東興小食

營業中

休息中

大角咀的東興小食真係超級好味，我哋本身唔係住喺大角咀區都特登揸車去買。佢哋嗰啲炸嘢食煎釀三寶全部都即叫即做。炸魚蛋大大粒，外脆內煙靭，仲有好香嘅魚肉味，真係好好味。炸茄子都超級好味，當你落order嘅時候先至新鮮即刻切茄子再加埋魚肉落去炸，啲茄子又淋啲魚肉又煙靭真係好好味。炸紅腸都好好味，又唔係好鹹，最緊要係啲魚肉都唔少。老闆仲要好好人，如果買夠$100可以打電話落定order先咁就可以唔使等咁耐。

不得了，出入大角嘴六七年，聽聞有間斗零鋪，唔知邊日開、唔知幾點開又知叫乜名，總之經過便一定要買它的即叫即炸煎釀三寶，雖然說是神級，但始終沒缘份撞過….適逢今日復活節長假期，香港走了百多萬人，市面冷清得不必多講，百無聊賴途經大全街見一小店，一個人在炸….，莫非就是這店？落了order後看著他在雪櫃拿出我點的食材，抹上鯪魚蓉才下鑊炸，我在等候期間走出馬路打個卡，才見到鋪號叫「東興」，他莫非也有一段鮮為人知的過去🤣🤣🤣五分鐘過去，我的青椒、矮瓜、魚肉三寶已ready，加了豉油紅醬，馬上食一口，青椒爽魚肉表面脆肉嫩滑煙靭，中學年代的回憶由味蕾中帶回來了。你可能說我有點誇張，但今時今日還有人執着地炸好他的三寶，做好他本份的真的不多。以後5pm-9pm，再想食三寶的我，再別無他選！

想食煎釀三寶，朋友介紹話依間好好食，膽粗粗走去試吓嘩真係食到細個嗰陣嘅煎釀三寶味道魚肉新鮮，唔覺有落胡椒粉或者味精，紅腸指天椒茄子豆腐都好好食，仲要係$10/4件，平靚正。特別推介指天椒🌶️，冇得輸！另外一定要試生炸雞🍗，$25/隻魷魚同燒賣都好好食點埋佢哋自家製沙嗲醬更嘢未😋試晒所有嘢都係$100內，真係冇嘢好講不過因為即叫即炸所以要等成15分鐘先有得食😅食完就要去搵涼茶飲，唯有落旺角啦！

我同我老公都好鍾意食煎釀三寶嘅，上網見網友推薦呢間舖頭就去試一試，一試愛上，個個星期都會幫襯，但最近三個月有啲忙冇去幫襯，咁琴晚心郁郁走去幫襯一去到好奇怪，平時好多人排隊買㗎，點解今日冇人排隊嘅，心諗可能係我好彩啫，去到門口唔同咗人又裝修咗，冇理佢喇照叫，攞到返上車食，一食就知中伏，魚蛋外皮唔脆入面啲魚肉超粉，啲豆腐呀紅腸呀細件咗，魚肉好薄，魷魚同之前老闆整嘅完全兩回事，我上網睇原來舊老闆頂咗手慘喇，我以後去邊食煎釀三寶

Must said this is one of the best street food left in HK!  Sure the BEST in Tai Kok Tsui area!  Clean & only cook it for you when you order so the food taste very fresh still!  Can't stop from going back for some years!!

最近迷上左食煎釀三寶，覺得又唔會太飽，又可以填肚，所以好正！雖然就熱氣左少少，但係如果遇到一間好嘅煎釀三寶，真係興奮爆~大角咀大全街街尾呢間東興小吃，我由佢上一手就已經開始幫襯，好食到不得了！雖然佢轉左手，但係質素冇下降~ 仲要好抵食！前排同屋企人去附近食飯，食飯之前早到咗，等爸爸媽媽之際，就過咗黎食個煎釀三寶先~ 我叫咗炸雲吞皮，呢個係必點，因為佢即叫即整，拎上手熱辣辣，超級好味！佢食落脆卜卜，好好味~ 仲有最好味嘅就有魚蛋同豆腐~ 佢係大大粒魚蛋同豆腐~ 要兩啖先食得晒~ 呢度唔會翻熱，但係佢一整起，就會有人買咗，所以擺喺度嘅 “現貨” 並唔多，我覺得好好，因為每次幫襯都係熱嘅，唔會擺咗喺度凍左唔好食👍🏻👏🏻整體來講，超級推介必定要去試吓👏🏻👏🏻 支持下小本經營小店🤣🙈

因為要等朋友，所以就喺大角咀附近行住食住等～ 係大全街未見到呢間煎釀三寶，行埋去覺得幾香，見佢格局唔係好大，但係幾平，所以就幫襯咗～我見前面嘅人都叫炸雲吞皮，所以我就叫埋一份，另外叫咗我最愛嘅茄子同豆腐！佢真係即刻整炸雲吞皮，但係其他就唔會幫你翻譯，因為可能覺得質素會下降🙈 我哋等左一陣，就有得食啦！炸雲吞皮真係超級好食，食落口仲係熱身嘅，差啲熱親但係真係炸到卜卜脆，超級好食 至於茄子同豆腐，豆腐既肉好大塊，加埋豉油就更加好味！佢唔似普通煎釀三寶嘅豆腐，肉得好少，佢嘅豉油真係特製，所以夾埋好好食～😍

之前聽朋友講話大全街果邊有間小食D炸魷魚好得, 尋日行開果頭即管搵下喺邊處啦.點知原來搵都唔駛搵, 一行去轉角位就已經見到大大招牌寫住東興小吃, 間舖頭主要賣煎釀三寶, 見到離跴譜囉竟然賣5蚊3件!! 點解會抵食到咁架?!!!唔理咁多, 嗌串炸魷魚試下先!!見到老細即刻拎D魷魚放落炸鑊度, 等左一陣, 話咁快俾左串熱辣辣既炸魷魚俾我, 一串有三片, 仲醒埋張紙巾我拎住食添! 一入口, 堅喎!!!熱辣辣咬落仲有D脆添, 不過太心急, 食完先醒起唔記得影相! 不過唔緊要啦, 唔俾相機食先都已經好好食, 今次朋友真係無介紹錯喎!

前幾天，我因為有點事辦，所以回了小時候上學的地方一趟，除了從前與一眾同學同樂的商場已經被橙化，以致裡面滿載童年回憶的商鋪變成了「八X雲集」與「大X活」之類的鬼東西之外，其實大多數的景物也沒什麼大改變。我記得當時有個同學，老豆在這一帶開麵包鋪，是我從前經常幫襯的，雖然味道和價錢都與其他麵包鋪差不多，不過既然是同學老豆開的，就本著捧下場的心態，一吃就吃到畢業。我以前覺得，這個同學是幸福的，每日都有免費麵包吃，又不用煩惱將來要幹什麼工作，做麵包也是不錯的工作啊，至少不用餓死。但人大了，睇法也不同了。其實那個同學每日見到老豆一日到黑很辛苦地整麵包，心裡面一定總會有點不安，然後自問：難道自己的將來就是這副樣子？每日都很早起床整麵包，過著這種機械式的無聊工作？這樣的人生有什麼樂趣可言？慢慢開始，他會厭惡這個充滿麵包的未來，始終佔大多數的年青人都不喜歡走一條注定好的路。你可以說這是反叛，但人類就是因此而進步，因為不安於現狀而進步。所以當我經過那麵包鋪舊址的時候，那裡已經變成了一間髮廊，我那個留著一個非常時尚髮型的同學，正為一個阿叔飛髮。我不肯定他會不會成功，相信他本人也不肯定，不過既然他老豆願意將經

由以前賣5元5件，到5元4件，再到5元3件，雖然好似無咁抵食，但你仍會如舊光顧，全因它的味道和他的用心製作！煎釀三寶所用的魚肉新鮮彈牙，無腥味，炸的時間恰到好處，很香口。除了煎釀三寶，還有炸雞翼（中翼或全翼）和雞脾，雞翼炸得外脆內軟，有肉汁；而炸雞脾不只是雞脾，還塗有魚肉，口感十足。

六月下旬‧晴我喜歡吃炸雲吞，一看到總會買來吃。這裡的五元三件，又試試。呈焦黑，炸得有點過了火。雲吞皮偏厚，不過非常鬆脆。餡料的魚肉也好吃，平平地真不錯。這裡什麼也便宜，小店經營，下次再吃。

取道大腳咀另一邊較少人的角祥街到目的地, 街角忽而轉來陣陣炸物香,原來這家街角小食店裡正在炸三寶,飢腸轆轆之時如此香氣怎能抵抗??件頭較大的炸三寶一吃就停不了,不如來串平時較少見的炸魷魚。正炸大大片雲吞的老闆即時拿串魷魚到油鑊裡炸, 迫迫卜卜後本來大大片的三件魷魚熟透後縮小了,老闆也細心的先放涼一會,還先用一點紙巾包著竹籤才下醬油, 只因竹籤連魷魚一齊炸,整支也充滿油份嘛! 多體貼的小店耶!很久沒試過在街頭立食, 好脆口的魷魚!! 那種卜卜脆是來自魷魚而不是什麼炸漿, 輕輕幾滴的豉油沒有特別煮過,其微微鹹味卻為魷魚提鮮,不用額外加醬料更能嚐真魷魚味道,熱辣辣的很好吃的小食。回來一看其他食評才知自己沒有點錯東西, 點了小店馳名的小吃唷!! 印象中小店好像還有豆腐花的,找次來立食豆腐花也應不錯!

這夜在附近的大角咀名店之一「金船長餐廳」吃過晚飯後，路過街角的這一間「東興小食」，忽然心思思想買串小食吃，於是叫來一串炸魷魚拿來就在路邊大嚼，一飽口腹之欲。其實這檔「東興小食」確實其貌不揚，舖面簡陋得很，賣的也只不過是尋常不過的煎釀三寶等港式小食，但原來這其貌不揚的「東興小食」竟是禾桿蓋珍珠，炸魷魚好味得很呢！這裡的炸魷魚不像別處的那樣沾脆漿放在滾油中炸，而是把事先已經醃好，調好味的魷魚放進滾油中炸，稍待一兩分鐘後，把完全沒加漿粉，已經炸好的魷魚撈起，稍稍下點豉油，便可以拿給客人享用。這製法的炸魷魚可能不算太特別，記憶中，以前自已也吃過同樣做法的炸魷魚，可惜這種以往不難見到的炸魷魚，在現在的香港已經買少見少，不易找到了。這$6一串的炸魷魚，一共有三塊，全部都鮮爽彈牙，又入味非常，把這些熱熱的炸魷魚一一放進口中，已令人感到滋味無窮。順帶一提，這店雖然簡陋，但服務挺不錯，炸好的小食，店家會體貼地附上一小塊紙巾卷著來讓顧客拿在手上吃，以免顧客的手被弄得油淋淋，可是十分貼心的安排。這次幫襯，只顧著吃，懶得拿相機，沒有拍照，不過雖然相片欠奉，這裡的「炸魷魚」，我可是強烈推薦呢！

睇落呢間平平無奇既小食店,居然非常之好食! 本人極之鍾意掃街旺角深水埗呢d地區已經食唔少之前同男朋友有幸經過呢間小店食完後發誓一定要寫食評!咁好既小食店真係買少見少啦~有食到既包括:炸雞脾$13: 極之大隻, 佢已經炸左1次放左枱面, 我地order左佢先再炸多次, 識炸2次當然脆卜卜啦~ 雞脾完全冇炸粉, 唔會食到成口都麵粉!! 炸魷魚$8: 又係冇炸粉同炸2次, 好好味, encore左2次喲~炸雞軟骨$4: 呢個呢個真係......好食到呢~~~ 冇炸粉兼完全調好味, 食到慾罷不能!!! 又係encore左2次 其他仲有d炸三寶呀, 豆腐呀, 茄子等等, 我男朋友就買左返屋企睇波消夜, 佢話都ok喎~唔記得幾錢...個老闆娘都好好架有卷紙巾放左0係度如果客人冇帶紙巾佢會用紙巾卷住串燒放0係度俾你拎咁就唔會整污糟啦~

呢個平平無奇既小食店..(可能真係佢太平凡又唔就腳啦,真係冇咩人為佢留低1,2句評語!)早2年我已經食過,因為工作地點關係4圍都冇咩野好食...我又比較為食,所以lunch時間短都會4出搵吃..黎到呢間小食店前,其實開頭都冇咩期望覺得佢都應該係普通既煎饟三寶,炸雞翼..試佢既原因都係因為平..6蚊1串鮮魷魚,2蚊1隻炸雞中翼,3蚊1串炸雞軟骨,三寶1蚊粒我記得我第一次係試佢既魷魚,因為好少見仲有咁整鮮魷,唔肯定係咪叫泡油...總知就咩都唔落就炸..你落order佢就即整,炸完入袋見佢落dd豉油就比你,心諗:得dd豉油會唔會冇咩味架!點知一試!嘩嘩聲!真係好好味,好鮮好脆,真係少少豉油就夠架啦!岩岩好夠味!不過真係好彈既都只係佢太多油啦..不過佢即炸快快手入袋冇辦法啦!之後隔日就試埋佢既三寶同雞軟骨雞軟骨都ok,size比普通食既大粒d,3蚊真係冇咩得挑剔架啦!三寶就好普通,不過當中既炸魚旦就好出色!出面個d都溝好多粉,呢間都會溝,不過比例平均,1蚊黎講又係冇得挑剔!呢間野銷售情況都幾好,唔怕會放到凍冰冰賣比你!真係唔夠熱啦,都可以叫ee炸一炸佢...店員黎講其實係2公婆老夫妻黎..叔叔