影片
港鐵太子站 C2 出口, 步行約3分鐘
繼續閱讀
電話號碼
53237163
開飯介紹
日式居酒屋飾以月亮和星星，營造謐靜舒適氣氛。主打各類燒物及清酒，適合朋友飲酒談心。
繼續閱讀
營業時間
今日營業
18:00 - 02:00
星期一至日
18:00 - 02:00
以上資料只供參考, 請與餐廳確認詳情
有關獎賞計劃
相關文章
好耐冇同女朋友拍拖，今日難得出嚟梗係要食好啲啦。我哋今日比較夜，見到呢間開到兩點，而家好難得嘅宵夜餐廳。嚟到日式居酒屋點少得叫返支sake，你朋友話想飲啲甜口啲嘅，職員就介紹咗呢支紀土，又真係甜甜地好易入口，最重要係冇乜酒精味，啱晒兩個女仔把酒談心，呢次絕對係需要Mark低，第時再飲過。嚟到居酒屋串燒雖然好緊要，但係都要試吓佢哋啲刺身先。我哋叫咗個蜜柑雕，佢哋鮮甜味同普通嘅鯛魚有啲唔同，加埋佢適中嘅魚油脂香味，口感會豐富少少，讚。然後叫咗兩隻牛油燒蟶子，簡單嘅牛油冇其他複雜嘅調味，淨係食到蟶子嘅鮮甜，夠晒大隻啖啖肉真係不得了。日式煎餃子就食得多，用炸雞皮嚟做餃子皮就比較少見。原本都好驚佢會好油膩，但係承諾又唔會有呢種感覺，佢個雞皮餃子外脆內軟，好好味呀。然後叫咗個芒果炸蝦卷，芒果加埋沙律醬同埋蟹籽，酸酸甜甜鹹鹹嘅味覺衝擊，夠晒新鮮。平時鵝肝多士就食得多，鵝肝豆腐都係第一次見，佢個鵝肝都好厚身，絕對唔呃秤。佢個炸豆腐都好特別，咬開入邊係一層層，出邊脆，裏面超滑，真係一舊滑豆腐，味道濃郁鵝肝都幾襯。跟住我哋叫咗個明太子燒蓮藕，佢個蓮藕輕輕燒個面，蓮藕味甜味再加明太子小小嘅辣味，又係一個口味嘅衝擊，但係又幾特別，令你想一試再試。串燒方面，我哋叫咗個辣味墨魚嘴，大家都知道墨魚嘴本身冇咩味道，好靠佢個醬汁。而佢今次呢個醬汁真係好成功，因為完全係神複製泰國辣魷魚片嘅嗰個汁，超級辣，但係辣得來又勁過，唔係講笑，真係好好嘅下酒菜。跟住我哋叫咗個豚肉紫酥卷，睇佢嘅外表平平無奇。但係一咬開就見到佢下左嘅功夫，見到豚肉係卷起左，包住紫蘇葉，紫蘇葉嘅香味真係好濃郁，個豚肉都唔會太油膩或者係燒到太乾，完全係啱啱好嘅配搭。最後叫埋個明太子茶漬飯，雖然佢係茶漬飯，但係其實佢個茶底係鰹魚汁，鹹鹹香香，加埋明太子，係呢一餐宵夜嘅美好結尾。
繼續閱讀
♡ 高質必去隱世居酒屋｜朝 ♡-今日有朋友推薦我食太子呢一間嘅居酒屋三周年生日❗️而家九點前賣單有八折九點後入座有六折 真係超級抵食❗️而且樣樣都 勁～好～食～😱-♡ 白子刺身 ♡ $88秋冬嘅白子特別肥美🤣 一入口已經好滑溜 口感綿密～ 入口即溶 -♡ 吞拿魚腦天（3切）♡ $138筋少脂肪勁多 魚味濃郁腦天唔係好多地方有所以見到一定要試- ♡ 和牛湯烏冬 ♡ $128和牛肉質軟嫩 厚薄適中 份量剛剛好足夠兩個人食作為最後既主食真係唔錯-♡ 左口魚邊蟹柳卷 ♡ $88左口魚配蟹柳原來出奇地夾左口魚邊既魚油滲透到飯粒之中配埋簡單既蟹柳，造就呢份卷既咬口-♡ 燒白鰻串 ♡ $68燒白鰻好多串燒店有但唔係間間都整得好食呢間既白鰻外皮燒得夠脆夠焦香而唔會過份燶肉地厚肉，咬落去肉汁咇哂出黎，正😍-♡ 月見雞肉棒 ♡ $48好多居酒屋都有既免治雞肉棒用照燒汁烤熟再配上佢地自家制既月見汁啖啖都甘Juicy -♡ 炸雞皮餃子 ♡ $68雞皮餃子都係居酒屋常見小食用雞皮取代傳統餃子皮，經高溫油炸後，外皮金黃酥脆，內餡軟嫩多汁。雞皮油香十足，再點上少少既七味粉，跟埋杯啤酒，簡直一流-♡ 雞頸肉 ♡ $38雞頸肉係好珍貴既部位，因為一隻雞得一條頸吖嘛😂雞頸肉肥瘦適中，肉質有彈性，有嚼勁，做串燒！同雞皮一樣做串燒送酒都係非常適合架🈴-♡ 熊本牛肉串 ♡ $52 調味剛剛好唔會過多既調味，肉質夠嫩唔柴🥰❥#⇢店鋪資料：朝 (太子)太子大南街39號地舖## 🔍尋找同區美食📍➾ #礦泥黃X太子-
繼續閱讀
和朋友打完牌就去食串燒、飲杯酒聚聚舊。這間餐廳預早訂座更有8折，9:00後入座仲有6折。【五點刺身盛】鮮帶子和海膽味道最鮮。【青椒仔】清脆爽口，微苦中帶甜，燒烤後的香氣讓人食欲大增。【豚肉紫蘇卷】豚肉的鮮嫩與紫蘇的清香交錯惹味，層次豐富。【月見雞肉棒】粒粒口感的雞肉棒搭配生蛋黃，濃郁的口感好吸引。【明太子雞肉棒】明太子的鹹香醬鋪在面頭，為雞肉增添了咸香味。【阿波美雞翼】外皮酥脆，內裡多汁，調味恰到好處。【雞心】和【雞腎】的口感富有嚼勁，經過精緻調味後，保留了內臟的鮮美。【雞肝】質地細膩。【花魚一夜干】肉質緊實，鹹香味濃。【粟米】在烤後釋放出自然的甜味，搭配牛油更添香氣。【朝邪惡玉子燒】以其柔軟的芝士口感和濃郁的蛋香作為完美的收尾。【0olong Hai】烏龍燒酎清爽解膩，是燒烤的絕佳伴侶。
繼續閱讀
同朋友食飯最鍾意小酌一番美食氛圍服務亦都係考慮嘅因素最近見到好多人介紹太子呢一間居酒屋想試好耐 終於搵到機會過嚟踩踩點！網上訂座夜晚九點後仲有六折！價錢合理氣氛環境舒適！朝地址: 太子大南街39號地舖電話: 53237163酒水方面有清酒Whisky啤酒cocktail 等俾你選擇我哋一致揀咗啜啜啫喱瀧五郎柚子酒口感特別 容易入口 介乎於飲緊酒同食緊甜品之間平時我都好鍾意果酒同梅酒 推介！而家成日放工連個腦都唔想拎出嚟用選擇困難症嘅我哋 就走去問人有咩推介最好幫我哋諗埋😂有omakase既感覺又真係樣樣都啱我哋口味🤪首先上嚟嘅係沖繩苦瓜沙律處理得好嘅苦瓜，唔單止唔苦而且口感清爽回甘配上木魚絲新鮮沙律菜蕃茄仔係一個好清新嘅Starter之後上嚟嘅係酒盜芝士配搭大概係潰物魷魚配搭紅椒絲再加烤過既忌廉芝士同脆腐皮 口感味道和而不同 沒有違和感 係一個唔錯並且創新有fusion感既送酒菜金目鯛同小肌刺身既配搭有樣居酒屋精品既感覺金目鯛油脂適中 口感細膩 鮮甜可口小肌肉質比較紮實 營養非常豐富然後食咗一系列嘅串燒1）蔥激獅子狗-呢款獅子狗會有少少辣，不過唔食辣嘅朋友都勉強食到，獅子狗入邊再有蔥，獅子狗入邊亦有芝士，中和島出邊嘅辣醬。但相信每個朋友圈入邊都總會有一兩個食乜都要走蔥走青，實在少咗太多樂趣😂2）香蔥牛肉卷- 一堆堆蔥食落去嘅感覺好衝擊，但又覺得唔錯，點埋佢嘅醬汁，一啖拍落去，正😋3）邪惡雞肉棒-邪惡嘅部份嚟自芝士，上邊嘅芝士同雞軟骨棒嘅配搭食落去好夾，口感上食到一粒粒嘅軟骨，小編最鍾意係呢個4）明太子雞肉棒-明太子食到一粒粒，真材實料，雞肉棒嘅軟骨口感仍然都係非常出色！5）豚肉蘆筍卷-蘆筍卷都係居酒屋必點串燒之一6）燒芝士年糕-呢個要特別推介，燒咗嘅芝士年糕，入邊嘅芝士餡做到半溶，再包上紫菜夾住嚟食，好鬼正！連埋佢晚上有優惠，大家不妨一試！餐廳嘅氣氛好啱同朋友、另一半傾吓偈飲杯酒額外想讚一讚佢嘅小貼心木凳椅背但座位坐落去係梳化凳嚟㗎啱啱行到好攰，坐低嗰下有一種小確行嘅感覺😂飲埋酒人均大概$400左右 #高質居酒屋 #星月主題 #朝ASA #太子 #日本料理 #宵夜必選 #隱世小店 #清酒祭 #玉子燒 #香港餐廳 #香港美食 #高質居酒屋 #星月主題 #朝ASA #太子 #日本料理 #宵夜必選 #隱世小店 #清酒祭 #玉子燒 #香港餐廳 #香港美食
繼續閱讀
喵～琴日夜媽媽，喵喵同朋友仔去咗間好有feel嘅居酒屋「朝」，嘆返杯燒酌，食返啲串燒，真係人生一大樂事呀！間舖頭裝修好有日本風味，昏暗嘅燈光，木質嘅枱櫈，牆上仲有個大大嘅月亮裝飾，真係好有氣氛！食物方面都唔錯，款式都幾多，價錢都算合理，啱晒同朋友happy hour！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 芒果蟹籽沙律「啲芒果好甜呀！」食第一啖佢兩個已經異口同聲咁講。配上清新爽口嘅沙律菜真係好開胃！上面仲有啲蟹籽，增加口感，令成個沙律更加豐富！✨2) 朝邪惡玉子燒🍳玉子燒煎得金黃嫩滑，入口即溶，蛋香十足！上面仲有啲蟹籽，增添鹹香，真係邪惡得嚟又好味！✨3) 西京銀鱈魚🐟銀鱈魚燒得啱啱好，外皮香脆，魚肉鮮嫩多汁，入口即化！配上酸酸甜甜嘅西京燒汁，更加係錦上添花！✨4) 燒辣味墨魚咀🦑🌶️墨魚咀燒得香噴噴，口感煙韌彈牙，帶有微微嘅辣味，好惹味！係喵女最愛✨5) 冷鳥冬🐔❄️冷鳥冬嘅口感好特別，煙韌彈牙，帶有少少嚼勁，味道清淡，好啱送酒！✨6) 日本芝士年糕🧀🍡熱辣辣嘅芝士年糕，外脆內軟，拉絲嘅芝士香濃可口，真係好邪惡！✨7) 熊本牛肉串🐮🍢牛肉串燒得啱啱好，肉質鮮嫩多汁，牛味十足！✨8) 豚肉露筍卷🐷🥓豚肉露筍卷嘅味道好清新！豚肉燒得香脆，露筍爽口多汁，兩者嘅味道好夾！✨9) 大啡菇🍄大啡菇燒得香噴噴，口感爽滑，菇味十足！✨10) 明太子雞肉棒🐔雞肉棒燒得香脆，雞肉嫩滑多汁，配上鹹香嘅明太子，真係好惹味！✨11) 德島阿波羅雞翼🐔🍗雞翼燒得皮脆肉嫩，非常juicy，味道香濃！✨12) 雞軟骨🐔雞軟骨燒得香脆可口，口感煙韌，好啱送酒！✨13) 雞腎🐔雞腎燒得香噴噴，口感爽脆，味道濃郁！✨14) 蘋果梳打汽水🍏🍹蘋果梳打汽水酸酸甜甜，好解渴！✨15) 本格燒酌🍶本格燒酌嘅味道好醇厚，好啱送串燒！✨16) 雞頸肉🐔雞頸肉燒得香脆可口，口感煙韌，肉質鮮嫩！😻吸喵指數：8/10🤍環境舒適，裝修有格調，好有日本風味！🤍食物款式多，味道唔錯，價錢合理！🤍服務態度良好，啲店員好親切！#高質居酒屋 #星月主題 #朝ASA #太子 #日本料理 #宵夜必選 #隱世小店 #清酒祭 #玉子燒 #香港餐廳 #香港美食 #hkfoodie
繼續閱讀