東門町 (已結業)

事件發生經過買個手抓餅$27(Card holder 全部都係$100，有摺痕)伸手比錢講話係100HKD店員係我面前放左100hkd 入收銀格手拎兩張50hkd, 放翻一張50hkd入收銀格果陣店員只係手持得翻1張50hkd然後係收銀機找翻23hkd比我我話我比$100你嫁wor店員態度好衰咁樣話只係收咗我$50跟住我有留意$100嘅尾數係幾多好好語氣咁樣同返佢講佢話咁多張銀紙都係呢個尾數你話係你嘅就你呀跟住老闆娘出嚟做架兩粗聲粗氣咁話佢個店員眼睇都係手持$50我據理力爭，但就係咁俾佢嘈聲粗氣係咁鬧只係肯俾返$50我息事寧人佢話咁唔滿意你咪報警囉唔好阻住晒以為大我就唔會報警大走我但到最尾我真係有報警處理真係唔係錢嘅問題係唔明白點解佢做錯仲可以咁理直氣壯鬧客其實佢上一個客已經唔記得找錢都明白繁忙時間又錯失無可厚非但最唔滿意嘅係老闆娘做架兩態度仲好囂張咁樣屈返我轉頭其實都明白報警處理都做唔到啲乜嘢但當下我只係想攞返個公道一句道歉緊要過啲錢完全唔明白道理唔喺佢嗰邊點解仲可以咁做生意可能最尾件事都係不了了之個老闆娘都答應過警察收舖後會埋數但就係想比大家知道呢間舖頭嘅所作所為同埋服務態度係點樣

今日又係掃街的一天，呢間舖頭都幾多人排隊，而且佢仲有做香腸等等其他嘅食物，今次我就試咗佢個酸辣粉。-1.重慶酸辣粉加腩肉 $31首先個酸辣粉都有充足的配料，有榨菜，菜譜，花生等等，食酸辣粉一定要試咗個湯底，湯底非常之濃，唔會太稀，適合鍾意食重口味嘅朋友，而且個酸味好突出，我食落去酸酸地好開胃仲要今次叫咗中辣，個辣味都幾突出，腩肉醃得好入味，食落去好有口感，而且好有咬口。-總括嚟講佢嘅性價比都幾高，建議呢一碗可以同朋友share，或者買杯手搖以防太辣，咁就可以有杯嘢飲解渴🤣。

葵涌廣場有咁多小食檔，今次試一試頂樓的台灣東門町，有不同款式的台灣小食，有唔同口味的台灣腸，辣味、蜜糖味都好好食。今次主角手抓餅，可以自己揀醬，沙律醬、千島醬都有，餅餡亦係自己揀，有煙肉、火腿、粟米、吞拿魚。餅底鬆脆好食，熱辣辣剛剛做好，係幾好食。

點左個鴨胸炒蛋手抓餅，等左大概15分鐘，我覺得尚可接受，雖然唔係繁忙時間，但考慮到鴨胸喺雪櫃拎出嚟，要煎翻熱，所以可以接受。但落錯料個點我覺得真係好失望，講明左係要沙律醬，但無落到，落左另一隻粉。而當天我地係清楚見到有沙律醬的。

難得黎到葵廣，掃街真係必然架啦😊今日食左（東門町）的酸辣粉😍😍叫左大辣，但辣嘅程度係。。。譚仔5小辣🤣🤣🤣豬腸都有啲肥，但湯底ok，夠酸，薯粉又夠淋，豬紅又無怪味👍🏻👍🏻如果可以辣多少少就好啦😌另外加左個肉鬆芝士手抓餅，味道較淡，肉鬆有啲太乾，可能加沙律會好啲！

✅東門町葵廣實在有好多正野食☺️😆呢一間係3樓既小食店每一次經過都好想買終於有一日黎左掃街😆🔆重慶酸辣粉 $25酸辣粉真係我既最愛💕睇落細細碗咁 但食落都好夠多👍🏻掃街食就啱哂啦 仲可以留肚食其他🥳薯粉比較煙韌彈牙👍🏻 湯底酸味重 辣得黎又有少少麻🤣好啱我既口味😆又有花生 芫荽 同炸菜 好惹味😆仲可以加餸添🤣🤣味道: 3.6/5賣相: 3.2/5地址: 葵芳葵富路7號葵涌廣場3樓87B號舖

細個中學放學就會去葵涌廣場買會酸辣粉😇由$20食到$27😬我都依然會去幫襯🥰湯底唔會好油 好重芝麻味 齒頰留香酸辣粉煙煙銀銀👍🏼👍🏼加埋芫荽味真係一流😋😋仲可以加送🤗我買返屋企食另外仲買咗好多小食 就冇加送啦留意番，外賣分煬要加一蚊！！！一定要分湯 唔好慳一蚊！！如果唔係返到去屋企 紅薯粉就會黐埋一堆食唔到架～如果加伊強烈建議加芝心丸芝士超濃郁 仲要係拉芝芝士😍除咗酸辣粉 仲有手抓餅都好出色👏🏻最鍾意加蛋再加芝士😳諗起都流晒口水

香港人一年都去幾次台灣，台灣簡直係香港嘅第二個家鄉喺2020年，香港人幾乎都冇得返家鄉，掛住鄉下嘅味道可以點，一於去葵芳廣場度整返件手抓餅由於Fatbrown 係勁鍾意食手抓餅嘅，所以去到台灣次次都唔食酒店嘅早餐，就係為咗留肚食手抓餅同埋蛋餅，可想言之呢一年來係幾難捱啦<火腿雞蛋手抓餅$21>叫完之後好後悔唔記得叫埋芝士手抓加埋芝士係一流嘅，當芝士溶咗入去手抓餅裏面，嗰種又香又蘇嘅味道簡直係人間嘅美食講起呢間東門町嘅手抓魚餅真係一流夠蘇夠牛油阿香，其實中間夾咩已經冇咩所謂，真係好好食

😡🔥我要食台灣鹽酥雞‼️🔥😡疫情關係困左係香港己經接近一年喇大佬呀幾時可以去旅行呀嗚嗚哇😭收工肚餓搵啲小食醫肚，入左葵廣行個快既！今次我衝左上三樓搵食，見到有間叫東門町既小店，賣既都係手抓餅、鹽酥雞呢啲台灣小食多！$16平平地叫左一個鹽酥雞（小）黎試下～賣點係即叫即炸，拎上手前一刻就係你望住店員岩岩係炸鍋撈起鹽酥雞幾正！每一件都係細細件，一口一粒的大小，炸得金黃香脆，炸皮外添椒鹽粉，加點咸和辣味，令我回憶起台灣夜市的小吃美食～一份大概6-8粒，抵食！

又係掃街既時候，今次來到東門町，其實都係做左功課有備而來既。上網見到有人介紹呢間炸燒賣，要炸得唔乾又好食，都好難。就試下呢間炸燒賣係咩料子先。有蜜糖同 椒鹽味，我選左後者，22蚊一份。好似有10粒。叫左等左5分鐘左右，就有熱辣辣既燒賣食。第一口咬，唔會太粉，都幾有咬口。 但椒鹽味偏重味。食左兩粒有d頂唔住。唔知蜜糖味會唔會好d 呢。

葵廣粉絲揮手區👐🏻👐🏻 PART 2👉🏻東門町👈🏻麻辣控天堂👇🏻 🔥手工涼皮❣簡左小辣，但後勁十足，可選擇加雞絲，涼皮口感一流 🔥蜜糖黑椒雞翼❣新鮮燒比你，香脆可口，黑椒香味再配上甜甜嘅蜜糖，一次過食十隻都得尼緊會再介紹多啲必食推介，大家記住跟貼，如果有咩想推介比我地，都可以分享下😘😘#foodies #美食 #香港美食 #香港人小食 #地道小食 ————————————————滿分5🔆🏝環境🔆🔆🔆🛋服務🔆🔆🔆💲價錢🔆🔆🔆😋食物質素🔆🔆🔆💥翻兜指數🔆🔆🔆————————————————

平時食開蜜糖炸燒賣覺得佢地好夾好好食今次就試下另一個椒鹽味有小小失望 個粉落得太多 太鹹食完一粒 已經鹹到唔想食第二粒😂但第一次試鹽酥雞 有驚喜新鮮熱辣辣炸出黎 好好食🤩

每次黎到葵涌廣場，我都一定會黎東門町食手抓餅🌮，原味餅底$15，🍠紫薯餅底就貴一蚊，可以再另加配菜今次叫咗紫薯餅底再加芝士🧀同雞蛋🍳，盛惠$23個人覺得原味同紫薯餅底分別唔大，只係紫薯多咗陣極微既薯味，餅底煎得好脆，再加埋啲溶溶地既芝士同雞蛋，極之邪惡😈舖頭既重慶酸辣粉都好出名，每次都見到好多人叫黎食，不過我怕辣，就冇叫到喇😢小店只設立食（啫係外賣拎走囉🙊）

呢間酸辣紅薯粉，我不得不說好味辣味加酸辣係好出色，我搭車專程下去，即使葵芳廣場熱到爆都冇左我雅興上次試左佢地新款蜜糖雞翼，上次好好食 即炸好大件又juicy今日細舊點，不過蜜味好出我希望佢地永遠都在此，我可成日去了

雖然呢間鋪頭好評唔多, 但我認為佢係我食過嘅酸辣粉之中數一數二好食😬又或者係我未遇到比佢好味嘅酸辣粉雖然以takeaway嚟講價錢唔算係好平但我認為無論面嘅質地味道各樣都非常唔錯曾經試過喺深圳食過其他各式各樣嘅酸辣粉都冇呢間咁好味, 有d係用d比較幼嘅薯粉或者甚至係用粉絲代替, 效果真係差好遠, 有啲鋪頭甚至乎會唔用花生用炸黃豆代替🤦🏻‍♀️食過其他質素比較參差嘅酸辣粉之後就會知道呢間其實真係唔錯👍🏻同大部份鋪頭一樣我認為主要缺點係份量唔夠, 以佢嘅價錢俾多少少薯粉會好啲🧟‍♂️