影片
開飯介紹
尖沙咀人氣韓國菜館的分店，設計走簡約風格，供應一系列惹味的韓式料理，當中以炸雞尤其受歡迎，配燒酒及啤酒也很合適。
繼續閱讀
獎項殊榮
最優秀開飯韓國菜餐廳 (2015-16)
營業時間
今日營業
12:00 - 05:00
星期一至日
12:00 - 05:00
以上資料只供參考, 請與餐廳確認詳情
有關獎賞計劃
相關文章
最近同朋友們一齊去咗尖沙咀韓式烤雞店「李家」。最鍾意呢度炸雞好入味好正。今次order咗好多野，食得好盡興❤️🐔 人參雞湯熱辣辣湯底清甜而濃郁，人參煮到非常入味。我哋就比較鍾意加少少鹽調味～ 飲完即刻暖到入心🥢 韓式玫瑰炒年糕紅卜卜顏色非常吸引。年糕搭配甜辣的醬汁，咬落煙煙韌韌，好味🍗 甜辣味炸雞經典味道炸雞，外皮烤到金黃酥脆，淋上醬汁～ 雞肉鮮嫩多汁，好味，所以每次都會點～🥢年糕香腸串另一種年糕食法，串上香腸後，再淋上自家製醬汁，開胃又滿足🔥 辣咖喱味炸雞辣咖喱味炸雞又係另一種風味，香濃咖喱醬帶來強烈的香料味，甜甜地，好味🥢 青辣椒蛋黃醬炸雞與洋蔥味炸雞最後，我哋仲點咗青辣椒蛋黃醬炸雞和洋蔥味炸雞。青辣椒的清新與蛋黃醬的濃郁相結合，為炸雞增添了一層特別的風味。而洋蔥味炸雞就散發住清嘅甜香～
繼續閱讀
🇰🇷李家🇰🇷又再嚟到李家，上次係去西灣河分店，我地今次係去尖沙咀山林道分店〜 宜家十五週年做緊全店8折，好抵✨ (不過都要加一架〜)韓式玫瑰炒年糕 $188 (未折)個玫瑰醬調得好好味😋 我哋叫咗小辣，微辣食得冇咁膩🫶🏻 亦都有唔同嘅配料，一條條嘅麵其實就係年糕〜口感非常煙韌好得意😆 海鮮韭菜煎餅 $168呢樣係上次我哋食完覺得好好食，所以就encore咗，點知今次係好失望🥹 成塊餅好油，完全唔夠醉脆🥲 配料得好少，有冇人可以話俾我知咁啱失手，定係真係西灣河好食啲🥹呢間餐廳單價唔平，但啲份量真係好大，兩個人真係一樣都未必食得晒😂 建議同一大班friend嚟先好食😆🤣📍 西灣河筲箕灣道180號1樓3號舖📍 尖沙咀山林道54-56號利雅商業大廈地下📍 大角咀埃華街75號地舖📍 灣仔駱克道405-419華發大廈地下C鋪📍 荃灣海壩街16號地下 G/F
繼續閱讀
夜晚晚想食炸雞，除左老麥，仲有咩揀？仲有李家啊！開到凌晨5點真係大癲！上次凌晨兩點幾同朋友去食，入面都仲有幾台客。識食梗係食佢嘅招牌「炸雞」！我地呢次嗌咗自選半半有骨炸雞（青辣椒蛋黃醬炸雞跟洋蔥mix辣咖哩味炸雞）（$118+113）等左15分鐘先有野食，睇嚟係即叫即炸！食咗幾嚿都仲係熱辣辣🔥味道同雞嘅質地都唔差，喺半夜食到咁嘅質素嘅宵夜，都真係冇得彈啦。我同朋友都一致大推青辣椒蛋黃醬炸雞跟洋蔥，有少少洋蔥嘅辣，但係勁frrsh，可以綜合炸雞嘅油膩，食到最尾都唔滯😋（靜雞雞話你知，蛋黃醬係可以額外再fill！唔洗擔心食到後面啲雞冇醬）我地仲嗌咗個韓式魚子湯（$198）呢個簡直係解救神器，飲完暖笠笠勁舒服。不過唔食得辣嘅朋友仔就要注意啦，呢款湯比想像中要辣好多，同平時嘅中辣差唔多。夜媽媽喺附近飲完酒嘅朋友仔下次不妨嚟呢到食埋個宵夜先走～
繼續閱讀
朋友話好耐無食炸雞，我一諗到就係李家就即刻book位，一坐低店員就話慶祝十五週年去到15/12全單有8折，太開心啦。Apple cider Rita Cocktail次次黎都會叫呢個，打卡一流，味道又好飲，apple cider味道酸酸甜甜好開胃，好夠氣又大杯，食住炸雞配啤酒，正！味醂魚乾送酒嘅小食，魚乾鮮味十足，花生香脆可口。蜂蜜大蒜炸雞叫左半隻炸雞，炸雞外脆內軟，口感脆卜卜，加上蜂蜜味道香甜。牛肉炒粉絲粉絲食落煙煙韌韌，好多配料口感豐富。芝士雞蛋卷芝士超級拉絲，味道濃郁，雞蛋入口嫩滑。
繼續閱讀
呢間炸雞店已經食過好幾次，係香港第一間韓式炸雞店由韓國人主理餐廳，見到佢今年係成立第15週年，1/10-15/12有全場8折，真係好抵，同埋朋友一齊去食。原味炸雞炸雞外皮炸到香脆可口，雞肉嫩滑多汁，啖啖肉無骨超正。蜂蜜大蒜炸雞蜂蜜香甜美味，大蒜惹味濃郁，另一番風味。牛肉炒粉絲份量好大份，牛肉幼嫩多汁，配料材料多，粉絲入口煙韌。芝士雞蛋卷芝士味濃郁，雞蛋蛋香，有拉絲效果。士多梨梳打藍梳打好大杯，味道酸甜開胃。
繼續閱讀