影片
食評 (23)
就嚟過年，就同家人一齊出去食晚飯。平時多數嚟呢度飲茶，今次就夜晚嚟食團年飯，估唔到都唔錯，嘢食新鮮夠鑊氣，最緊要係唔太鹹，又唔使限時交枱，食完可以傾吓偈。我哋嗰晚食咗1. 白灼蝦: 新鮮，熱辣辣，仲要大隻爽口2. 煎蓮藕餅 : 乾身唔油膩，仲有鹹魚香味3. 乳鴿 : 佢有炸乳鴿同埋滷水，我哋要咗滷水，好入味又滑4. 鹽焗雞 : 半隻都幾大碟，點沙薑食一流5. 椒鹽鮮魷 : 非常惹味好送飯6. 家鄉豆腐 : 正常味道，啱老人家食7. 大班兩味 : 有炒球同埋蒸頭腩，即劏即煮，只係魚味淡左啲。。。食完仲有飯後甜品(雪糕或芒果布甸)送，正👍
繼續閱讀
聽聞呢度有好多懷舊點心，好想試佢地個炸鮮奶，不過遲左去變左食晚飯，兩個人食左4百幾蚊，d姐姐好nice食完飯仲送左飯后甜品，有綠豆沙 馬拉榚 芒果雪糕 同 細個好鍾意食既芒果布丁！！！！
繼續閱讀
最like東苑蒸飯平靚正，牛肉飯有隻流汁荷包蛋跟，仲有金菜肉餅飯都好好食。蝦餃有5粒蝦爽配豆瓣醬好食 #次次必叫咖喱蒸土魷，咖哩汁似放lunch傳統港式咖哩 #蒸魚雲係大魚頭新鮮好食，超級抵食。 元朗傳統街坊老店真係冇乜幾間要珍惜。 睇到openrice 留言，話佢哋招呼唔好，我又唔覺得喎 ， 叫佢加水攞嘢都好快， 地方細細最緊要水滾茶靚。 如果你攞佢同美心比嘅，我覺得佢呢度好食，咁嘅價錢畀足料你，同埋美心d服務員你叫佢斟水都唔show你， 淨係理佢啲熟客，畀錢佢哋嗰d人一定好快手斟水比佢。
繼續閱讀
同另一位留言一樣，俾位其他人都唔知點解唔俾你，但見到有吉枱，問只係只係話未有位，唔鍾意可以唔等。環境亦非常舊睇落亦不太乾淨。所以最後去咗翠湖酒家，多謝佢地既不知所謂態度，反而搵到間好食既酒樓。
繼續閱讀
到咗門口我哋取咗飛等位，一會四個出老闆問幾多位佢哋答四位，即時有位入坐，我就行埋去問點解四位有三位冇，佢答我大枱黎，咁我問點解我哋唔坐得，佢話訂咗枱，我話明明聽到你問幾多位，我話要公平先啱， 跟住佢用好差既態度對我講咁而家叫佢哋出黎畀你坐你坐唔坐呀! 咁我話你做生意態度咁㗎 ，跟住佢就話我做生意定你做生意呀! 之後有人出嚟勸交跟住我就唔食走喇， 其實幫襯咗好多次， 之前好多人排隊等位 今次去到得我哋喺度等 可能因為咁嘅態度所以冇曬啲客，真令人失望應該唔會再幫襯
繼續閱讀