松記糖水店

營業中

休息中

係旺角花園街［淳味韓日］食完個出咗事嘅晚餐，就行咗去佢前幾間舖嘅［松記糖水］食甜品，店舖裝修一般，坐嘅位置比迫狹窄，我哋點咗杏仁蛋白茶，甜度適中，熱杏仁味好濃，絕對唔會食到一口粉，真係又香又滑，熱白果腐竹蛋糖水，豆味濃郁，真材實料，芒果椰汁西米露，椰汁味重，西米露水同西米比例，稀傑啱啱好，雖然甚果係酸咗少少，整體都好味道嘅，不愧係香港出名嘅老店，咁多年都可以Keep得住品質，值得一:，會繼續支持，加:

松記糖水店，位於太子太子道西150-152號太子商業大廈地下B4號舖。 ▪️雜果鴛鴦涼粉$45 ～ 生果唔夠甜， 味道普通。 ▪️榴槤黑紫米$45 ～ 榴槤雪到好硬， 仲要空心的， 黑紫米完全沒有甜味。 整體味道真是非常一般， 上次到深水埗總店的質素好好多， 這邊甜品的價錢更比總店貴， 味道亦差太遠了， 下次不會再來🥲。 🏷️溫馨提示～ 整個用餐體驗均屬個人分享意見， 只作參考😊。     松記糖水店    地址: 太子太子道西150-152號太子商業大廈地下B4號舖

松記糖水真係由細陪到我大，起碼食咗十年，以前小學放學就會同一大班friend一齊去。到中學放學又會同一班friend夜晚打完波去食宵夜。記得最多friend食既係Summer . 因為佢哋話Summer就係包羅萬有，有芒果有雪糕有西米露有水果有朱古力脆脆等等。 朋友話芒果好酸， 西米露同埋雪糕都不過不失。而我就試咗佢個紅豆沙芋圓，芋圓都幾彈牙。 普普通通，價錢唔貴可以去打發下時間。真係食個回憶。希望可以出多啲新嘅口味啦

summer42蚊難食，42蚊楊枝甘露，更難食，一碗西米加幾粒芒果柚子，完全吾凍又無味，衹食咗一啖， 態度又差🙄，之前食開深水埗10幾年了，一直吾錯，點知差咁遠

上次食蓮子雞蛋芋圓糖水， $56，已經覺得性價比非常低，今次呢個榴連冰涼粉，嚟到見到一舊咁嘅嘢， 咁核突夠膽收$44 ，究竟有冇良心？唔會再有下次，佢啲糖水又貴又難食！

好耐無食過咁難食既糖水！紫米露-好稀，糖水浸紫米，完全冇味合桃露-難食，完全冇味松記印象中係好食！今次超級失望！一心諗住飯後甜品，好期待，點知貼錢買難受！情願唔食！食物質素搞到咁，同浪費食物冇分別！

今日坐低諗住太耐冇食松記就幫襯、叫咗一個榴槤雪山、同照片極大出入 只有大量西米露一舊榴槤雪糕 之後就冇其他配料！椰汁只有兩滴服務員極度差。咁就要$43！ 食松記，真係浪費金錢！

十分推薦減肥人士食, 如果你on diet又想搵糖水鋪過下口癮既, 呢間太子松記就岩晒你, 保證你試兩啖就收手。個豆腐花老過我年邁既老母親，真係同你出面食過既都唔同， 再加埋太子松記秘製無味白汁（偽椰汁），1+1真係大過2 豆味好濃因為無任何其他既味， 強烈建議大家留芒果最後先食因為我地食咗芒果先 跟住對住呢碗充滿豆味同歲月味既豆腐花完全無從入手。 所以我同朋友突破極限食咗超過4啖， 歡迎各位挑戰我地紀錄。自己睇相。

其實我好少打食評會比👎😓因為我覺得經營一盤生意，唔係一件容易嘅事有陣時做人真係唔使去到咁盡，即使唔好食，可以嘗試吓婉轉啲比個👌🏻對唔住，我真係忍唔住始終都係要👎講真，做咗幾十年人 從來未食過一間咁難食嘅糖水！松記，係我10幾歲嘅時候有食過，印象中係好好食！依家分店越來越多 質素變到好參差 如果唔係咁啱喺對面食完飯，貪近近地，我情願去後面嗰間試吓好過！我哋一行四人叫咗 芒果西米露榴槤雪山椰皇荔枝雜果綿綿冰芒果西米露最正常..,不過色衰一啲都唔吸引榴槤雪山，食咗一啖，我已經唔想食落去唔知自己食緊啲乜嘢 🤮佢本身係有個西米露底，少少甜 完全冇香味，即使佢本身係有舊榴槤雪糕 都挽救唔到，懷疑人生椰皇 淡而無味 $6x ..就好似熱水加咗一啲糖 一啲椰香味都冇綿綿冰 口感唔夠呀，好似食緊刨冰咁😒其實 二百幾蚊四個甜品，真係有好多選擇不過唔試過都真係唔知會難食到咁樣 可一不可再，如果想知道係咪真係難食到咁樣？ 歡迎去幫襯吓。🤮

2022.9.15 星期四 7:30pm在附近晚餐後，貪方便來這裡吃甜品。環境衛生還可以，背景音樂是90年代國語歌。••••••••••••••••••••| 芒果水晶涼粉 | $40🥭店員問要不要加奶，我們最後有加。有幾片芒果，水晶涼粉佔了大半碗，芒果汁很少。芒果味道少少甜，不是很香甜那種。水晶涼粉大大粒，都算爽彈清甜，不過真的很多，都好在有加花奶，沒有奶味的話，味道就很淡。| 榴槤雪糕配榴槤班戟 | $59🍧榴槤雪糕夠凍，有榴槤香但不算太濃味。班戟皮一般厚度，內裡的忌廉和榴槤肉分量平衡，口感尚算香滑，都吃到一絲絲榴槤肉。••••••••••••••••••••以性價比來說是比較一般，價錢稍為進取，還可以接受，味道不算太特別，正正常常。

6月30日吃完晚飯，姨甥女想吃綿綿冰我就記得松記有，一行四人過嚟食點知超超差🤮🤮由我中學年代已經喺長沙灣嗰間幫襯開最少食咗二十幾年，咁多年佢喺我嘅眼中係正常價錢嘅糖水舖唔係標榜行精緻貴價，選擇多men 易睇，至少咁多年冇爛嘅生果食完都冇伏感，但今次食完再睇埋其他嘅評原來佢都差咗好耐，真係以後都唔使去和身邊朋友都可以講聲。咁我知道太子呢間係畀長沙灣嘅貴嘅，因為太子呢間我都食過好幾次，印像中對上一次都應該有大半年前，太子糖水舖唔算多但好幾間都正常，所以每晚飯完要食糖水都唔會特登過去食佢，今次為咗食綿綿冰三個大人就陪住去。。。講返嘢食～看圖一(冇標價錢)。家人點了C33(芋圓海底椰西米湯圓)可惜我淨係影咗自己食嘅相片，同綿綿冰的相片，因為冇諗過差成咁真係冇諗過寫食評，單據又唔記得影。呢一版C子頭成板冇標價，諗住松記貴得去邊丫四十蚊碗都預咗，點知單嚟到睇到53元其實價錢都算但最緊要真係難食到頂點。前後叫咗四樣嘢食1.(芋圓海底椰西米湯圓53元) 2.(雙色什果綿綿冰59元) 3.(海底椰子米露35元) 4.(紫薯芋圓仙草凍39元)1.西米露超稀.冇椰汁味係一個超稀嘅奶水.冇味嘅.湯圓

世界第一難食糖水舖 未試過食甜水係難食到想嘔 一碗芒果西米露收$39係奶水底定唔知淨係糖水既底然後 成碗野勁甜 淨係得糖味 公平啲佢有比芒果汁底 個份量係一茶匙 真係多謝哂 芒果酸到放入口要即刻吐出黎另外個楊枝甘露都係$39個糖水底都係同樣問題 然後芒果係碎上 碎到放入口係唔存在咁最岩既野係呢碗野有放到西柚落去 呢兩碗野 收$9都受之有愧 比返錢我食哂半碗都食唔到 一心想食一碗正常既糖水都食唔到 係社交平台分享完 發現好多朋友都話中過伏 好啦寫夠200字 可以比整體評分既劣評你 最後想講大家想試劣食糖水可到呢間松記試下 其他分店我唔知但我覺得好差好差 好嬲好嬲

放假去下staycation，食完晚飯搵下糖水食，開個外賣APP睇下見到附近得松記，記得好多年前食過，都係滿記果啲咁上下質素掛，心諗開得咁多分店都應該無死啦，點知中X哂伏。揀糖水果陣已經覺得九唔搭八，佢加啲配料基本上都係亂咁黎，我叫個芒果豆腐花佢夠膽死問我加唔加兩粒芝麻湯圓，我見佢既然都係亂黎，咁我唯有順佢意加份‘爆珠’黎試下咩料。糖水送到黎一打開都心知不妙，無加到爆珠都唔在講，個豆腐花得三舊芒果，仲要無汁既，咁唔通你係落黃糖？一食落口，啲粗口出哂黎，基本上碗野同將一個石膏像加水撈勻無分別，無味之餘仲要臭既，我寧願你學某啲舖頭咁偷雞用百福豆腐花算喇。再試舊芒果，嘩！你舊芒果醃過嫁？酸到好似味覺糖咁，我都知呢期芒果唔當造，但都唔係咁囉。豆腐花都算好基本野啦，都仲要難食到咁，我想像唔到其他野食係咩一回事。呢間野到今時今日都未執我真係好佩服，睇緊食評既你，不如幫幫大眾送佢一程啦，等佢唔好再害人喇。

有啲唔夠喉，食完西班牙野即刻去隔離食甜品，求其入左呢間光猛嘅松記糖水店。甜品有經典系列，傳統系列，創意系列，冰凉綿綿冰，果皇系列，小丸子系列，甜品DIY，豆腐花，仙草凍，湯圓，黑珍珠，西米露，琉璃，明珠，飲品，小食等。真係花多眼亂。梛皇飄香 $65梛皇飄香即係梛皇鮮奶燉海底梛，係季節限定，可揀熱或凍，我哋揀左熱。梛皇飄香上枱好似好高身，其實最底隻碗係空嘅。材料有湯圓兩粒，三色芋圓6粒，兩片海底梛，同好多西米。湯圓有芝麻，花生，同奶黃。我揀左芝麻。湯圓中型，正常質素，有少少流心，不過說好嘅兩粒變左一粒，原先以爲見到係湯圓點知原來係海底梛，追問完先後上。芋圓簡直係失敗之作，超粉易散開又冇味，暫時係我食過最差嘅芋圓，仲要份量超多。燉奶甜度適中，梛皇質素都正常。鮮奶燉花膠 $60鮮奶燉花膠嘅甜度就低啲。有花膠仔一大塊，不過好麻麻，明顯食到水水哋，係白水焯完先加落去。從未食過咁難食嘅芋圓有5粒，救命。點解要加芋圓？都唔夾！芝麻糊加兩粒花生湯圓加原粒紅豆加極品榴槤雪糕 $65最後加多個DIY糖水就飽到上心口。叫左芝麻糊做底，+$10要兩粒花生湯圓，+$8要原粒紅豆，+$18要一球極品榴槤雪糕。極品

今日喺花墟🌻🌼🌺買嘢, 亞仔話要食糖水,諗起松記, 亞仔仲即刻話要食幻彩明珠, 打算揸車落長沙灣總店, 竟然路過見到太子原來都有一間, 咁緊係近近地喺度買啦點知咁就奶嘢, 太子店啲水果小之餘仲唔太新鮮, 連啲大珍珠都淋pat pat, 完全唔彈, 都唔知食緊啲咩🥺下次都係唔好貪近去番總店好啲