木槇料理 (已結業)

朋友喺胡忠大廈返工，是夜同佢去公司對面食QRE Plaza 喺正合和對面，夠哂就腳呢間木槇佢 lunchtime 食過話唔錯就帶我試試晚市都有定食選擇我哋決定一人一個 set 唔駛煩～我揀咗【極上北海丼定食】刺身完全覆蓋哂啲飯 😋沙律同前菜都唔錯先食咗中間咗蝦先 🦐蝦殻已經處理好哂有六款刺身好豐富海膽同三文魚籽份量特別多帶子非常厚肉！食落好有滿足感 😂三文魚刺身一樣係厚切定食仲有個甜品，係芒果味同紫薯味雪米糍

去過兩次都係食 lunch。第一次覺得幾好，食吞拿魚生飯。見到其他 lunch 賣相唔錯，只係價錢偏貴。第二次去食，係噚日。食雪花牛柳粒飯。嘩，牛肉只得五小塊，無雪花不特止，又韌又嚡，吐晒出嚟。後尾見到隔離枱嗰份，份量多我一倍有多！呢啲劣質，收$198 加一。絕對係搵笨，掠水。收得咁貴，等同酒店價錢，食物質素和份量卻是街邊貨色。以後唔會再幫襯，亦會周圍話俾人知，唔好上檔！坐位非常迫，手踭碰手踭，郁都唔郁得嘅感覺。

星期六午市較晏既時間去，去到無咩人！好快叫左最貴個餐 - 木槇料理木槙壽司刺身定食$298超級豐富，每款都很精緻，件件都好大件！天使蝦牡丹蝦 超甜超大隻！蒸蛋好滑！我對蒸蛋無特別喜愛我好喜歡火炙左口魚壽司，魚油極香，可能有些人會覺得太油軍艦及壽司全部都好食 海膽 顏色好鮮 勁香呀 好creamy 好滿足！火炙帶子壽司都好大粒一碟碎油甘魚海膽 - 好食！不過係味會有海膽味？唔係好食得出玉子燒 、沙拉 相對無特別 最後仲有烏冬 , 唔食已經飽到呢！其實好過好多澳門逸園既日本餐！女仔唔可以一個人食依個！太靚既關係 影左好多相

臨放工, 朋友打來約晚餐, 佢難得來到灣仔, 當然帶佢食特色野啦, 記得當初入職時, 老闆請食welcome lunch, 黎過1次, 覺得呢間係合和中心對面QRE Plaza, 於28樓既木慎料理, 有齊高尚, 優雅及專業三種性質既餐廳, 亦能代表灣仔呢個地方, 望住合和辦公室仍然通明, 背後還有半山住宅的燈火, 把香港人的拼博精神和富裕休閒之間放在眼底裡, 感益良多。說回食物方面: 點了個碎吞拿魚腩海膽丼定食野菜沙律, 味增湯比較例牌, 另一前菜豆腐天婦羅就有d驚喜,  那種新鮮炸起的豆腐外脆內嫰, 就算浸在醬汁中仍可保持脆口感, 加上羅白蓉, 木魚絲, 美道更細緻。主角就更靚到藝術品般, 每種食材都閃閃發光, 高貴典雅, 味道兼備, 海膽就似蛋黃般豐腴甜美, 新鮮到似左日本海邊剛打撈上來似的, 再襯托埋吞拿魚肉質的油份及魚味香濃, 而且份量十足, 男仔都好夠飽。最後送上雪米糍作甜點, 把我由感觸中帶回來。明天準時返工吧啦!!! 香港人~~

約朋友食飯，估唔到灣仔都有唔少美食，友人推介呢間「木槇料理」的定食 ，刺身新鮮又高質。除左刺身定食，仲有牛扒、鰻魚、豬扒等等定食，有十款選擇之多，我同友人較喜歡刺身丼定食。築地三色丼定食 $328野菜沙律用芝麻醬沙律，酸酸地又香，味道幾好，只係較普通。前菜是豆腐天婦羅，即叫即炸，不但唔油賺，而且醬汁甜甜地，木魚絲增加味道同鮮味，好香口，加上豆腐嫩滑，入口差點滑到喉嚨。築地三色丼有松葉蟹、海膽及三文魚籽，顏色鮮豔奪目，海膽樂鮮甜香滑，一點也不甘澀，好新鮮，同日本食到既一樣。蟹肉味道較淡，亦有鮮甜。三文魚籽入口脆卜卜，除左夠新鮮夠口感，味道仲好咸鮮，米飯雖有調味微酸，但有魚籽既咸味，都不用醬油也夠味。唔使怕唔夠飽，仲有個熱烏冬，用煮熱的烏冬醬油，味道較咸重，熱辣辣好溫暖，烏冬質感較普通。最後送上的甜品係雪糕糯米滋，有兩個口味。芒果味同朱古力味，同放題的雪米滋一樣，味道好但普通貨。總捨，刺身夠新鮮又高質，味道好好，其他食物較普通。服務貼心常留意客人需要，環境舒適，而私人度也較高。

今日我上司請食飯,揀左離office一條街既皇后大道東呢間日本野,睇落幾高檔,位於呢棟大廈既高層。一入門口有個木搭門?!好似日本神廟既通道咁,非常有日本風。而且餐廳仲有塔塔米,有拖鞋供給替換。lunch time黎依道既好多都係OL。睇到餐牌,好多選擇,首先係呢道既皇牌刺身定食,就算係刺身,都有好多款。不過因為冬天,我就唔食生冷野,叫左浦燒鰻魚定食。另外一提,呢道既職員都幾有禮貌。定食都幾快黎,岩曬lunch食。原來呢道既定食有小量三文魚刺身。當然唔小得麵豉湯同沙律,跟餐仲有野飲同小甜品。沙律都比想像中多,又新鮮。而重點浦汁鰻魚飯,飯既份量好多,好彩浦汁都相對有好多,撈飯一流,濃濃的浦汁唔浠,帶微微甜味。而焦點當然係鰻魚,好大條,肉質好好,見到真係好驚喜,平時係街度食買一條都已經好貴，但係佢呢個價錢仲有咁大條真係好抵，質量又好淋淋地,又大塊。燒得非常好師傅嘅功藝係可以從一條鰻魚見到。加上刺身都可以見到師傅嘅到刀功唔錯。整體來講係而間日本餐廳食呢個午餐都幾完美，而且餐廳好細心比埋濕紙巾,有機會嘅都想喺度試吓食晚餐。

今日經過灣仔又想食日本野，睇咗好耐終於決定去皇后大道東嘅食肆大廈，果然不錯環境很整潔，餐廳內的右手邊有排屏風很有日本風味，服務都很好，成日會同你換碟，不過又好似密左少少。首先嚟左碟雞泡魚乾，同之前食開果種好唔同，有燒焦香味但一啲都唔硬，師父手勢有一定高嘅水準！入口香甜，下次唔助酒都要叫黎食！仲有個雜錦天婦羅份量十足，有蝦，冬菇，茄子，南瓜，蕃薯！梳菜用料新鮮甜美，四隻天蝦暫時係我食過嘅最好，炸完仲好有蝦味，已經好耐無試過！最後嚟個滑蛋黑豚肉飯，呢個真係有啲失色，蛋太濕另到成塊吉列漿溶晒，飯又濕晒！夾起已經無乜食慾，塊豚扒都唔特别有肉味！

今次嚟到灣仔緊係要去QRE PLAZA，呢座大廈有十數間食肆，今天我地選擇左去28樓食日本菜，開業只有幾個月的木槇料理，日本菜對於我來講係百吃不厭。餐廳環境優雅，仲有不得不提一入門口有排高吧枱高櫈位置，招呼仲好好添，果然係一門高消費的日本料理。小食叫左個日式煎餃子，皮薄內暖好好味呀！煎得好香好脆，餃子裡面肉質好林好滑，呢個質數，呢個價錢真係鸁晒。然後就來（特）壽司拼盤，有八件壽司及六件卷物，壽司非常新鮮好適合大人小朋友進食，壽司上面的魚生好厚好大片，剛剛好可以把底下的暖笠笠壽司飯蓋好, 比例上好好。細細件的壽司飯, 軟硬度適中，可以一啖輕輕食落口，正呀！

農曆新年前與朋友小聚，挑選了我十分喜愛的日本菜。位於灣仔的木槙日本料理環境舒適，初到時食客不多，店員給了我們一個靠窗的位置。環境清靜，非常適合三五知己享用美食及分享近況。   剛一坐下，店員便向我們介紹店裏的招牌菜。朋友選擇吃刺身飯，而我則選了安格斯牛肉野菜鍋定食（＄298）。雖然價錢看起來略貴，但菜式豐富。定食配有野菜沙律、前菜及味噌湯。 野菜沙律吃起來感覺清新，蔬菜味道清甜，絶不苦澀。今天的前菜是炸豆腐，味道不錯。味噌湯䶢度適中，值得一試。   來到重頭戲牛肉野菜鍋！牛肉肥美多汁，鍋中的蔬菜正好中和肉類的肥膩。加上一碗珍珠米白飯，令我吃得十分滿足。  最後叫了甜品柚子雪萉。雪萉裏面有不少柚子肉，味道不會太甜，正好為豐富月的晚餐作結。  總的來說，木槙料理環境清靜，食物質素好，值得大家一試！

木槙料理打工一族每天最期待的，一定是lunch hour同放工，因為終於可以離開那焗促沉悶的辦公室，出外走走吸收新鮮空氣，真係人都精神啲！幸好在灣仔上班，附近有極多餐廳，什麼形式的餐廳都有，最適合我這種飲食愛好者，可以keep住食好野出食評。這個午上我便來到QRE覓食，特別想吃日本菜，看看水牌，木槙料理的廣告最為觸目，一於上去品嚐品嚐！餐廳環境高貴優雅，面積算大，lunch hour這裡已座無虛席，我等了十分鐘，終於有位。午市餐牌清楚易看，價錢在同區餐廳來說算中上級，最平都要百多元，最貴要約三百大元。難得有位，我就要了最貴的木槙壽司刺身定食，$298一個午餐好像有點奢侈，不過算，豪一次吧！接著，田園沙律及茶碗蒸立即上枱，茶碗蒸味道較淡，蒸蛋不夠滑呢，田園沙律則不過不失。木槙壽司刺身定食一上枱我內心不禁哇了一聲，太豐富了吧！賣相超精緻，日本菜果然是與別不同！刺身有油甘魚、牡丹蝦、海膽、一碟碎油甘魚海膽、天使蝦、玉子燒，壽司有火炙左口魚壽司、三文魚壽司、火炙帶子壽司、三文魚籽軍艦及蔥吞拿魚腩軍艦，一人午餐竟然這麼豐富，真的很開心。最要讚的是牡丹蝦，味道非常新鮮鮮甜，質感爽脆油潤，真的很脆口

大家都話早餐要吃得最豐富, 午餐要中量, 而晚餐在例比中應是最少, 但我就完全不同…… 早餐一般, 午餐極少, 而晚餐就極豐富, 皆因午餐時間最少, 所以吃得較為求其, 而完成一日工作, 個人放鬆了, 胃口好一些, 晚餐自然勁食, 但我知這個飲食習慣是錯! 隨着身體越來越差, 朋友們都勸我改一改這習慣。好吧! 就由休閒的星期六日開始, 早午都要豐富一些, 而晚餐要吃得輕盈。由今日開始實行此計劃, 那就要揀我最喜歡的菜式, 就是日本菜。新年的氣氛還未過, 餐廳仍掛着一些新年的裝飾品, 配起來帶有中日的色彩, 裝潢古色古香, 很有風味。地方寬敞闊落, 有一個大型的壽司吧枱, 如吃Omakase的話, 邊吃邊與師傅交流, 當然是一大樂事。內裏亦設有一個榻榻米座位的獨立房、一排長沙發座的四至六人枱, 另一邊還有幾張闊落的四人卡座, 而中間的二至四人枱則以木板隔着, 每枱都獨立, 好有私人空間, 感覺舒適自在。午巿定食足足有二十三款, 選擇不少, 價格由$108-$298, 另加一服務費。各定食都有兩款配搭, 有刺身、沙律、蒸蛋或是日前菜, 亦配一款飲品和甜品一客, 都好豐富。*********

收工去左附近嘅餐廳醫下肚先，平時食飯都是是旦旦，今日一於對自己好d，去間靚靚高級日本料理食享受下先。一支公去到都幾舒服，入到去，人客吾算多，店員服務都好周到有禮，吾會覺得自己一個尷尬。menu都好多選擇，價錢合理，最後選了香葱薄燒牛肉定食配三文魚刺身及和風野菜沙律（$168）。等左一陣吾洗好耐就上碟啦。定食一盆咁上碟，牛肉份量好多，差不多比飯更要多，哈哈，牛肉切得好薄食落好鬆軟，吾會太乾，因為仲保留肉汁，欣賞佢下面有菜，放在底吸晒牛肉味，所以d菜好味道丫。另外碗飯都吾錯，熱辣辣珍珠米，軟棉棉。三文魚刺身夠新鮮，三塊切厚，份量岩岩好，沙律就不過不失。整體滿意，食完坐下飲返杯熱茶，都幾舒服。

今晚我地又去左灣仔接朋友收工順便食飯，去左呢間朋友推介嘅日本餐廳，木槙料理。入到去，環境整齊衛生，木枱凳增加了不少日本風情，細讀餐牌後，我點了木槙壽司刺身定食配日式蒸蛋及和風野菜沙律。一上碟未食就已經好吸引，食慾大增，壽司刺身擺放得好靚，而且一望就知食材新鮮，當中有大蝦，海膽，燒三文魚壽司，燒帶子壽司，吞拿魚壽司，魚子壽司，蛋等等。海膽同燒帶子係我一向至愛，海膽好鮮甜，配了紫菜食，外脆內嫩，帶子外面輕輕燒過，帶子內仲保留住濕度同嫩滑，當然都好鮮甜啦，咁先正！另外蛋都好好味，好軟又好滑，應該加左吾少奶，不過仲好重蛋味，好味道丫！除了一大盆嘅壽司刺身，仲有一碗烏冬暖返個胃，烏冬都好彈牙，湯底清甜，食晒超飽丫，完成吾係人地成日話食吾飽嘅日本餐啊！

由佢開叫做楠開始食，到改左名之後已經覺得差左，不過都比多幾次機會佢。我多次食個銀雪魚set，Lunch set 個銀雪魚起碼已經貴左$80，可惜愈來愈貴，愈來愈細份，愈來愈差。炸豬扒set炸得好乾，豬扒好肥好油。同事個牛柳粒賣相好又香，可惜食落無味。熟食唔值依d價錢，今次會是我最後一次幫襯。建議食魚生飯應該會好d。可惜本人唔食魚生。魚生飯大份好多。加上佢地好趕客，員工唔算無禮貌，不過未夠1點已經趕住催你走。

香港人真的很喜歡吃日本菜。像一個小小的灣仔，差不多每行5分鐘，必定有一間日本料理。這次我們選擇了在QRE的木槇料理午餐來慶祝同事的生日。這裏的午餐選擇非常豐富，使人目不暇。但由於我晚上會吃廚師發辦，所以我選擇了熟食。我的選擇：香蒜雪花牛柳粒定食雪花牛柳粒蒜味香濃，肉味略嫌不足，油脂分布適中，口感柔軟我的同事叫了這個碎吞拿魚伴海膽飯定食。我發現旁邊很多客人差不多每五個便有兩至三個時叫這個定食。我都吃了幾口，吞拿魚肉和海膽均鮮甜，配上紅醋飯，兩者的份量配合得很好洋蔥薄燒牛肉窩蛋飯定食 這個我沒有試 同事說這個很香口