有記茶果

營業中

休息中

糯米池d皮好煙un 呀, 好好味. 花生餡都好香. 好好味呀.大力推介!

也是在新界比賽的一天，先吃完蛇，再吃個豬油撈麵，路經此地，又買幾件點心一邊行一邊吃。如上次一般，條買物的人龍，是橫跨兩個舖位的，都幾誇張。如常的，什麼也有，獨欠茶粿。就要了糯米滋、鬆糕、馬蹄糕，但見馬拉糕剛剛蒸起，新鮮熱辣，又要了一件來吃吃。糯米滋很新鮮，皮薄薄又很軟熟。餡是芝麻加花生加椰絲，味道與口感兼備，也不太甜，吃得過；鬆糕真的很鬆，也真材實料，吃完飽了幾成；馬蹄糕是用一個小膠碗盛著的，吃起來企理得很。爽身又不過甜，不過就沒有馬蹄粒在中間，感覺假了一點；馬拉糕買大送小，非常抵食。趁熱吃，味道也幾好的，不過當然不能與蓮香樓的馬拉糕相比了，至少價錢是差一截的。而人龍在排的砵仔糕，反而不太欣賞，所以是次沒有要了。埋單剛好十蚊，經濟抵食，下次行過又會買來吃。題外話：這裡條人龍是排砵仔糕的，不是買此品的，不用一起花時間去排隊，直接跟店員說買其他糕點就可以了。

下午2點幾去到，奇怪...無客?!唔係話排晒長龍好多人買咩??一問之下，原來咩都賣清光，得返砵仔糕，但要5分鐘之後先蒸好。五分鐘後，舖面已經被十幾個人團團圍住晒等買糕.....好彩我都買到兩個^^先試有豆...好味！又唔太甜，夠軟，豆有咬口，幾好幾好。再試無豆...咦?!自細食砵仔糕都係越多豆越好，但佢呢款無豆反而更加突出到糕的味道！去開頭會再去食^^

沒有約會的星期天時不時會跟媽媽到大埔墟街市或到茶檔..或到麵店..找尋合眼緣的店子吃個午餐就是多飽..還是多趕時間..走的時候總會忍不了走到此店碰碰運氣喜愛的不是**砵仔糕雖是熱熱的..但我卻丁點兒都不喜歡那口感黏黏的卻一點兒口感也沒有入口即爛..嚐過一次也就夠了...還是喜歡火車站附近推車仔伯伯的砵仔糕喜愛的是**茶果...是黑黑的那個..茶果口感著實煙煙韌韌的也是黏黏的有點點芝麻的味道...亦包著一粒粒的花生..不會很甜..從不知她的名字....喜愛她有別於離島那些總包著很多饀料的茶果..每次只會用極度期待的眼光望著蒸籠問一句【有沒有黑色的?】每當見到她從蒸氣中熱騰騰的出現就甚麼問題都忘記了問..有人能告訴我..她是誰嗎?

之前試過這裡的砵仔糕，今次就試試鬆糕和菜肉包。鬆糕- 唔夠鬆軟偏硬，但幾有蛋香，都算幾好。菜肉包- 可能放得過久，已經開始變凍，所以皮感覺幾厚又幾硬、肉餡細細粒但幾有肉香，不過不失啦！還是比較喜歡這裡的紅豆砵仔榚。

尋日食完深水埗坤記，今日食大埔有記茶果嘅砵仔糕，望落去，有記嘅砵仔糕較坤記深色，已經討我歡心，我唔鍾意砵仔糕白濛濛咁，好似冇味咁，食落去，甜度合我心意，亦都冇林patpat嘅口感，good！返屋企再將另一個放入雪櫃雪吓佢，拎返出嚟食，仲正呀！兩個都係７蚊，抵啦！

上次幫襯過這裡的茶果，回來後看食評才知有傳統的狗仔粉，就襯今趟來這帶處理些事務，順道來碗狗仔粉。童年時的狗仔粉印象仍記憶尤新，而這裡的又好像不太一樣，當中的粉團太糊及太腍了，而應有的冬菜及小粒豬油渣及不太濃的湯底這裡都沒有，只有碗面灑上點點的菜甫了事，簡直糟蹋了正宗狗仔粉的味道。食味還是回味的較好及深刻。

熟食中心的最後一站，本想去吃炸兩，但見人人都說好的一間粥店的油炸兩，是一箱箱交來的，即拉又如何？棄之。就行過隔離的這裡，想買件茶果吃。都要排幾個人至買得到，但原來沒有茶果賣。見鬆糕好似幾新鮮，要一件。菜肉包人人都叫，也來一個。未排到陳嬸已經問：「幾多件砵仔糕？」似乎也是「名物」，咁又一個唔該。三樣糕點只需十一蚊，不計味道，說是經濟便宜又抵食，相信是絕對不會錯。鬆糕不夠鬆軟，是油下得不夠多，健康一點，口感略遜，無可厚非，不過熱辣辣都算是不錯；菜肉包大大個，皮做得幾鬆軟，肉餡就較實一點，也有一點肉汁，都交足功課；砵仔糕很軟熟，夠新鮮，豆多但不夠腍，平平地，一試無妨。只算是便宜的一間糕品店，不是上環曾記粿品般非試不可的，離去時見有條廿人左右的人龍，香港人也可真愛排隊。

平時食開ge 砵仔糕通常都係凍冰冰ge但係有記ge 砵仔糕係熱辣辣ga~~食得出d 粉漿開得好滑成個糕都好軟滑~同埋有d 黃糖ge 清甜~ 唔會太甜紅豆又夠淋~~好正~~同埋佢好平~~~抵食

行過買咗個啡色的砵仔糕來食，之前係另外的地方都食過暖暖地的砵仔糕，不過今次所食的就幾熱，啲豆都幾淋幾香，不過唔知點解會無白色的砵仔糕．見到有狗仔粉買，真係好想試吓，不過己經食飽，所以留翻下次先去食．

食了一個芝麻味茶果，幾彈牙,不過就唔同我係大澳食果d。下次要試下馬拉糕同砵仔糕。

粉嶺亞婆的砵仔糕雖然好味,但真係可遇不可求,所以想食砵仔糕就一定會到這裡買,還要食兩個先滿足

路經大埔舊墟順道過來熟食中心搵野食，今次純粹口痕，故幫襯有記買件鬆糕及紅豆砵仔糕。鬆糕不太甜及很有蛋香味，應放了一段時間但仍然乾身，鬆化，合格；紅豆砵仔糕都不太甜，很對口味，需不是最好味的但已經不錯，比起坊間的已經超幾班。(想知最美味的，往下面慢慢睇吧！街坊價錢，但因太隔涉，想多幫襯都幾困難。題外話: 江湖傳聞粉嶺聯和墟有個阿婆推車仔賣砵仔糕賣了很多年，不定時及不定期的罷檔及排長龍買砵仔糕的實況，見到的人機會不多，因通常一個半小時內阿婆的砵仔糕一定賣清，而冬天賣清的時間會更短。像我們的城市人打算一會阿婆的機會只可以用緣份兩字來形容。前段時間有機會到粉嶺聯和墟一行，正盤算有否機會一會阿婆的時候，竟然給我遇見；站住阿婆旁邊看了差不多半小時，江湖傳聞絕對冇錯，跟街坊東拉西扯中得悉，幫襯阿婆的顧客群因上述原因只能局限于街坊，但亦因好味的理由及聯和墟墟民的情意結而在粉嶺及北區有這美麗傳聞。人人稱呼為羅婆婆的今年已經81歲，跟她聊天時得悉她在聯和墟罷賣砵仔糕快五十年了，砵仔糕是在圍村家裡自已蒸制，材料是用舊身粘米自行用電動石磨加水磨成，加上只用東莞蔗糖及大粒靚紅豆，再用柴火灶頭猛火蒸制，固當中的味

今日0係斜對面飲完茶,諗住過黎買茶果當甜品,點知比我聽到有人叫狗仔粉,呢個係我兒時0既最愛,而家市面上賣0既...味道唔正宗不特止,仲要係用銀針粉或者烏冬扮0既,見到個"辦"係真野,梗係即刻整番碗啦!狗仔粉($8)真係人手搓成,條條/粒粒都唔同樣,質地軟軟粉粉咁,湯底有乾葱同勁蝦米香味,再加埋胡椒粉同佢地自製辣菜甫,完全係細個食0既味道,即時有d感動落淚0既衝動,所以話食味同人0既記憶係相連0既!當然我都無忘記到黎0既原意,雖然超飽,但都買左個黑芝麻茶果($3)試下,最重要係佢蒸住賣,所以又熱又軟熟,黑芝麻味不算超濃,甜味亦恰當,0岩晒我鍾意較清0既口味!我聽到佢地同街坊講客家話,可能因為佢地係真係客家人,所以食物做法正宗!估唔到今日特意造訪此大埔綜合大樓0既熟食市場,最大驚喜竟然係同"故友"重逢,心情大喜呀!

辣椒女本來想食鹹的茶果，但原來沒有，但見很多人排隊，相信都幾好食，便一起去排買馬拉糕和紅豆砵仔糕。馬拉糕- 一口咬落去就感到很鬆軟，蛋味很香濃，真係幾好食，但如可以加少許杏仁片，就更加香口了。紅豆砵仔糕- 每次食砵仔糕都是凍冰冰，今次看著新鮮出爐，又真係幾好味喎，紅豆焗得好腍，味道又香濃，實在值得再試。侍應妹妹見我影砵仔糕，還對我說，不如影一爐剛出的，會更加靚，真係非常體貼。謝過！這樣平的價錢，有這樣高的質數，侍應又nice，一定會再來。