東記甜甜店 (已結業)

我地叫個楊枝甘露芋圓，價值4x，點知黎到得個汁，柚子都無！問個員工，佢話呢個係楊枝甘露汁！！！！！！40幾蚊食個汁！？你無野啊？仲要俾個餐牌我哋睇話就係楊枝甘露汁！之後嗰店長行過黎話「補番啲柚子俾我哋」，點知隔咗2分鐘再翻黎就話「柚子冇晒，話下次補返俾我地」what..... 下次？然後個西瓜沙冰，一粒西瓜都冇，收我哋$44！明明張圖係有嘅！間唔中入嚟西貢玩 唔熟路，相信以後都唔會有有下次！！！

椰皇燉牛乳 真係好劣質.... 唔知道自己食緊咩香芒綿綿冰 不綿....呃....我到底食左咩....Very disappointing desserts........

整日都去滿記食糖水，今次終於都換翻間來食。喺第一次食東記，點咗一個雪山榴蓮飄香,好大一碗。有一個雪糕球（要咗雲呢拿味嘅，幾好食，夠滑又唔會好甜）榴蓮肉，椰汁…，榴蓮夠新鮮其實，可以食出喺榴蓮肉唔係個Ｄ加工過嘅，椰汁都唔會太甜，值得試下。

早排去西貢做野，做完野又未到下一場，本來想同同事去飲杯野，但朋友經過甜品店就話好想食，所以就衝左入去食我叫左個芒果涼粉，唔算太甜，份量都好足料，價錢黎講，算係經濟整體算係不過不失，如果咁啱去開，都可以去食下

由馬鞍山行山至西貢完畢，這麼遠的路程，補充糖分是必須的！以前常常聽山水荳腐花，我想著想著應該是以前山上真的會有人販賣荳腐花，當下立即想吃荳腐花不可！西貢這一家甜品店，以前出海完畢都是會常來的，至今依然屹立不倒，必定有它的實力！碰巧遇上它的新產品一一木桶荳腐花，一定要試試！吃的方法依然跟足木桶的方法，先等等才吃，但製法真的是天與地；豆腐選取鬆散及有怪味的豆腐，出來的豆腐水就更怪味，加任何黃糖糖漿也掩蓋不了！我估計其他甜品還是可以的，但這個就……

是日蜜桃小丸子來到西貢吃晚飯，吃完後少不了要吃甜品，走呀走在某一小巷看到東記，見它裝潢得簡單舒服乾淨，便進去一試。甜品的選擇頗多，有雪花冰、西米露、傳統中式甜品至西式應有盡有，總有一款岩你心意，不過價錢方面頗貴。蜜桃小丸子叫了原個椰皇燉牛乳，椰子大小適中，即叫即製所以來到時還飄着煙，吃下口既有椰子香，又有牛奶味，椰子內還有些肉可以弄出來，連埋牛乳一起吃，軟軟冧冧又有QQ的感覺，甜度也適中，可見店舖有心機整。另外還叫了芒果拿破侖配曲奇雪糕，稍嫌酥皮有點兒燶，但吃下口是酥脆的，芒果也很新鮮和甜，雪糕不會溶得太快，連埋酥皮芒果一起吃，有一種幸福的感覺。

中秋節當晚食完晚飯，出了西貢市中心行下順便賞月。 之前同家人到西貢市中心吃完海鮮就會來東記甜甜店食甜品。 佢哋甜品嘅水準都算正常， 但是今次我的薑汁湯圓就比較失望了， 本身諗住中秋節團團圓圓食碗湯圓， 點知湯圓到 的時候芝麻湯圓流曬芝麻出嚟，同埋比較細粒， 好彩糖水薑味都夠， 但是賣相相當唔好， 我覺得正常應該唔可以咁樣拎出嚟俾客人食用！另一碗芒果西米露味道正常， 芒果唔算太甜， 不過食落亦透心涼， 相比起薑汁湯圓好得多。

吃完晚飯，當然要食下甜品啦，我們叫了四款甜品紅豆燉蛋白味道很夾，喜歡吃甜的，一定like椰汁西米露中規中矩杏仁糊稍甜，吃到有杏仁小粒子金銀滿屋足料，配雪糕很正吖

星期日晏晝同朋友喺西貢去完camp，出返西貢中心食甜品，黎左呢度。我地幾年前黎過一次，印象幾好，所以又食多次。佢地甜品嘅款式真係好多，好多野揀。因為嗰日真係好熱，所以我就叫左個益力多綿綿冰，佢都配幾多料，有椰果、小丸子、珍珠同埋爆爆珠，而且好好食，消暑解渴就最啱了🤗另外有個friend叫左綠茶綿綿冰，就有小丸子、珍珠同埋紅豆。仲有芋圓配唔同嘅糖水。仲有酥皮類甜品。總括而言，呢度勝在選擇多，上次我地就食左榴槤類甜品添。價格方面就適中嘅，始終西貢多遊客，唔可能超平，每人平均$50左右。

一入到去 侍應即叫隨便坐，環境乾淨企理，我叫左一碗熱既芝麻糊拼合桃糊，味道好，好滑，唔會太甜同太杰，我老公就叫左芒果撈，佢都話好好味，有(以前）食許留山既感覺，值得一試!

經過我整日在北角，炮台山的元宵美食之旅過後，我最後搭車返回西貢，沿着海傍一路步行回家，經過「市場街」的時候，終於又給我再次看到「東記甜甜店」，於是我進入食店，看看「東記甜甜店」有沒有湯圓售賣。結果我一問「東記甜甜店」侍應想要餐牌，侍應遞上餐牌給我一看，我立刻發現到有一碗六粒的熱食「薑汁湯丸」。於是我立刻呼叫侍應，為我準備一份熱的「薑汁湯丸」。「東記甜甜店」的「薑汁湯丸」一碗共有六粒，雖然「東記甜甜店」的「薑汁湯丸」湯丸體積，沒有炮台山「福X湯圓」的「鴛鴦湯圓」那麼龐大，但是「東記甜甜店」的「薑汁湯丸」肯定有一點比「福X湯圓」做得比較好。就是「東記甜甜店」的薑汁糖水底味道充滿薑汁的辣味，這股辣味是我之前，在「福X湯圓」「鴛鴦湯圓」裡面找來找來也吃不到的味道。至於「東記甜甜店」的「芝麻湯圓」，雖然「東記甜甜店」「芝麻湯圓」餡料沒有「福X湯圓」那麽圓鼓鼓，那麼飽滿，但是咬開「芝麻湯圓」，「芝麻湯圓」裡面的芝麻餡依然呈流心狀態，源源不絕地湧出來。儘管「東記甜甜店」「芝麻湯圓」的芝麻餡味道，沒有「福X湯圓」芝麻餡那麼濃密，但是起碼「東記甜甜店」「芝麻湯圓」的芝麻甜味仍然尚存，加上辣味的薑汁湯底，

週日的下午四點鐘前來，店𥚃坐了四五桌人，很多空位，於是找了張靠𥚃面的四人桌坐下。打開餐牌，很多甜品都想點，有些選擇困難😊。好不容易在掙扎中選了一個芒果窩夫、芒果凉粉、益力多綿綿冰和一個心太軟雪糕。芒果窩夫的芒果粒豐富，略帶些許酸味，窩夫外脆內軟，暖暖的很窩心的感受。配了一個雲呢拿味的雪糕球，給了小朋友，所以沒辦法評價味道😅只見他吃到成嘴都係，想必不錯吧😂。其他的甜品賣相都不錯，只因我沒有試吃，不能一一點評了。

今日行左兩個鐘山之後返到西貢市中心又渴又累於是搵左東記食返碗糖水蜜瓜西米露好香椰汁味亦都好多料合格雪山楊枝甘露加芒果雪榚大大舊芒果肉比出面食既足料算係有誠意之作$76 性價比接受

今日天氣好好，亦都非常熱。遊完東霸番番出去西貢市中心，經過哩間甜品店時忍吾住要入去消消暑喇！我地叫左綿綿冰同朱古力香蕉窩夫，賣相吾錯ga宇冶綠茶绵绵冰，我覺得一般啦！至於窩夫，賣相同味道都好吾錯👍👍👍不過份量頗大，最好share 😊兩個甜品total 食左Hkd 118 食完甜品感覺透心涼呀🤗

冇試過係香港食過質素咁差既甜品店，首先衛生差，今日見住個抹枱姐姐拾起掉左落地下既布同客人抺枱，連洗都唔洗下就照用😡至於甜品方面，又貴又唔好食，一碗榴槤飄香成$48 ，其實只係一碗西米露加小小榴槤肉，所謂既招牌心太軟，朱古力蛋糕裏面係凍，完全唔流心😞，仲要成60幾蚊，好失望☹️