松屋 (仁信大廈)

營業中

休息中

見松屋係Openrice 上面西營盤甜品排第一位 成個西環就排第五位就試試佢星期六大約4pm到 唔洗等位入到去見到有兩枱客人 其餘空位枱大部分空枱上面都擺左上手客人食完既杯碟未收入面廚房兩個應該係老闆同老闆娘係度做自己野 整外賣望都無望過我地我地自己去攞menu睇食咩等左5-10分鐘先有人理我地 比左張qr code 我地自己落單甜品都整得比較耐 都明白心太軟/梳乎厘需時製作但原來飲品整得仲耐過甜品就唔係好明啦食物我地叫左佢最熱門兩個甜品日式蕨餅抹茶心太軟伴抹茶雪糕心太軟同雪糕都食到好重抹茶味味蕾俾慢慢嘅抹茶包圍好幸福～不過心太軟入邊就唔係好軟啦 更加唔好話流心北海道牛奶原味疏乎厘平時好少食疏乎厘 所以我都唔識評論佢算好定唔好雖然呢度甜品需要花時間同繁複嘅步驟製作但我覺得以甜品來講就比較普通啦抹茶拿鐵叫咗甜品加嘢飲嘅話有套餐優惠呢杯飲品抹茶嘅味道好濃郁我喺香港飲過好飲嘅抹茶拿鐵寥寥可數呢間的確係好飲 但唔係出色到我會特登慕名而來總括嚟講 呢間小店嘅抹茶甜品的確係唔錯 坐得舒服可以靜靜地同朋友傾計但似乎比網上嘅評論吹大咗如果同朋友唔太肚餓 嚟食個下午茶兼吹水嘅話我建議淨係叫招牌抹茶心太軟

西營盤想食甜品，見到呢一間OpenRice評價好高分，夜晚9:00都好多人食啊！主打日式抹茶嘅甜品，試咗佢哋兩個嘅招牌，推薦心太軟！價錢方面都唔算好貴，都有返咁上下質素。🍴日式蕨餅抹茶心太軟伴抹茶雪糕 $72 (9/10)心太軟焗到啱啱好，蛋糕口感比較濕潤，伬濕嘅海綿蛋糕，有流啦心效果，超級香濃抹茶味，茶味好濃，回甘！雪糕都好濃抹茶味，但比起心太軟甜少少，微微回甘。蕨餅好淋，唔會太黏口，甜甜哋，係抹茶粉有抹茶香，白玉好淋好煙韌，配埋紅豆都幾香，好日式，真心好好食！🍴特製抹茶百匯 $82 (7/10)有蕨餅，寒天．抹茶啫喱，十勝紅豆，白玉．抹茶雪糕。有兩種啫喱，一種係超濃抹茶味回甘，另外一種係比較似涼粉質地嘅啫喱，甜甜地！雪糕都好濃抹茶味，微微回甘。蕨餅好淋，唔會太黏口，甜甜哋，係抹茶粉有抹茶香，白玉好淋好煙韌，好日式嘅大雜燴🤣🤣如果鍾意食煙韌黏口嘅嘢妹好鍾意食呢個，但個人覺得心太軟好食好多！推薦指數: 8/10大大推薦抹茶心太軟，嚟到呢度必食呀！另外一個就正正常常，可能個人唔太鍾意食啫喱涼粉嘅嘢🤣都幾高質好食嘅！

見到呢間松屋網上評價幾高，今日黎開附近就順便黎一試😍鍾意食抹茶既人一定要黎食下！呢度既抹茶甜品真係好出色，用既係丸久小山園抹茶，味道甘香，仲有各式其他唔同既甜品，好似都唔錯～  1️⃣日式蕨餅抹茶心太軟伴抹茶雪糕（$72）個心太軟好正😍一切開，抹茶漿即刻流曬出黎。心太軟焗得外面微脆，抹茶味道甘香，唔會假甜🤤勁鍾意❤️另外抹茶雪糕都好好味，夾埋心太軟一齊食完全係雙重既抹茶享受～仲有抹茶蕨餅，食落幾煙韌，同埋白玉伴上黃豆粉都好好食。  2⃣️北海道牛奶梳乎厘（原味）伴雲尼拿雪糕（$58）梳乎厘都令我好驚喜，空氣感十足🤩好蓬～食落有少少砂糖既沙沙感但係唔會感覺過於甜膩。一食落口係真係一陣入口即溶既空氣感，好好味～配上雲尼拿雪糕好夾👍  

《松屋》抹茶控天堂💚位於西環，一間食抹茶甜品好出名出色嘅小店💚---💚日式蕨餅抹茶心太軟拼雪糕($68)👧🏻💚抹茶控表示很滿足!!!!首先個心太軟超級流心🤩一切開啲抹茶醬湧出來🤩而且抹茶味好濃，連埋雪糕一齊食好正 冰火😈，個嶡餅反而抹茶味就無濃，但做得好煙韌 (都幾大個記得share食) 🤎京都宇治焙茶蛋卷拼白玉十勝紅豆($50)本來想叫抹茶蛋卷😢但我地果日夜晚去太晏賣曬🥲最後叫左個焙茶蛋卷🤎蛋糕有少少乾 ，個cream滑身 食落舒服 而且焙茶味幾出 每啖都食到焙茶呢清香👏---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸服務：🧸🧸---松屋 (仁信大廈) 地址: 西環西營盤第三街142-150號仁信大廈地下F號舖電話: 25122620

綠茶綠茶綠茶！成間都係綠茶做主打，仲有疏乎厘，成間小店都好日式，好值得支持下👆🏻特製抹茶百匯😻鍾意食綠茶嘅你咪走雞！有綠茶蕨餅雪糕白玉，加埋威化餅同小小忌廉，好完滿，綠茶味相當濃郁，又係京都宇治抹茶既味嘅道👆🏻白玉配卷蛋😻呢個朱古力味卷蛋好濃，表面好鬆軟，有啲似戚風蛋糕，忌廉好細滑，配埋白玉好煙韌韌👆🏻疏乎厘😼空氣感滿滿既疏乎厘，仲有個雲呢拿味雪糕👆🏻 冰抹茶😼都係好濃郁嘅綠茶味，夏天飲透心涼...⚠️非進食時記得帶口罩⚠️除左口罩再消毒雙手💸.消費. $203🈵.回頭率. 9.2/ 10

🍵蕨餅抹茶心太軟伴抹茶雪糕 -$68心太軟外皮微脆，切開即流心爆漿😍，伴以抹茶雪糕，冰火交融🧊🔥唯蕨餅雖煙韌，但抹茶味淡。🍵 丸久小山園抹茶卷配白玉十勝紅豆 -$51抹茶餡比卷蛋份量多👏🏻但卷蛋抹茶味偏淡，只帶甜味，而且蛋糕屬濕黏口感，整體比心太軟遜色。

❇️我唔係荷包蛋🌀賣相可愛獨特，自家調製抹茶醬甜甜的，幾好味，但攪匀後，抹茶味就漸漸消失。❇️抹茶心太軟🌀一試難忘❤️超鐘意❇️特製抹茶百匯❇️富士融雪🌀焙茶

𓈒𓏸𓐍全都是以【京都丸久小山園抹茶】為主題的料理這裡絕對是茶控的天堂啊 上次吃過超濃郁抹茶梳乎厘後一直念念不忘這裡的甜品這次再訪試了抹茶蛋捲 不負所望地好濃郁 而且甜度恰到好處 配上軟糯的白玉和十勝紅豆就是這種經典的味道最令人醉心抓緊了黃昏微涼的天氣來一杯【富士融雪】配合焙茶煮過的牛奶 加上白玉 紅豆 還有香香的黃豆粉牛奶自然的甜味 加上焙茶的香氣喝起來溫潤可口【焙茶芝士蛋糕】一放進口裡就吃得到濃濃的焙茶香然後芝士的香氣也出現了 蛋糕的質感微微濕潤 屬於較挺身的質感爸爸負責店面 媽媽負責廚房 香氣四溢小朋友在店內自己乖巧地玩耍是一家溫暖人心的抹茶小店！𓈒𓏸𓐍 𓇢 matcha roll cake with red beans 丸久小山園抹茶卷伴白玉十勝紅豆 55𓇢 set 2： 焙茶盛季冬日特飲 - 富士融雪 + 焙茶芝士蛋糕 92

西環這個小區開滿各式各樣的咖啡店和餐廳更隱藏不少人情味的地道小店周末跟妹妹在天后閒逛後 打算找間咖啡店坐坐突然記起之前ʙᴏᴏᴋᴍᴀʀᴋ過的西環甜品店感覺跟當日拍攝的日式庭園風格很配搭松屋 由一對夫婦一同經營 主打日式甜品和休閑小食餐牌上每款甜品各有特色 糾結了好一會兒才選好꒰•‧̫•ू꒱身為茶控 貪心地點了兩款不同茶味的甜點 暖暖的抹茶心太軟配上抹茶雪糕 享受冰火交融的快感心太軟用上丸久小山園抹茶粉 滿滿的香濃抹茶味道最重要的流心部分也控制得剛剛好 再加上旁邊的白玉 蕨餅 紅豆蓉 配搭經典且豐富值得一讚旁邊蕨餅超香抹茶味 煙煙韌韌的口感 味道絕不讓心太軟給比下去 另一款的焙茶卷也深得我倆歡心外面蛋糕紮實且保有濕潤 中間緊緊卷著濕潤的焙茶忌廉內餡每一啖入口都散發清香的焙茶味臨走前店主一家人在鄰座享用自家晚餐兒子可愛地朗誦他愉快的學習活動爸媽則婆心地勸說快快食飯別囉唆耗時(這大概是每個爸媽都會做的事?! ͡° ͜ʖ ͡°)聽著他們三人你一言我一語的道岀閒話家常 甚是有趣能在地道小店裡食到滋味的甜點之餘又能感受到大型連鎖餐廳缺乏的窩心生活感𓉮尾圖: 天后日式小庭園(天后廟道三號花園 24小時開放)𓇠𖤥

身為一名茶控，對於呢間專食茶味甜品嘅小店已經bookmark左有一段時間，趁住之前去開西營盤，就特登行咗過去幫襯☺️ 呢間小店原來係家庭生意，入到去見到媽媽負責整甜品，爸爸負責招呼客人，仔仔就喺隔離枱玩緊🤣 而且個環境都好似啲日本家庭開嘅小店咁，入到去就已經好有親切感👍🏻一向鍾意焙茶嘅我其實一早已經有心水，入到去就毫不猶豫咁嗌咗件焙茶卷😋 雖然佢係焙茶卷，但個名就夠哂長🤣 仲有白玉同紅豆伴碟。而個焙茶cream嘅茶味夠哂濃，但可以再滑身啲，同埋個蛋糕就咁食會有啲乾，加埋啲cream同埋上面嘅奶蓋就會較好，但整體都唔錯🙌🏻而朋友個心太軟就幾有驚喜，內裡超級流心😋 而且茶味同樣都幾濃，熱熱地嘅流心漿再加上凍冰冰嘅抹茶雪糕，冰火交融真係好正😙 另外啲蕨餅都係抹茶味，而且又大大嚿，呢個combo真係啱晒抹茶控！

聖誕個日入左去赤柱玩❤夜晚係西營盤食完飯大家都好想食甜品於是就搵下附近有咩甜品食喇點知見到呢間佢既綠茶焙茶係hot item!即刻過去試～但位置比較偏少少由於當日去到都9點幾～有好幾款既茶類甜品都賣晒。。。。。我地分別嗌左：日式蕨餅抹茶心太軟伴抹茶雪糕法式焦糖燉蛋配雲呢拿雪糕特製抹茶百匯宇治抹茶疏乎厘日式蕨餅抹茶心太軟伴抹茶雪糕：佢既心太軟綠茶餡非常之好食，唔太甜，偏苦既綠茶口味，而且好濃郁既茶香～蕨餅煙韌好食～抹茶雪糕都係偏大人口味，好正！❤❤❤❤法式焦糖燉蛋配雲呢拿雪糕：焦糖燉蛋非常之嫩滑，而且用左新鮮既雲呢拿籽去整，特別香濃！！加上薄薄既一層焦糖～更加有層次！！特製抹茶百匯無論係白玉蕨餅抹茶啫喱都好煙韌做得好好！紅豆唔算太甜～連埋白玉蕨餅食味道就岩岩好！宇治抹茶疏乎厘自己不嬲都唔太食疏乎厘，所以對呢個冇評價🤣🤣呢間一定係我如果係西營盤既話，一定會黎食既甜品！！！佢既茶類甜品係非常出色而且價錢好平民，cp值超級高！！！

久聞這兒的抹茶甜品是值得遠道而來，果然沒有令人失望。無論蕨餅、心太軟和雪糕也有濃郁的綠茶味。建議由濃味食到非常濃味，先食雪糕，再食蕨餅，最後才食心太軟。伴碟的士多啤利和丸子可當作間場的雪芭，清一清味蕾再重新出發。不過今次之行，最令人驚喜的是：提拉米蘇雖然沒有用上手指餅做餅底，但底層蛋糕浸了冧酒等，效果也非常類近。面層朱古力粉又夠厚，芝士又夠軟滑。千萬不要一邊進食，一邊聊天，不然這麼多的朱古力粉會有漏網之魚，令人嗆到。小店由一對小夫婦經營，兒子也會流連於店內。此情此景，令人回想多年前的老區，很多小店也是此等模樣，各有特色；但大商場進駐後便變得一式一樣了。

作為抹茶控一直都好想嚟呢間甜品店🤤今日終於嚟到～抹茶心太軟唔會苦，都幾好食😀特製抹茶百匯都唔錯，丸子非常煙靭👍🏻而嗰個我唔係荷包蛋，好鐘意佢上面嘅抹茶醬，但係如果攪勻杯嘢飲，個味道就覺得好似淨係飲緊牛奶咁冰抹茶個人認為太甜松屋整體都唔錯 會再幫襯💕

店舖menu大部分都係以抹茶焙茶為主打甜品 鐘意食matcha既話 睇menu真係好難簡得落手 樣樣都想食😋如果麻麻地greentea 當然都有其他非茶味既甜品 例如疏乎厘、Tiramisu等等可以食😆-✨焙茶卷拌白玉十勝紅豆 ($50)賣相幾吸引 中間cream位做得好軟綿好creamy 仲幾香焙茶味 惟蛋糕有少少粗糙👀✨日式蕨餅抹茶心太軟伴雪糕 ($68)推薦🔥🔥🔥心太軟上碟熱辣辣 係上面既雪糕都勁快就溶左 心太軟流心位做得好好 可以爆漿 每一啖都好濃茶香味😋蕨餅味道幾特別 煙煙韌韌又好似食緊啫喱咁👅✨抹茶Latte/焙茶latte (跟甜品 +$25)茶味不太出 奶味較重🙈甜品比較吸引同好味😋

自從發現屋企附近有依間甜品鋪，食過一次後，就帶了不同朋友去食，燒著埋啲朋友。老闆一家都好好友善。抹茶心太軟 M5 set ：必食! 好香好濃嘅抹茶味，剛新鮮出爐嘅熱烘烘的心太軟溶漿配搭冰凍嘅雪糕，凍熱兩感重疊，突顯出抹茶香味，口感也絕佳。旁邊的抹茶蕨餅一樣都好濃抹茶味。次次都係介紹朋友叫依個。焙茶芝士蛋糕：一入口，唔小心“嘩“左一聲，實在太令人驚喜，真係超級好食。係最近先出的期間限定，之前未食過。超濃的焙茶香味，配嫩滑的芝士味，一入口香味溶化，還有焙茶味回甘的後勁，每啖都令味蕾十分滿足!我同朋友都讚口不絕!北海道牛奶梳乎厘：好高身，用黎打卡正。口感好軟好似棉花糖~