東京築地拉麵 (已結業)

同朋友去左旺角雅蘭商場地底嗰間運動鋪頭買運動用品，之後順便喺附近食埋嘢，見到呢間日式餐廳，所以入去是旦食。裡面裝修光猛企理，睇完餐牌之後就叫左爐燒厚端鰻魚丼($78)，味自慢义燒拉麵($64)，小食就要左日式煎餃子($38)，飲品就叫左兩款特色飲品，和歌山紀州梅子梳打冰($24)，同埋盧薈提子梳打冰($24)。唔係等左好耐，先喺兩杯特色飮品上枱，跟住其他啲嘢食好快都已經放左喺枱面了。日式煎餃子一碟有五隻，外表金金黃黃好似好脆咁，食落口都幾好味道。鰻魚飯用日式盒連蓋上枱，感覺上安全又衛生，鰻魚都算幾厚肉，加上啲野味醬汁，一啖肉一啖飯咁食，正。想講义燒拉麵嘅义燒味道口感都真的不錯，半肥瘦，入口唔膩！

最近同朋友食完泰國野，心郁郁想食日本野，於是我地放工之後就去左旺角雅蘭中心地庫嘅東京築地食堂食晚餐食拉面。我地叫左魚介沾面、黃金濃厚豚骨湯叉燒拉面同埋兩杯野飲分別係生薑蜜飲同埋蜂蜜綠茶魚介沾面一上黎，已經聞到一大陣非常濃郁嘅香味，叉燒非常之肥厚，食落去入邊嘅肉汁好濃，肉都唔會過肥亦都唔會太瘦，真係岩岩好。然後就係黃金濃厚豚骨叉燒拉面湯底有濃濃嘅豬骨香味，唔會太鹽，亦都唔係味精嘅感覺，叉燒都係肥瘦岩岩好。

放工後約左朋友去左旺角食飯，呢間就腳又方便我地搭車，於是就揀左呢間食，我地都食抱住試新野嘅心態去試~我地入到去會有員工同我地先量度體溫，做足防疫措施。我地就揀左2款主食、1款小食同2杯飲品。日式柚子冰冰凍柚子蜜又清涼又潤喉，岩哂而家呢啲熱辣辣嘅天氣飲，清新解渴。蘆薈提子梳打冰提子味好濃郁，仲有粒粒蘆薈果肉，口感豐富，味道又唔會好甜。味自慢叉燒拉麵本人正正係一個拉麵控，特別係豬骨白湯，個人認為原汁原味就可以一試便知龍與鳳，「味自慢」代表餐廳對呢碗自家制叉燒拉麵非常之有信心，講到咁「把炮」就當然要試下啦~先講拉麵嘅主角之一，日式叉燒。有兩件香噴噴嘅肥美叉燒，同出面食嘅好唔一樣，出面食嘅拉麵會附有薄片叉燒，通想肉質都會比較瘦，而呢到嘅叉燒唔單只係厚切，而且十分肥美，外面經過微微火灸過，入口好甘香可口，咬落去非常軟腍滑溜，仲帶有肉香味。拉麵靈魂人物─湯底，有好濃郁嘅豬骨味，湯頭非常濃厚，好有膠質，調味簡單，飲完之後都唔會覺得口渴。拉麵掛湯能力唔錯，入口幾有咬勁，唔會煮左糊哂黐埋一齊。爐端厚燒鰻魚丼朋友就食呢款，燒鰻魚真係夠哂份量，好大條，食落仲好肥美，仲要無骨，周圍仲伴隨蛋絲，燒汁流左落飯到，

今日同朋友放假去睇戲，㨂左个套逆戰救兵，真係套好無里頭的片，幸好个午餐都幾好味。叉燒拉麵，我都幾鐘意食。間餐廳係地庫的，要落一層，整體裝修都幾靚，有日本feel架。不過啲職員就無乜日本feel,普通香港人囉，哈哈。

聽講呢間拉麵店好hit，所以琴日就同左朋友去試。我叫左佢個黑蒜油叉燒拉麵。佢有好多配料，包括粟米、叉燒、溏心蛋、紫菜同埋木耳。但係個味道就好普通。首先佢個麵唔係直麵，係好似公仔麵既拉麵，但我覺得呢個價錢其實佢應該可以提供直面/曲麵既選擇。然後個湯底望落去好黑，食落去其實無咩蒜油味，比較清淡。佢d叉燒好多肥肉，無咩肉食。唯一幾好味係個溏心蛋，甜甜地好開胃。整體黎講，係幾好睇，但可能期望太大，覺得唔係幾好食。

難食級數真係數一數二你同我講湯入面用魚介熬出黎既濃湯我絕對絕對唔信根本就係用醬油溝豆瓣醬既味道鹹到一個點懷疑個廚師未食過沾麵根本係侮辱左個湯底整到成碗嘔吐物絕對難食 冇之一仲收90蚊 連加一食過咁多拉麵舖 有個共同點大部份難食舖頭都要加一 請問服務左d 咩

拉麵一直係我至愛之一今日咁岩係MK見到佢好似幾吸引，就食佢啦款式貴精不貴多，價錢都相宜前菜應該係尤魚黎，都幾香同爽口櫻花蝦沾麵叉燒夠晒厚，好有口感，而且肥而不膩櫻花蝦湯汁又香又濃睇下掛湯能力幾高就知啦黃金濃厚豚骨湯叉燒拉麵豚骨湯底好濃厚，但又唔會膩叉燒入口好鬆化，仲有好香油脂味麵質都爽口，而且有淡淡蛋香糖心蛋夠晒ＣＲＥＡＭＹ，仲有好香蛋味香辣手羽單骨雞翼夠晒方便炸得外脆內軟而且辣辣地夠晒香口，又唔會過辣，岩岩好燒雞軟骨雞軟骨卜卜脆好爽口燒汁都整到好香日式柚子冰夏日炎炎最好就係整返杯透心涼既柚子飲品

來到旺角辦點事，走在街上，人流比往常少，商鋪生意比較冷清，找心水美食容易了。[]日式前菜，有：中華沙律、芥辣八爪魚、味付螺肉, 挺不錯，吃著小食等主食。[]漂亮創新的吃法，首先把日式拉麵一小把一小把地夾起，然後浸泡在濃濃的櫻花蝦濃湯裏，讓拉麵沾上櫻花蝦湯，最後才放進口裏。[]鰻魚新鮮肥美，加上鰻魚醬汁拌著飯吃拉，香濃可口。[]多春被燒烤得脆卜卜，送啤酒一流。[]開胃好喝的梅子冰，我很喜歡。

呢間分店位於雅蘭中心地庫，喺旺角站E1出口大約步行五分鐘就到，所以都好方便。店舖唔算好大，但座位都非常舒適。首先就試咗前菜帶子群邊同胡麻冷菠菜，帶子群邊非常爽口，作為前菜好合適。而我就非常中意胡麻冷菠菜，濃濃嘅胡麻醬淋喺冷菠菜上面，食每一啖菠菜嘅時侯都會食到好濃嘅芝麻香味。菠菜同胡麻醬都配合得好好，係一道非常開胃嘅前菜。之後我地再試左濃厚雞白湯拉麵同埋魚介沾麵。雞白湯拉麵嘅湯底非常濃郁，飲落去會飲到鮮雞嘅香甜。拉麵嘅軟硬度適中，唔會太稔又唔會太硬。而雞叉燒同豚肉叉燒都好嫰滑，整體黎講都好好食。魚介沾麵非常特別，麵質好彈牙，而醬汁係用豚骨同乾魚熬成，所以真係好濃郁。麵上面塊炙燒黑豚肉油脂分布均勻，食落去絕對唔會太油淋淋。小食方面，我地試左燒雞肉免治串，口感好特別，食落去會食到少少雞軟骨，而醬汁亦同串燒好夾。最後飲左日式柚子冰，柚子冰好足料，會飲到啖啖柚子肉，但又唔會太甜，夏天飲會feel到好清涼，亦同食物非常之夾。

今日星期六，忙碌了一個星期既工作，難得有半日假期，收工當然要搵間坐得舒服，食得開心既餐廳慢慢享受午餐原條鯛魚燒定食，因為係即叫即燒，所以想食就要一點點耐性囉但等餐時間合理，大約15至20分鐘定食配上中華沙律作餐前小食呢原條鯛魚上枱熱辣辣，魚的體積也不少，大約有2隻成人手掌咁大條大條肉厚。最欣賞師傅燒得外皮有一點點香脆，但肉質卻是多汁滑嫩曬上鮮檸檬汁，可以帶出燒鯛魚既鮮味。 另配上柚子蜜鼓油， 同樣跟鯛魚魚肉口感配合。 定食另配珍珠米白飯一大碗，飯粒煮得香軟綿滑原條燒鯛魚+白飯飯，通通吃清光餐飲點了牛奶咖啡少少少少冰水吧職員的確照顧食客要求 牛奶咖啡香香滑滑，有淡淡咖啡香， 配上合適甜度綜合而言，此定食一試難忙

東京築地一帶是魚的批發市場，刺身新鮮就不在話下，唔知拉麵的味道是如何呢？濃厚雞白湯拉麵🍜看似較清淡口味的拉麵，食落味道卻是超濃郁，充滿着雞白湯嘅香味，再配上雞叉燒，豚肉叉燒，糖心蛋，筍片等食材，唯脂油頗多。魚介沾麵亦是超濃郁湯頭加埋乾魚熬出來的豚骨湯底，適合喜歡重口味的人食別低估碗仔細細，卻載着一件超厚的豚肉，配溏心蛋，份量十足！芝心餃子雞翼2隻未食已聞到陣陣濃厚的芝香，芝士未至於流心程度，味道是不錯的小食！推介🍹🍹翠梅梳打冰，酸梅粒食落仲脆卜卜，大大杯，爽！日式煎餃子🥟在鬧市中的餐廳，因為在地庫位置，埋藏了一種格外的神秘和寧靜，適合一個人或二人傾計的好地方！還有很多其他拉麵，飯或小食的選擇

拉麵店位處於雅蘭地庫。有wifi唔驚收唔到電話。價格定位屬於中下。$6x就有碗拉麵。不過要收加一。鍾情港人最愛嘅豚骨湯。叫左黑鬼濃厚豚骨湯叉燒拉麵。拉麵有半隻流心蛋。2片叉燒。2塊紫菜。仲有啲木耳絲粟米粒蔥同荀。先試一啖湯底。不如其名般濃厚。味道唔重豚骨味。黑蒜油亦都唔夠香。勝在唔係味精味。麵底用粗身拉麵。口感偏淋。冇鹼水味。叉燒一夾就散。唔算厚。味道甜甜地算可以。流心蛋相對做得較出色。夠流心亦夠入味。整體而言味道屬於一般。如果只係止下口痕都尚算可以。

今日我同老公想食日本嘢，今日去咗築地點咗魚介沾麵，我係第一次食沾麵。魚介濃湯果然「濃」、「厚」、「掛」!好堅，是用豚骨熬煮出來的濃郁湯頭，再加入各色的乾魚一同熬製，真係好thick、好 sticky，好味道。黑豚肉一層肥一層肉，入口即溶。加了用心烹煮的糖心蛋， 有如畫龍點睛，成個沾麵造型好靚。爐端口燒鰻魚飯丼我一向都鍾意食鰻魚飯，有時會買啲鰻魚返屋企做鰻魚飯。呢度嘅爐端口燒鰻魚飯丼的鰻魚都幾大條又厚身，味道又一流，以呢個價錢，性價比很高。純情豬菇力卷，個菜名好搞笑，但係好好食， 今日嘅亮點，外面係豬腩肉片，入面係金菇，食落去有豬肉嘅香，有金菇嘅爽。日式煎餃子，皮薄，肉唔算多，算是一個比較輕型嘅小食，好味。和歌山紀州梅子冰，酸酸味味，幫助消化，等我唔使愈食愈肥🤣。

首先，呢篇係我打既第一篇有內容既食評。呢間餐廳已經見過好多次，係太興集團旗下嘅品牌，今日諗唔到食咩就自己一個黎試下，落到去感覺有啲神秘，冇greeting 冇日本餐廳既感覺，餐牌幾有趣，設計到報紙咁樣，由於我自己一個，都試唔到幾多野，叫左個赤神拉麵，本人自問食辣都ok, 先講個湯：食落個湯既感覺好中央廚房出品既感覺，可以保證到一定嘅衛生同質素標準，但除左辣同咸我就食唔到其它味。配料：有兩塊豚肉，一夾就散，口感有啲‘諧’，仲有啲葱同常見既配料，拉麵黎講，口感一般，一咬冇回彈感，屬於中等粗幼既麵，辣味蓋過咗拉麵自身嘅味，我冇特別加辣，如果唔食得辣就唔太建議了。但整體黎講，50蚊既質素算係咁，唔好抱好大既期望去試拉麵。

東京築地拉麵，位於旺角雅蘭中心嘅地庫，要由山東街果邊行落去呢！作為一間拉麵店，呢度有好多種拉麵選擇，亦都有日式小食，唔會獨沽一味。魚介沾麵（$88）沾麵用上比較粗嘅麵條，而且放置左喺室溫底下，呢個值得加分；配料這燒腩肉好香，油脂豐富，呢個亦係加分位。但如果沾麵個湯底熱些少會更好呢！雞白湯拉麵（$82）拉麵就用左幼麵，比較容易掛湯。雞湯味道合格，可以更濃呢！芝心餃子雞翼（$36）雞翼起左骨，釀左芝士餡料，係一個唔錯嘅小食。日式煎餃子（$38）拉麵店必備小食！翠梅梳打冰（+$8/杯）味道酸酸地嘅遊戲飲品，食完拉麵飲杯都唔錯哦。仲有拉麵/沾麵配上的精選小食