松記燒鵝飯店

營業中

休息中

大半年前朋友入伙飯黎過一次，覺得食物都幾好味，燒鵝係出色的！最近得知呢間店話做埋今個月就唔做，即刻相約朋友去食多一次！星期日晚上，由於我地得三個人冇得訂枱，所以早啲去食頭圍時段！六點左右去到，街邊都已經坐咗幾張枱！知道碟頭大，我地叫左3樣嘢、2支啤酒！燒汁脆鱔 - 鱔好大件，口感&味道OK，如果再脆啲會更好，燒汁味道比較濃！配料洋蔥同後面似蝦片嘅嘢好食燒鵝（例牌）- 嗅就冇上次咁香，不過食落口都可以，皮有點唔夠脆，肉質嫩滑！小炒王 - 一碟好有睇頭嘅小炒王！落咗好多料！味道唔錯，偏油嘅一道菜！啤酒三十蚊支，都算抵飲！食物 - 整體良好環境&衛生 - 差(大家去食嘅話令定啲清潔紙巾抹餐具…因為啲碗好似冇洗過一樣..）

叫左兩次燒鵝外賣 次次都係比好肥好肥既肉同埋骨位，我唔知道堂食係咪質素都係咁？店家可否良心啲啊外賣都成100蚊架！我已經中伏兩次，見到評論區都有其他人叫外賣燒鵝中伏，我都唔會再回購啦！幫到一個係一個！松記燒鵝你真係對唔住個招牌

半隻燒鵝，真係好正！外皮金黃酥脆，咬落去有種滿足感，肉質又嫩滑，汁多得嚟仲有香味，真係令人食到停唔到口。再加上例牌燒肉，肥瘦適中，咬下去有種豐富的口感，配上特製醬汁，簡直係絕配！兩款燒味加埋一齊送飯一流。

頂丫~ 一唔落雨咩 就暴曬🥵放工 熱到虛脫！我呢個家庭煮夫、搞唔掂 要請一晚假！(其實每月一號係出糧日、純純借d意做一晚懶豬🫣)社恐的我好怕呆等~ 打個電話 落定單先：好彩用啱策略、落到菜館都唔洗點等、我呢幾盒餸 已經包緊出嚟. 目測同場都包緊幾多外賣單. 呢口價食呢d 受歡迎約20分鐘後到家 開飯、餸菜仍夠熱 呢個要讚. 西芹鮮鱿高質. 有堂食質素 牆裂推薦泰醬骨. 調味有新鮮感 係偷飯賊😋加幾片thai basil葉就🤩炸鹽酥雞四季豆. 用氣炸窩reheat幾分鐘又OK牛柳粒. 有乾香、嚼感/味道正常餐牌$78：5️⃣6️⃣7️⃣$108：3️⃣

好多網友都推介呢間地道飯店！諗住買D野返屋企送酒，5:45 已經坐左好多人了～！等左3個字左右就拎得，都算好快手，而松記位置都幾方便，所以間中都黎幫襯！ 🌟 燒鵝外皮脆脆地，肉質有彈性亦夠淋，多汁，好夠鵝油香！肥瘦適中，佢Ｄ燒鵝真係好好食，個人認為都拍得住天鴻！🌟 蒜香椒鹽骨炸得好酥脆，夠淋又惹味～🌟 沙薑雞腳亦係好入味又夠哂淋，好香沙薑味！上面三個餸都好岩送酒！冬天我要返黎食羊腩煲🤣🏠店名：松記燒鵝飯店 🚘地址：元朗鳳翔路1號偉發大廈地下19號舖

好少真係會評到咁差但sorry ，唔信你真係去試吓⋯⋯ 馳名燒鵝一般般啦，肉質都有啲柴，醃得有啲重味，食唔到鵝香。椒鹽鮮魷其實好難會唔好食，但係呢度完全無味，然後埋單同啲阿姐講，個阿姐話唔啱你口味啫，不嬲都係咁做，係無味架~要自己點喼汁，咁我使鬼食椒鹽鮮魷嘅椒鹽啊？咕嚕肉又係，大排檔食咕嚕肉竟然係大失所望，你睇佢嘅色水都知麻麻，豬扒有雪氣味，甜酸醬仲衰過買現成嘅醬撈落去咁，完全唔知個廚房做咩，完全冇鑊氣，衰過$28，2餸飯嗰啲，係真心劣！個菜就正正常常好普通，自己喺屋企都煮到既味，可能仲好味啲，但係唔難食既。呢個泰式鳳爪簡直係呃錢之餘又浪費quota，完全唔太識，得個死鹹，係美極加胡椒嘅味，就叫泰式，係咪傻咗？啲青瓜醃到過晒龍！今餐飯係完全浪費金錢同quota

假期大西北大遊玩最後一站就係呢間小菜館，為嘅就係佢嘅燒鵝。如果訂位時訂埋，聽講師傅會預返時間燒，等你黎到就差唔多燒好，所以會好食啲。呢隻燒鵝燒得好香，外皮微脆，肉質有彈性而且都夠林，鵝肉有一陣外來嘅香味，微微嘅散發著，上枱時熱辣辣。粟米魚肚羹好多魚肚好足料，不過輕輕鹹咗少少。脆炸牛筋腩味道唔錯，口感都幾好，特別係牛筋嗰個位。椒鹽鮮魷都整得幾好食，炸漿夠薄，魷魚嘅肉質都唔錯。最後當然要食返碟菜啦，都幾新鮮。

松記位置方便， 🅿️ 隔離有好多錶位車位 (不過一般7-8pm 都滿，要等下）5餸 + 2白飯 + 啤酒 🍻💰人均消費 ～$180/人▪️例牌燒鵝 ⭐️5/5今次叫例牌都可以有燒鵝髀🤩正呀！▪️咕嚕肉 ⭐️4/5啖啖肉😋個汁幾好味▪️椒鹽九肚魚 ⭐️ 4/5炸得香口 👍🏻▪️啫啫通菜 ⭐️3/5份量足夠，炒得咸左𝗗▪️豉油王炒麵 ⭐️ 3/5大大碟炒面！ 但今次呢碟真係太咸，平時外賣買都冇咁咸🧐價錢合理，份量大碟！環境氣氛好，員工friendly 💕 不過每款菜式都偏咸，下次試下可否 request 少鹽先

天寒地凍為左食羊腩煲即刻上［食在元朗］爬文好多網友推介松記羊腩煲兩公婆即刻去試下果然唔錯唔錯細煲$318，包一籃生菜羊腩肉好足料，粗略計算都有20-30件味道好濃郁，啖啖肉之餘仲有好多腐竹索晒d羊腩汁，好正食完暖笠笠🥰💸平均每位消費$180#元朗 #羊腩煲 #兩公婆 #松記 #yeunlong #foods #lamb #yummy #食在元朗 #foodie #foodstagram #foodblogger #foodstagram #foodlover #hkig #hkfoodie #hkfoodblog#foodiehk #foodphotography #吃貨 #食評 #yummyfood #enjoylife #photooftheday #吃貨日常 #晚餐 #dinner

🥢松記燒鵝半隻點了最馳名燒鵝，但係失望，皮唔脆，肉質亦都唔嫩滑有D韌🥢黃金蝦碌🦐用鹹蛋黃炒蝦碌，非常之惹味，蝦肉爽彈👍🏻🥢海鮮小炒王有海鮮碎加腰果同埋韭菜花炒得有鑊氣都唔錯👍🏻🥢琵琶豆腐琵琶豆腐唔滑，個芡汁仲厚過漿糊👎🏻🥢西蘭花炒鮮魷🦑正常水準，鮮魷𠝹咗花，炒得個唔老，不過西蘭花淥完先炒就有點黃🥢豉椒炒蜆有七成都係吉殼而且有沙👎🏻我地6:30pm 入座，餸菜上得好快，但全部都略咸，漿糊芡汁。未夠八點就話今晚多人，叫我哋埋單。現場環境非常嘈吵，枱貼枱非常迫夾，而且枱底堆滿一箱又一箱飲品，頂唔腳，坐得唔舒服。只此一次。💰是日晚餐，均消費$200💰

年初七去食午餐，問佢有冇燒鵝食，話有，叫左半隻，泥到之後d皮黑色，啲肉好乾，甩皮甩骨。同老闆反映咗之後，除咗「唔好意思」之外冇其他表示。雖然係燒鵝飯店，建議大家唔好午市去食燒鵝，除非你想食尋晚食淨嗰隻。

今次兜兜轉轉，最終揾到間攤檔式嘅食店，色彩斑斕嘅牆身好吸引人哋！一入座就覺得環境樸實無華，好有街坊feel㗎。🤤先點咗燒鵝，皮啱啱嘅脆，肉質鮮嫩，啖啖肉咬落去香滑得滯，滿口鵝香，但就稍微鹹咗啲。個蜜桃骨甜中帶點酸香，外皮脆卜卜，啖啖肉汁，正！🍑💥炒鵝腸真係出奇，嚼勁十足，嗌呢啖真係過癮。楊州炒飯荸薺粒粒分明，雖然平平無奇，但都算得上係家常好菜。椒鹽白飯魚跟椒鹽魷魚就真係勁，脆皮酥脆、裡面魚肉鮮美無咸魚腥味，我一個勁重串冚唆！😍羊腩煲米食，但見啲哋頭埋埋，樣樣讚好呀，枝竹同蓮藕都吸晒呀啲香濃醬汁，一定不得了！總括黎講，喺呢度食飯，就算唔係高級餐廳，但呢啲地道街坊味道真係無得輸，啱哂追求味道、唔計較排場地方嘅食友！下次仲想再試吓佢哋嘅椒鹽系列同煲仔菜，真係令人思思啲！👍🏼

今日冇同同事一齊食晏，自己行吓行吓，去咗一間隱世燒味舖。舖面唔係大，除咗燒味仲有碟頭飯，款式都多元化。我叫咗碟叉燒飯，肥廋適中，味道少少偏甜，容易入口，應該係用靚嘅梅頭肉做。下次一定要去試吓招牌燒鵝。

星期日1745左右到店已經6成入座率。沒有預先訂位。被安排坐露天，衛生環境比較惡劣，比較近垃圾桶。 薯仔牛肉粒 薯仔超級好食，走過油外脆內軟，牛肉有啲奇怪似過多鬆肉粉。 椒盐鱿鱼 送酒一流火候十足，光身唔油，味道不錯。 松記燒鹅 呢啲例牌$158，份量十足味道不錯，就略咸一點，下次會走燒鵝汁。其他菜式就正常發揮，加多四支大啤，人均消費$220，開心滿足。

前兩晚我哋一行8人到雞地XX燒鵝飯店食晚飯，燒鵝同小菜一向都覺得一般般，當晚嘅燒鵝仲比平時差添。重點係飲咗個話係粉葛湯嘅湯， 冇粉葛味只有少許蓮藕味，一睇碟湯渣， 少量粉葛切到細細粒， 兩舊蓮藕，冇肉全部係豬內臟(豬粉腸，豬心，豬橫脷)同豬頭骨， 所以煲湯唔夠肉好淡味，茶餐廳送嘅例湯仲好飲過佢。 開豬肉檔嘅人都話呢啲豬內臟下欄嘢依家好少人買， 都係賣幾蚊一副， 有時仲會送埋畀客人， 啲豬頭骨都好平價錢交畀餐廳， 所以呢煲湯料好平唔值咩錢， 但佢竟然收8舊水囉， 酒樓都唔會畀呢啲料收呢個價啦， 環境衛生同服務都差，我哋以後都唔會再去， 絕冇下次😤😤😤