影片
電話號碼
27528018
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
又喺因為一年一度阿媽嘅死忌日而嚟到鑽石山墳場掃墓，之後照慣例就同細佬妹一齊食埋晏先散。貪方便加上由於天氣熱，所以，大多數都喺行過嚟「慈雲山中心」搵食就算。佢哋唔多試新嘢，茶記就最啱佢哋，所以，一早上網揀定咗「木椰餐廳」，可謂目標清晰。睇門面已覺得間鋪好大，環境乾淨企理，光猛闊落，正值午飯高峰時間，全場近乎座無虛席。雖然喺咁，無見店家逼人坐埋一枱，或兩個人坐卡位要坐埋同一邊。我哋就搵到個角落位，騷擾度細啲。主餐牌大大本，今次就無影晒，只喺影咗我哋有嗌嗰版，另外，仲有個精選午餐餐牌，每日都有6款選擇 包餐湯及熱飲。是日餐湯細佬就嗌精選午餐，餐廳都喺茶記嘅標準：紅湯、白湯，佢就要咗紅湯（雜菜湯），味道OK啦，料多，酸酸香香，夠平穩。焗葡汁雞皇飯 $58因為喺是日精選午餐，所以，好快就送到嚟。睇外觀感覺好似幾正咁，食落又會係點呢？細佬就話個葡汁聞落幾香，但食落唔夠椰子香味，唔叫差，但未有食到好開心嘅感覺，幸而啲雞肉就都嫩滑，拉番啲分。精選常餐 $52細妹就揀咗常餐，主食都有四款選擇，佢就揀咗「瑞士汁雞翼撈螺絲粉」，啲雞翼上晒色，睇樣又喺幾唔錯喎，細妹就話幾入味，幾好食，啲螺絲粉亦都煮得夠咬口，不過，就喺好唔夠汁囉，食到尾段好乾。另外常餐仲包咗腸仔（或火腿）、炒蛋配丹麥多士，啲炒滑蛋就炒得一流，香滑又夠份量，腸仔都喺普普通咁嘅雞肉腸，本應丹麥多士本身就幾好食，不過，細妹就嫌佢烘燶咗啲。炸雞髀煎蛋飯配特製蔥油 $53小弟就睇啱招牌蔥油系列，炸髀蔥油夠晒唔健康，但啱我囉，難得老婆今次唔得閒嚟，當然放縱少少食返個邪惡碟頭飯啦。先講隻炸髀，確喺有料到喎，大大隻有眼你睇，而且，炸得甘香，咬落去層皮咔咔聲咁脆，又唔覺得好油膩，啲雞髀肉亦都好嫩滑，又入曬未；蔥油亦都俾得好手鬆，加埋啲蛋漿撈飯食，真喺可以講淨食蛋漿蔥油撈飯都夠呀！熱奶茶嚟到茶記，我都喺忠於飲番杯熱奶茶，雖然睇表面好似泡多啲，但味道確喺唔失禮，茶底醇厚芳香，茶奶比例又啱啱好，雖未至於絲咁滑，但入口都算好順口。今餐啲嘢食幾唔錯，不過服務就真喺有啲亂，我哋同隔離張二人枱喺同枱號，但分為A枱、B枱，咁啱我哋喺同時間點餐，點嘅嘢部份又有啲相似，但送餐就送到亂晒籠，其實啲阿姐啲態度都好好嘅，相信喺比較新手。
繼續閱讀
📍木椰餐廳呢個價位嘅屋邨餐廳，其實對佢食物嘅質素都冇乜要求，只要唔難食就可以。幫襯過幾次覺得佢嘅炒飯同蕃茄芝士焗雞扒飯都幾唔錯。每次我嚟其實都係食呢兩樣嘢。今次叫咗辣椒雞粒炒飯，佢嘅炒飯份量好足好大碟，不過略嫌佢今次炒得唔夠乾身有啲濕。另外加咗個羅宋湯，味道正常。但蕃茄芝士焗雞扒飯嘅份量就明顯好細。雞扒一般餐廳嘅雞扒要細好多。我平時都細食，但食完都係啱啱好冇乜飽嘅感覺。佢呢個焗飯有炒飯底，如果可以加埋菠蘿就Perfect
繼續閱讀
喺呢度食過好多次，最令人反感就是有個男人服務員，工作態度差，沒有禮貌，食物水準一般，杯凍咖啡淡過貓尿一啲咖啡味都冇，價格一般，最主要唔會再去原因，就係這個男服務員非常之無禮貌，基本禮貌都沒有，真係是趕客之都。
繼續閱讀
因為住附近食過呢間好多次之前食過佢下午茶嘅咖喱牛腩飯 上到嚟見唔夠汁叫佢加多啲汁都會畀今次都係食呢個 個飯嚟到牛腩得兩三舊 汁又少唔夠撈😅就嗌侍應幫手加啲汁啦佢竟然話下午茶冇得多㗎 要就加5蚊講完佢頭也不回走咗😅😅但汁真係太少 唯有嗌返佢過嚟話要加啦佢笑住話 加5蚊都加？幫你問下啦咩叫問下？😅😅😅如果係不嬲都加5蚊先畀嗰一兜仔咖喱汁嘅就唔洗特登去問下啦下話？直接幫我落咪得😅仲要menu根本冇寫要加5蚊睇返張單寫住 手寫單 $5其實加5蚊係咪個侍應自己作？😅😅😅
繼續閱讀
寫親早餐食評都俾openrice話係試食，我都想有餐廳請我去試食。今次唔早餐忍餓等下午茶睇你又話唔話我試食。西多磚配炸雞髀令人流晒口水嘅組合。西多磚真係外層金黃酥脆，內裡鬆軟濕潤，口感豐富。但比想像中冇咁甜，多士有啲韌。配上炸雞髀，更是絕配！炸雞髀又外層酥脆，內裡肉質鮮嫩多汁，啖啖肉，但隻脾賣相差啲。兩樣一齊黎。快係快，但變左冇得係熱辣辣嘅時間食可能冇乜人上菜好快..定炸定先真係唔知，不過上碟時都係熱辣辣超級香，應該話香味比食落嘅味最佳。
繼續閱讀
您可能會有興趣的...