松記糖水店

營業中

休息中

今日阿妹係佐敦附近補完習，嘈住話要食芋圓，就帶左佢去最近既松記食；我同佢點左一個蕃薯芋圓，芋圓又有好食wor，煙煙un un，蕃薯份量充足，有四五舊而且幾大舊下，不過成碗食落我略嫌唔夠甜，都算合格啦  

同啊媽食完澳牛嘅三文治同埋燉奶未夠飽就嚟食糖水～叫左碗幻彩明珠，有涼粉，水果，有西瓜，芒果等等，食完啊媽未夠喉叫多碗哈囉，都有雜果，不過有啲丸子感覺更好味😋食到好飽

炎熱的夏天，特別呢種天氣，總是滿頭大汗、汗流浹背，熱得令人十分難受。轉眼間，見到呢間野，不用多想，立即去食，然後一口咬下去，真是冰涼透心啊！雖然好吃，但是吃太多容易發胖，因為甜度太高了，而且市面上販賣的許多冰淇淋都添加了許多香精或色素，想想還是不要太常吃才好，避免有礙成長以及損害健康。

收銀個阿婆好無禮貌，找錢掟落個找錢兜畀客人！店面明明寫住外賣九折，佢唔講，你問佢佢大大聲話：「折咗啦！」睇返單根本無折到！幾蚊雞無謂返轉頭追究但都要將呢間店公諸於世！

平民甜品鋪，價錢公道，味道不俗每一次去試甜品舖一定會試一試既有難度又考心思嘅心太軟配埋雪糕🍦冰火交融🔥最抵讚嘅地方係出邊食心太軟平均價錢都要$50左右，但呢間由細細個食到大嘅甜品舖，仲維持到30幾蚊食到，難怪仲係好多中小學生捧場支持做心太軟最緊要外皮脆，裏面要有流心熱辣辣嘅朱古力醬，佢都完全滿足得到。另外要讚嘅地方係，一般心太軟製作時間15分鐘左右，但係呢間5分鐘就有得食！ 配埋雪糕就唔會太膩，正正可以中和返。雪糕仲有多個口味嘅選擇配合唔同人嘅需求

這家是經常去一家糖水店他們的糖水真的好吃又不貴上次叫了一個喳喳糖水，紅豆湯圓，合桃糊喳喳的料真的好足，而且味道好吃紅豆湯圓就略差了一點比較稀，如果紅豆再多一點就好了合桃糊也不錯，又不會太甜基本上這一家還是不錯吃的

今日叫咗幾碗糖水外賣：雪耳津梨燉海椰、鮮雜果黑珍珠、雪耳木瓜、椰汁渣渣芋圓同哈蜜瓜芋圓仙草凍 糖水雖然望落細細碗，但係非常之足料！份量絕不欺場呢 椰汁渣渣好多豆😂 芋圓好有咬口好彈牙好好味 鮮雜果黑珍珠同哈蜜瓜芋圓仙草凍係必食～ 黑珍珠記得打奶呀！仙草凍好多材料，有仙草、珍珠、芋圓、紅豆同哈蜜瓜 簡直係大滿足呢～

今日去咗食鮮雜果鴛鴦涼粉，另外加8元，有得配一個朱古力雪糕球嗰啲西瓜同埋哈密瓜，因為佢加咗啲椰奶落去，所以都幾香甜另外嗰個鴛鴦涼粉，有黑色嗰隻，同埋白色透明嗰隻，都幾爽滑價錢48元

尋晚叫咗一個鮮奶燉花膠， 張相好靚畀佢吸引咗， 點知叫咗嚟 成個感覺似花奶芋圓湯， 我馬上同店員講，你係咪嚟錯， 佢話冇錯， 佢話 鮮奶燉花膠入面係有 芋圓嘅， 但我自己一直以為係燉奶應該係硬嘅， 好似普通燉鮮奶咁 ，點知變咗 熱奶， 感覺好差，即刻問店員可唔可以換， 佢冇表示話 要換畀我，淨係話你唔鍾意食咪拿開啲芋圓囉， 直頭覺得畀人呃， 但係冇辦法， 熱鮮奶入面真係 好似有兩條勁細條花膠， 好似條腳毛咁細條， 不過啲鮮奶有好明顯花奶味， 直頭好似俾人 撳住搶，好唔開心

呢排嘅天氣又乾又熱，搞到有啲頭痛、體內仲好滾咁😑 雖然我唔知咁樣啱唔啱，但係我真係覺得需要食啲嘢清涼下自己😅 飲 #苦茶 盡量可免則免👉🏻👈🏻 有人叫我不如試吓食 #綠豆沙，佢哋話一樣有清熱解毒嘅作用。好啦... 就當去食個甜品都無壞啫😋 咁啱附近有間 #松記糖水店，我哋就入去take個break抖一抖😄$19一碗 #綠豆沙，單以成本價嚟睇真係賺到笑，不過口味都唔錯，唔會太甜、係細碗咗少少啦😅 又估唔到晏晝四五點嘅時間都幾好生意，七成座位都坐滿🤩 不過啲伙記就騎呢啲，冇嘢做嘅時候個個都望住部手機😅 而且今時今日都仲要啲客比現金，#八達通、#支付寶... 乜都冇🤪 對 #小秘書 嚟講，真係唔多方便囉😌

中式糖水黎計，我個人都幾鐘意食既，湯圓都係其中一樣飛佛，加埋係香港一向大熱既芋圓。所以今次叫左個六色湯圓加竽圓 外賣 $29。湯圓有成6種味，但坦白講，我真係唔係粒粒都分到乜味打乜味，反正個味道係幾好既，唔錯，皮都唔會話太厚，好似食粉多過食湯圓咁。芋圓黎計，正常野啦，因為一般港式糖水鋪賣既芋圓，都唔會話好高質家啦，始終唔係佢地既主打食物，但今日呢個都ok 既。個湯就係疆味糖水，疆味都夠，唔錯。都係一個中式糖水既選擇黎既。

同友人係佐敦食完晚飯，去食甜品是常識吧!!哈哈我地一行三人，等左唔洗5分鐘就有得入糖水款式多到眼花撩亂，有選擇困難症的真係有排諗啦，款款都好吸引,都想試我地最後點左3樣楊枝甘露友人點的楊枝甘露，西柚同柚子都非常爽口多汁，但就略帶少少苦澀味，不過都唔影響，而且芒果好甜好香凍芝麻糊 (2粒湯圓)我點的芝麻糊好香，係個口入面圍繞阻好耐，一啖接住一啖，食唔停口，眨下眼就食晒熱合桃糊(2粒湯圓)另一友人的合桃糊，食完暖粒粒，質地濃稠超香滑，甜度岩岩好總結嚟講都覺得非常唔錯！

佐敦晚飯後選擇飯後甜品去松記當真是久違了，我想也有好幾年想當年剛畢業時的那段日子，跟朋友晚餐過後鐵定會去松記食糖水，當時常去長沙灣的總店反正每當去附近晚餐後續一定是松記，石硤尾也照樣走過去很是懷念年輕時的那段時光以前呢，必點是幻彩明珠走涼粉，因為不吃涼粉的關係，然後每次都被朋友吐槽為怪癖，哈哈今天想吃點熱的，點了馬蹄露芋圓最愛這種簡單的東西，芋圓也好好吃而且這麼多年過去還是$25，量也很對得起這個價格朋友點了合桃露，補一補腦，哈哈

已經好耐冇食過松記糖水價錢冇乜點貴 20蚊多啲啲就有一兜綠茶雪糕窩夫 綠茶雪糕好香抹茶味 窩夫整到有啲林 不過還好撈埋雪糕食都幾好食牛奶綿綿冰 幾滑 又夠凍好香牛奶味 可惜唔記得走朱古力醬 曲奇抹茶雪糕summer 入面啲珍珠 好好食夠煙韌 兩個雪糕都中規中矩解暑一流

2019年6月21日 又係幾個朋友夾到時間， 夜一夜都要一齊去食糖水， 傾下笑下又一晚。 今晚在佐敦搵到一間食糖水的， 都好多人排隊， 初時以為係等緊位， 原來係等緊外賣， 好好彩咁我地唔使等就有位入座。 我們3個人點了4樣甜品： 雜果鴛鴦涼粉 芝麻糊豆腐花加湯丸 A5雪曲哈囉 擂沙湯丸 雜果鴛鴦涼粉 很多生果， 份量十足， 鮮果上面再淋上香甜的芒果醬 ， 兩樣涼粉都好爽但又有唔同口感， 一款很消暑的甜品。 芝麻糊豆腐花加湯丸 豆腐花好滑， 豆味亦都好重， 即使配搭上更加口味香濃的芝麻糊也更加相得益彰。 A5雪曲哈囉 口感和味道非常複雜的一款甜品， 基本上是甜品的大雜燴， 想試多款甜品口味的人可以試一試這個， 應有盡有。 擂沙湯丸 很有特色， 很好玩好食的一款甜品。 我們需要自己用叉子將熱燙的湯圓翻過去， 在炒過的砂糖之中滾來滾去， 食落唔會太甜但奐有兩種口感 ， 外面是砂糖的刺刺脆脆， 內裡是湯圓的軟糯， 非常不錯。 3個人叫左4樣甜品食， 性價比尚可。