東喜茶 (已結業)

今日黎到荃灣，天氣又咁熱，當然想飲番杯凍飲！呢條街真係好多選擇，點解選左呢間，因為我唔好珍珠，但愛好芝士，而且見佢店裡整潔，唔洗諗就入去試番杯先。職員認真製作，我仲叫佢比左多點芝士，真係見到有多到，正呀......東喜茶仲有教人點飲，十分有趣～斯文飲法：拎到野飲，按開，45度角飲呀，最後先加飲筒，再慢慢品嚐狂野飲法：筒，不要也罷，打開，45度咁灌入去啦，一個字，爽呀凍芝士奶茶加Oreo (走冰） - $40飲落奶茶味十足，而且芝士味濃郁，配合埋Oreo好有口感，正！凍芝士金鳳茶王（走冰） - $35芝士金鳳茶王，芝士嘅咸香味配合埋獨特既茶味，飲落唔會有膩既感覺總括來說，約$35-40有點貴，但原來佢都有做一些優惠，睇岩時間，可以一嚐

飲品店位於荃灣的路德圍，主打水果茶。今次點了芝士黑提，因為做特價，有八折的優惠。水果店的裝修別樹一格，帶點時尚的感覺。飲品芝士味十分濃郁，提子味亦十分鮮甜。下次必定是其他的選擇。

東喜茶出名芝士茶，不過今日唔想飲得咁heavy,所以試吓佢嘅純茶，我叫咗桃味烏龍茶再加珍珠，我覺得珍珠幾好，唔太韌又唔太淋，佢應該攞糖煮過，有少少甜味，至於桃味烏龍茶，我覺得桃味唔係好特出，整體上都ok

有驚喜😝原本以為會係伏 點知又幾好飲冇去過大陸飲喜茶 所以compare唔到但係呢杯芝士奶蓋綠茶都幾出色首先 佢係有得揀全脂定低脂🍼為咗減低罪惡感 我梗係揀咗低脂啦出嚟既芝士奶蓋不但芝味濃郁😍仲好夠咸而且厚厚的 揭開杯蓋飲一啖真係正到反白眼綠茶方面我冇嗌走甜 但係甜度都啱啱好😋啖啖都係味蕾既享受 下次要試芝士芒芒！

早排係大陸飲過一次喜茶，返到香港非常掛住，咁岩醒起荃灣有間東喜茶，近近地又唔洗排隊於是就試下飲之前都上網睇過下，知道唔係正版喜茶，但見佢有咁多分店諗住都唔會太差啦叫左杯綠研個係杯蓋一半可以反起比你直接飲，但我認為一半太大，唔可以邊行邊飲，仲飲到成個嘴邊都係芝士價錢係$35，呢個價來講完全唔掂，首先分開來評，奶蓋係OK嘅，但係飲到一半就已經冇乜，完全唔夠。個茶就擺明係道地綠茶，我自己用茶包沖可能仲好飲。兩者夾埋一齊完全冇特色，好似飲普通牛奶加茶落糖漿咁，No No No總括來講你好想知同喜茶有乜分別可以試一次，不過真係一次就夠，如果佢$20我就會考慮飲多次隔離老X堂黑糖珍珠先30，真係唔明憑乜賣咁貴

整條街間間店都有人龍，唯獨這間冇人排隊，甘就來了！門口看見邪惡芝士杯好吸引，就試下拉！等了一陣， 好快到手，望住個圖畫好吸引，當見到實物不吸引…芝士可以重d就好，水果少了些， 杯底太多黑糖珍珠， 整體味道係夾，試一次就夠！

星期日中午路經路德圍“東喜茶”，沒太多人排隊，只有一兩個客人，咁就埋去買番杯試下，點咗一杯芝士火火，約 2分鐘飲品嚟到，大口啜下去，沒大驚喜，又沒大驚嚇，只有點點甜，沒火龍果果香，芝士咸咸的，沒太濃芝士味，唔係我心目中期待的味道，真的一般一般……

荃灣路德圍係出名嘅米線集中地，但呢一年嚟台式飲品店愈開愈多，由最初珍珠奶茶到依家好HIT嘅水果茶，加加埋埋有成6、7間，每次經過都聚集一大班等拎嘢飲嘅人喺門面，非常墟陷。呢類飲品店通常門面細細，夠放收銀機+交收飲品就夠，但唯獨呢間東喜茶舖位極大，引起我注意。望望MEAU價錢屬中上，水果茶都要成$35一杯或以上，不過剛好見APPS有折扣就不妨一試啦。霸氣橙子 原價$35折扣後$28剛好食飽就費事試芝士類啦，叫咗杯霸氣橙子試試，無人排隊+即叫即整用上近5分鐘，不過飲品一到手就有兩大驚嘆點1.     杯用料相當厚實，唔係一般珍珠奶茶嘅膠杯紙杯大力少少都變型，蓋面訂製啪蓋款，飲唔晒可以關上，非常貼心2.     水果用量驚人﹗目測數到成6, 7塊大片厚切橙，無晒頭尾部分應該要兩個橙先整到，不惜工本呀﹗味道方面唔會太甜，橙味清香飲晒成杯都唔會起痰，味道屬中上，但，好似唔多貼題霸氣不足，如果改過個名應該會好啲。

之前好多人排隊 一直都冇試過直到少咗人流 終於有機會試呢間東喜茶係第二間分店飲過水果茶 老實講麻麻地杯就夠大 但份量其實得好少 始終放好多生果落去 但其實都好飲既 唔算太甜所以今次試下佢既芝士系列原本想試芝士芒芒 但已經賣晒唯有試下芝士火火💲42賣相唔錯 飲落亦唔會太甜可能有芝士關係 mix埋後個味幾好芝士厚度同咸味係我接受到既 雖然我本身幾鐘意芝士 但有時太多會反效果Overall嚟講 都係唔錯既 只係覺得價錢偏貴好飲度😋😋😋希望下次有機會飲到佢既芝士芒芒啦😛

今日經過路德圍見到出新嘢 就心思思試下叫暖暖紫薯 張圖幾唔錯 實物都一樣飲落重奶 重紫薯啱曬我啲紫薯控有口感哈哈哈好暖胃🤤🤤🤤賣相：5/5味道：5/5價錢：4/5

一向都係喜茶奶蓋fans, 平時要等一輪先飲到， 今日冇人， 諗住試新野芝芝哈哈， 盛惠$42, 一見職員擰奶蓋出黎， 見再顏色已經心知不妙， 點知一飲奶蓋同$12一杯質地冇分別， 吾知係咪20:30就收工關係， 但我真係比左$42, 終於明白點解條長過左隔離...夜媽媽條龍仲好長老實， 飲左一半已經掉左， 真係好差

試過喜茶之後, 係香港都好想搵返, 望見東喜茶有類似既飲品就諗住試下, 點知伏到無得再伏。 嗌左杯$35既芝士白桃, 無桃亦無桃味, 只有芝士同茶味, 飲左半杯就唔想飲, 下次唔會再試。而且個杯蓋得一杯, 好似唔係好衛生同易倒瀉。

依家支持走塑既年代，間間飲品店都支持環保杯，唯獨呢到竟然唔俾用，好唔好飲都好，我以後都唔會再幫襯！我去過好多間台英美式飲品店，自備杯都非常支持的，有的店鋪更加會有折。但係東喜茶係店面貼住支持走飲管，但係就唔俾用自備杯，咁即係自打嘴巴啦！Anyway,只此一次，永遠都唔再幫襯啦！！

今晚同朋友食完飯,行行下行到路德圍突然就想飲杯東喜茶,之前試過芝士火火今日想再飲,但係見到又想試下芝士黑提🍇,聽d人飲完喜茶話好好飲,但又見到佢出新野芝士哈哈🍈喎,選擇困難症又發作😩咁同行朋友話不如飲芝士哈哈,佢都想試下,終於有人幫我決定到😆依家路德圍呢間東喜茶唔太多人,所以唔洗等好耐,一拎既時候,朋友好衰咁話同廣告隻橙色好大分別,哈哈,正常用生果炸出黎都唔會咁橙啦,試哈蜜瓜幾新鮮,同平時屋企媽咪切既差唔多味,不過我略嫌糖水多左少少,芝士比想像中少左dd,大致上唔錯😋

奶蓋真係太太太好飲，自從上過大陸飲喜茶就一去冇回頭，知道好肥都抵唔住誘惑。係荃灣見到呢間東喜茶，雖然覺得有啲A貨既感覺，但都想試下。叫左一杯全脂芝士奶蓋綠妍，奶蓋非常厚，一飲落去係濃濃既芝士同奶味，同喜茶對比我覺得佢既奶蓋好似咸味重少少。因為奶蓋太厚既關係，飲左陣先飲到下面既綠茶。佢既綠茶冇乜甜味，飲落有少少甘味，中和翻奶蓋。因為奶蓋都幾‘漏’，叫翻唔甜既茶會好啲。之前試過玉露茶后同桂花烏龍，但相對較甜，飲得耐就會覺得‘漏’，始終都係配綠茶適合啲。價錢方面覺得有啲貴，但真係好好飲！