東湖海鮮酒家 (已結業)

我記得去年我奶奶生日，我們同我姑奶兩公婆同我奶奶食飯慶祝，點知那天個個都收夜，得我同我奶奶先去等位。我們８點入席，個部長三番四次催我們落單，最哀我本身是食長素的，不知該叫什麼吃好，我奶奶平時又吃得很隨便，最麻煩是我姑奶，不斷在電話裹叫我點些又便宜又好吃的菜，結果都係要等到９點他們到齊才點菜，那個部長已經黑口黑面．．．兩個月前我們擺滿月酒，主要是貪他們的地點方便，告訴人家在太古地鐵站Ａ出口，唯一一家酒家便是；那天擺了三圍，每圍都三仟幾元，以擺滿月來說算是豪的了。服務算是改善了不少，除了那些阿姐八卦問我收身方法外，其他都沒什麼問題。那天可能因為是閒日，場面很冷清，晚飯也不足半場，不過食物方面除了隻雞不夠熟外，其他的食物都不錯，最好吃的竟是駌鴦飯，除傳統的白汁外，改用茄汁來送飯，味道一流，通常最後的粉麵飯沒人吃的，那天竟然全部吃清光，真是神奇！！

"媽打日"一行九人到此飲下午茶(兩點開始)。因未來過，加上大時大節，都無乜期望，但又唔錯喎。叫左十樣點心，質素OK。到左三點，突然見到好多人去大排檔拎野食，原來係所有點心一律$7.8，於是又拎多五樣返來食，加上之前已經炒左碟伊麵，都好夠飽。最好味係豬腳薑，我仲見隔離兩個人都拎左兩碗呢!!不過下午茶的茶錢都要$8一位，就貴左D，埋單三百幾，OK啦!!!

真係未試過咁差既服務態度！幾好食都好啦，食到一肚火！背隻骨落呀！嬲到我一定寫信去投訴佢！我未去過呢間野食飯既，尋日同d 同事搞下新意思去呢度食團年午飯啦，早一個星期我地已經book 左一張十二位既檯，留左名同電話架啦，我地分兩批去到，我係後一批既，問個知客我地邊張檯啦，明明睇住佢指住我地果個留名，同埋個留電話係o岩o架啦，睇住佢寫住「廣13」，就叫我地上三樓廣州廳13 號檯啦我地上到去，見到另一批同事，搵到廣州廳，然後前一批同事話：「o衣唔係喎，個知客話我地知係F18喎！」(我唔太記得個檯號啦，總之唔同啦)，咁去到廣州廳，有個白衫伙記就同我地講：「你地張飛呢？」但係個知客冇俾飛我地喎，咪話：「你地冇俾飛我地喎！」伙記就話：「你冇飛我唔俾得你地坐架喎！你去囉番張飛先啦」咁我地就話：「你問番個知客咪得囉！」跟住有個黑衫既伙記又黎問，嘩，惡得佢呀，勁話：「咁你地要囉飛先黎得o架嘛！」又話：「呢度人地訂左檯架喎！」我地真係忍唔住話：「喂，我地都訂左檯呀！」後來訂位既同事就冇哂辦法，自己去走出去睇番我地係邊張檯，個黑衫既仲要同其他伙計講：「o拿，你地唔好開茶俾佢地呀！」嬲得我呀，好似我地黎霸住乞

千層糕: 有咸蛋黃既?? 怪怪的.. ~_~奶皇卷: 似馬拉糕多d?!雞絲腸粉: 唔好味=( 煎芋頭糕: ok 啦... 不過不失...如過多d芋頭會好d...紫菜芋蓉芒果卷: 咁多樣最好味個樣^_^ (可能我鍾意食...)仲有咸水角, 蜜汁叉燒飽同埋燒肉...不過我冇食到佢地呀~~

首先個登記處搬左去樓下個升降機大堂, 令到場內唔會有好多人迫埋一齊, 上到去個場又乾淨左好多, 每張檯都有盒紙巾任你用, 怪唔得沙示高峰期果排都仲可以日日都要等位.飲茶都係一般點心款式, 但賣相己令我垂涎, 唔會有一般酒樓咁的賣相, 同埋係好好食.前幾日同屋企去食晚飯, 叫左個二人套餐加個鴨掌同埋乳鴿一隻, 個套餐有燒味拼盤, 腰果雜菜蝦仁, 時菜一碟, 兩碗伊麵, 甜品同埋果盤, 六個菜在落單後十五分鐘後黎晒, 算好快, 個腰果蝦仁, d蝦好大隻, 個伊麵都係熱辣辣的.最後黎甜品了, 甜品都可以有四個選擇, 當晚是紅豆沙, 綠豆沙, 紫米露同埋合桃露, 但黎甜品時紅綠豆沙都賣晒了, 得番紫米露同埋合桃露, 於是我一個選合桃露而屋企其他人選紫米露, 合桃露又係熱辣辣的, 甜味剛剛好, 之後有另一張檯要甜品, 連合桃露都賣晒就知賣得.最後係果盤, 有西瓜同哈蜜瓜, 同唱k果d果盤差無幾, 生果都算新鮮.