村里村外

營業中

休息中

一直以為馬鞍山係美食沙漠，但原來沙漠中都有綠洲，今日搵食已經食到成個馬鞍山都食到悶，決定開發下未行過既另一邊。比我發現左村裡村外，外面睇細細地，裝修又比較大陸味，吾知掂吾掂。是但試下啦，反正馬鞍山真係無好野食。點知買左返屋企食係非常有驚喜。總之就係好好食。吾好意思無影相，因為無唸住要寫食評，食完覺得要介紹比大家，好野吾好比佢消失呀，要食多尐等佢可以存在係馬鞍山，直到永遠，阿門我吾知食左既係咩菜式，一個係酸酸甜既蝦，另一個係椰菜炒吾知咩肉真係吾記得左，sorry

係馬鞍山經過見到間食湖南菜，餐廳名叫村里村外，好似好有feel咁🤭所以決定入去試一試🤤環境乾淨簡單，帶有些小中式風格，不錯👍🏼坐底就有玄米茶飲，清清地，幾好飲🤤我地本身冇咩idea食咩，所以叫老闆推介左幾個餸，全部都可以叫小辣❤️串燒（羊肉/雞肉）$108孜然味勁香🤤雞肉好嫩滑羊肉一啲都唔騷，好惹味👍🏼❤️明爐燒魚伴蝦碌 $288入面勁多配料，有薯仔，豆皮，青瓜，蝦，鴨血等等…全部都勁入味，勁大份😍❤️酸湯蒜蓉牛肉$138老闆極力推介👍🏼👍🏼👍🏼老闆推介食法：一舊牛加酸湯再加蒜，一次過放落口食😂好出色🤤難以形容既感覺牛肉又係超級好食，係用安格斯牛肩肉，高質素👍🏼👍🏼👍🏼我都極力推薦⭐️⭐️⭐️❤️香菜魚皮$68呢個都極力推薦🤤🤤食唔停口，魚皮好爽脆味道酸辣調配得好好，辣得好過癮🤤食完好想再食😂❤️酸蘿蔔炆雞$158本身對呢樣餸冇咩興趣，但老闆推介，所以就試一試佢😂但點知原來都係勁好味，雞超級滑，好入味，第一次食酸蘿蔔，原來係咁夾，值得一試🤤總結：估唔到馬鞍山都有間咁正既湖南菜🤤下次要叫多幾個一齊食，可以食多啲款式，而且價錢非常合理，唔太貴，最重要係好好食啊😍

今日嚟咗呢度食晏晝，除返開每個人$65紅燒排骨土豆 🍖🥔呢道紅燒排骨土豆真係好正！排骨燉得好軟好入味，肉質鮮嫩多汁，配上土豆，同排骨差唔多樣😂口感絕佳！過橋豆腐 🍲🥢呢碗過橋豆腐做法好簡單，我哋仲以為係啲乜嘢新菜式😅豆腐嫩滑，再加一個蛋黃同埋肉碎，簡單到自己都煮到🤣🤣🤣木耳牛肉炒四季豆 🥩😋一道健康又美味嘅菜式！牛肉雖然有啲乾，配上爽脆的四季豆同香脆的木耳，口感豐富。呢道菜唔會太油膩，令人食得健康又開胃。好適合搭配白飯一齊享用！🍚🥢😊嚟呢度食飯，一坐低就會有熱湯飲，今日係冬瓜湯，啱晒啲咁熱嘅天氣。午市仲有包埋飲品，我叫咗熱檸水，冇乜嘢好評價。中午時分來都好多學生哥，如果唔想等位就要12點就嚟啦🤪

佢嘅裝修簡單，但食物味道真係好好！佢嘅菜單選擇好豐富，有酸辣米線，酸湯牛肉做，老乾媽豬乾排骨，午餐客飯等。酸辣米線味道好正，辣度啱啱好，酸味同甜味嘅配合好啱啱好。酸湯牛肉湯汁濃郁，牛肉又嫩又鮮美，好好味。老乾媽豬乾排骨亦好好味，排骨肉質鮮嫩，香辣味道濃郁，令人垂涎欲滴。剁椒魚頭味道亦好好，魚肉鮮美，剁椒嘅味道同酸菜嘅清爽味道相得益彰，令人回味無窮。除咗食物味道之外，呢間餐廳嘅老板都好有性格，有日本匠人嘅堅持。佢哋堅持使用優質食材，唔加味精，令食物更加健康。我好推薦「村里村外」呢間湘菜餐廳！雖然唔算太豪華，但食物味道好，而且唔加味精，好健康。老板嘅日本匠人嘅堅持亦令呢間餐廳好獨特，令人感到好驚喜。如果你想喺馬鞍山美食沙漠搵到嘢食，呢度絕對係一個唔容錯過嘅綠州。

以街坊小廚來說，環境唔錯，企理乾淨；食材不差，制作功夫到位，值得一來再來。叫咗兩碟小菜，一客豬一客牛，都係用豬油炒。豬肉做左少少風乾，而家在日本美國叫做熟成，豬肉唔太乾，但肉味濃，正。牛肉炒得鮮嫩滑，無根而味鮮。佢用咗靚辣椒乾炒，冇新鮮辣椒咁辣，變相辣味比較含蓄，啱香港人。食完個碟底唔係好多油，亦都冇乜醬油，炒得仲好過我去湖南旅行大餐館食過個幾餐～

因住樓上，過往都會間中光顧，奈何2021年轉左手之後，對顧客態度惡劣左好多，有次我諗著叫外賣，打電話過去落單諗著叫一個餐，個男老闆竟然俾說話我聽，溪落我話我嗌得咁少？下不為例，唔會再幫襯。

昨日去咗馬鞍山探阿囝， 晚上他帶我和老公去了馬鞍山新港城第三期的村里村外食湖南菜。香脆魚皮爽脆的魚皮， 伴以唐芹和芫茜 ，雖然有點辣， 但好像上了癮的， 吃完一塊又一塊。香辣串燒叫了牛肉和羊肉各四串， 香辣味濃郁又惹味的牛肉和羊肉都非常軟嫩，而且羊肉一點騷味也沒有， 令人食得津津有味。口味鴨皮脆肉嫩， 而且非常入味，我老公讚不絕口。孜然一字骨略嫌不夠香脆，肉質比較鞋口 ，味道一般。清炒萵筍片 萵筍片美味， 清脆爽口。生煎豬肉包外皮鬆脆， 內裏肉香多汁 ，口感非常不錯。

復活節假期見村裏村外有早餐吃， 又試試。位置偏， 不在商場， 所以人流較少， 街坊人才知有此店。11點前早餐，點了B)家鄉肉絲炒陽春麵 ， 炸饅頭， 熱奶茶$38E) 素菜炒陽春麵， 轉蒸饅頭， 熱咖啡$382個炒陽春麵基本一樣， 只是b餐加了肉絲。麵炒得唔乾身， 較油， 只有辣， 但唔香，其他冇味， 好一般。 4.5分奶茶， 咖啡唔夠熱， 味道都係一般水準。炸饅頭， 蒸饅頭沒有特別。早餐食完， 感覺好hea水準， 唔好食， 冇特別。 失望。食午餐或晚餐， 食物應該會好味d.

村里村外其實是間湘菜小店，如牆上掛上一幅鄭板橋的詩句’ 室雅可需大、花香不在多’。湘菜出名辣味豐富、刀工精細。如果喜辣，這裡直得推介鍋巴辣子雞、明爐燒魚、孜然,一字骨亦可以自選辣度。

我同朋友都非常鍾意食辣，難得見到一間川菜館，就入去試下。哩間川菜館餐牌好似返左大陸咁，食物種類繁多，每樣菜式都好想試，但我地得兩個人，眼闊肚窄於是叫左個下午茶餐。豬肉餃子餐和農村炒米粉餐。餃子用蒸籠上，一籠有6隻，可能因為下午茶所以份量唔算好多，但餃子味道唔錯，好有平時返大陸食既味道。而農村炒米粉比我想像中兩量少，米粉並不是平時既河源米粉或新竹米線，可能係於先整好再叮返熱，口感無咁爽口彈牙，整體不過不失。我覺得可能水煮魚會好食好多。

好有風味既川菜，驚食辣，都有好多唔辣或小辣既選項lunch性價比超高，份量夠，味道好lunch set 特別推薦鴨血鴨絲同鍋巴辣子雞，正鍋巴辣子雞係大辣，但辣得黎，好好食，雞加鍋巴一齊食，就唔覺辣，仲有兩種口感

食物同大陸一樣好多油環境乾淨衛生但店員無人識講廣東話 淨係對住你講煲冬瓜 奶野啦好似返左大陸咁 聽到d煲冬瓜就想嘔Waitress仲要著住拖鞋 都唔知邊到鄉下出黎好心廣東話都唔肯講就返大陸啦Ps 除左唔識廣東話 整體都唔錯

疫情最嚴峻嘅時候，先發現呢間店所以之前次次食都係叫外賣🤦🏻‍♀️宜家終於可以堂食啦！ *。 *。 *。 *。水煮魚（中辣） - 之前想試好耐，魚片係滑嘅，辣得黎又幾惹味，但個人鍾意多麻少少。老公唔太好辣，一開頭話好味，但食食下會覺得太辣😅。但呢度菜反而無其他菜式咁出色。香菜魚皮 - 呢款係店員推介，因是冷盤，無得選辣度，預設為中辣。魚皮彈牙，配埋芹菜、芫茜一齊食，真係好正，老公都大讚。但上菜後要盡快食，否則魚皮浸淋左會無左口感。最最最推介係呢個酸湯蒜蓉牛肉（小辣），次次叫外賣必點，沒想到堂食係另一個層次🤤。店員教我地用隻匙取些湯，再放片牛肉片、蒜頭同葱上去，連湯一齊食，真係無得彈！個人認為，小辣恰到好處，食過中辣雖然惹味，但會搶左酸湯同其他配料嘅味道。之前叫外賣食過好多不錯嘅菜式如鴨肉蛋餅、手撕包菜、炒土豆絲同怪味鴨等下次黎堂食要再叫黎試下！

已經是第五次到這間店進食，一直保留原有水準，每次也讚口不絕，可能本身自己喜歡吃濃味的食物，所以這間川菜成為我不二之選 。話說娘家馬鞍山是有美食沙漠之稱，所以常常逃避回娘家食晚飯，只好請家人到其他地區晚餐小聚，但自從媽媽腳患越催嚴重不得不回馬鞍山用餐，幸好發現了這問沙漠中的清泉後，便把這店當了飯堂。愛吃辣的我今晚點了酸辣牛肉，酸辣度適中，送飯一流。而因有媽媽和女兒，所以其餘兩碟便點了菜花炒肉片和蒜心雲耳炒蓮藕片，開頭諗住清清地，但原來也十分惹味，食到個女女唔停好，最好肉片分晒俾一老一嫩，所以略嫌肉片有點薄和少。最後每次必點的是炸饅頭，香脆又唔黏牙。本想再點其他食物，但三大一小真的吃不下，埋單只需300有找，這樣的價錢，怎樣不回來再幫襯呢？

外賣自取平幾蚊。$61有湯有飯幾唔錯。點了耶菜花豆皮炒牛肉。湯就太清，不過夠味，不過不失。白飯配小菜好好味，耶菜花是炸過好野味，有菜類豆類肉類是非常好的配搭，感覺健康養胃。