曉壽司 (慈雲山)

Hehee~~ 第一次幫店舖寫第一篇食評~之前果日(年尾),幫老豆計下佢過往一年起股場賺左幾多錢~計完之後講笑咁同佢講: 好野~賺到咁多,不如請食飯啦~點知老豆第2日真係請我地食飯~本來諗住平少少去食Saizeriya~但老豆忽然提議話去食壽司.其實起慈雲山想食壽司,真的選擇不多..所以我地食壽司都鐘意去土瓜灣某店外賣自取,又或者去其他區堂食.雖然上個月開左元氣壽司,但係平果D都要$9得一件仔,我地呢班大胃王一定食到老豆破產後來老豆諗起慈雲山前排都開左間小店,就話不如坐車去土瓜灣之前望下呢間OK唔OK先~其實我之前已經諗住去試下,不過間店超細,起門口行過發現好少野食.今次入去,發現除了店舖放左少少款式起自取冷藏櫃外,原來有外賣紙比客人叫,蠢左tim睇果2張外賣紙,估唔到細細間都幾多款壽司可以選擇,我仲有D擔心佢夠唔夠存貨而問佢係唔係外賣紙上的都有,大師傅佢話係,而後來我叫的,通通都有.不過佢張外賣紙就無寫到佢店舖賣果幾款清酒.雖然間舖好近我屋企,但係佢買滿$150就可以送外賣,咁我地呢d懶人緊係叫佢送上門啦~我拎走果2張外賣紙就起家中操刀,叫了100件壽司同8片三文魚~因為今日係1月1

Hehee~~ 第一次幫店舖寫第一篇食評~

之前果日(年尾),幫老豆計下佢過往一年起股場賺左幾多錢~
計完之後講笑咁同佢講: 好野~賺到咁多,不如請食飯啦~
點知老豆第2日真係請我地食飯~本來諗住平少少去食Saizeriya~
但老豆忽然提議話去食壽司.其實起慈雲山想食壽司,真的選擇不多..
所以我地食壽司都鐘意去土瓜灣某店外賣自取,又或者去其他區堂食.
雖然上個月開左元氣壽司,但係平果D都要$9得一件仔,我地呢班大胃王一定食到老豆破產

後來老豆諗起慈雲山前排都開左間小店,就話不如坐車去土瓜灣之前望下呢間OK唔OK先~

其實我之前已經諗住去試下,不過間店超細,起門口行過發現好少野食.
今次入去,發現除了店舖放左少少款式起自取冷藏櫃外,原來有外賣紙比客人叫,蠢左tim

睇果2張外賣紙,估唔到細細間都幾多款壽司可以選擇,
我仲有D擔心佢夠唔夠存貨而問佢係唔係外賣紙上的都有,大師傅佢話係,而後來我叫的,通通都有.
不過佢張外賣紙就無寫到佢店舖賣果幾款清酒.

雖然間舖好近我屋企,但係佢買滿$150就可以送外賣,咁我地呢d懶人緊係叫佢送上門啦~
我拎走果2張外賣紙就起家中操刀,叫了100件壽司同8片三文魚~

因為今日係1月1日,好多人落order,師傅一早同我地講左7:30至8:00pm最繁忙,計埋運送時間可能等半個鐘.
咁我就去跑步,諗住跑到8點叫外賣,沖完涼剛好有得食~我有一句格言,就是"做運動,是為了吃更多好野">3<

跑完落order,一輪咀噙完晒,師傅佢再覆返我,全對~
叫佢比多d豉油同wasabi,佢話無問題,仲話有咩野可以隨時再打來,
不過佢話今晚忙加上我地叫咁多,佢話要等30-35mins.最後比原定時間遲少少,小師傅就送上門啦.
小師傅話萬一漏左單,不妨打電話,佢地會再送上門,不過我食完睇返相數下,佢地一件都無漏

因為要趕住食,所以蓋都未開,只係幫佢地高空咁影左一張大合照就開動了~
所以右上角果盒同花之戀比個蓋壓到有點樣衰,但打開蓋個賣相是OK的~

好~真正食評來了~

櫻花魷魚,蟹籽,芥辣八爪魚,酢鯖魚,希靈魚,三文魚籽: 同普通壽司店的份量質素差不多.
花之戀: 三文魚多,不過我嫌蛋黃醬唔夠多,因為我好鐘意食果d醬. >v<
三文魚壽司/刺身: 呢款壽司叫得最多,件件都切得好整齊,厚度正正常常. 刺身新鮮,不過就無切得件件厚度一樣.
熟帆立貝: 估唔到用料都幾重手~GOOD~我地叫左4件,其中一件D色較深(唔知點解),反正我避開左佢.

饅魚壽司: 我覺得很一般,隻味唔夠濃.
蟹籽沙律壽司: 呢個係我最愛的壽司款式中頭幾項必叫的.相比之下,我覺得此店做的很一般哦,下次唔會再叫~
吞拿魚壽司: 其實屋企人包括我不特別喜歡吃吞拿魚的,但總是會叫.真係估唔到佢竟然厚切.

比我地浪費晒...>_<

卷類係一條咁叫,再因應類型切開6至8件.
加州反卷, 軟殼蟹牛油果反卷: OK
芝士炸蝦反卷: 咁多壽司入面最好食,芝士有火灸過,雖然送到我家中芝士已經唔太暖同稠返,但依然好味,尤其炸蝦~必叫~!
什錦太卷: 呢個有D甜,都好食ge.係咁多壽司入面最大件,明知易散,但大口怪都要被迫分2口食.

仲有好幾款壽司(墨魚,芝麻八爪魚,味付螺肉,海膽,鐵火卷)叫左但無食,單看賣相是OK的.
吞拿魚沙津壽司:都無食,單睇個樣好似好稠.

總結:
服務: 很好,由大師傅起店舖介紹,電話落單果位(唔知係唔係都係大師傅),同送外賣的小師傅,通通都好有禮貌~
食物質素: 早前慈雲山中心果間開左無耐又摺左的壽司店,不知是否接近獨市經營,件件壽司size都切得大小不一,還有偷工減料之嫌.所以我今次對呢間新店不抱太大期望.
但估唔到佢件件壽司都切得好平均.雖然相比其他壽司店不是特別好,但以這個價格來說,確實不錯哦~尤其某幾款出手很闊綽!
唔計果2客切身($28/客),平均每件壽司都只係$5.87/件.
相比一般中擋次堂食壽司店,水準拍得住.美中不足係D紫菜點都有D軟.
相比外賣自取的.水準同份量一定高過百佳,爭鮮果d...(上個月,試過食爭鮮,d壽司細到....d味淡到....食完唔覺得自己有食過...)
同專門的外賣自取壽司店比(其實我只食過土瓜灣果間,連名都唔知

)爸爸話好似貴左dd~
份量: 我是大胃王女生,吃了18件+2片魚生.飽到頂住個胃頂左好幾個鐘...肥兄很早就停口了,175磅的肥弟都說吃得超飽,但老豆說距離飽肚還欠3件,佢地每人吃了近25件.最後留左8件比夜歸的媽媽做宵夜,但食唔晒~總共洗左$643.

我下次會再試下佢地d魚生飯~