東海薈 · 拉斐特 (The ONE) (已結業)

食大閘蟹時節又來了，吸引了我這個大閘蟹迷出動的時候，今年我也首次食大閘蟹，放假日子中，我相約另一位大閘蟹迷一同去到「東海薈‧拉斐特」享用午餐順便拆下蟹，前幾天友人告訴我知，原來「東海薈‧拉斐特」有做discount，客人享用大閘蟹套如用HSBC 信用卡埋單可以有85折，再看看下大閘蟹套餐有$388"大閘蟹.嚐鮮"已經有7個course ，都真是好抵食，那麼於是選擇了此酒家!我們一早預先訂了枱，我們被安排坐近窗邊的座位位置，居高臨下，隔著落地玻璃窗可以看到尖沙咀的鬧市及海景，從玻璃窗引入了自然的光線，感覺都好舒適，一邊食飯，一邊可以飽覽下海景，同時與友人談天說地，簡直是人生最大享受。我們最後選擇了大閘蟹套餐"大閘蟹.嚐鮮"，要2位起，每位$388，當中有大閘蟹小籠包、山珍佛跳牆、生拆大閘蟹粉蒜茸包、江蘇大閘蟹、酸辣湯手打烏冬、金湯灼時蔬及薑茶湯丸，今餐真是非常豐富。未食大閘蟹前，端上來有一盤蝦片，微熱且蝦味濃郁，入口都十分香脆，作為開胃菜都是不錯的!拆蟹前先每位奉上兩粒大閘蟹小籠包，熱騰騰的籠包用了點心籠端上桌，未食已令我垂涎三尺，一夾起小籠包都沒有穿皮，水準真是不錯，香濃甘香的蟹粉混入

由於口碑甚佳所以 東海集團每一年的大閘蟹套餐也是爆場。現在套價格也貼地，大約400多元可以令大閘蟹迷吃得滿足。所以當晚也是座無虛席，莊觀地全場也在拆蟹。大閘蟹蟹粉小籠包新派做法，皮薄一戳即穿，豬肉餡內加上蟹粉絕對是錦上添花，有肉香之餘鮮味同樣澎湃。生拆大閘蟹蟹粉蒜蓉包足両蟹粉一碟令上，蟹粉油潤、色澤金黃，但奈何鮮味欠突出。而蒜蓉包也未夠香脆，實在有點失色。江蘇大閘蟹每位兩隻每隻大約四兩重的江蘇大閘蟹公，但蟹膏稱不上爆膏，有白膏，水漾厚滑，也甘香。山珍佛跳牆已花膠海參冬菇瘦肉等材料熬製成「清湯」，清甜而滋補，喝完一碗咀邊還是黏智慧黏的，證明膠原十足。上湯時蔬山拆大閘蟹扒豆腐 (另點） $128用上山水豆腐所以特別細滑，蟹粉也樂得十分慷慨將豆腐面完全覆蓋，一剛一柔的配搭送飯一流。酸辣湯手打烏冬突然間來個濃味的酸辣烏東令到我措手不及，而且味道酸得有點過份，如換上清湯更為討好。最後以辛辣的「薑茶湯圓」驅寒，吃完整個人也暖笠笠。

晴天…同朋友食飯！因有小朋友關系！所以諗住擇間大d冇咁迫既餐廳！上次試過朝陽！見到呢間都好似唔錯！又試下新野到達時，大約5:45，原本安排左窗口位置！點知行到張檯時有人坐低左但又唔識！原來俾人狸貓換太子！唯有坐入一張檯！但都冇礙景觀！因為大玻璃！望一望餐牌都有一d比較實惠既選擇！都點左好多野食！雲吞雞，叉燒，古鹵肉，豆腐…等等！樣樣都幾好味同份量都夠！埋單每人$230！呢個地段，呢個景，食到飽！我覺得都非常抵食！

哩間東海應該之前裝修過, 比我兩年前黎食既時候靚左好多, 係THE ONE 食飯, 其實個VIEW 都幾靚, 咁啱安排左我地坐窗口邊....GOOD!而家用匯豐咭去東海食大閘蟹套餐有85折, 價錢上都接受! 比係其他出邊既大閘蟹套餐, 東海既套餐價錢都算叫做平! 但佢只寫明係江蘇大閘蟹, 冇寫明係黎之邊個湖! 我地叫左個 $388/位 套餐, 包左兩隻蟹!小食: 蝦片, 淋既...可能已經放左出黎好耐!每次黎東海食大閘蟹都會見到隻咁有心思既碟!叫完冇耐, 好快就上左個燉湯"山珍佛跳牆", 個湯好清甜, 有三四舊花膠, 准山, 冬菇!係我地飲緊湯既時候, 好快就已經上埋小龍飽, 同埋三隻蟹, 攪到我地要快快手飲埋佢, 如果唔係隻蟹凍左唔好食, 我地即刻同佢講, 第二轉既蟹等我地叫先好上枱!"大閘蟹粉小龍包" 每位兩粒, 老實講, 唔係好食到蟹粉味, 皮就夠薄, 冇穿, 能夠包住肉汁!第一轉既蟹同第二轉既蟹 size 分別不大, 我唸大約都係得4両, 偏細, 入面亦都唔係太多膏, 啲膏又唔甜! 兩隻都係公黎, 唔知可唔可以要求一公一乸呢?係我地差不多食完第一轉蟹時, 第二轉已經自動送上枱啦

原本嘅東海終於裝修完, 變左東海薈 拉斐特, 似乎整體感覺都高檔左, 坐位冇咁逼, 係gathering唔錯嘅選擇 八味豆腐, 炸得唔油, 又脆, 豆腐入口即溶, 粒粒size差不多, 絕對係手工菜蝦球炒蜜豆, 蝦球爽甜, 豆夠嫩, 夠脆口, 蝦比例好多, 整體份量算多帶子炒西蘭花, 用上湯、蒜炒, 清淡之餘, 好夠味, 帶子沒有腥味, 好大粒。西蘭花沒有臭青味, 好爽甜。感覺好健康。菠蘿咕嚕肉, 咕嚕肉選用梅頭, 外脆肉軟, 沒有多餘的OK汁在碟, 但用了罐頭菠蘿, 是不足之處。配菜可以多D。

轉眼間，PJ也快將結婚六年了，這些年來，一直有很多ups and downs，有開心也有失落，有成功也有失敗。年輕時真的一帆風順，但有了自己家庭開始，才發覺要維繫夫婦之間的感情，需要很多付出。今天，來了東海薈飲囍酒，一對新人是PJ的多年好友，在此祝福他們能夠排除萬難，多多開心，少少煩惱，最緊要一定係白頭到老。中國人的囍宴，打頭陣的也非乳豬全體莫屬，東海薈的乳豬做得非常好，乳豬又薄又脆，帶有陣陣炭香。我是少數喜歡吃肉多過皮的人，乳豬件是難得的少肥多肉，肉質爽嫩，好吃！鮮蘆筍炒螺片帶子，看似是大路的婚宴菜式，但味道卡比一般出色很多，主要原因在於那些新鮮的蘆筍，以及先前的螺片肉。新人是一對追求健康的夫婦，煎炸油膩的食物並不合乎他們的口味，以下的這一道法式海鮮焗牛油果真的令人驚喜萬分。牛油果切開一半，掉去大粒核之後，釀入白汁海鮮，是非常新鮮有趣的驚喜配搭。去婚宴，來來去去都係食炸蟹鉗，東海薈的煎釀新鮮蟹鉗是一個健康版本，去除了傳統的油膩以及熱氣，非常合我的口味。去到大家都超期待的甜品環節，香芒奶凍放了乾冰營造出煙霧離漫的效果，芒果肉非常甜美，配埋用北海道牛乳做的奶凍，又香又滑的啊！最後的甜品點

年輕人很多聚會就只愛去CAFE,但我為了尋找WEDDING LOCATION最近也去了不少酒樓和酒店看看,再吃個午餐或晚餐了解下菜式水準,然後找到了不少酒樓環境比CAFE更舒適,與朋友聚會的好地方，ＴＨＥ　ＯＮＥ的東海薈是其中一個。坐得舒適自然吃得更舒適，這兒白天來真的正正子，ＴＨＥ　ＯＮＥ的地點好已經讚了，另外這兒的落地大玻璃使室內的陽光很充足，暖暖有了吃的氣氛。說回吃的了，兩人行不能點太多的關係，只點了帶子腸、海參伊面和豉汁雞腳，豉汁雞腳和外面酒樓就是一樣，沒特別。帶子腸很是難吃，那個綠色的皮，原來賣相已不討好，吃進口裡有種黏黏的感覺，扣分扣分，還好帶子有點鮮甜味的。海參伊面就真的好吃了，好像是９８元，份量很足，味道也剛好，不淡不濃，海參有彈性，有膠膠的感覺，吃了這個伊面後感覺很滿足了，不過就因為這個伊面點不了其他點心了。。。肚子飽飽。還有每枱都有的蝦片一碟，真的有蝦味的呢，不過好像是新鮮炸的關係，如果待涼了才吃的話就不脆了，所以謹記要趁熱吃完！

今次真是好高興，來到尖沙咀The One 12樓參加「東海薈，拉斐特」華麗嫁到開幕禮，埸地佈置真是好華麗，裝潢都是富麗堂皇，天花的水晶燈星光閃閃，event 開始了，不少男、女模特兒開始展示出不同的婚紗、晚裝或禮服，除了衣服上的展示，還有模特兒載上了價值不菲的鑽飾，有百萬至千萬都有，我相信平時在看電視時，看電台攪台慶會見藝人載上名貴的鑽飾之外，而今次親眼可以看到，機會真是非常難得。婚紗的最後尾段，由一對穿著英國皇室服飾的王子的及皇室大婚採用的婚紗的王妃一同進場，再與御林軍及身穿蘇格蘭服飾的樂師，真是好有皇室的氣派。展出了各式婚宴服飾後，就是剪綵及敬酒儀式，接下來就是開餐時間了......大紅乳豬全體~在婚宴或喜廢的場合，這款菜式真是不可以缺少的就是「乳豬全體乳豬」，上枱時，乳豬的眼部用了紅色的燈泡閃爍著，真是好美!乳豬外皮脆卜卜，中間都有少少肥膏，肉鮮鮮嫩而有鹹香，吃起來沒有一點肥膩，入口都是甘香酥脆，真是再想食多兩件，好美味!第二道是「上湯煎釀蟹鉗」，肉質結實而彈牙，同時沒有失去蟹的鮮味，配以濃郁的上湯，真是倍添滋味。「鮮露筍炒帶子虎蝦球」可見粒粒帶子及蝦球都好存大粒圓渾，帶子的肉質

聽聞花費千萬巨額裝修的東海終於裝修完畢。今天特意來感受一下，看看跟以前有何不同。是日午餐主要食點心，個人認為最好味道的都是鮑汁雞腳及煎腸粉，每次來都必食👍🏼另外，試了一些清淡的米線及手打麵，也可以一試👍🏼👍🏼

難得昨天是公眾假期，打工仔又多一天假，便帶媽咪四處去飲茶品嚐點心，很久也沒有去尖沙咀The One這個大型商場，再次踏足，方發現新開了不少食中菜的食肆，這真是一大喜訊，因為媽咪只鍾情飲茶，對於其他種類的菜式，總是敬而遠之。其實之後在K11的365.東海蟹，食物味道和環境裝修也不錯，可惜光顧了1次便結業，原來它搬了到The One12樓全層—易名為『東海薈拉斐特』，一間主打婚宴的酒家，細看酒家略分了兩個區域，前端是放滿婚宴佈置的場地，另一端則主要做茶市，由於時間尚早，不用等位，很快侍應便安排我們入坐，一進場已被落地玻璃外的灣仔景色所吸引，加上，微微的自然光盡入眼簾，儘管場內沒有豪華的裝修，擺設亦以簡約風格為主，不過，已給人一種舒服丶討好的感覺。

話說，我地成班同事諗住慶祝其中一位同事生日，唔知邊個又索到料話呢度裝修完，於是我地就嚟試下。諗住平時食開東海嘅大閘蟹唔差，平時都唔會差得去邊。一入到嚟嚇左一嚇，改左名 ! 睇嚟東海要走婚宴路線了~  入到嚟個門面都grand 咗~ 尖沙咀夜景依舊，每張枱個空間感多左，而且光猛咗~ 我偷偷地去左佢隔離未開嘅部份睇，唔講真係唔似係東海囉~ 以為係去左酒店啊~ 講返食勒，呢度啲蝦片真係幾好食，夠脆又夠香，唔係有啲酒樓放到淋哂先俾客食，所以亦因為好食嘅緣故，好快就俾一班餓鬼纖滅左~話說當日只有呢個餐牌，啲野都唔算係太貴，咁嘅view 咁嘅價錢算唔錯。我地叫左碟無乜點死得人嘅蜜汁叉燒 $88 ，如果計切成8舊嘅話，其實每一舊係要 $11 ~ 不過表面光澤，賣相加了不少分數。老實講，我覺得瘦肉比較多，而且唔太蜜汁，好似只係停留係表面咁，唔夠入味。不過，表面仍做到焦糖效果，已算不錯。八味豆腐粒 $58 基本上係不敗之作，只要用上百福豆腐，炸粉不厚，灑上七味粉，就能做到這客不敗的八味豆腐粒。的確，呢一客小食，係又夠熱又滑，令人覺得越吃越肚餓的吊胃小吃。比較少見的小食算係呢一客紅燒雙菇 $68 ，肉眼所