曼谷泰菜 (新都會廣場) (已結業)

今日午餐想食泰國菜，跟同事12:45到了樓下曼谷泰菜等位。午市套餐都幾多選擇，跟餐有冷/熱餐飲一杯，咖啡或茶，泰國紅花茶，百香果蜜或木橘蜜。泰式海南雞配雞油香飯 $65 海南雞肉質鮮嫩，本身都驚油飯太膩，但原來配上海南雞食，加上醬汁，油飯都是一個好配搭。黃咖哩牛腩配白飯 $65 材料有薯仔，牛腩，紅椒。牛腩幾腍，樣看似好辣，但黃咖哩配上白飯，可以食多一碗。菠蘿炒飯 $65 以為原個菠蘿上，原來只有雞粒，菠蘿，炒飯，腰果，肉鬆跟碟上，這個午餐比較普通。

中午係新都會想食泰國野，附近無乜選擇 就入咗黎食，叫咗個香茅豬排河配春卷，同青咖哩扎肉飯，飲品叫咗個百香果。飲品先到，味道偏甜，百香果味唔係好重，似溝出黎，有點失望。豬排幾香，湯河唔錯，湯底清，河粉滑。但芋頭春卷味道麻麻......感覺唔太夾，青咖哩唔夠辣，椰味太重，有d奇怪其實本身想食青咖哩雞/豬，但餐牌上無呢d選擇，只能夠揀扎肉，結果當然係唔太夾，味道單調，扎肉又無口感整碗青咖哩份量亦偏少。午市價錢雖然唔貴，但味道十分普通，選擇又少，建議食其他。

四個人去食午餐，叫左海南雞飯、冬蔭功湯粉，豬手飯，咖哩牛腩飯，四樣都係好難食。講真，我地一家人食飯要求唔係高。先上左一個冬蔭功湯粉，大家呆左，是一碗好青的水上面有少許辣油，一試，完全係飲醋水，無諗過差到咁，叫侍應來佢，佢只話係咁架。咖哩牛腩完甜到不可想像，完全食唔到；海南雞柴皮到一個點，好恐怖，豬手又凍又硬。總括來說，根來難食到爆，成家人食完都話，係有生以來試過最難吃的泰國菜，奉勸各位千歧唔好試。

假日要在葵芳新都會找一間餐廳的確不容易。每間餐廳門外都滿佈拿着排隊票的食客在等位。這次，我走到商場的最高處發現一間泰國餐廳。望了門外擺放的餐牌，望了入面環境也不錯。我就決定要衝入去了我被安排坐到最入面的位置，望著外面的空中公園，很外小朋友在玩樂，我的心情很在愉快，就這樣渡過一個愉快的週末。泰式雞肉炒金邊粉 金邊粉炒得很乾身加上青檸更開胃！記得將花生碎拌混，口感更豐富！香茅雞扒清湯金邊粉配泰式春卷另外，我還加了$10小食。迷李木瓜沙律🥗很驚喜份量也足夠2人材料十分豐富，口感清新但帶一點辣，作為頭盤這個很成功

睇戲前先醫肚，揀左一間一直想試而未有機會試到的泰菜，始終夏天食d酸辣野會比較開胃經open rice app 訂位，準時到達但竟然仲要等，大概等了10分鐘就入坐我地三人行原來打算叫個二人餐再散叫的，但睇清楚二人餐唔係樣樣岩食，所以最後都全散叫算泰式小食拼盤 $95泰式生蝦剌身 $98 原個菠蘿焗飯 $95粉絲大蝦煲 （3隻）$258冬蔭功湯-細的2人份量 $88椰汁冰 $30食物服務各方便都滿意，除了個粉絲大蝦煲，又貴又唔好食

之前係屯門食佢的分店，味道唔錯，見葵芳有分店，就過去食lunch，點知。。。一入去服務真係係好一般，有幾個侍應見到我地，都唔理我地，之後有一個行過先幫手點單，明白點解之前食評有人寫個service唔好。叫咗個海南雞飯。。。個雞唔軟。。。過老，唔係平時食開的海南雞，配的湯。。。味精好重，飲完仲口渴過未飲，個飯反而係最ok。我個辣豬抄河，都得好少豬肉。無諗過會咁失望，下次唔會再過嚟食，真係一間失望的泰國餐廳！

睇到裝修唔錯又想食泰菜，即管試試點知係令人極度失望既晚餐一入去坐唔到兩分鐘，先係一位男侍應咩都冇講就放低一碟青木瓜絲沙律掉頭就走，話左比佢地知之後轉頭再比另一枱客人，旁邊既客人同我地講，佢地一開頭坐低都係咁，呢單係小事⋯⋯我地點左四款菜式，香葉包雞，燒魚，酸辣椰汁雞湯，因為冇晒芒果南瓜炒飯改為 海鮮焗飯，香葉包雞一黎到，我食左一口已經覺得超級難食，係就黎變壞既酸味，同埋口感係好「鞋」，同侍應講左之後，佢地都好好幫我地取消再黎係椰汁雞湯，4款菜式中比較正常既一款但雞肉都明顯唔新鮮海鮮焗飯一黎到，已經見到d飯好爛，明顯未收水同焗唔透，食落冇味，青口同蝦似係求其水煮同冇鮮味，加上綿質既飯，只能格硬隊入口，一路食諗住：算啦⋯冇下次⋯⋯食飽算，都唔想浪費⋯一邊食焗飯配燒魚，燒魚用筷子夾落去就散，已知都係唔新鮮食材，點知食到中間，有一灘水，燒魚中間有一灘水，第一次食到未收水既燒魚即時心情更差，諗諗下真係要同經理講聲，經理行過黎幫我地取消左條魚，d飯我地都冇講⋯⋯埋單轉場食其他野算⋯⋯⋯真係要轉場，服務態度都知唔可以要求太多，因為飲食業好缺人，各位侍應辛苦晒！可能係黑仔咁啱叫4樣3樣都難食⋯⋯我諗d

服務差，食物差！等位一小時以上，安排太差、訂位都要等一小時以上差差差差差差差差差差差差差差差差差差差差差差差差差差差差差差

一行7人慶祝生日，入坐前已知道限時為90分鐘，所以衝鋒式點菜。食物上菜快，而且質素為中上，椰汁雞湯好味，餸菜亦蝶蝶有溫度。大家都有讚無彈，還想想下次一班人的聚會點，可以再選這裡。惟獨服務😫，本來一邊食，一邊清走枱上空蝶子實在不錯，感覺殷勤。但最後15分鐘，服務員推著車，不停地清走枱上用具，不但打擾我們的興致，亦阻礙交談，畢竟是一班舊朋友的生日聚會。用這老土的方式，就是清走枱上所以餐具，明示暗示我們要交枱離開🧐作為食客感覺不夠大方，何不輕輕鬆鬆直接通知我們交枱，感覺就更完滿👎🏼👎🏼

同我食開既泰國菜一d都唔同，一d都唔好食冬陰功湯淨係得香茅味，蝦又唔新鮮炒金邊粉普普通通，係最好食個既一味菠蘿炒飯感覺係煮完跟住蒸左好耐咁，唔香，無麥味，賣相又差咖哩軟殼蟹個咖哩連少少咖哩味都食唔出，講唔出似麥野汁，但個汁同蟹完全唔夾，真係非常失望泰式豬手d手都係一般般，但係底既咸菜真係好難食，好酸，好咸，仲苦苦地原本諗住影相post，但失望到唔想影相

同女友到葵芳，新都會都係必行之選，八點幾九點大家都未食嘢，所以升降機上到五樓第一間就走入去，原來都係有信譽(女朋友去開天后果間)店員都有心幫我地安排卡位，整體服務算不錯，有笑容嘅！原本打算叫二人餐，但又分析一下，女友食唔哂我就食到過飽，哈哈。而且當下心頭好都不在二人餐中，所以最後單叫左以下幾樣:喜歡沙拉健康嘅我，每次睇餐牌都會留意，今次呢個柚子酸酸甜甜，花生令口感豐富，大蝦爽啊！為左可以夠鐵質捐血，自私地叫左牛肉，粉絲佢喜歡，一箭雙雕！原來都有芥蘭同椰菜花，牛肉也入味，不錯不錯。叫左女友喜歡的椰青，又係食埋啲椰肉，佢開心我開心啦！始終都一係一大班人先食倒多啲其他款式嘅菜色。

係葵芳新都會睇完戲，行出嚟唔知食乜好，見到呢間泰國餐廳，都要等位，心諗應該出品唔錯掛，等咗半個鐘先有位，但一試有所失望，祇有個粉係食得下，其它真的不至以評，下次不會選擇

冇錯當初開呢個帳號，其實只在記下我同同胖老公去過的每間餐廳，寫下那天做過什麼事其實完全就不關乎我們吃什麼所以有時一些完全沒有紀念性，沒有特別的我都會記下給老公看事關老公見我電話跌到好爛前幾天終於忍不住買左電話 😊❤️所以我地去葵涌廣場，整電話貼買電話殻老公揀左食泰國菜1）佢想飲冬蔭公呢個冬蔭公很足料，沒有偏酸或辣，味道調教得幾好，但芫茜味太重，我不是太吃到2）糯米釀雞翼皮唔夠脆，𥚃面的糯米飯太濕了3）炒金邊粉如果再乾身一點會更好其實整體味道唔錯，價錢也抵，可以一試

叫得曼谷泰菜，如果做得唔「泰」好，就唔止關乎一間餐廳面子問題。午市早段，見難得門口無人等位，入內。被安排係最入邊２人位，大大塊落地玻璃，出邊就係新都會露天playground, 孩子天真的笑臉，未食都覺得心情舒暢。同行友人叫左紅咖喱牛腩飯牛腩炆得夠入味，咖喱亦香濃，淋上白飯面，一同進食，好味。唯略嫌選用之白米煮出來既白飯唔夠香。但同咖喱撈埋食，又無咩問題。只係如果可以轉過一款好Ｄ既米，總會好Ｄ。我就叫左泰式炒金邊的的適適，乾濕度適中。再乾一分就太乾，可見出品有一定保證。蝦亦唔係無味道既白蝦，而係肉質鮮甜既無頭鳯尾，加分位。跟餐沙律所用既container亦唔錯，環保得來同泰菜好匹配。沙律本身亦唔錯。可能係所坐位置屬場內最唔顯眼角落，比較難搵店員幫手。除此之外，整體都可以。

葵芳站一條行人天橋之隔，就到達新都會廣場，這裡食市很多，不同菜式餐廳齊備，但要吃泰菜，只此一家！餐廳位於五樓，與樓面有一部份共用商場部份，裝修沒有很濃厚泰國擺設，要稍稍留神才發現是做泰菜的地方，但整體樓面清潔企理、地方寬敞、座位舒適、不算嘈吵，適合老友聚舊及有小孩同行家庭的好食點，因為鄰近商場的兒童遊樂場，怕辣的客人來吃，有一隻辣椒標誌的菜式，吃下也不算辣。言歸正傳，當食客第一次去到一家陌生食市，當然是在A La Carte尋找佢嘅signature dishes試試，今午找來炒金邊粉、啦沙湯河、青咖哩炒飯、冬蔭公及一些特飲。味道方面，金邊粉及湯河都烹調得宜，雖然不算地道但不失泰式風味，青咖哩飯夠辣，冬蔭公反而較失望，order二人份量，但只是出了一個小小湯碗，portion偏少！這裡特飲也多選擇，廳面服務員都非常友善。如果行開葵涌附近，又突然想吃泰菜，一定再來光顧。