本家韓國料理

營業中

休息中

腸胃唔好嘅人想挑戰食醬油蟹，屋企人就推薦食呢一間，仲話係醬油蟹嘅天花板。不過呢間餐廳booking好full，要提早半個月前book定枱，而且電話都唔一定打得入喎，真係睇你嗰日好唔好運。🍄生米酒，屋企人超推，但我嫌酒味重，飲咗一啖就放棄咗🍄好多碟嘅前菜，不過得泡菜可refill🍄叫咗個一牛一豬套餐🍄醬油蝦🍄醬油蟹店員會問係幾多個人食，跟住幫手拆肉，再塞返啲飯入去。我哋嗰晚有四個人，得兩個蟹殼，佢會額外再攞多兩個細碗仔嚟裝啲飯喺幫手拆緊蟹肉嘅同時，另一位店員就先幫我哋燒住牛肉先。🍄按照佢哋介紹嘅步驟點返啲醬，粒牛超級好好食！🍄辣八爪魚加素麵，兩樣野都好割裂😅😅🍄豬肉，有人幫手燒係零舍好食啲🍄後來加咗個生菜，印象中佢都唔平，但有好多塊菜呢餐飯埋單人均都要成六百零蚊，都真係唔算平⋯⋯但對於初試醬油蝦醬油蟹嚟講都安全可靠嘅。

人生第一次寫食評，因為成個用餐體驗非常差！夜晚6點半左右walk in 入去問有冇位，話有位但只可以食一小時到7點半，我哋覺得OK就入左去。坐低即刻order，我哋兩個人叫左一份醬油蟹，一份五花肉，因為唔食牛肉，所以就無打算再叫其他肉，本身想另外再叫一個湯，但個短髮識講廣東話嘅店員竟然話叫一份肉唔可以開爐燒肉，廚房會燒埋出黎，一份五花肉都成$200蚊，居然有如此不合理條件，礙於不想餐飯掃興，我哋再點左份魷魚，其實都係格硬點到燒肉時，個韓國姐姐本身都正正常常咁幫我哋燒，其實我哋Prefer自己燒，個啊姐燒完竟然用支鉗敲我隻食飯碟，示意我哋可以食得，呢個動作真係好冇禮物同勁差跟住上醬油蟹時，因為之前食過有跟飯同紫菜用黎撈蟹膏，今次就冇上飯同紫菜，隔左大概10分鐘先有另一個店員拎過黎同幫手撈飯，之前食過一次係好食的，呢次個店員撈飯時落左好多醬油，搞到個飯勁濕又鹹餐飯食到7點10分，有兩個店員就黎收我哋張檯啲碟，清到一乾二淨，意思已經好明顯，我哋都不想多留一刻就起身走人，兩個人埋單$979，價錢不便宜，但是服務態度卻非常糟糕，整個用餐體驗非常差，咁唔憂做，以後唔會再幫襯

係香港從未去過一間噤差服務態度的一間韓國餐廳！第一：叫左一個炒八爪魚加素面，上菜時問需唔需要幫我撈，我當下當唔需要，因為其中一個朋友唔食辣。之後朋友叫我哋照撈，於是服務員回來時我話請幫我撈，誰知俾佢質問話問左我幾次我都話唔使，而家又要。第二：因為我地人多，夠最低消費，所以book左私人房。我地一班朋友傾訴開心怕嘈到人，於時關埋房門，過左一陣有服務員好大力噤拍開度門，黑口黑面衝人黎，好粗魯噤放低個生日蛋糕（因為我地準備切生日蛋糕），咩都無講，蛋糕盒又拆開，碟同叉又隔一陣先上。無而在場staff從來無同我地講唔可以關門。今時今日仲係噤的服務態度？香港餐廳多不勝數，唔一定要食你！

小朋友放暑假，特登請假同佢呢隻為食貓週圍食，其中一站就係本家，因為小朋友睇電視見到白種元，上晒腦。去到餐廳啱啱開門，被帶左入去2人卡位坐低。幾位侍應完全無招呼嘅打算，揮手幾次先有個嬸嬸過黎，仲要只俾一個 a la carte嘅menu我地，問佢唔係有lunch menu嗎?  佢話未咁快有。咁奇，你午巿未準備好做乜開門，當我係遊客嗎。心有不甘，過左一兩分鐘揮手叫另一位嬸嬸，就俾左個lunch menu我地。點完餐都好快上菜：泡菜只有一碟偏辣，其餘我個仔都食到。款式比普通韓國餐廳多。個飯味道正常，係白蘿蔔偏硬，鍋底有飯焦，頗香口。牛肉份量好多，無肥膏無筋，非常好食。牛肉湯好重胡椒味。

尖沙咀。醬油蟹🦀本家韓國料理。人氣韓國餐廳依間韓國料理應該好多人都熟悉，算係熱門既韓國餐廳，長期full booking，而且只接受電話預約，但系電話成日打唔通，多數要打好多次先有機會有人聽🤣..walk-in就通常無咩機會食到，所以都係建議乖乖地打爆佢地個電話🤣餐廳入面staff大部分都系韓國人，不過都溝通到容易點到餐，當日去到大約7點半，一如既往地爆場，非常熱鬧，雖然staff們都好忙，但系都好快放低左幾款前菜，今次服務態度顯然比上次好，記得上次同朋友食，佢地飛D前菜比我地，即刻個樣呆左🤣，仲要叫極都無人，想refill小菜要等一大段時間..今次體驗好好多😂..但系refill小菜都系咁慢，不過叫做有人應機🫣—醬油蟹$520每次黎親本家都系為左食醬油蟹，一份醬油蟹有兩隻，今次既醬油蟹都系蟹膏滿滿😍，滿瀉既橙黃色蟹膏，甘香豐腴，而新解既半透明蟹肉亦非常鮮甜，無腥味，配上自家製醬油，咸香咸香，鮮甜鮮甜，店員仲會幫忙將醬油蟹拆肉連同蟹蓋既蟹膏以完美比例撈埋紫菜飯，撈好後再分好放落蟹蓋，方便客人食用，醬油蟹撈紫菜飯真系好好食，間唔中就會掛住依種滋味，不過醬油部分比較咸少少，但系可以接受。—

食到一半先記得影相， 可以想像有幾咁好食。 肉類份量非常足夠，真材實料點餐時要諗一諗 消唔消化到先重點推介生菜包豬腩肉絕對唔係199肥膏，係紅白交替嘅豬腩肉，冇騷味，煎得好香。牛肋骨100％推介好好味原條骨，非常香口，高質素石頭飯食肉太多一定要試去石頭飯，蔬菜新鮮，份量滿分， 菜嘅份量遠遠遠多個白飯。自覺食咗好多菜，好健康，腸胃都通水冷麵平凡中見真章。 冷麵彈牙， 湯底調味清甜， 再配埋 已醃製的白蘿蔔薄切，水準遠遠拋離一般韓食店舖。順帶一提，韓國實地菜式肉類少， 主要都係蔬菜根部醃製品。。。 我都係鍾意香港可以食淡淡香口的肉肉肉！

同朋友聚舊 朋友話想食韓國嘢 就揀咗呢間《本家》位置係 尖沙咀 金馬倫道， 位置都容易搵嘅， 電梯等咗勁耐 所以建議行樓梯一層就到達我哋叫咗一份海鮮煎餅 燒韓國淡水鰻魚 燒豬腩肉 豆腐辣湯 前菜總共有六款 但係只有泡菜可以refill一次,淡水鰻魚同燒豬腩肉幾好食 阿豬媽佢哋會幫你燒埋， 你係唔需要自己燒 而且佢亦都唔會畀你自己燒伏！！！ 海鮮煎餅 伏！！！ 粉漿好厚睇唔到海鮮 唔會再order!!!! 伏！！！因為泡菜可以refill一次，我哋食完之後就叫佢refill， 跟住等咗十分鐘都未嚟 我哋就同職員講多次要refill， 然後我哋再同佢講話未嚟，有一個女職員同我哋講話我哋已經refill咗2次，我地當堂O哂咀 ，我朋友都忍唔住衰聲同佢講返 ， 之後有位男職員 快快手refill返俾我地本身上去食之前睇過openrice都有心理準備係無service ,原來係真的...

醬油蟹係好新鮮，仲有專人幫你拆蟹，仲會配有紫菜飯，醬汁都唔會太咸。我諗係必食，每人一隻份量係基本～另外眼見都幾多人食燒肉，不過我嗰晚朋友想食韓國料理多啲，炒粉絲同湯都係正常，但就無機會試燒肉～🥲仲試左燒鰻魚，雖然都算係啖啖肉，不過就無想像中咁爽同脆口～唔似日式嗰隻整體黎講，黎得呢度就係要食醬油蟹，其他正常發揮。除左有少少趕枱之外，食物係OK。不過佢真係幾多客，好忙，唔志在，服務爭少少所以都無計😂

(本家 )位於尖沙咀嘅呢間 韓國餐廳 應該唔需要多介紹大家都知道有幾難Book位只因為呢度有皇牌嘅食物🗯️就係 醬油蟹 每次嚟到我哋都會叫真係好出色🧡勁多膏，肉質超甜，呢度仲會有專人幫埋你拆肉撈蟹膏飯😍真係好好味🤤🦀🩷另外仲叫咗份辣炒八爪魚配素面＆醬油蝦🦐個辣醬味就有啲似平時食嘅辣炒豬腩肉咁！第一次食，朋友們都認為一般。再叫咗份牛肉，味道都係正常水準！所以總括來說，嚟呢度主要都係食醬油蟹，對其他食物唔好咁高期望，你就唔會有失望🤪最後提一提朋友生日訂咗蛋糕喺度呢度切呢度係免收切餅費的👍🏻👍🏻👍🏻💕

六點食 話七點半交枱 未夠七點半 已經執緊枱嘅野食 但我地仲食緊 完全無問我地仲要五要 直接收走 五會再去！想感受垃圾服務可以去！六點食 話七點半交枱 未夠七點半 已經執緊枱嘅野食 但我地仲食緊 完全無問我地仲要五要 直接收走 五會再去！想感受垃圾服務可以去！

唔講主食住，講左佢d前菜先！真係好好食！！不過可惜冇得再添，試過兩個人或三個人嚟都係比各一份，唔知多啲人會唔會比多啲呢😂雖然份量少，但係勝在款式夠多，其他韓國鋪多數都係比兩三款，呢度有齊6款咁多！呢次試左牛腸火鍋（$350）唔好見佢有兩隻垃圾，我同frd都一致覺得係唔辣嘅🫢除左牛腸，仲有唔少牛肚，比例應該係一半一半。最期待嘅梗係醬油蟹啦！上網見人話本家嘅醬油蟹係全香港第一好味！呢次就特登嚟試下係咪傳說中咁勁🤓一份醬油蟹有兩隻，total$530，價錢都偏貴少少。不過賣相真係冇得輸，切得就比坊間細少少，冇左大大啖嘅享受。等你影完相之後，職員會幫你撈埋d飯，塞喺兩個蟹蓋度😋我覺得本家嘅醬油蟹味道偏淡少少，我自己就重要重口味多啲😂不過都證明佢啲蟹都曬新鮮～好味係真嘅，但係咪全港第一就見仁見智啦🤔

得個貴字 燒牛肉好似佳寶BBQ醃晒味嗰啲咁嘅質素幾百蚊碟 一條煎馬頭 掌心咁大條 $200仲要係梅人手又唔夠 有朋友，你唔係咁鍾意佢 可以介紹佢試吓 包佢講粗口 不過我都係睇大陸啲片中伏先去

如果要我推薦一間韓國餐廳，本家絕對榜上有名！從食物到餐廳裝修、店員服務等，都好有韓國既感覺，唔洗飛就可以食到，機票都慳返😍叫咗個三到四人餐，加一個海鮮煎餅，四個人食到捧腹而歸，勁滿足🥳生牛肉作為前菜非常開胃，牛肉好鮮嫩，同雪梨條好夾，撈埋生蛋黃口感就更豐富👍海鮮蔥餅好足料，啖啖都食到海鮮。蔥既香味同韓國煎餅既獨特口感真係絕配🥰就咁食煎餅味道比較淡，重口味星人食既時候記得點多啲汁😂三至四人餐有兩款韓牛，雪花紋都好靚✨一款肉味更濃，另一款就油脂更香，兩種都勁好食❗️配埋粗粒芥末，完全中和咗油膩感🥰有店員幫手燒，手殘黨即刻放心😂醬油蟹當然係今日主角，睇圖就見到滿滿蟹膏超肥美呀！！🥰😍醬油味唔會過濃，食到蟹肉既鮮甜🤤韓國姨姨問咗我地係幾多人食，幫我地分好咗一人一份既蟹膏紫菜撈飯，一路分一路同姨姨傾計，姨姨好fun😂韓式烤鰻魚一直係我至愛😋本家既烤鰻魚同樣出色✨店員幫我地將鰻魚燒到焦香，過程好治癒！包住醃蘿蔔，點鰻魚醬食，口感同味道都好豐富！鰻魚外焦內軟，肉質緊實，食落好香好好味🥹店員會將薑絲道入鰻魚醬，唔食薑既朋友記得提早講😂總結：韓食老店既食物質素自然不在話下，幾個朋友聚餐再叫枝燒酒，真係好似

我一行十二人Book位個陣打左幾十次電話終於打通有個韓國男人聽電話佢廣東話講野唔標準，我有啲聽唔到佢第一次cut左我線之後我再打，book到佢話有房，但有低消咁我都話好，佢叫我要俾$1000訂金都ok，俾埋上到去，第一個阿姐就同我講冇房佢話你哋12個人無得坐房我已經同佢表示話我訂位嗰陣已經話要房點解而家會無第二個呀姐就話你哋咁多人坐唔到房一坐低已經俾佢地激親點知食飯嘅時候仲衰，態度非常惡劣啲醬油蟹擺咗喺隔籬餐車放咗好耐佢都冇上菜，因為係生冷食物，我哋都擔心會變壞咁我哋就問姐姐可唔可以上咗醬油蟹先食燒肉佢居然鬧翻我哋轉頭，仲zip我地話冇人得閒整叫我哋等吓唔好嘈燒肉又燒到燶晒，冇人睇火我哋自己想燒又唔俾Total每人食咗$650 呢間真係我食過最差最惡劣嘅餐廳食物唔係特別出眾，服務態度極之惡劣

朋友帶咗我哋嚟呢間韓國餐廳食飯今次係我第一次嚟呢一度食飯🤣搭𨋢嘅時候覺得呢幢嘢怪怪地 因為好大陣去唱K嗰啲地方嘅味道😂聞到好多煙味同埋酒味 心諗死啦…呢個地方啲嘢食係咪奇奇怪怪咁 同埋擔心呢個地方嘅衛衛生情況😂點知 呢度嘅店員好鬼死親切 好多都係韓國人🇰🇷佢哋仲會同啲熟客係咁傾偈聽講有時仲會派吓韓國嘅柿😂佢哋啲前菜真係好充足 一台人淨係前菜已經有八九碟..😂未食主菜已經覺得好飽然後仲有一碗湯 真心幾鮮甜食咗佢哋個石鍋拌飯就真係冇咩肉嘅😂😂 但係都幾好食而且份量都算係多配菜嘅味道都唔錯我就唔係好食得辣嘅 但係熱情嘅韓國姐姐就建議我加少少辣醬🤣咁我就好啦俾佢加點知佢加咗一大Pat😭😭不過食落都唔係好辣🌶️同埋加咗辣醬真係惹味啲建議大家就算唔食得辣 都可以加少少試吓不過聽講價錢越嚟越貴 唔知係咪因為加租定係點😂如果個價錢可以再平啲就Perfect啦