木蘭

營業中

休息中

在長洲工作多年，吃遍長洲中西越港美食，最好味的不得不說是這間。這店開了兩年，食物選擇非常多，廚藝也非常精緻出色。餐廳門面裝修挺漂亮，我們從東灣過來是在後門入，前門是面對着碼頭，有半座位是室外，很有歐式風味。打開餐牌一看，琳琅滿目，食物種類繁多， pizza套餐非常吸引，如果食星期一至五，更有超值套餐，今天星期四，我就選了一個超值午餐，就是一下三文魚菠菜批而我朋友就選迷迭香檸檬雞我食沙律做前菜朋友就食餐湯。我嚐了一口餐湯，是椰菜花蓉忌廉湯，有香脆的麵包糠，湯不是太厚，但很好香口。而我自己叫的前菜是沙律，青菜非常新鮮，沒有半點黃，沙律醬是意式醋，味道很好。來到的三文魚菠菜批裏面的菠菜很香，三文魚是不少，但是一點都不膩。賣相也非常好。我上了一口檸檬雞，酸酸甜甜很香，雞球很大但是裏面外面都很滑。飲品方面我飲了一杯芒果lassi，超級好味，我還擔心不敢飲太凍的東西，這杯就剛剛好。值得來，也可以說是長洲最好吃的兩間餐廳其中之一。

偷得浮生半日閑, 下雨天入長洲逛的好處是沒太多的人潮,  可以輕輕鬆鬆, 好好享受真正的小島悠閒風情, 逛完當然要吃一頓晚飯才行, 今晚揀咗碼頭對面坐擁無敵海景view 的木蘭,  週末餐廳還會安排live 音樂表演, 與眾同樂的。下雨天的晚上非常涼爽, 我選擇了坐室外, 下著小雨, 清風送爽,  呷住生啤很舒服。木蘭食物以西餐為主, 漢堡、扒類、意粉、意大利飯、PIZZA、沙律、前菜及小食等也有供應, 當然仲還有無限嘅酒精類飲品比你對住大海慢慢chill。Hoegarrden今天平日, 加上下雨天, 長洲人流很少,  先叫杯生啤對住個海慢慢chill 吓, 發完黃昏夢才叫野食, 冇1664 blance 便叫了次選Hoegarrden, 陪伴我chill的最佳飲品始終是生啤, 500ML 份量十足, 冰凍解渴, 悶熱全消, 很 relax 的時間素春卷伴洒小食, 春卷餡料以蔬菜、豆類及粉絲為主, 即叫即炸, 脆口非常, 炸得好乾身, 春捲皮看不到拈上一丁點油, 春捲拈少許泰式甜酸醬伴食, 佐酒一流。牛肉漢堡包配沙律菜及炸薯條漢堡包溫暖出場, 餐廳signature handmade

今晚在長洲的一家餐廳——木蘭，給我留下了深刻的印象。這是一個非常舒適和溫馨的地方，完美地展現了海島的氛圍。我首先點了他們家的招牌菜肋眼牛扒$189。這道菜給我的第一印象就是它的外觀，肉質看起來非常嫩滑，上面還灑滿了香氣四溢的香草。當我切下第一口時，肉質果然沒有讓我失望。它非常嫩滑多汁，口感十分出色。每一口都充滿了濃郁的牛肉香味，讓我欲罷不能。配搭上薯菜，這道菜的口感更加豐富，薯菜的煎烤適中，帶有微微的焦香，和牛肉的搭配非常完美。除了主菜，我還點了一支蘋果啤酒$42。酒量差，只係可以飲蘋果酒，帶著微微的蘋果香氣，喝起來非常解渴。唔多介紹，應該冇咩香港人未飲過呢支啤酒。木蘭 (長洲)長洲新興街83號地舖#長洲美食 #木蘭餐廳 #肋眼牛扒 #蘋果啤酒 #美食探險 #舌尖上的旅程 🍽️🍻🏝️

碼頭落船之後行多2步，見到一間淡粉色嘅餐廳，個menu都幾多人普通西餐、尼泊爾茶同埋印度嘅lassi巴馬臣芝士豬扒Topping除咗厚厚芝士之外，仲有好多蕃茄，豬扒本身有炸過再一齊焗，切開好拉絲 。薯條都炸得好香脆，份量十足卡邦尼意粉creamy多汁嘅卡邦尼，食落唔會好膩，2個人share好快就清晒炸雞翼雞翼幾大隻，炸得好通透，食落去真係會「確確」聲，酥脆香口，送酒一流芒果印式酸乳酪其實一直都未試過lassi，飲落其實係好正常嘅芒果乳酪味🤣仲幾香濃添

去長洲食海鮮一定要選中式小菜！？非也🤭西式都可以chill住嘆咁新鮮甜美嘅 #seafood 今次去長洲輕鬆一日遊☺️，坐船到咗長洲碼頭之後，沿海邊向左手邊方向行少少，就會見到一間西餐叫MUGLAN 木蘭。有户外睇住海景或室内涼住冷氣去品嘗食物。我就叫咗酥炸魷魚🦑酥炸魷魚圈，口感脆口香酥、Q彈鮮美！蝦沙律🥗非常清新醒胃，蝦🍤非常爽口鮮甜炒蜆，我嘅最愛，蒜香牛油香最佳嘅配搭！肉腸貓耳朵意粉🍝貓耳朵意粉吸收晒汁頭😉滋味滿分💯

在中環5號碼頭出發直達長洲小島，幾年沒有踏足長洲，島上美食多元化，今日就在這小島chill吓。一落船就要振興消費，長洲島上(木蘭)好有外國feel，户外户內任由客人選擇， 享受渡假feel當然選擇户外。❣️素菜春卷外皮金黃酥脆，一口咬下去，發出脆脆的聲音。內餡的素菜則鮮嫩多汁，非常爽口。蔬菜的味道十分鮮明，可以保留了原本的甜味❣️Margherita酥脆的薄餅底搭配著濃郁的番茄醬和香濃的馬茲瑞拉乳酪，簡單卻讓人驚艷的組合。番茄醬的酸甜與乳酪的濃郁完美融合，上面撒滿的新鮮羅勒葉也為整個披薩增添了一抹清新的香氣。❣️Mushroom Risotto蘑菇Risotto的美味鮮美。每一粒米飯都完美吸收了湯汁的滋味，口感鬆軟卻不過爛。蘑菇的鮮香與米飯的濃郁相輔相承，充滿層次感的味道在口中綻放。❣️薄荷青檸清新的薄荷香氣和青檸的酸爽。口感輕盈而清新，仿佛一股清風吹過舌尖，令人心情舒暢。薄荷的微微涼感和青檸的酸度完美平衡❣️芒果印式酸乳酪芒果的香甜和乳酪的滑嫩。令人愉悅和口感給人清新的味覺享受。

呢間長洲舒適西餐廳嘅用餐口感真係好出色！佢嘅菜式多元化，有好多好好味嘅選擇。佢嘅momo印度雞肉餃子，一咬落去肉汁鮮嫩，餡料口感豐富，帶有獨特嘅印度香料味道，真係令人回味無窮。另外，西班牙意大利海鮮飯係餐廳嘅招牌菜之一。飯粒香濃，，每一粒都吸收咗海鮮湯汁嘅鮮味，令整個菜式更加豐富。仲有魷魚同蝦仁，食落口感彈牙又鮮甜，真係令人驚喜。鍾意沙律既我！叫左超美味的鴨胸沙律。嫩滑嘅鴨胸肉切成一件一件，份量豐富咁鋪喺沙律上邊，配上新鮮嘅生菜，加埋特製嘅沙律醬，味道酸甜爽口，令人胃口大開。超特別飲品玫瑰lassi。呢杯飲品飲落時有種玫瑰花香同酸奶混合而成，口感滑順，花香四溢。飲落去，有種清新嘅感覺，真係一個完美嘅甜品。餐廳提供多款特色咖啡選擇。不論你鍾意濃郁嘅義式咖啡定係淡淡嘅拿鐵，餐廳嘅咖啡師都可以按照你嘅口味要求炮製一杯完美嘅咖啡，令你享受咖啡帶來嘅濃郁香氣同滋味。除咗美食之外，餐廳嘅環境亦非常舒適。佢以紅色嘅木頭做裝修，牆壁上掛滿咗馬戲團大象同長頸鹿嘅畫，增添一份可愛嘅氣氛。你可以坐低，慢慢享受美食同休閒時光。

長洲中的印度餐廳，職員友善，上菜速度也很快，可選室內或室外進食，如室外的就可對著大海，感覺特別寫意！點了小食爆米花炸雞粒，炸得非常香脆，每粒雞粒內都是雞肉，不是炸粉團，真材實料，沾上甜辣醬同吃，味道很不錯！芝士意大利通心粉的芝士非常拉絲，芝士味濃郁，配上彈牙的通粉，簡單而美味！烤豬肋骨非常大條，豬肋骨上燒烤醬更是惹味，肉質腍軟，味道剛剛好！玫瑰印式酸乳酪～不是很甜的，味道剛剛好，帶點酸酸的味道，還有點清幽的玫瑰花味！

長洲一日遊，天氣非常舒服，一出碼頭，見到有幾間餐廳，又好肚餓，即刻坐低，有好多外國街坊。二人點一個沙律，一小食一主菜，剛好。午餐好抵食，$88 起。我們單點，一個凱撒雞肉沙律$89 ，好足料，性價比極高，大大片芝士，有麵包粒，好有誠意。爆米花炸雞粒$69 ，無誇張，一人可以食一碟，非常酥脆，雞肉粒鬆化。瑪嘉麗特皇后薄餅 $119 ，薄餅底係自家即日製作，特別有口感，咬入去有麵包的柔軟度，番茄醬汁有菠蘿火腿。來一杯又冰又涼的啤酒，真係放鬆好舒暢。

每次入長洲都經過呢間西餐小店，今日閒日見少人，就入去嘆個悠閒午餐。可揀室內或室外座位，我揀室外，因為有陽光又有微海風，仲可以望到船仔長洲海景，感覺好似渡假咁舒服。素菜春卷，即點即製，炸得金黃香脆，估唔到素菜都好好味，簡單餡料，有椰菜、甘筍、薯蓉，調味很好，就咁食都好好味，沾甜辣醬更滋味。蕃茄海鮮意粉用長洲街市每日新鮮入貨，魷魚、蜆肉、蝦肉都非常新鮮，魷魚彈牙，蝦肉爽口，最吸引係蜆肉，超大超鮮甜，脹卜卜好飽滿。意粉也煮得有咬口，掛滿蕃肉的醬汁，用料很足很用心。香草燒雞（半隻），燒得好靚，皮脆肉嫩，做法亦非常欣賞，將rosemary 同調味都釀入雞皮同雞肉之間，雞肉吸哂香料味，每口都有濃郁rosemary 香，雞肉亦保持濕潤多汁，雞胸亦做到嫩腍，雞脾肉有彈性。沙律亦落足料，用油醋汁調味，蔬菜清爽消膩。粗薯條飽肚又重薯味。雖然中午就飲酒，但吹海風嘆酒好chill見到其他客人食pizza都好吸引，下次可以再去。

由中環碼頭坐10:15am嘅渡輪去長洲chill chill，早餐都未食，好肚餓呀！🌞一落船轉左行左兩步見到有間唔錯嘅餐廳有早餐食就坐低啦😋餐廳有分室內同室外，室外可以對住個海食早餐，當然坐室外啦！😍餐廳嘅全日早餐由10:30am開始供應，去到5pm，雖然其他餐牌上嘅意粉同薄餅都好吸引，不過我都係堅持食早餐先嘅。🤣Egg Benedict @ Smoked Salmon $88Egg Benedict 一份有兩件，每件都有我拳頭咁大😌 煙三文魚份量十足，沙律淋上醋，好開胃😋 沙律菜亦都好新鮮，而且加入青瓜，係好清爽嘅沙律。👍🏻Muglan Big Breakfast $118蘑菇加入黑椒去炒，唔會炒得過乾，蘑菇嘅汁好鮮😋 焗豆入邊除咗黑椒，亦都加入咗其他調味料。薯餅係脆嘅！最令我意外嘅，原來個吐司係餐廳自己做嘅麵包，所以麵包仲有煙靭嘅口感😋早餐係包埋飲品嘅，揀咗杯咖啡慢慢飲。☕️

相約友人到長洲輕鬆一日遊，到達長洲碼頭後向左手面方向行，沿途經過平安包手信店，被其旁邊一間叫「木蘭」的西餐廳🍴吸引左入去，見到有室外坐位可以大嘆靚海景😎新鮮田園沙律🥗：新鮮沙律菜，有清爽火箭菜、生菜、紅蘿蔔🥕絲、青瓜，清甜蕃茄等，食落夠曬凍，加上其特製調配沙律醬，酸酸味味好開胃🤤。蒸雞肉餃子🥟： 擺盤好整齊，排住同一個方向🧭，雞肉內饀保持肉汁同油份，好香，食落有基本底味，唯要盡快趁熱食用，因為餃子🥟皮會變硬。燒烤雞肉薄餅🍕：連薄餅都係佢地自家製的，好有誠意，烤雞用上印度香料調味，濃郁而有保持汁水！好難得，不是坊間咁干柴，蕃茄醬底都係自己調配，沒有多餘酸味，餅底香脆，印香烤雞出色。烤牛油果🥑芝士酸種包配沙律🥗：牛油果🥑好幼滑，加上拉絲芝士🧀，用上自家製酸種面包，絕對是心機菜，發酵用上最少十小時，食落鬆軟，不加任何人造色素，比較健康易消化。masala tea : 奶茶中的薑和荳蔻有益消化，肉桂有助於調節血糖，丁香可促進新陳代謝，胡椒有抗炎作用，還有其它香料也有助於保健身心，獨特芳氣十足，飲落順口不嗆。mango lassi : 必飲芒果乳酪🧀，芒果蓉完美融入乳配當中，甜度適中，有就番香港

今日帶左個外國朋友去長洲玩，一落船碼頭海邊有好多餐廳，咁啱見到木蘭有lunch set就入左去試下，佢地仲有outside望著海景！估唔到100蚊有找嘅lunch set好有驚喜！！！呢間餐廳係由尼泊爾人開，下次好想再幫襯食momo(餃子）！🤤🍝蜆肉意粉👍🏻👍🏻餐廳推介我哋食蜆肉扁意粉，因為佢地話啱啱喺長洲街市買蜆返嚟！意粉份量都幾大，好多蜆肉，應該有15隻左右，蜆肉好鮮甜，加埋啲蒜點綴更加香！意粉sauce估計應該落咗白酒同埋檸檬汁，所以食落好開胃！🍕辣肉腸薄餅👍🏻👍🏻呢個Pizza嘅底好軟熟同口感好煙韌，佢地係自己handmade搓個pizza 底，加上配上辣肉腸同芝士，仲有茄醬，口感好豐富！🍰 Tiramisu 提拉米蘇蛋糕呢個蛋糕好Creamy，咖啡味唔太濃，偏向奶味重啲，一層層分明，加二十蚊就食到，好抵！🥣 南瓜湯南瓜湯好足料，食落口感層次好厚，上面仲有啲迷你多士，用心製作！🥗沙律沙律有生菜同青瓜，份量十足，而且落咗足夠沙律醋，食落好開胃，做前菜一流！☕️咖啡飲落口感好濃郁，好香咖啡味，糖同奶係另上，可按自己口味落唔同份量！🥤橙汁有果粒同甜酸度剛好，好開胃！

復活節假期同朋友一行4人入長洲黎個2日1夜既短trip。Lunch時間竟然俾我發現木蘭唔駛等位😜咁當然要入去試試喇！雖然我地坐向室內，唔係望海既枱（所以先有枱）但勝在有涼快既冷氣可以消消暑。今次我地點左瑪格麗特皇后薄餅；香辣茄醬意大利長通粉；雞肉炒飯。因為係lunch set,所以有餐湯／沙律同埋蘋果汁跟餐。我唔飲蘋果汁所以加錢要左杯熱Latte。薄餅同長通粉都好夠味，但炒飯就厭失色左少少，比較淡。總括而言，木蘭都算係黎長洲渡假搵食既不錯選擇！

約咗一班親戚朋友食飯，一向食中餐，今次試下西餐。難得有間餐廳容納到我地20人，就訂位試試。服務態度真係好好，全部員工都面帶笑容，真係難得。食品質素亦唔錯，尤其羊架及燒雞，份量亦唔少，大家都飲飽食醉，甜品亦值得推介，tiramisu的確好食。大家掛住食無影相，下次會再去幫襯，見見開心嘅員工，食返掛住嘅食物