有囍 (已結業)

今日來到太子的有囍餐廳。餐廳已經非常多人，見到海鮮雞煲2人套餐非常吸引，有蒸海鮮，又有雞煲食，還有小菜，非常吸引呀。超值海鮮雞煲2人套餐套餐有籠仔荷葉蒸海鮮、滋味豬肚雞煲、清炒時菜、馳名蠔仔粥及是日甜品，每席$438。雞煲先上枱，要了小辣，雞煲材料非常豐富，內有雞、豬肚、大蒜、洋蔥及芹菜等配料，雞件切得比較大件，但都很入味，眾多配料令整個雞煲更為惹味。籠仔荷葉蒸海鮮有鮑魚、蒜蓉粉絲蒸扇貝及蒜蓉蒸鮮蝦。果皮蒸鮑魚，果皮味剛剛好，不會搶去鮑魚的鮮味，鮑魚帶少少爽口很鮮甜。蒜蓉粉絲蒸扇貝也落了大量的蒜蓉蒸，令粉絲非常惹味，而扇貝新鮮又帶鮮味。蒜蓉蒸鮮蝦鮮蝦開邊，也放了大量的蒜蓉蒸，原來鮮蝦與蒜蓉的味道非常夾，蒜蓉更能提升鮮蝦的鮮味。蠔仔粥蠔仔粥，有魷魚、蠔仔、薑、芫茜及蔥，加少少胡椒粉，香香辣辣，有口感又好味哦。

又係時候講屋企嘅花園扮靚，當然就係去到太子嘅花墟行下買下野啦！購物完之後仲有時間去食個午飯，行吓行吓就來到這間了！他們是中式菜館，見到他們的小菜圖片都好美味就入嚟試吓，午餐時段就幾款午餐選擇，主要係呢啲小炒粉麵飯！價錢亦都比較抵食，包嘢飲都係幾十蚊，但係係好大碟！可能係繁忙午餐時間，飯就好快就到，面就要等左一陣先有！我叫咗個青瓜炒牛肉飯，跟白飯食一流，我係覺得略嫌多汁，不過牛肉同青瓜份量都幾多，直情係比一般的多！吵得也不錯同事就叫左味菜牛肉煎米粉，米粉煎得香脆！跟多汁嘅餸菜一齊食又係咁好味！這裏的午餐的確抵食，加多幾蚊有埋嘢飲！

是晚約咗長輩級的食飯就揀間中菜啦！我上網搵左一輪見到太子呢間中菜館，啲人推話小菜够鍋氣又坐得舒服，一於就呢一間啦。場內嘅環境的確感覺幾舒服同埋新淨，裝修幾新潮的感覺，一個食中菜就去老餅酒樓或大排檔嘅固有印象。而且帶朋友嚟呢度食一啲都唔失禮！食中菜最緊要新鮮同有鑊氣，我都在乎佢夠唔夠份量，因為長輩想食魚頭，我地點左個鍋燒薑蔥水庫魚頭($138), 講真純粹為咗敬老先點呢個魚頭, 因為我真係唔識食的魚頭嗰種人。碟魚頭上到嚟我嘅第一印象係好香😍，我再嘗試去揀啲肉嚟食，真係冇乜肉，但係食食吓佢的骨又真係幾香，佢將成個大魚頭開邊炸到香脆，再配以薑蔥佢炆佢，鑊氣和味道都10分，但係我都仲係唔識得論骨，長輩對呢道餸嘅評價十分高，佢話個魚雲好好食而且最貴係佢。ok fine , 長輩開心就好了😆跟住我就點返一啲我鍾意食嘅嘢啦，就係椒鹽一字骨($88)，食得出佢嘅一字骨醃得好入味再拎去炸，再去椒鹽，睇起上嚟有啲乾，但食起上嚟卻是好juicy會爆汁嗰隻，啖啖肉幼又易甩骨，因爲佢新鮮熱辣炸起拎上嚟，雖然好熱氣，但係好好食！👍食咗咁多炸嘢同埋肉，要食返啲菜，我地點左個上湯粉絲什菜煲($88), 超級大煲有成四

今日喺旺角行完街，見肚餓就去附近嘅地方搵嘢食，不過喺旺角食你食去都係串燒，放題，米線，種類其實好少，以前去親旺角都會去一啲打冷嘅鋪頭度食，但係依家真係買少見少，最後經朋友介紹去咗一間叫餸食飯嘅餐廳，餐廳名就叫做有囍餐廳其實好易搵喺太子嘅食街，成條街都係好多酒吧一啲食雞煲嘅餐廳，事不宜遲介紹一下呢間餐廳先餐廳裝修燈光比較明亮，坐嘅位置亦都比較歡堂教歡樂坐得好舒服魚香茄子煲，茄子煮得唔會很油膩，食落大大條好爽，茄子煲嘅鹹香亦都好香，好少餐廳可以做到呢個水準蜜汁薯仔牛柳粒，牛柳粒一口一啖，送飯非常之一流，薯仔亦都炸過再會買牛柳粒一齊煮，令到口感外脆內軟薑蔥筒蠔煲，好非常之大隻煮完之後亦都冇一種縮水縮得好勁嘅感覺，薑蔥味道非常濃烈，味道同香味都係一百分

置花添魚均是小妹之日常，花墟、金魚街早已足跡遍滿。有囍亦熟悉不過，知道新加了粵菜餐牌，正好是我的茶。有囍環境乾淨企理，座位舒適，比一般茶記高檔許多。茶位每位$8，無限茶水招待，可省回另叫飲品😄😄。加上粵菜，還是一盞茶比較合口味。點了滑蛋蝦仁 $98，蝦仁相當大隻，滑蛋亦做到滑口感，調味咸淡適中，加點蔥多點色彩，滿意菜式。少見的太極醬蒸元朗烏頭 $128，一魚兩味，有點新意思。橙色的是檸檬蒸烏頭，家常做法，酸酸的檸檬味，醒胃非常。蔥花豆豉的豉汁蒸烏頭，同樣是家常的餸菜，豉汁惹味，加上元朗烏頭肥美無泥味，吃得不亦樂乎。粟米魚肚羹 $88，味道偏淡口，屬少鹽湯羹，對身體有益。雖然我是個重口味，但對健康食品絕對有包融 😍😍。後加的椒絲腐乳唐生菜 $66，上枱時間超快，豐富纖維，輕輕腐乳味，爽口大件，健康之選。晚費甜品消暑南瓜露，用南瓜打蓉煮成的甜湯，口感綿潤，飯後一點甜，份外愉快。三餸一湯，家常便飯，方便就腳，價錢合理，難怪自己經常在這裏出沒。

以呢區黎講，價錢唔算平，亦唔算貴。不過，呢個價錢，我無諗過食啲咁嘅垃圾。所謂嘅辣子蝦其實係避風塘蝦。水煮魚腩難食又多骨。收我一舊水嘅海鮮炒飯淡味到要撈炸蒜食。凍檸茶少冰變左無冰。店員對自己餐牌上面嘅野一啲都唔熟悉。兩個人食嘅咁嘅質素嘅野竟然要5舊幾水埋單堅係大伏！好耐都未試過食到成肚火，亦係第一次嬲到要上黎寫臭佢！之前黎食嘅時候仲係以星馬菜式為主，價錢亦係咁上下，但好食好多。而家一轉中菜... 我唔知平時多唔多人食，不過今日比起其他舖頭都少客。總之，唔會再幫襯

之前同事推薦咗位呢間有囍，聽佢講呢間餐廳D甜品菜式好好味，難得今日休息所以過黎品嘗一下，餐廳裝修精緻，環境舒適，座位也比較寬敞。雞件厚肉不肥膩，雞煲炆到岩岩好夠，食落好彈牙好滑口，味道唔錯！星加坡炒貴刁 星洲炒米的味道, 材料好豐富河粉, 加入蛋、芽菜、青椒、叉燒、蝦仁來炒, 炒得不油膩, 夠乾身, 份量也好多, 味道OK!懷舊紅豆冰點咗個多冰，份量好，紅豆足夠綿化，好甜，好好飲我鐘意！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

有囍主打星馬菜, 口味貼近港人, 難怪平日嚟食晚飯都接近滿座。今日一行四人, 大家都懶得諗, 點咗個四人套餐 ($888) 。套餐包括5餸1飯, 仲附送糖水、1支啤酒、 2罐汽水 , 豐富得過份。海南雞色澤鮮黃, 賣相不錯, 肉質柔軟而帶有肉汁, 大家都食得津津有味。龍躉肉連魚皮, 食落滑一滑, 膠質很重, 好味又養顏。雞湯鍋入面嘅雲吞十分飽滿, 包裹着原隻大蝦, 湯色清徹, 味道略為偏重。牛肉雖然有D筋, 但食落肉味都算濃, 伴野菌炒起, 鮮味提升。開邊蝦蒸得剛剛好, 肉質保持爽嫩。炒飯份量都唔少架, 不過如果炒得乾身一點就更好。

去到太子花墟，欣賞一下各式各樣的花卉不少得，與老公買了一束鮮花後，才發現附近的餐廳也不少，這間「有囍」藍色的牆身設計，非常之顯眼，吸引了我們進去。酸菜烤魚，以長盤盛載，裡邊的食物很豐富，黃花魚大條魚厚，肉質鮮甜，側邊還有鮮蝦、大蜆、娃娃菜、金菇，酸得開胃帶些微辣。麥皮蝦，是餐牌上的廚師推介，用虎蝦去做，非常之大隻新鮮，焗香的麥皮有些甜味，同大蝦一齊食香甜得來有些脆口。花雕醉鮑魚，冰涼的鮑魚口感軟腍、鮮甜，滲出花雕酒香，意想不到甜話梅更突出鮑魚的鮮味。很開心吃到一頓如此有誠意的廣東菜，已經打算在爸爸生日當日帶他來試一下😊

去完花墟買花，跟 小姐 同埋朋友一齊經過呢一間小菜入咗去食晚飯。裝修簡精緻，坐得舒服，看看餐牌，價錢都非常合理。叫咗幾款小菜，包括小姐最愛果皮蒸鮑魚，鮑魚大大隻，非常煙銀有口感，而且仲好新鮮，小姐食得好開心。另外最有驚喜的是黃金鮮魷，鹹蛋黃醬包住鮮魷魚炸，做得非常之好，外層炸漿不會過厚，剛剛好，鹹蛋黃醬嘅鹹鮮做得非常到家。柚子骨亦都10分好味，排骨肉肉嫩入味，醬汁酸酸甜甜非常開胃。 店員推介嘅蟲草花龍躉球蒸豆腐，多重口感之餘，龍躉肉肉厚鮮嫩，非常啱小朋友食。一行四人，只係$600左右，街坊價，非常抵吃。

今日行開太子花墟買小植物，行到太餓就一於係太子食個午餐，雖然一個人但都唔想食得太頹，又唔想食茶記，一於試下呢間「有囍」主打星馬泰菜！海南雞飯配迷你肉骨茶黎到一於食下佢個招牌海車雞同肉骨茶！好貼心真係有呢個選擇！為左健康啲就將油飯轉白飯！同埋想食菜就叫了個油菜（全走），職員都好好，落單都好清晰寫轉白飯同油菜（全走）！海南雞口感嫩滑，雞味再濃一點更好，幸好有配三種醬料理，配有黑豉油、薑蓉及辣醬，海南雞配醬料更惹味！迷你肉骨茶，材料十足，食肉骨茶就知道分兩種！一種係新加坡的胡椒味重，一種係馬來西亞的藥材味濃！呢到嘅肉骨茶偏向藥材味，但又不太重藥材味，可能轉了小小配方更適合香港人口味！而個油菜估唔到咁大碟，滿足了我想食多些菜嘅慾望！菜夠新鮮，好翠綠，煮得夠爽口清甜！

逛開花墟附近都知道隔一條街有好多食店，今日買完花又過隔離搵食，呢間晚市主打食多國小菜，仲有火鍋!餐牌不時有時令轉變，今次去見到有春夏之選食飯鍾意有湯飲，先叫個胡椒咸菜豬肚湯 ($88)濕下個口，份量足夠4個人飲呀入口熱辣辣，除左有咸菜豬肚外，呢度仲加埋炸支竹，鮮冬菇及秀珍菇!  咸菜味道唔咸喎，飲落有胡椒香味，多湯料，又有得食埋!餸黎啦.............籠仔客家蒸滑鷄 ($98)，以荷葉墊底，上面有冬菇，雲耳及鷄件鷄件斬得比較細件，縮短清蒸時間，令鷄肉保持嫩滑，仲有調味調得岩味，用黎送白飯好易食左半碗都唔覺轉下口味叫碟炸物食，本來想食椒鹽九肚魚，可惜無貨，轉叫椒鹽白飯魚 ($88)炸得夠乾身唔油膩，入口先食到椒鹽香味，之後香脆炸漿內有白飯魚，都唔細條，一口一條點少少喼汁食，又唔錯喎!最後又黎多個大鍋..............係上湯粉絲雜菜煲 ($98)上湯內浸住多種材料，有西蘭花，菜芯，炸支竹，雜菇及粉絲，味道清淡中又有蔬菜的甜味，份量又係足夠4人食，健康之選!小菜味道好岩胃口，份量超級對眼，下次想食小菜都會諗起呢間!

落班約左朋友係太子覓食，依間門口有别於一般茶記吸引到我地目光，仲放滿餐牌可以睇岩先決定食唔食。入到去環境明亮整潔，裝修有特色。個人認為最好食既係燒汁野菌一口牛，配上濃郁嘅燒汁，有黑椒調味，加埋肥美嫩滑既牛肉粒同香滑既菇，簡直一流，賣相唔算吸引，但食落口係嫩滑的，配上三種基本既醬料，可以一試。呢個豬肚辣，非常之香，聞到真係想即刻食落肚，入口啲味道非常之濃郁,應該有用心炮製，食食吓個，發現佢嘅豬肚真係好味道食唔停口，又肥又厚。最啱食番啖糯米飯，簡單配搭又食得滿足，咁又享受完一餐美味的美食。

花園街一向都不是搵食地頭，難得誇區搵野食，記得睇過飲食節目，對這間有點印象，所以就入去了。因為款式好多，所以最後懶得諗😂點了個二人餐。包括有雞煲，蒸海鮮一盤，青菜，炒飯以及甜品。雞煲叫了最少辣，但香味仍在，到上台仍要再炒一下。雞肉仍保持嫩滑，亦夠入味，我非常喜歡。蒸海鮮有鮮鮑魚，扇貝，海蝦，扇貝很大只，蒜蓉很多，夠味，但整體蒸得太耐，海蝦已老，比較可惜。甜品是紫薯糖水，紫薯很有味，但太甜，少糖會更好。

記得之前黎食既時候係食星州菜，無黎一排餐廳轉變左唔少，可能迎合返大眾口味，無論菜式定還是服務都加左唔少中式元素一坐低店員就問開咩茶，又呈上大碗俾客人沖洗碗碟後倒水，好有酒樓同大排檔既味道。先黎個開胃菜，高山耳細小爽口，酸酸甜甜特別開胃。加上醬汁落左唔少蒜頭，食落更香口。牛柳粒切成粒狀，一啖一粒，略嫌多筋，食起黎有啲韌。燒汁充滿黑椒香，鹹香惹味，菇菌比起其他瓜菜掛汁力更強，充分發揮到醬料既美味呢個三杯雞煲更係一絕，醬汁調得甜甜香香，非常吊味。雞件厚肉不肥膩，最怕雞煲炆到好油，但可能係雞肉偏瘦既關係，食起黎一啲都唔膩伊麵好抵食，完全係4-5人份量，夾極都仲有芝士汁好creamy，但芝味唔夠濃，勝在濃稠適中，唔會搞到伊麵底好濕。海蝦有成十隻，隻隻都鮮味爽彈，而且開左邊剝左頭好易食，唔怕整污糟隻手餐廳轉型後仲多左啲晚市套餐，由兩人到十二人都有，遲下同親戚食飯又多個好選擇啦