望月 (非門市)

營業中

休息中

又到過年嘅時間，今年我去外婆嗰邊拜年，買咩禮？就係望月，佢哋好早會send email俾舊客戶通知早鳥優惠，我就喺5-1-2025（Sun）上網訂，同預約喺19-1-2025（Sun）到旺角攞。我以優惠價買咗4盒，有：1. 原價$188.00,優惠價$158.00嘅吉祥如意蝴蝶酥禮盒（經典＋榛子）（18件)榛子蝴蝶酥嘅望月簡介:選用100%比利時榛子醬，搭配烘烤至香脆的榛子粒，粒粒醇香榛子碰上鬆脆蝴蝶酥帶來層次分明口感，讓你滿腔充滿榛子與牛油交融的芬芳。2. 原價$178.00,優惠價$148.00嘅平安喜樂經典蝴蝶酥禮盒（18件）3. 原價$288.00,優惠價$258.00嘅大鵬展翅雜錦禮盒（36件) 呢個有:經典蝴蝶酥,伯爵茶曲奇,朱古力曲奇,抹茶曲奇同玄米茶曲奇.4. 原價$358.00,優惠價$328.00嘅松鶴延年雜錦禮盒（48件)當中,松鶴延年雜錦禮盒係我同老公自己食,呢個有:經典蝴蝶酥望月簡介:特別加強烘焙度，金黃色的蝴蝶酥充分焦糖化，令風味更富層次，口感鬆脆，甜而不膩，口味老少咸宜！我同老公喺30-1-2025（Thur）大年初二試吓，因為想同重有幾塊，老公喺Cova Pasticceria & Confetteria 買嘅酥皮點心做比較，望月呢個顏較淺，味道清淡啲，口感係鬆脆，但唔及Cova Pasticceria & Confetteria呢間咁吸引（食評係2025年1月30日刊登嘅呢篇：https://www.openrice.com/zh/hongkong/review/%E5%BE%9E%E6%9C%AA%E9%A3%9F%E9%81%8E%E5%91%A2%E5%80%8B%E5%8F%A3%E6%84%9F-e5888859）。2.5分焦糖肉桂蝴蝶酥望月簡介:採用紐西蘭牛油，再加入新鮮磨碎的Cassia肉桂粉，蝴蝶酥鬆脆的口感配上肉桂的香氣，每一口都品嚐到肉桂的甜辣及焦糖的馥郁。 然後再試呢個，打開睇深色好多，一食，肉桂味好濃，重手咗，重到好似食麥當勞蘋果批咁，太濃太難食，令我對肉桂卻步。口感比經典蝴蝶酥更硬，我諗望月要留意同改善。2分6-2-2025（Thur）年初九晚，同老公開始食曲奇,先食開心果曲奇望月簡介:利用傳統法式沙布列（Sablé）混合方式製作，細小的牛油粒子融和於麵團中，使餅身鬆化極致之餘，更提升義大利品牌開心果醬的柔滑及開心果香氣。睇到有開心果粒，一食就覺得鹹咗啲，口感係鬆化，但唔似一般曲奇咁肥膩。2.8分奶茶曲奇望月簡介:採用Lipton黃罐原片茶葉，製成細膩醇厚奶茶曲奇，讓你回味最熟悉的香港情懷。呢個奶茶味濃同甘，唔錯。4分9-2-2025（Sun）初十二晏晝，喺屋企清潔肚餓，就攞啲曲奇出嚟食啦，先食抹茶曲奇。望月簡介:用上擁有140多年歷史的日本滋賀縣【丸安茶業】的抺茶粉，味道分明，茶味濃郁甘香，融入鬆化香濃的曲奇，味道層次豐厚。我覺得佢味道唔太濃甘甘地。4分伯爵茶曲奇望月簡介:以紐西蘭牛油、英國 Twinings 川寧伯爵茶葉及美國小麥麵粉製成，經典紅茶中滲出淡淡佛手柑芬芳，曲奇上更灑滿伯爵茶葉碎，嘴嚼時茶香更濃，加上曲奇的鬆脆口感，別具滋味。呢個味道有啲似奶茶味，不過奶味冇咁重，正常。4.5分玄米茶曲奇望月簡介:選用了日本滋賀縣【丸安茶業】玄米茶粉，更將玄米粒交錯混入香濃鬆化的曲奇，有著比一般茶味曲奇更豐厚獨特的香氣及口感。佢有脆口玄米，多一種口感，味道又份外濃。5分朱古力曲奇望月簡介:選用來自法國的 Extra Rouge 可可粉及比利時黑朱古力粒，望月朱古力曲奇帶給你多重朱古力享受！味道好濃好甘，有入口即隔嘅朱古力粒，唔錯。5分抵食係2.8分上次食評係2022年2月23日刊登嘅呢篇:https://www.openrice.com/zh/hongkong/review/yeah-%E8%BC%83%E7%82%BA%E4%B8%80%E8%88%AC-e4330330. 繼續閱讀

今次試咗望月嘅流心奶黃月餅濃郁香滑嘅奶黃流心就流出嚟奶味清香柔和,絲絲入口,同外層酥香脆身嘅口感形成強烈對比,風味獨特,越食越有癮!呢啲經典嘅港式流心奶黃月餅,真係難得一試,絕對係中秋節食月餅嘅最佳之選喇! 繼續閱讀

黎到中秋就忍唔住想試下嘅月餅，今年我搵到間好嘅店試佢哋嘅招牌酥皮奶皇月。開門見山，隻月餅嘅包裝正，無花哨嘢。輕輕撕開包裝，咸蛋黃香味即刻四溢，心諗：頂呱呱！✨一入口，酥皮酥得嚟又唔會太碎，牛油味濃郁得嚟又唔蓋過奶皇嘅味，正！奶皇味道夠晒香滑，咸蛋黃嘅鹹香就好似係度輕輕咬你嘅舌尖咁，惹味到不得了，得嚟又唔膩口。🥮最正嘅係，食完仲意猶未盡，唔似啲食完就覺得飽到飲唔落水嗰種。可能是因為佢哋個比例拿捏得好好，甜度控制得宜，攞捏到每樣材料嘅好處。細細個八隻，分量啱啱好，唔會令人覺得太攰。㊙️順帶一提，仲係自家品牌，香港製造嘅，食得又放心。支持本土很重要嘅，下次中秋節，我又會排隊等買佢哋嘅月餅。不過提提你，要早啲下手，唔係就搶唔到咧！👍 繼續閱讀

「望月月餅」眨吓眼仲有個幾星期就到中秋節喇！呢款品牌嘅月餅大家都唔陌生，品牌嘅監製師傅曾經喺半島酒店嘉麟樓嘅顧問。望月月餅每年我都會必買之選，今年買咗佢皇牌嘅流心奶黃月餅同埋松露黑毛豬果仁月餅 🥮《松露黑毛豬果仁月餅》 呢款皇牌嘅產品每一年開放訂購嘅時候都好搶手，基本上都冇現貨賣。食落去唔會太甜，裏邊有滿滿嘅果仁，果仁脆口，加埋焦糖醬同絲絲嘅黑毛豬火腿味道好夾。《流心奶黃月餅》餅皮唔會太厚又鬆化，翻熱嘅時候傳出香噴噴嘅牛油香味，切開嘅時候有流心嘅效果，細細件食完都唔會太膩。^值得一讚型格嘅包裝，黑色嘅鐵盒可以循環再用，用嚟儲物。另外旺角銀行中心換領處嘅職員服務非常好，因為拎餅嘅時候有個小插曲，就係返屋企嘅時候發現俾錯貨，事後職員都很好願意換貨👍🏻👍🏻👽星人指數👽👅味道：9/10🛸環境:N/A💫CP值：中🚀回頭Encore:✅ 繼續閱讀

今年好早就訂左望月🥮上年食過佢既四式月餅（經典奶黃，流心奶黃，流心抹茶🍵，抹茶紅豆）覺得好正今年就試佢個榴槤奶黃🥳望月繼續沿用全黑鐵盒，簡單得黎又感覺好大氣❤️==========🔹望月 - 榴槤奶黃月餅（香港製造）一盒4個，早鳥價 $208每個50克係食之前我用電飯煲加熱15分鐘==========月餅裡面有榴槤肉溝左奶黃餡，餡偏少榴槤味唔算非常重，但甜度同乾濕度適中奶黃餡味道唔突出，唔係好食到奶同蛋香外層皮薄帶微微牛油香但未算酥脆食完唔會覺得好膩對比起奶黃流心，榴槤係比下去😢好味指數：7/10 繼續閱讀