晶荷軒

營業中

休息中

今日同契仔入去迪士尼之前，去左香港迪士尼酒店嘆茶食可愛點心，呢間餐廳既特色點心一定要訂既，我地一早訂左米奇煎薄餅、醫神海鮮雞肉飽、蠔汁叉燒豬仔包、Tsum tsum 三色凍糕、小白寶寶豆沙包！訂左位就唔洗等，我地坐底就再揀多2款點心，竹筍蝦餃、鮑魚手撕雞脆腸粉、頭抽三鮮炒蘿蔔糕 & 椰皇元貝燉海螺！呢度環景都幾舒服，坐既位都好寬敞坐左一陣，得意點心上場啦⋯⋯米奇煎餅，好睇但味道一般，煎得有點油！蠔汁叉燒豬仔包，好鬼可愛，好食既但一啖就冇左囉😆😆醫神海鮮雞包仔，可愛到唔捨得食，味道唔錯架鮑魚手撕雞脆腸粉，內脆外滑呢個除左賣相得意之外，燉湯仲好鬼甜，份量十足，絕對值得推介！顱讚讚！呢個就賣相差dd,但又好鬼搞笑，小小豆沙包呢個就甜品，沒有太大驚喜！

好多人黎迪士尼淨係記得食BUFFET，但唔走漏眼，佢既中菜廳好出名架，同埋D菜式又精緻又好食！ 好耐無黎，今日專登入黎食下迪士尼朋友點心！食迪士尼朋友造型點心小貼士： 食迪士尼朋友造型點心要訂定架，最少要24小時之前預訂，如果要落ORDER，又或者想睇清楚仲有咩點心可以揀，你可以打電話問，又或者叫佢地 EMAIL 個MENU俾你慢慢決定！！！！ 佢地好樂意答你既問題。如要訂一些更繁複功序的點心，餸菜，如四眼雞丁壽包，金魚餃等等，要再早D訂架。所以有心食既話，早D 打黎問清楚穩陣D！迪士尼朋友造型點心／甜品選擇： 有時佢個MENU 會轉，今次我黎佢有星戰金腿五仁酥，米奇煎薄餅，DUFFY ＆SHEELIEMAY 迪士尼小熊甜包，OLAF小白寶寶豆沙包，BAYMZX醫神海鮮雞肉包，LITTLE GREEN MAN綠色小人菜肉包等！甜品，我一心黎食TSUMTSUM 三色凍糕！！其他呢度呢期提供， 仲有超級英雄三色凍糕，STARWARS 風暴兵凍糕等等環境： 一流！！！藍藍的海景，很安靜舒暢既感覺。入到迪士尼望到既海景比維港海景更吸引，個人認為因這裹既海景帶著平靜渡假既感覺，間唔中一隻小船漂過

去了迪尼尼宿一宵，晚餐訂了Crystal Lotus 晶荷軒。菊花茶（茶芥＄56）迪士尼小炒＄238蔬菜用了米奇模連同蝦仁一起炒！份量很少，味道一般，鑊氣欠奉！炸釀南瓜蟹蓋＄256兩位一個很重的蟹形金屬，蟹蓋味道也香濃。蜜椒薯仔牛仔肉$198牛仔肉頗淋，容易吃吧！米奇咖啡千層糕$48叫好一點，但見到出水中！黑武士風暴兵凍糕$58中伏的選擇，味道不討好，口感很死實！真是風暴了！總括晶荷軒味道一般，同價錢有點距離，可幸服務搭夠！

之前已經想食迪士尼點心但BOOK完位唔記得預訂公仔點心. 搞到冇得食所以專登再食多次所以Book完位記得要預留公仔點心喔左: 綠色小人菜肉包(Pork & Veg Bun) $88一般, 包同餡分離上: 小白寶寶豆沙包(Olaf Bun) $78中: 迪士尼小熊甜包 (Duffy & ShellieMay) $78喜歡, 2件不同味的要注意喔右: 蠔汁叉燒豬仔包(BBQ Pork Bun) $88覺得普通, 可能本身不太愛叉燒包下: 米奇鴛鴦糕(Turnip & Taro Pudding) $78推介幾香幾好食迪士尼小熊甜包 (Duffy & ShellieMay) $78我最愛的卡通原來兩件是不同味的上: 小白寶寶豆沙包(Olaf Bun) $78左: 綠色小人菜肉包(Pork & Veg Bun) $88一般, 包同餡分離

片皮鴨 、龍崗雞 、脆皮燒鵝 滿分大的要早一日訂龍崗雞很脆其他的菜式一般般 環境好 但也有不少內地遊客吃飯比較吵耳服務好 換了靜靜的餐桌蔬菜小炒的巢很脆 甜品要吃陳皮雪梨 ： 雪梨好吃但偏甜

每年的週年紀念日都會去迪士尼酒店，預訂了這個迪士尼點心餐，個餐款款都好有心思和特色，上菜次序很有條理，餐廳樓底特高，也可以望到窗外花園的景色，能夠很舒適的用餐 這個餐份量都很足夠，幸好我們已經預留早餐的肚子吃這個豐富的點心餐呀

今天又再度去晶荷軒，只見堂內人多，枱之間較以前減少。點心較以前失色但是價錢唔平，一句講曬大失所望，估計生意旺塲而不再花心思和改良食材。蝦釀茄子不錯！雲吞麵的湯底鮮甜，可惜麵有皂水味，雲吞失色！三式腸粉又貴又唔好食

是日公眾假期，幾位朋友提議到迪士尼飲茶，包私家車接送，何樂而不為晶荷軒位於迪士尼酒店內，以卡通造型點出聞名。我們不為綽頭打動，點了一個套餐。套餐包三款點心、燒味雙拼、老火湯、豆炒蝦仁、蘿蔔牛腩、炒麵、甜品。［燒味雙拼］賣相不錯，切雞和燒鵝光澤充足，亦夠大件，不過食燒味未用專程入迪士尼，當前菜熱熱身還可以。［鮮蝦餃］賣相不錯，蝦餃皮薄令蝦球若隱若現。蝦肉十分新鮮，爽口彈牙。若配上枱上XO醬，味道層次更加豐富。［小籠包］首先小籠包筷子夾上，皮連蘿蔔片一起夾上，沒有弄穿包皮。不過小籠包最基本要求是皮薄、包子多汁夠熱。我將小籠包夾進口中，腦海期待着的肉汁四溢的畫面並沒有出現，現實和想像中的小籠包存在明顯落差。味道雖然還可以，若一併考慮缺乏肉汁因素，恐怕此點心只能在合格與不合格邊緣徘徊［海班湯］海班爽口，夾上來一塊一塊呈現出來，可想而知食材質量控制嚴謹，亦是作為大集團對供應商供貨質量要求的優勢蕃茄湯夠酸度，刺激甜頭兩邊的口水分泌，入口認真醒胃。［豆炒鮮蝦仁］晶荷軒鮮蝦菜式的確出色，此蝦仁入口極為新鮮，入口彈牙爽口，鮮味十足。加上綠豆與橙紅蝦仁顏色對比明顯，賣相非常吸引［鮑魚菇佯菜膽］鮑魚菇質感較

早在六月已經訂好位和訂左一些特色點心,不過,點心數量太少,大部份得二件,三件,又唔知岩唔岩食,訂住五樣先,到時再叫,份量就容易計算了.時間上,由迪士尼樂園去酒店,真係要預備多些時間,天氣炎熱,由你係門口行去A區坐旅行巴都要10-15分鐘,巴士一班約10-15分鐘一班,車程5分鐘至8分鐘左右.晶荷軒的大門紅噹噹,好中國風,員工知道有一位小朋友,給了一份小朋友米奇餐具,很可愛.問了要什麼茶,即上了魚如得水,家人都好開心,但得二條,所以讓他們吃,聽說味道不錯,其他可愛點心,一一上來,醫神飽和三眼仔飽,影相就算,皮太厚,內涵太少,但家人看到好開心.米奇煎餅和鴛鴦糕,煎餅出奇好味,米奇鴛鴦糕份量太少,二口沒了.三色腸沒什麼特別,釀茄子沒味道,炒飯比較失色,比普通酒樓炒得差,可以不叫.甜品有五種我們每人也試了,自己和家人也覺得不好味,味道不特出,不會有想再吃的衝動.4大人,1小朋友,約消費$1300

友人對迪士尼非常著迷, 閒時就會陪佢入去玩下食下. 今次去左酒店入面既中菜晶荷軒, 預先要訂定位, 假日基本上都爆. 其實呢間係美心集團, 除左公仔包之外, 唯一我最有興趣既就係呢個"如魚得水", 賣相非常精緻, 訂位前已經要訂定, 可能廚師都要花一D時間去整. 真係好似兩條金魚響度游, 仲有荷花等, 非常吸睛.欣賞左好耐, 魚既表面係有魚鱗, 眼睛係飛魚子, 手工真係唔錯. 終於要將條金魚解體, 入面其實係蝦餃既成份, 不過金魚皮比較乾同硬, 里面既蝦膠等就幾爽口, 仲幾大粒. D湖水既汁唔係太咸, 旁邊既花係蔬菜, 幾爽口.迪士尼始終係一個較童話國既地方, 所以賣相永遠放第一位, 味道就不過不失.

香港迪士尼真係好細, 半日玩晒, 講真, 一年都未必入到一次. 成班大人入去玩, 反正好多野都玩過晒, 不如去酒店果邊飲埋茶先入樂園玩.晶荷軒最特別就係迪士尼造型既點心, 話就話要預訂, 其實我地walkin去都有得食, 因為無人會好似我地甘hea飲埋茶先入peak玩, 基本上都係得幾款公仔點心, 好多都係包點, 食包都飽~ 我地叫左米奇薄撐, 三眼仔菜肉包, 大眼仔雞包仔, Duffy紅豆包, 上到檯影相又幾靚既, 特別係三眼仔同大眼仔, 好搶鏡, 扼like一流, 至於Duffy..........好似毀容甘既!? 可能我唔鍾意食咸包, 我覺得薄撐同毀容Duffy最好味, 薄撐有D臘味粒, 都幾好味, 唔係齋一團粉; 紅豆包就略嫌淡左少少, 同埋D紅豆蓉唔夠靚, 唔夠滑~最後都食埋個桂花燉雪梨, 都幾好, 個雪梨燉到林晒, 又索左D桂花糖, 去左雪梨近個芯果陣酸味，覺得唔夠甜，仲可以自己加蜜糖~

去開迪士尼玩 所以來呢度試下二人台既椅背特高，係多人既台之間突顯空間感 一路都好想食Baymax 個包包好在星期六日d 特色點心會預多d我2點去到（3點last order) 都仲有得食 (last one)卡通點心，都預左好睇唔好食咁個Baymax 個包都算係咁，皮煙靭夠香，肉涵就一般la, haha 炸鮮奶 同 京都骨炸鮮奶 唔夠脆，入面唔夠香滑醬燒肉， 香口，邊微焦脆，好好味！ 筍尖鮮蝦胶，大粒蝦 唔係雪藏/發水，有咬口，皮薄而且夠煙靭，成隻夾起唔會痴唔會爛，好正！ 燒汁京蔥牛肉餅，嗯，皮不太香口，入面牛肉亦未感juicy, 普通 鮑魚碗仔翅因為先生想食濃味的湯，所以叫來試下個干鮑超入味！仲好香！軟靭度洽到好處碗仔翅香濃足料絕對滿足味覺！ 炸釀南瓜蟹蓋首先， 眼食先賣相令人充滿期待入口，香口夠脆 冇過火既苦味入面嫩滑 一絲絲蟹肉 冇蟹殻 好手工 冇花假唔怪得係推介 椰皇燉嚮螺瑤柱因為賣晒椰皇 所以就咁上，哈哈，唔緊要la燉湯 香甜 瑤柱 嚮螺 冇戲場 不過感覺未燉夠火候 米奇桂花紅豆糕糕清甜 爽滑 最重要既係桂花糕同紅豆糕 可以原件夾起，冇

妹妹是迪士尼的超級Fans，久不久便會和她去Disneyland Hotel的晶荷軒飲茶。每次都專攻卡通點心。米奇豆沙包的外形同味道都唔太掂。三眼仔菜肉包算係比較好食。豬仔叉燒包，普通叉燒包好味好多。雞丁壽包索價$680元，有10隻細雞丁，1隻超大雞丁，同一隻中size雞丁係大雞丁裡面。係幾得意嘅，不過好貴同頗難食。環境當然好，畢竟這裡是sell環境多於食物的。

雖然星期天天公不造美，但仍無阻我們出外的興致，不想到旺角尖沙咀等地和遊客鬥逼，便和家人來到去年有好體驗的迪士尼酒店喝午茶。假期嘛我們都喜歡睡慢一點動作也晚一點，雖來到餐廳已近二時，但門口仍聚集了有一群人，是各父母襯暑假完結前和孩子玩盡它嗎？留電話後被告知要等大約十張檯，和之前的清幽清靜有天壤之別；等了大約十五分鐘被領到餐廳最入的角落位置，環境陰陰暗暗的，加上誇張地向上延伸的椅背，整體感覺令我聯想起白雲公主裡的巫婆場面，很有壓迫感。翻開菜單有兩頁點心，其餘是小菜和粉麵，點心價錢由六十八元起跳，價錢好像漲了不少(翻看自己上年的食評才知)，有點令人卻步；不過一場來到，也沒掃興的隨便點些想吃的吧。鮮蝦蟹肉脆腸粉 $88首先上桌的是已分成九份的腸粉，炸過的脆粉在中間，夾雜著蝦肉和蟹肉，碰巧我夾到的一件有好多蟹肉碎，啖啖肉又鮮甜，腸粉亦嫩滑有米香，淋上豉油後很快便清碟。筍尖鮮蝦餃 $78一籠四隻的蝦餃大小適中，晶瑩剔透，可是一吃便出事！用料不新鮮，調味極淡，連丁點的蝦鮮味也沒有，只嚐到肥豬肉的羶，蘸些XO醬勉為其難地將它咽下。醫神海鮮雞包 $78一直想再訪的其中一個原因是我之前沒吃到可愛的公仔點心

續上回, 兩位契哥回港, book左迪士尼hi tea, 第2日, 老公問: 其實小朋友唔係見到公仔造型既點心開心d既咩? 你要唔要book埋…..well… 係我錯, 我一心覺得hi tea 好開心, 但係我無視左小朋友可能唔覺得食一抽抽既hi tea 係好新奇, 反而佢地見到DUFFY 變左做個包可能會仲開心…..於是我又BOOK埋, 仲訂晒7款特式點心大家都食得好開心,不過,你地睇下, 真係唔係好捨得咬落去:扁咀3眼仔:唔知點解佢真係扁左咀, 不過好攪笑, 佢地係菜肉包來, 很嫩滑:雪寶:佢個頭同身都有豆沙架, 少少偏甜, 提一提要小心支牙簽呀!DUFFY 同女朋友:大眼仔呢個係叉燒包來, 見到隻豬已估到吧…….d汁幾香, 而且唔肥米奇薄餐, 個精粹係個xo醬,可惜太細兜啦, 想要再就要加錢! 但真係好香, 不過都係唔太辣既, 怕辣人仕可以放心食啦米奇鴛鴦糕.食落幾香口,不過朋友話食完都唔覺有兩層(我無食到,唔夠分)再加左個牛河, 炒得幾好, 唔太乾,又唔油還叫了杯ELSA 特飲, 忘了拍照甜品:雪梨不要加太多honey,要清清地先好味基本上食物水準很好, 而且非常精緻! 小朋友