東京拉麵

營業中

休息中

大癲！大伏！千祈咪亂試！🤢🤮上次經過呢間餐廳，見到佢個招牌都幾隱蔽，就諗住會唔會係粉嶺嘅隱世日式餐廳，我隔住佢道黑色門窗望入去，見到裡面個阿婆望住我，於是我打開咗道門問佢哋關幾點，諗住同男朋友一齊食。原本以為係驚喜，無諗過係驚嚇！佢哋個招牌東京拉麵成$78蚊一碗，但係個湯底居然係即食麵公仔麵嗰啲湯粉味，個麵又霖又難食，完全同拉麵扯唔上半點關係！加埋啲亂七八糟嘅餸，完全就係「不堪入目」！講真嗰句，我寧願扔咗嗰70幾蚊落地下，都無咁心痛！真係唔知佢憑咩收呢個價錢，仲要粉嶺名店輩出嘅情況下，佢都好意思煮啲咁嘅質素出嚟！

今日嚟到東京拉麵，一踏入去已經聞到滿滿既湯香，真係令人食指大動😋！老板娘一臉笑容招呼，熱情過人。招牌東京拉麵上枱，啲湯底清甜得黎有層次感，喝一口覺得暖笠笠，拉麵梗係幼滑彈牙。D料真係方便且爽口，炸蝦同雞翼又香脆，個叉燒軟熟入味，每樣都好夾。我仲特別鐘意佢個嫩滑雞蛋，淋上啲濃郁肉汁，完美！雜錦配料多到點都食唔哂！邊枱的牛肉冷麵都吸引到我嘅目光，牛肉切得厚實，但又唔會太硬，食落去涼快解膩，夏天食真係一流。餃子嘅個頭嚟得飽滿，啲皮薄餡足，入口嘅肉汁同蔬菜滋味，一流！走普通人路線，但東京拉麵提供的質素同服務，絕對唔普通，每次食完心情都好正👍。朋友仔，下次唔該記住同我一齊嚟，嚟呢度食碗好湯，食啲實在嘅好料，真係咸魚翻生添🌟！

今日由老公帶我哋去聯和墟搵食。。。話說老公同事推介哩間小店，難得過嚟聯和墟冇理由唔去試下🧐 去到東京拉麵店，拉開茶色趟門，開放式廚房，bar檯由門口延伸到去廚房裡面。有位老闆娘(婆婆)好細心咁幫我哋安排坐位，見我地有大有小，就介紹左個靚位俾我哋🤭睇左一輪餐牌，終於落單啦⋯ 我哋嗌咗一碗東京拉麵，一碗日式牛肉飯。東京拉麵都算幾抵食，樣樣餸都有，份量都幾足，啱晒男士食。日式牛肉飯的牛肉量亦都唔少，而且老闆娘見我哋有幼童仲特登俾多左啲飯我哋，好有愛呀❤️ 原諒我實在太肚餓，相片都未嚟得切影就已經開動了🤤

好嘅地方係：其實佢地服務係幾好，幾有禮貌。應該係一對夫婦。唔好嘅地方係：1 、環境有陣嗡味，但唔係污糟2、拉面湯底好似係即食面湯底，好咸，但係無食材味道。其實唔係用豬骨或魚煲嘅湯底都唔緊要，但都唔係咁嫁嘛…話晒碗東京拉面都$723、叉燒拉面嘅叉燒好咸，肉亦好柴，好似切片嘅煲湯瘦肉吉列豬排似茶記整嘅$38，上枱個皮已經軟左餃子係正常的，$30收茶錢，好似係$2一位兩人共食$201我係因為睇到好評多過差評所以先去。但食完就覺得…點解，我做錯啲咩🥲

大概是两个礼拜之前，朋友带我去的一家店，据朋友说是他同学推荐的，是家开了将近二十年的夫妻店，从粉岭地铁站走路十多分钟，店不是很大，餐品种类也不是很多，店员阿姨能听懂普通话就是不怎么会说，尝试用本人的塑料粤语点餐，完全没问题，我们就是冲着东京拉面和炸年糕炸鸡翅炸虾去的，真心超级好吃。

其實呢間野開左好耐，記得差不多十年前返學果陣時都有食過，最近經過見到竟然小店還在，就入去幫親下，叫返個招牌東京拉面，但食落好似無左以前既味道，湯底完全似出前一叮既湯底，當然唔可以同出面既貴價日式拉面相比，但佢煮出黎既味道係同你係超市買包拉面再用出前一叮既粉同麻油一皮既味道，好食既係佢東京拉面會送炸蝦，個炸蝦又幾好食，但小店黎講見老闆兩公婆老夫老妻經營左咁耐附近街坊都可支持一下，但食評不可做作，因我住附近我會比多次機會再試下其他拉面。

記得之前試過這間拉麵不錯，於是就兩個人再入去吃拉麵，叫了一碗拉麵、一份餃子、一份炸豆腐。坐低就飲了一口茶，是好飲的麥茶。拉麵的湯底不錯，和青䓤的香味互相融合，不油膩，但味道又不會太淡，是這間小店的特色，可能和大部份拉麵店的豬骨湯底不同，但個人十分推薦來吃拉麵的朋友留意湯底的味道，大家應該會喜歡的。餃子有兩款，一款多菜，一款多肉。我選擇多菜的，因為不想吃太油膩，餃子本來是炸的，就問老闆娘將餃子改成烚的。炸豆腐上面有木魚，炸粉薄薄一層，下低有醬汁，十分美味。

20170515(星期一)--經常在聯和墟遊走，一直不知東京拉麵的位置，因為它夾在一些倒閉了的店中間，門面毫不起眼，我瀏覽openrice才知東京拉麵仍在營業中。多次約五時到訪不遇，因為下午茶時間是不營業的。是日約下午三時，店內只有一位客人和我我點了東京拉麵($69)等侯期間拍下餐牌上可愛的日本褶紙公仔褶紙店家送上熱茶，另一位客人結賬，全店只剩我一人。店內是日本拉麵店式的坐位設計，但已有點老舊。沒多久，老店員把東京拉麵送上，並說炸蝦和雞翼制作中，稍後送上。材料有半隻雞蛋、蟹柳、肥牛肉、鳴門卷和紫菜等等，無論賣相或是味道，只能稱得上港式味道，也不需用日本東京拉麵的味道來相題並論了，拉麵份量倒是不少，味道不過不失。老店員再送上炸蝦和雞翼，熱騰騰，新鮮香脆，味道不錯，味道比賣相好。總結: 埋單$69，小店式經營，拉麵沒有日本拉麵的味道，相信老店員應該是老闆，服務熱誠。一向手鬆的我，不忍心給老人家負評，但平平無奇的味道，不好評、不負評，也不推薦。

見這小店好像日本的拉麵店所以想試。這裡的拉麵比香港一般的拉麵店價錢便宜，但食物麻麻，只可說是一分錢一分貨。點了餃子拉麵和日式叉燒拉麵。兩者非常相似，湯底和配料完全一樣，只有餃子和叉燒的分別。拉麵麻麻，像是家裡平常煮的即食拉麵。餃子如果煎過便更好了。另外點了金菇肥牛卷，灑上日本燒汁不錯，只是金菇好像煮得太久而變得無味。餃子拉麵和叉燒拉麵相似金菇肥牛卷雖然拉麵味道麻麻，但以這價錢來說也是不過不失。店員亦很友善，能找到這富有人情味的小店也算是難得了。

經常行過見鋪面像隱世日本拉麵店的模樣，上openrice睇食評，有23個好味，今日lunch就一同五人去試試，開門進去，店內只有一名店員，座位不多，我們選擇長bar台坐，沒有冷氣，我點了$46單點的叉燒拉麵，湯非常喊，麵餅硬而還未散開，最後試了叉燒，又硬又無味，差差差！

有這樣的一間店，沒有廣告沒有醒目的霓虹光管，靜靜地植根某街的角落，賣着那十幾年的心血。位於粉嶺聯和墟的東京拉麵，沒有近年過江龍們的大名氣，只有真心與務實地默默經營，是我兒時的童年回憶呢！ 週末再遊舊地，店內裝潢沒有多變，變的只是老板與老板娘那歲月留下的痕跡。點了碗以店名命名的東京拉麵，是店內招牌，才60多塊，有炸蝦，雞翼，蛋，蟹柳，叉燒，牛肉，還有數之不盡的海帶，葱和粟米粒。湯清而味道剛好，沒有味精味，麵煮得特別彈牙，配料與拉麵配合得剛好，食極都仲有料。雞翼同炸蝦另上足見店家細心，食時仍保留脆口。必點！還可要求另加辣，又是另一種風味。朋友點了牛肉冷麵，牛肉與冷麵是囂張的一比一，配上酸酸涼涼的醬汁，夏天吃格外醒胃。朋友原已伴飽只為陪我，怎料最後吃得比我還快，還根麵也不剩呢！吃拉麵配餃子已是我到每所拉麵店的指定動作。這碟餃子有四隻，25塊而已。每隻餃子份量偏大，料子是肉和菜，以肉居多，肉汁被鎖，沾上醬汁，味道很樸實很好。這家拉麵走平民路線，沒有取巧的包裝，卻是最真切的味道。老板娘熱情好客，老板廚藝了得，各盡其能，這便是溫馨。

女王公司要佢開ot ，所以我要自己一個人食，咁附近都係茶記同所謂的拉麵連鎖店，行下見到佢咁舊式的裝修就入去試下門口同入面都有餐牌，個和服女人圖案我以為印上去，點知原來係摺紙（好似得一份係咁）果下我覺得加左分坐係左老板娘就會奉上一杯麥茶（我未去過日本所以唔知係咪日本都係咁，但佢的裝修好似深夜食堂咁昭和三十年）好啦嚟東京拉麵食就揀個東京拉麵啦（好食字）正當我想開動時老板娘就話仲有炸蝦同雞翼咁我就等埋等啦，正當我玩game玩到慶起時，老板娘上炸蝦及雞翼，見到我打緊機就等埋我打完先上，我即刻收埋，佢就猛話你未打完喎我等埋啦，呢個動作真係好有媽媽feel合體照，味道就同湯底好夾同好有肉味（有肥牛及叉燒，麵一定要配埋啖湯食，麵的質地軟硬適中蝦同炸粉配合完美，仲有淡淡蝦味（諗起築地三代目的炸明蝦）食完再配合返麥茶，真係覺得涼爽又解渴

每次放工經過都想入去試下，今日就同朋友入去食lunch...望住餐牌覺得價錢中上，咁我地就嗌雞翼拉麵$42同炸蝦拉麵$50。我都有諗過唔會太好餸，但心諗至少會有3件餸掛。等左15分鐘左右，嘢食嚟到。只係一個拉麵加2件餸。望返價錢的確… 唔抵食…我冇食炸蝦，但眼見超細隻。雞翼算唔錯，但拉麵超重胡椒粉味，湯底偏咸。雖然有麥茶(必須收費$1)，但都敵唔過口渴。而且配料好少，如果要加就要每樣加$3咁收費。所以食唔飽都算… 大概得5/6成飽肚…雖然老闆娘佢地服務好好，但應該唔會有下次。

自從男朋友帶我去食後，我就上左癮一星期起碼要食三至四日先安心店內位置唔多，比較適合4人以內既同行者去食，太多人就要分開坐，入到去老闆娘就會放低一杯麥茶，舖頭後老闆娘同師父兩個人，所以一多客等候時間就會長左 因為師父係逐個逐個拉麵煮，而且老闆娘有時候會比較善忘，請大家俾多d耐性。我每次去都係食雞翼/雞扒拉麵再加粟米同辣 各$3，雞翼唔會炸得太粉 雞扒d肉夠滑，不得不提個辣 佢唔係普通辣椒醬同粉 而係師父親手切既辣椒 加入拉麵十分惹味

收工一個人食晚餐，聯和墟內搵餐廳，行過見呢間拉麵店細細間，熨門入去，好窄嘅店，門口幾個座位，加埋對住廚房嘅單人位，都只係坐十幾人，格局日式，我拖住行李箱唔方便，坐門口，都係要面壁，一個姨姨放低杯麥茶，牆上餐牌好有心思，用啲紙手摺日式公仔花花裝飾，叫個東京拉麵！要等10分鐘先到！東京拉麵（$65）上枱賣相真係一般，亂糟糟，乜都有，但又唔覺得似日本人風格，尤其條仿蟹柳，味道好假，雞蛋黃已經熟晒，又肥牛碎濕濕，好咸，最古怪係豚肉片，唔係半肥瘦，係幾片全瘦豬肉，好嚡！加啲其他碎濕濕嘅粟米海帶芽菜，感覺好似打完煸爐嘅餸放埋一碗麵！唯一好味嘅係拉麵，夠彈牙有咬口，鬈曲好味！其實我完全唔知有跟餐小食（餐牌都無寫）蜜汁雞翼：皮夠薄夠脆，肉夠嫩多汁，好味！炸蝦：即炸夠脆，中間都唔乾，炸醬厚咗啲，但個汁好假！麥茶：原來要一蚊任飲，麥味道濃，夠熱，好味！阿姐好笑容，服務勤快，食物真係一般（我叫以店名命名嘅拉麵都咁樣）可以改善下！