東門町 (已結業)

服務差，味道差買手抓餅塊餅竟然係凍，而且要十五分鐘先整好。D呀婆好串，話我自己聽唔到個number,但我明明企係佢面前，無可能聽唔到個number。不會再幫襯。就算21蚊都唔值呢個價，有錢都唔會比佢賺！

經過呢間小店見到有紫薯手抓餅💜咁特別梗系要試下佢啦。剩手抓餅$14，另外仲有十幾款配料揀，今次就揀左肉鬆啦，份量都算幾多😊手抓餅即叫即整都幾新鮮，而且烘得香脆，食落口帶點煙軔🙂不過說好的紫薯呢？味道就吾太覺啦😂只系滿足到視覺🙈不過當系小食咁食都幾飽肚嫁😉亦都吾算太油膩～

紫薯手抓餅($15餅底+$7 粟米沙津): 頭一次接觸紫薯手抓餅是在太安樓吃，對紫薯手抓餅並沒有好的印象。這次在葵涌廣場3樓掃街又再見到此，於是便點了一份來試。 紫薯餅底方面，即叫即整，吃下熱辣辣，紫薯味並不突岀，但勝在幾香口，而且口感酥鬆，又不算很油膩。至於內餡方面，粟米沙津份量很多，加上入邊有很多沙津醬的關係，吃下味道很夠，奶脂甜美足，還有粟米的juicy，跟紫薯餅皮很配合，是款不錯的小吃！Wow factor: 7.5/10東門町葵芳葵富路7號葵涌廣場3樓87號B舖

突然間諗起好想食手抓餅，第一次食手抓餅就係太安樓，唔知葵廣既手抓餅會唔會贏到太安樓呢？淨手抓餅$14，之後每款配料小食再加錢。今次我就試左 +雞蛋$3 +芝士$4。店員即叫即製，等左10分鐘左右，就有得食啦！ 非常熱辣，質地好煙靭，好香蛋味同芝士味，食落去有加左鹽同七味粉。好香口，有少少辣味，食完好有飽肚既感覺！不過太安樓手抓餅係好食啲既！

唔知係好彩定唔好彩，因為食剛剛過嘢，大家所推介好食嘅酸辣粉同手抓餅小妹都冇食過，反而叫左一尐一串串嘅嘢食，腸仔同紅腸俾小朋友們灘分，小妹自己食左魷魚蘇；尐蘇係冇味架！！仲要係淋晒，真係好難想像魷魚蘇都整到淋晒但又冇味係魷魚頭部位先爽口，但一樣係冇味……雞腳係冇串起的，就咁放入杯中，叉起一舊放入口，同樣失望到呢……又係冇味架‼結果食左兩三舊就連埋魷魚蘇一起送入垃圾桶

今天去葵涌廣場逛街，路過這間食店有手抓餅賣，於是我打算買來試試。我點了新出的紫薯味手抓餅，比普通手抓餅貴$1，即$15，其他餡料要另外加錢。有很多餡料供食客選擇，我點了午餐肉和芝士餡料，分別是$6和$4。來幫襯的食客不少，買票後看著店員不停手地烘餅，大約等了15分鐘，才輪到我的號碼。紫薯味手抓餅很大塊，是紫色的，即叫即製，非常新鮮熱辣，質地既煙靭又香脆，有少許辣味，十分醒胃。食到餅中心的午餐肉和芝士餡時，味道較咸和濃郁。這種可口的味道讓我有置身夜市的感覺，本來以為當作小食來吃，怎料吃下整塊後竟有飽腹之感，用來當餐吃也不錯呢！

手抓餅，酸辣粉，炸椒鹽燒賣係每次必食由17蚊食到現家廿幾蚊,越來越貴但依然好好味，雖然每次都要等好耐但都會去排，哈哈酸辣粉好夠酸！好夠麻辣，叫小辣就好啦，試過叫中辣，辣到食唔到！不過其實好濃味，我唸好多味精，哈哈！米線我鐘意爽口，但薯粉就鐘意淋既，唔係既話好難咬斷！手抓餅淨食唔加料都好好味，我鐘意唔加料，單食皮，因為佢個d調味粉咸咸地小小辣好好食！雖然好油但真係酥軟得來好煙韌。然後就係椒鹽燒賣！蜜糖燒賣都好好食，不過鐘意燒賣多d！！炸得好好，外脆內軟，加埋椒鹽，好好味！不過小貴，13蚊得6粒！

尋日收工一丁友唸唔到食乜 係葵芳廣場3樓逛黎逛去。離遠已經聞到東門町果陣酸辣粉味 忍唔住買黎食！我好中e食麻辣燙 番親大陸1定要食！呢排無時間上大陸 為有頂住癮先！門口好多人等緊 門面眼見都幾乾淨衞生！係個肥牙姐 次次見都係黑口黑面咁～我次次都淨係食麻辣燙 其他小食都無試過叫左雞翼 豬皮 花枝丸 勁辣米線 (外賣)$41(話説我試過外賣2次2次都俾少左雞翼！雞翼都7蚊！1打開無雞翼真係又dry又嬲！)今次我望實佢整 確保佢無俾漏餸！其實次次拎到番屋企或公司 都係無晒湯咁濟1係漏晒 1係索晒 而今次都1樣 索晒～但不得不讚 個味真係好好食見佢整果時落好鬼多醬料同汁調味份量其實唔多 食完都唔太夠飽～花枝丸大大粒 彈牙！幾好食～豬皮索晒d麻辣湯 所以又係好正～雞翼係一般老水雞翼～依家食個車仔面都越黎越貴 $41真心唔抵～

每次到葵芳好多人都食呢間酸辣粉 而我就叫左美式熱狗同肥牛手抓餅 先講美式熱狗 係包實哂條腸 食落去個外皮好似donut 甜甜地 而外皮都幾厚 加上腸又咸咸地個配搭幾好 不過大家千祈唔好加芥辣同茄汁 因為我加左 所以我覺得加左比較奇怪同埋味道唔係咁夾至於肥牛手抓餅 由於即叫即整 所以個餅超香脆 而且肥牛真係好香牛肉味😆 開頭食係好好味 可以唔停口 但由於手抓餅裹面有隻粉 食到後來就好咸同好口渴 但overall 都唔錯

位於葵涌廣場三樓的小食街，價錢人均二三元左右，有最出名的酸辣粉，有很多香口的配料，例如炸得脆的花生碎、葱等，酸辣粉夠辣，頗堅韌彈牙，那裏仲有其他小食賣，例如炸腸仔

東門町, 個名有d似台灣既西門町呀, 而賣既野都有d似台灣夜市既野, 有葱抓餅, 即係叫左個黎食。 個餅咬落有d硬同搵入面係加粉既, 有幾啖係會特別多粉。 另外仲叫左個炸燒賣配椒鹽粉, 粒燒賣炸得唔太硬得黎又有少少脆脆地, 口感好好

今次去東門町唔係食佢酸辣粉，而係試下佢個手抓餅。佢有唔同料俾你加，有芝士、肥牛、粟米等。個手抓餅軟硬度剛好，仲有啲脆，而且芝士融得剛剛好，再加埋佢啲既辣粉簡直正，好好味！

細細個係葵芳補習所以知道葵涌廣場好多好野食係3樓到就有呢間東門町專賣台灣小食今日又專登去食好野買左呢碗酸辣粉 $20以前食嘅時候只係10幾蚊 真係貴左好多不過味道都仲幾好我只係叫左小辣 但都已經食到流哂汗入面有好多配料有莞茜同葱 令碗粉香好多另外有炸菜 為酸辣粉錦上添花仲有花生 炸左好脆好好味啲粉好彈牙 真係幾好味另外有個我去葵芳必食嘅手抓餅 $13不過唔記得左影相我通常叫手抓餅 都會加7蚊加芝士同火腿雖然等候時間長啲不過即叫即整 所以都值嘅個手抓餅好脆好夠熱落左辣粉特別惹味 加埋芝士火腿真係無得頂下次一定會再食

行行下街肚餓了, 就走來這裡試試東門町的炸燒賣, 這家店主要是賣酸辣粉, 基本上人們都是買酸辣粉! 炸燒賣有蜜糖和椒鹽味, 我要了細杯8蚊6粒, 試了蜜糖味! 熱辣辣的燒賣外皮不算炸得很脆, 乾身沾上了蜜糖, 有點像燒烤後那類型,第一次吃炸燒賣是覺得有點特別啦, 但其實算是挺普通的, 可能椒鹽味會比較香口特別吧! 另外他們還有炸墨魚丸, 花枝丸, 手抓餅等! 下次去會試試他們的酸辣粉和椒鹽炸燒賣! 如果他們杯炸燒賣可以要哂蜜糖和椒鹽味就好了, 那就可以試哂2隻味!!

登登~ 我的確唔係食最多人食既酸辣粉同手抓餅，我係食炸燒賣 $12就有10粒，好抵食，即買即炸熱辣辣，每粒都漲卜卜，有得揀蜜糖味/椒鹽味，我就揀左椒鹽，越食越辣辣，辣得好過癮! 我見仲有炸蜜糖腸仔同炸墨魚丸添! 下次一定試埋