影片
電話號碼
2382 2817
開飯介紹
由前港姐謝寧創辦的曲奇餅品牌，以手工蝴蝶酥最為聞名，口味包括黃金亞麻籽蝴蝶酥、黑白芝麻蝴蝶酥、椰絲芝麻蝴蝶酥等。
繼續閱讀
獎項殊榮
最優秀開飯甜品店 (2011)
營業時間
星期一至四
11:00 - 20:00
星期五至六
11:00 - 21:00
星期日
11:00 - 20:00
以上資料只供參考, 請與餐廳確認詳情
招牌菜
相關文章
呢間野以蝴蝶酥出名。但好老實講，非常普通。你地可以去老牌街坊餅店「金雅餅店」買個平平地嘅蝴蝶酥，兩家一比較，恕我真係食唔出「曲奇四重奏」有乜優勝之處。其實大把地方做得好過「曲奇四重奏」，只係名人效應。至於「曲奇四重奏」嘅曲奇就更加物非所值，我建議大家不妨去Jenny Bakery 買盒曲奇試試，真係好食到一口接一口，而且價錢仲平過「曲奇四重奏」。我喺「曲奇四重奏」買咗包腰果曲奇，十幾塊要成七十蚊，可能我食過Jenny Bakery嘅曲奇，一比之下「曲奇四重奏」相形見絀。我認為「車厘哥夫」嘅曲奇亦遠遠在「曲奇四重奏」之上。比得起咁嘅價錢不如去 Mrs. Fields Cookies 度買仲好食。我要強調「曲奇四重奏」嘅曲奇蝴蝶酥唔難食，但絕對稱唔上好食，再加上咁嘅價錢就更加係唔值。
繼續閱讀
好耐無買過佢d曲奇，如果有機會經開實會買，近排愛上佢個蝴蝶酥，同事或家姐出開去實叫佢地幫我買番包蝴蝶酥 & 川椒榛子曲奇川椒榛子曲奇係另一隻鍾意的曲奇，好特別，有少少椒味，而且好鬆化，好味蝴蝶酥 & 玫瑰曲奇 玫瑰曲奇係姐姐要買的，我就覺得一般蝴蝶酥之後忍唔住買咗一盒，以前唔太好蝴蝶酥，但食過四重奏果d之後就愛上咗，好鬆脆好香牛油味，好好味雖然價錢係比較貴，但咁好味都會捨得買囉
繼續閱讀
4﹣2﹣2011(Fri)大年初二去外婆家拜年，舅母照例畀返一盒禮我o地拎返屋企，我見外型咁grand，應該係貴o野。搭車時睇睇，應該係謝寧o係九龍城開o個間餅店o既出品，返到屋企反轉個盒至睇到中文，真係呢間出o既蝴蝶酥。到（5﹣2﹣2011Sat)大年初三朝早，同男友出發去佢屋企前食少少o野，原本想煎蘿蔔糕，但男友話唔喇，唔想洗o野。咁....咁試呢個蝴蝶酥啦。打開後，嗅到好香，忍唔住食喇，佢好鬆脆，唔似平時食o個啲咁硬，而味道係甜甜地，有蜜糖甜味，的確幾好食，我同男友一連食四件至停手，如果唔自控，真係分分鐘一次可以食晒，所以千祈唔好將佢獨留畀小朋友。唔知幾錢，但肯定好貴。
繼續閱讀
提供個電話但又長期打唔通，連打兩日個voice mail box 滿都冇人清！連打個電話問句都唔得，要專程去舖頭問一個問題！同佢哋講電話冇人聽，佢哋話一路有人聽緊！但個VM滿晒就唔理？請問生意係咁做嘅咩？？？唔可以搵多個人清吓啲VM，聽吓電話？？？
繼續閱讀
12月26日晚到九龍城曲奇四重奏買cookies但全部沒有袋裝貨,要order! 站在cashier 的女服務員態度很差, 問她有沒有其他曲奇或有甚麼現貨曲奇? 她以黑口黑面的態度答你 "沒有"! 後來只好轉買一包蝴蝶餅, 初頭入去見想買的曲奇沽清了, 本來都想落order 訂的, 但經這一位姐姐的禮貌對待後, 已打消了再買的念頭! 是否看不起只買一包蝴蝶餅的客人呢? 曲奇賣得咁貴, 重要受這樣的對待, 我唔會再買囉!!
繼續閱讀