吉列豬扒普通啦，炸粉唔算厚，但d肉就鞋左d，有d un，烏冬唔錯，有d雜菜喺裏面，鐵板上夠唒熱辣辣。肥牛好味，唔會太老，有肉香，但唔知點解肥牛果碟個醬汁甜好多，就烏冬黎講，吉列豬扒果個好食d。作為普通一個平日午餐，叫做唔錯

以時代點變，味道始終不變為口號嘅時代冰室，分店都唔少，由於工作地方附近就有間，而且都無太多黃店，所以幫襯都不下數十次，而佢嘅水準都保持得好好，好食嘅繼續好食，難食嘅都仍然難食，好符合佢個口號。蔥油厚切豬扒 伴三眼煎蛋飯 $53可以話係最愛，雖然三隻蛋好似好高膽固醇，但每次最後都會食哂三隻半熟蛋，厚切豬扒先醃過再煎香，口感同味道都好好，豬扒大細都一直保持到，無做耐左就縮水嘅普遍餐廳嘅弊病，而蔥油令豬扒飯更加好食，蔥油處理先加鹽爆香，口感爽脆，另外會有一碗甜豉油，令味道有更多變化。去時代已經只會獨孤一味叫蔥油厚切豬扒 伴三眼煎蛋飯，雖然時代嘅炒烏冬同帶有酸嘅咖哩都唔錯，但始終都係豬扒飯最啱我口味。

今晚叫咗個脆皮豬手鐵板餐，出嚟個豬手好似煲完湯咁，如果佢唔寫脆皮，冇乜問題，但佢寫明脆皮，但出黎效果好似湯渣咁，完全接受唔到，已經同侍應講，再煮第二次都係咁，一句唔好意思都冇，寧願唔食，下次唔會再幫襯

估唔到時代冰室會開係馬鞍山一向都好鍾意食冰室既我當然要去試一試佢既出品午市餐牌有好多選擇 過左2點仲可以減$5呢到既焗飯係用盤同木板上的感覺就係新鮮焗完即上 熱辣辣的👍🏻王牌果然係王牌 呢個焗飯份量好多一大個盤 裝住滿滿的飯 上面有3塊厚切豬扒🐷飯係炒飯底 上面既茄汁都好多 芝士亦都唔少 每啖飯都有汁 撈埋芝士同蛋炒飯 好滿足🥰豬扒真係好厚 不過嫌佢既肥肉都好多係呢方面扣左少少分不過因為個汁真係好好食 全部飯都俾我食曬😆下次我都會想試下其他焗飯😊👍🏻💕

時代雪糕紅豆西多士$33⋯⋯雪糕估唔到咁好食，非一般茶餐廳貨色，雪糕底放紅豆有幾特別；西多士剛剛好，唔油膩😘法蘭克福腸熱狗🌭️$32唔算太特別，勝在夠熱、法蘭克福腸夠脆😙

某個weekday下午，去朋友屋企玩，入到嚟先食嘢，一早喺長途巴士襟openrice睇有乜好西食，本身諗住最壞打算係食m記！一到商場，盪兩嘢就見到呢間茶餐廳，一於食佢！嗌咗個$55嘅港式all day breakfast, 有咁多嘢食，絕對收貨，仲要冇我最討厭嘅茄汁豆同bacon!沙律，廚師俾芝麻醬比得一d都唔手軟。豬扒，夠大塊又軟，好抵食！司華力腸同薯餅，來貨貨式，好難有伏！煎蛋好大份，完全食唔晒，最後連個牛角包都冇食到！加埋杯凍華田先58蚊，好值得幫襯！

#黃店系列相信大家都唔會陌生，蕭若元既茶餐廳「時代冰室」有四間分店，分別係北角、九龍灣同馬鞍山，沙田店即將開幕。⁣顧客兩點半後堂食2人同行仲送消毒搓手液添，外賣都有架。但係今日我食早餐，所以無得送😂😂⁣🔸歐陸早餐(美式千島醬炸魚柳 配 香滑炒蛋+腸仔+胡麻沙律+牛角包) $39⁣🔸時代見面餐(沙嗲牛肉米粉 配 香滑炒蛋+鮮油厚多士)$32⁣無論時代點變 味道依舊不變⁣

係屋企外賣都要幫趁蕭生開既黃既時代冰室🤪-📌沙嗲牛肉面（外賣平台💰58）配牛乳滑蛋+牛角包🥐湯麵分開上好濃沙嗲味💕💕啲牛牛仲有啲筋好好咬口(⁎⁍̴̛ᴗ⁍̴̛⁎)牛角包仲食到個層次如果堂食一定會酥脆-📌皇牌厚切豬排🥩焗芝士飯（外賣平台💰59）炒底基本啦😌炒得好香又唔油鮮茄同芝士味都好香濃💕好多汁↖(^ω^)↗豬扒都好厚身都好林身醃得好入味(⊙v⊙)-又黃又有得外賣又好食又大份係屋企都食要得黃

4月1日，病毒肆虐，本來該天我唸住買外賣減少出街時間，但經過時代冰室見還有空位，於是決定入座，入座前有職員拿清潔劑清潔桌面及消毒地毯，座位也有分隔開，非常衞生，值得讚👍。食物質素及份量方面，我點的蛋包雞排飯非常大份，仲有芝蔴沙律跟，誠意十足，炒蛋亦非常滑，整體質素不俗。飲品則點了阿華田火山，朱古力味夠濃，有點太甜。

夜晚啊媽冇煮飯 叫我自己搞掂抗疫期間都盡量吾想係街食見屋企樓下商場開左間冰室 一search之下原來係黃店就決定去買個外賣見門口貼左張傳單有個防疫餐 懶得諗食咩就直接叫左呢個餐外賣等左10分鐘就拎得呢個防疫餐 原價68蚊 俾錢先知有折連埋外賣加1蚊 都係62蚊-秘製薑黃咖哩(牛腩/脆魚柳/雞脾) 配 黃薑飯-雪耳杞子潤肺雞湯-自家製西洋菜蜜送消毒搓手液個湯好足料 入面既瘦肉一啲都吾老有大約3舊 雲耳都有好多個湯好夠味又吾會太咸 讚！試左個湯已經覺得幾驚喜點知個黃咖喱牛腩飯仲正一開已經好香咖哩味 咖喱汁唔會太稠太稀 平時咖喱牛腩飯好多餐廳都會比好多薯仔但係呢間既牛腩多過薯仔好多太約有6-7件牛腩 薯仔有3件左右牛腩煮得好岩岩好 夠稔得黎又吾會散開如果有埋牛筋就perfect喇😍黃薑飯就正常發揮 不過不失仲有個自家製西洋菜蜜 傳單上面話係中醫師既配方蜜糖係另一個盒仔上既 可能驚有人唔鍾意太甜呢樣野我覺得好貼心 我就冇落蜜糖 覺得清清地幾好飲晚餐黎講62蚊呢個價錢吾算太貴而且仲要質量不錯 仲送埋酒精搓手液下次係馬鞍山呢個美食又多個選擇