景霖正宗四川麻辣米線 (白加士街)

營業中

休息中

以前愛唔愛都會食景霖，不過係其他分店，但係唔知點解好耐冇再食佢。咁啱同屋企人傾過唔知食咩就入去。基本上食米線都係會嗌腩肉豬軟骨大腸。好耐冇食已經唔記得咗佢個麻辣喺屋企啦，所以都係叫個小辣試一試個水位先。第一下飲咗啖湯點解會係胡麻，完全唔記得咗佢嘅隻麻辣係咪真係咁嘅味道。唔係唔鍾意食，但係就係想食個種有少少麻痹嘅感覺嘅麻辣。跟湯裏便有塊腐竹，又幾香豆味。腩片就肥瘦適中，但係個豬軟骨就有少少失望，炆得唔夠腍。幫老媽點咗牛腩雲吞蕃茄湯底。雲吞得兩粒，當然冇攞嚟食。不過就食咗兩粒牛腩都腍同埋入味，不過個蕃茄湯底就清咗少少。

我哋相信每一區除咗連鎖米線店，點都會有一間米線嘅代表作，今次就得到佐敦在地人推介，嚟到呢間景霖正宗四川麻辣米線！腩肉確實係米線嘅靈魂配料，一層肥一層瘦，雖然好罪惡，但又偏偏好好味。呢度嘅腩肉夠晒軟腍又入味！至於冬菇就係用鮮冬菇，冬菇索晒湯汁都唔錯。至於湯底酸酸辣辣，好開胃呀！清甜無揸嘅蘿蔔同鱈魚豆腐，至於湯底就選擇咗小麻辣，唔算太辣，米線掛晒湯，好好味。雞肉微燶，好香口，但串燒最重要當然係個醬汁啦，沙嗲味香濃，好惹味呀！雞翼烤到好香口，香草味好香，好入味，而雞翼仲keep到juicy，但就略嫌雞翼太肥喇，有啲油膩感。

出開佐敦， 咁啱係食晏時間，想食米線，問Google大神，大神推介呢店，所以就去探索一下。店面唔算大，午飯時間坐滿晒人，果然受歡迎☺️✨LadyB是日精選✨ 酸辣米線。中辣。豬軟骨。雲吞。🍜酸辣湯底 （中辣）酸味同辣味配合得啱啱好👍🏻酸味有層次感，辣味又唔會太嗆口。對於食開譚記3小辣嘅LadyB，呢度嘅中辣啱啱好。🐷豬軟骨：推介豬軟骨滷水味濃，入味😋食得出滷水用咗好多香料去熬製，味道層次豐富，有家嘅味道🤤🥟雲吞係菜肉雲吞, 味道不過不失。見LadyB冇點嘢飲，店員竟然附送一杯凍豆漿。辣米線配凍豆漿當然係絕配啦！雖然豆漿係凍嘅，但係呢份人情味令到LadyB心頭暖暖的🥰唔怪得呢間舖頭咁受歡迎啦👍🏻

佢地的米線係好傳統嘅做法，你點好咗餸菜，逐個煮，所以唔會好似車仔麵咁樣，有啲餸菜唔熱他們湯底選擇都唔少，朋友話他們的酸辣米線好好味，個湯底好好飲，（我唔食辣，所以唔知）但係清湯都幾好味，可以食到餸菜原汁原味餸菜也比較多選擇，而且仲有魚麵，而家唔係咁多地方可以食到魚麵，而且用料都唔錯！坐位會有少少迫，每張枱坐六個人，繁忙時間一定坐滿招牌過橋大大碗，小小酸辣（可以兩個人食，個辣度適合一d唔太食辣d朋友仔）

佐敦和尖沙咀交界又是一個美食小天地，景霖米線已經開業多年，是我心目中數一數二好吃的本地米線🤩今天到店是下午茶時間有特價，有一餸加雞翼和兩餸的下午茶餐，另附豆漿。我點了兩餸下午茶米線，炸醬和雞肉，能吃辣的朋友推薦點個中辣😋麻辣湯底標配炸醬有下面腐皮墊著，不會一下就化開，超級多餸，還有芽菜和韭菜配料，米線煮得夠軟身入味🤌🏻這一家的雞翼和串燒也有名，不過下午茶時間我就沒特別點。第一次來的也可以點金牌、過橋米線那些招牌套餐米線🍜✌🏻😎

噉樣測試下米線真身🥢啦！行過佐敦一間幾出名嘅店，我心思思咁就入咗去。打頭陣先來個豬紅豬軟骨米線，入口即溶啲豬紅，滑嫩得黎唔彈牙，豬軟骨又夠哂嚼勁，咬落去‘卡滋卡滋’，令班麻辣湯底都略嫌寡淡咗少少嘅缺憾都冇咗！小辣嘅牛腩豬潤通菜，呢個組合真係夠晒創意，牛腩淋淋地，通菜又清新，一碟雜錦，好過癮！另一方面，啲小食都幾正㗎！香草雞翼就嚟㗎咁juicy，食一啖好滿足。蒜泥白肉嘅蒜香味飄逸，份量雖然唔算好多，但夠味，已經夠晒開心。而家個燒帶子啊！啲帶子大粒鮮美，燒得岩岩好嘅火侯，仲想再嚟多串呀！總結下啦，今次食飯經驗好平民化但又滿足晒。啲食物新鮮，味道好正👍，份帶子仲值得推介，無論係食味定係分量，都算係過得去㗎喇！下次再見面㖭！

可以book mark嘅米線😍平日經過佐敦，聽講美食雲集點都唔可以錯過 可以品嚐出名米線嘅機會朋友話呢一間旺角都有分店 好彩佐敦都有即刻搵到間店😍😍叫咗豬大腸豬軟骨雞翼小麻辣米線隨餐配送豆漿豬大腸入味，好咬口，軟硬適中豬軟骨肥瘦適中，好好味🤤雞翼都唔錯 又滑又大隻湯底偏甜少少，唔油膩唔太鹹啱晒我口味湯底四川米線嚟講唔算好厚，反而我更加喜歡 下次想試吓金湯，同埋牛腩，蘿蔔，腩肉😍其實咩都想試哈哈米線愛好者 一定要試吓🥰🥰

叫咗佢外賣成個月，同一個面底同埋餸加埋同一款雞翼，10次裏面都可以錯4次！第四次忍唔住打電話問返佢點解仲係錯order，店員都可以話我冇落過面底order ，叫外賣就要小心重複講多幾次先可以食到心儀嘅款式！雞翼非常好食，希望未來外賣服務嘅準確性可以做得更好

今日下午又要去針灸，路過佐敦，又到這間麻辣米線專門店。麻辣鴛鴦雞翼六隻$41，有三隻麻辣，有三隻香草，外皮都很香脆，內裏保持豐富肉汁。自選米線$54 ，冬菇、腩肉和魚腐，冬菇炆煮得很入味，腩肉肥瘦均勻，帶點鹹香味。魚腐吸收了湯底之後，層次感非常豐富。麻辣豬頸肉$30，麻辣味道適中，豬頸肉外脆內軟，如果喜歡買回家喝啤酒時，一起吃更佳。凍鴛鴦跟餐$8，花奶粉量比較多，如果喜歡喝鴛鴦，可於落單時叫侍應小奶小糖，更可喝出咖啡和奶茶的香氣。菜心$19，爽甜可口。景霖正宗四川麻辣米線分店地址：佐敦白加士街17號伯嘉士大廈地舖 旺角通菜街114號地舖 紅磡民泰街6號地下B號舖

麻辣中辣米線配炸醬 湯底麻辣味不算太重 叫左中辣 但好重胡椒味 喜歡胡椒味的朋友會很喜歡🔥紅油抄手醋味好足 皮薄肉嫩 餡料足料有肉汁 CP值極高 絕對值得一試 蒙古芝麻雞翼呢餐既MVP🥇🥇外脆內嫩 肉汁鮮嫩 有落重手的黑胡椒味 麻辣雞肉串燒好辛辣 但係甜味個種辣 不太能吃辣的朋友 慎選

今日收工去左揾個朋友交收🧡所以就同佢係佢公司附近食左個米線🍜佢推介附近好多街坊同佢同事都會食架～ 我見佢menu有素食，我黎呢日仲見到有僧人食添🫣＊＊＊＊＊🍜自選米線 三餸 $52雞肉🍗、醬爆鯊丸🐷、冬菇🍄走米線醬爆鯊丸好特別😍大大粒，其實係豬肉丸黎架～🌉本店馳名過橋套餐（大大碗）$65轉手打魚麵🐟 +$11包括：牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬、生菜、芽菜、韮菜、腐皮呢個套餐乜都有唔洗諗😆仲轉左魚麵，都幾煙韌👍🏻🖤🤍蒙古芝麻雞翼 $26 / 3隻🌶️🐥四川麻辣烤雞中翼 $25 / 3隻雞翼全部都大大隻💞蒙古芝麻雞翼好香口，四川麻辣真係幾辣下🫣有啲痛感，推薦食辣之人排戰下😆🍋凍檸茶 +$8🍹金皇蜂蜂蜜百香果茶 +$10（豐富鐵質保養血管、消炎、暢通血液）＊＊＊＊＊

係佐敦C出口一帶好多食肆，因為拎住太多野，好多名店都比較迫，見到呢間。。。睇住佢初初開到宜家有十幾年，上次試就唔ok ga la,比多次機會佢。。。就瀨野一去到見到好大油煙😨我諗因為開放式廚房，抽氣不足又學人賣串燒。。好彩一陣就無咁大味，位都算唔迫，比左大枱方便我放野都幾好。落單發現員工架習慣相當唔好，企係Epos機前同你隔幾個位咁落。。方便佢自己囉小食上到黎先，口水雞翼其實一開二。。。即係29得3隻。。。接近$10隻🙄賣相相當不討好，得幾粒酒樓炸花生同辣汁，咁叫口水雞翼？？？？唯一好處係分開左方便食串燒$29兩串寫住可以揀豬/牛/雞，我仲以為可以雙拼，但只可以揀一個味😮‍💨但已經算係今餐最正常。。呢度米線質感太淋。。。中辣完全唔覺辣,更加無酸味。。。蕃茄湯底全無蕃茄感覺，得兩舊蕃茄角，湯底只有丁點蕃茄味，顏色值頭唔紅，呃你都費事。腩肉肥肉比例勁高，相堂難想像肥瘦比就超過8:2，但又做唔到肥而不膩，又係無乜味。其他餸不過不失，但絕對唔會感到好味。後尾有個阿姐拎住比豆槳舞龍咁，倒曬出黎差d淋到我，但完全無唔好意思，淋到一地都一於少理，無打算抹。大佬!又污糟又會跣親人架。咁差都仍然有分店，

金牌米線 好好餸🍜有鱈魚豆腐、蟹籽丸各2件，仲有牛腩、時菜、炸醬，款款同米線都好夾，蕃茄湯唔係好濃，鹹鹹的幾啱配米線。本店馳名過橋套餐（大大碗），超多配料，有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。碗都大過人，啱曬大食人士🤭除左米線仲有好多款小食，雞軟骨串燒（椒鹽）作為小食一流，又脆又香口豬頸肉串燒（麻辣），麻辣好惹味，豬頸肉燒得啱啱好，彈牙得黎又幾有風味👍🏻呢度啲姐姐好親切，會同客人傾吓閒偈，仲有分店喺旺角同紅磡。米線控又多一個選擇🫶🏻

值得一試！店員友善親切，環境乾淨整潔，食物價格相宜我今日想食健康啲，就叫左雞肉、芥蘭、木耳、蘿蔔，好欣賞佢有呢啲配菜選擇，唔係得啲濃味肥膩丸類👍🏻 碗麵賣相雖然唔會令你驚艷，但食落湯底味道啱啱好，重點係每樣配菜（相中唔係好見到，因為匿埋左喺底🤣）份量好足，而且品質好好！雞肉嫩滑（好過譚仔嗰啲幾條街）、芥蘭新鮮翠綠、木耳爽口、蘿蔔鮮甜，絕對物超所值🤤 見到有負皮話湯底無味，我又唔覺喎⋯⋯今日食酸辣小小小辣（我之後口頭改左order），感覺同譚仔清湯底10小辣差唔多，但酸啲開胃啲咁，唔係得個鹹字呢餐又平又好食，係放工後嘅小確幸～ 喺附近搵食嘅話可以試吓～ 推介！

從紅磡總店開張已經開始光顧，不知不覺已經有三間分店，今晚想懷舊一下，便來到這裏。麻辣米線，腩肉、雞肉、冬菇和大腸$61，推薦如下：腩肉帶點鹹味，冬菇肉質厚實，大腸軟淋肥美。今晚的米線煮得比較軟，之前的米線比較有咬口酥炸魚腐$26，魚腐味道香濃，外脆內軟。香草麻辣烤雞中翼六隻$41 ，香草和嫲嫲的味道都很濃郁，雞皮外脆，雞肉鮮嫩，肉汁豐富。👍👍👍👍👍椒鹽豬頸肉串燒2串$30，豬頸肉脂肪甘香，肉質軟淋，非常惹味。蜂蜜百香果茶凍$18，百香果味道十足，加上蜜糖的，酸酸甜甜，非常配合吃麻辣米線。檸檬可樂跟米線餐$10，如果點了一碗米線，便可以以優惠價點多一杯飲品。油菜$19，份量都算十足。景霖正宗四川麻辣米線分店：佐敦白加士街17號伯嘉士大廈地舖 旺角通菜街114號地舖 紅磡民泰街6號地下B號舖