東門町 (已結業)

去葵廣食野都見到唔少人拎住一兜紅色嘅酸辣粉，去左幾次今次終於試下！叫左薯粉，小辣。本來想多芫茜，但要加$2所以放棄。首先試下湯，湯係偏酸，同普通街上面食到嘅味道差唔多。薯粉偏幼，冇乜咬口，太過軟身，有啲失望😢下次會試其他

一黎見到好多人排隊，以為好好食，周圍嘅人都食緊撈乾麵，唔執輸又試下。叫左少辣，麻辣味ok香，20蚊只包麵沒有任何配料，價錢都叫可以接受。個麵好唔得，非常乾，乾到一個點我以為佢無煮過，仲要好粉，又硬，真係覺得食多幾啖會胃痛，諗住撈多d汁食會唔會無咁乾身，點知汁又好少，撈唔勻成個麵，加上個麵質唔會吸辣汁，建議大家食佢個麻辣薯粉，係湯黎嘅。食左一半，只係食乾麵真係食唔落去，對唔住浪費左食物，雖然平但係唔會再幫襯

嗌了雙拼炸丸，花枝丸和墨魚丸，原來蜜糖只是用平時燒烤的蜜糖淋上去，配搭有點奇怪，如果是先沾上蜜糖再炸，相信效果會不一樣。唯一值得欣賞嘅就係佢係即炸，但係味道就真係好奇怪了。朋友叫咗炸燒賣，椒鹽味，個粉勁奇怪，一定無下一次了！

上幾篇都有提到葵涌廣場多了幾間麻辣小吃店，吸引各路吃辣高手來捧場。今篇食評要寫的是3樓的「東門町」，早在麻辣風潮來襲前已經開業了。筆者在幾年前曾經光顧過一次，今日再訪，不知道價錢和味道質素改變了多少呢？點餐時發生了一點小插曲。筆者點了一碗重慶酸辣米線加配魚蛋，原本餐牌上列明了魚蛋有2個價錢：5元1串、9元2串。筆者點餐後發現店員收取了2串的價錢。細問之下，店員才表示魚蛋現在只設2串的份量，沒有1串的了，然後才拿起箱頭筆把5元價錢塗黑。筆者認為這個做法有點不太好，如有價格上更改，理應一早修改餐牌；而不是到有人詢問時才即場改餐牌內容。酸辣米線煮得好香，湯底中帶有辣椒、花椒等麻辣湯料，唯湯底實在有點太油。原本還想嚐一下湯底，但看到滿碗紅油後也不太敢喝下去。魚蛋有約8-9粒份量，但口感非常腍，絲毫無彈牙感，亦沒有魚味。等侯時發現店員穿著的制服是有鄰店「大阪一」Logo，原來兩店是同一老闆。

我之前幫襯過買傷心酸辣粉，味道一般！今日經過諗住求其食啲野，外賣同樣食品。不過上次可能包得唔好，碗蓋又有個小孔透氣，所以好輕易就漏晒啲湯出來，攪到巴士坐位同地下濕晒，成陣味！！經過上次既經驗，所以我好心提醒店員比多個膠袋我，點知個收銀員問我拎多$0.5，我解釋比佢知情況，佢唔聽不特止仲話從來無客有咁既情況，大佬我而家唔係客來咩？我反問佢我呃你個袋來做乜，我外賣已經加多$2，一般食店都會跟埋袋子，我有原因要求要多一個都不是太過份吖！跟住佢仲用好差既態度話叫我「下次」自備個密實盒，包保唔會漏，擺明比說話我聽，態度亦好囂張！「下次」根本唔會有下次，間店直情趕客，搵鬼幫襯佢囉

We went for the purple potato pancake which is one of their top 5 sellers. Whilst you can opt to have various toppings and fillings I wanted it plain. Others had toppings including cheese and meat floss.The pancake was cooked to order and hence came out hot and nice and crispy. It wasnt too oily as they sometimes come out. It was flakey and crispy on the outside yet still was soft and doughy in the center. My only complaint would be that there wasnt much of a taste of the purple potato and hence

今日冇陰公,收工後要食自己,突然間又想食葵涌廣場嘅手抓餅,於是乎山長水遠由觀塘搭地鐵過嚟葵芳幫襯”東門町”,冇錯‼️我就係一個咁嘅人,想食嘅嘢就算幾遠都好,我都會專登嚟搵佢我嘅口味亦都始終如一,永遠覺得粟米沙律味係最好食的佢哋原味餅底就賣($15蚊),加粟米沙律口味就($7蚊),一向食量唔大嘅我就咁食一件已經夠填飽個肚喇。俾完錢買單之後,麻煩企埋一邊或者按番當時人量估計等候時間去周邊行番個圈。我就選擇企埋一邊,務必第一時間拎到份手抓餅立即享用喺等待嘅過程當中,可以見到職員喺鐵爐上面製作嘅手抓餅,輪住飛嘅號碼,每次最多煎四份。餅底已經預先搓好放喺雪櫃入面,要用嘅時候直接拎出嚟就可以煎喇,好幾位職員都已經手勢純熟,絕對唔會話邊一個整嘅會特別好食啲。通常煎一份大慨都需時五至八分鐘左右,可以見到佢哋邊煎就會邊用個鉗去抓吓抓吓塊餅底,增加空氣感,所以食落口份手抓餅就會有好似酥皮咁嘅酥脆口感,非常香口,而雖然收費咁平,十零廿蚊一份小食,佢哋落嘅粟米沙律醬絕對唔會手緊,仍然充份滿滿,每一啖咬入口都食到粟米,正吖

喺葵涌廣場其中一個搵食嘅地點，係4樓。去到4樓，有好多不同嘅選擇，好想食辣野，於是去咗東門町叫咗碗四川涼麵再加花枝丸同豬大腸，都只係$33。碗麵好大，所以食完都好飽，花枝丸有兩粒，豬大腸有好多件。我叫咗小辣都已經好辣，一邊食一，邊有少少鼻水，係四川嗰隻麻辣味，所以係辣之中帶少少酸味，非常好味、非常抵食。

葵廣愈黎愈多賣酸辣粉既鋪頭，但呢間系我食過最好食既。酸辣粉個湯好濃，而且好夠辣，叫小辣已經夠。個粉系幼身既紅薯粉，完全吸晒d味，好正。另外，佢d小食都好好食，最推薦系鹽酥雞，炸到好脆，但又唔厚粉，d肉仲好滑😍，好食過d連鎖既多多聲。

超級態度差 我買野食時唔係繁忙時間 有個中年帶眼鏡長髮阿姐 晦氣極 到食完 問佢垃圾可以掉邊 佢塊面更加黑 我語氣平和講句 咁冇禮貌嘅 我買野食果陣已經覺得你好冇禮貌 佢即時鼻孔潮天 左右望其他店員：咁又點阿？做生意咁做 我都真係服晒 落單已西面 後來想叫佢D麵硬身D 佢個樣直情係歧視 望你一眼唔應 望第二度當聽唔到 咁嘅服務 真心勸大家唔好幫趁 雖然食個麵好平3x蚊 受佢氣就真係O咀囉真好奇 如果係老闆？咁樣趕客？如果唔係老闆？咁樣倒老闆米？真心覺得佢型 讚

如果想在葵涌廣場吃到酸辣粉，一定要試這家東門町。東門町的酸辣粉酸辣味十足， 如果想要麻辣，必定能夠符合要求，入口立刻令你感覺舌頭麻痺。不過這家食店的酸辣粉，個人覺得有時實在太鹹，如果可以減少鹹味，相信味道更好。

呢間小食店有好多唔同類型嘅港式小食，但唯獨係呢個蜜蜂雞中翼吸引到我，應該係話，我對任何嘅雞翼都無乜抵抗力，更何況係蜜糖雞翼。17蚊就有3隻，都算幾抵食。呢款蜜糖香草雞中翼外層香脆，內層嘅肉比我想像中入味，而且肉質好嫩，可以話係外脆內軟。 但唯一美中不足嘅就係個蜜糖汁，味道太過甜膩，唔夠醇厚～ 雞翼炸到焦黃色嘅外皮，一睇就知佢夠哂脆口，咬落最先衝擊到味蕾嘅就係面頭嗰層甜到漏嘅蜜糖汁，然後就係出奇地咁嫩滑同入味嘅內層，正～ 

呢間酸辣粉跟深圳的酸辣粉100%相似，以後唔使返大陸先食到，d粉超彈牙，最鐘意呢種圓柱型的粉，加上佢個湯底，超麻，精粹是夠酸，雖然就咁聽好似好普通，但使到大陸的味道，不是間間做到，食完變孖潤腸果隻，芫茜蔥都算好，但問過如果唔夠再加的話就要加錢佢地仲有手找餅賣，而且係紫薯餅底，味道都不錯，煎得都幾香脆，配埋雞蛋和沙律醬好juicy,可是手找餅真係太油了，食半個都已經又飽又膩，所以我次次都會只食佢個酸辣粉，細細碗，仲食得落葵涌廣場其他的小食。

唔知有無人同我一樣好鍾意食酥餅，無論係中式葱油餅、印度酥餅、還是台式手抓餅我都好鍾意！今次女孩去到葵涌廣場行街，我第一站就必定到東門町買台式手抓餅！佢有不同的配料可以選擇，由於想食個個餅的味，我就淨係揀左芝士。想飽d的可以加肉款的配料。舖頭曾經係用新鮮的麵糰煎，不過宜家為左方便已轉用現成的餅，口感好似無之前咁鬆化。不過我滿意的係燒好落的辣粉！D辣粉唔係真係好辣，係會令到手抓餅更香，味道更多層次，所以我係會繼續幫襯的。

每次去「掃街」一定要點上一份手抓餅，這一次就試一下東門町的吧！這家店長期都有蠻多人在等候，只是不熟悉的話可能真的分不清該在哪裡下單。我點了一份肉鬆起司雞蛋手抓餅，承惠$29。這個價錢比起區外比較有名的無疑是比較便宜。那味道呢？等了大概10分鐘，手抓餅好了～熱騰騰就一定要馬上咬下去。其實這個手抓餅配料給得很大方，只是中間的餅有點軟了（應該是因為雞蛋），起司味道和辣粉味道也不太出眾。不過我覺得在香港來講，這個價錢連帶著的質素算是蠻合理的了！日後如果再來葵廣，我也應該會點一份來吃