板長壽司 (已結業)

我哋至愛嘅北角板長做到今個月22號就結束喇。之後喺北角都唔知去邊度食日本嘢好啦。佢哋不時會有飛機貨今日有嘅係深海池魚，本來想叫埋秋刀魚不過賣曬。條深海池魚刺身好新鮮，擺盆好靚。食完魚之後我哋再叫多板北海道海膽，好甜一啲臭味都冇。三百蚊1板,好抵好抵好抵！！！跟住叫埋嗰日新番日本嚟嘅鯛魚三件同其他sushi。最後係必叫嘅枝豆， 飽飽。呢間嘢唔做真係好可惜。d staff 服務又好,啲嘢又好食。。以後想食就要去銅鑼灣或者康怡喇.

好耐冇食過壽司了🍣所以都係心思思😆去咗食日本野咁啱出咗去北角就近近地去咗板長到食要用電話2維碼落單好耐冇食過吞拿魚寿司個餐折咗之後都要$100到中間嗰舊望落去好正第一次飲到麵豉湯係落冬瓜個湯都幾好飲淡淡地 唔會太咸朋友叫咗個迷你鰻魚飯配壽司叫咗個醬油漬火灸三文魚壽司認真覺得抵食$14有兩件質素又好味道又好隔離嗰個就黑松露火炙壽司有我最鍾意食嘅三文魚子軍艦粒粒都好晶瑩剔透好味朋友再追加廣島蠔軍艦我就最鍾意食就係蔥立吞拿魚軍艦鍾意食嘅朋友就會明白有幾好食溫泉蛋黑豚忌廉芝士沙律好大碗都幾抵食 芝士量多 黑豚肉都幾嫩～味道又幾好沙律菜都幾新鮮最驚喜係個牙籤佢都插得好靚搞到我都唔好意思要拎一支出嚟

約咗朋友仔去食飯因為要落北角做嘢嘅關係所以臨時直接去咗北角度食飯雖然因為疫情關係為食嘅我都係想食日本野原本諗住食元氣但係朋友就唔係咁想所以就轉左去板長食寿司啦探員熱之後呢員工仲俾咗個口罩紙套我地放口罩其實都幾細心嘅有三文魚子軍艦同埋一系列嘅火灸三文魚壽司賣相都幾好不過覺得好似份量比較少啲朋友話因為你嗰個係吞拿魚所以份量就少啲仲有折折咗90幾蚊認真覺得火灸三文魚壽司真係幾好食我地都叫咗幾款食三文魚子都係我最愛軍艦都係我最鍾意嘅朋友就叫咗個迷你鰻魚丼價錢都抵食 幾大份叫咗個黑豚忌廉芝士沙律不過食唔晒最後外賣打包超滿足地離去

板長壽司應該都唔使多講，相信好多人都已經食過，點解今日會諗起佢食，絕對係因為門口睇到會員八折午餐優惠，本身係啲午餐都係OK抵嘅，有60幾蚊到百幾蚊都有，有前菜有壽司有烏冬或者丼，都算多嘢揀。所以見到佢話八折都俾佢吸引咗，今次叫咗個牛肉烏冬，平時好少喺度食烏冬，佢嘅烏冬係乾烏冬類型所以所以係比較扁身同埋唔係好滑，我個人就唔係太鍾意食呢種烏冬，個湯都略為有少少鹹。但份量就一定足夠，好多時都係眼闊肚窄，望個餐牌感覺好似唔係好多，又叫了幾件壽司食到最後非常之飽，所以正常要一個餐真係好夠

又到星期三， 又掛住北角板長d 油甘魚。坐係卡位，啜一啖綠茶，番左成日工， 俾啊叔我hea下 and 用新電話幫碟油甘bb影番張相先， 油光閃令令靚到ar~食晒4 種口味， 柚子， 黑松露， 原味 and黑松露油， 嗚哇~~好圓滿跟住叫左季節限定的安康魚肝配酸汁。 魚肝味道似鑵頭tuna魚。 質地都綿滑。 再叫下其他sushi, 就係我每個禮拜三的晚餐， 亦係每個禮拜中可以chill下嘅時光。。。。捱多兩日就星期五la. 願榮光歸香港。

我最愛嘅秋刀魚只有秋天可以食所以一去到秋天就不停食壽司一見到有秋刀魚我就即刻撲過去食第一次個感覺完全係好差成條嘢都苦苦地咁樣我仲要叫咗兩條呢個師父肯定唔識 整呢條魚但係我好蠢咁唔識退返去但係我都冇放棄返去食咗兩三次好彩冇呢樣情形再發生過其他嗰幾次都砌得好靚你睇下呢間嘢我最鍾意係佢有700 ml嘅sake同埋佢間唔中有啲特別魚食下好似bb 油甘魚咁樣係薄切serve加埋黑松露芝味無窮其實我最鍾意係安康魚乾再加埋sake真係齒頰留香我覺得啲service非常好喎可能我係熟客認得我掛

一家三口排隊入座，取飛B7，3-4人位。到我時，同時有幾枱客離座，其中一張係卡位。我同經理講想要卡位，經理話已留座。轉頭同一個經理將個卡位俾咗後面的B8飛，同是一家三口！既然呢度咁大細超，洗乜取飛入座，直頭益晒自己人入去咪得囉？好唔公道！

之前lunch時段去左食，唔洗等位就有得入，坐低先發現原來佢d午市套餐都係偏貴，我就叫左個鯖魚定食$58，佢嘅份量都算多，幾飽肚，而食物都算熱。但係因為佢個魚無汁，所以用黎餸飯食亦一般，而且個魚亦比較多細骨，食嘅時候要更小心。

當想食日本野，又想坐得舒適一點，又相對較易搵位，就會閒時黎呢間幫襯下。呢間都算多位，如果1點前黎到，都通常唔洗等好耐。而成間餐廳大部份既坐位都唔會太窄，坐得都算舒服。睇左成個午餐餐牌，都係忍唔住叫有刺身既食。叫左個燒三文魚配三文魚刺身定食。個餐跟麵鼓湯，有茶飲。個湯係蜆湯，都好食唷。三文魚刺身定係燒三文魚都一樣好食，兩片大玉子就夠晒飽肚。間唔中豪一次，滿足滿足。

自從屋企多左個bb， 每星期都堅持幫襯呢間北角ge板長。好感謝北角7姊妹道的板長員工，servicing 真係好好。 每次帶bb去呢間食野， 都覺得d staffs好有愛。 bb食都周地都污糟晒， 佢地都唔介意， 依然好專業gum serve我地一家。 而且呢間板長sushi , sashimi好新鮮， 擺盤亦好靚。逢星期3 有20%discount tim. 1. 肥美油甘魚sushi @$9 each 原味/黑松露/柚子。 必叫。2. 原條鰈魚sashimi @$1xx呢間板長有時會有原條sashimi供應。 呢條係白身魚， 爽肉味遍淡。 可選sashimi or tempura. 3. 岩蠔@$38 無pic。 超creamy n fresh, 個價unbelievable. 呢間d蠔真心好食。

餓壞妹妹了。。。一直在跑東跑西，停下來晚膳已快9點了 壽司 Sushi 瞳孔放大，喜歡日本美食不肥不腻，就入這間香港人熟悉的店舖吧! 被枱上宣傳紙張吸引了 : 火炙壽司盛， 快來1客吧，打救我的小胃! 三文魚也算夠新鮮美味，但稍嫌小巧了1點 總括而言，這盤是不過不失，可沒有驚喜呢!再散叫不同款式壽司，高貴的吞拿魚 Toro 也叫上1客，含有高脂肪，充足營養價值，魚油也十分甘香!再來茶碗蒸、盬燒雞翼 和 脆炸八爪魚 只能打分合格，可能從前太出色了，未有嘗回以往的味道呢!

佢嘅嘢真係幾好食嘅啲嘢夠曬時令嗰排乜嘢新鮮就有啲乜嘢食咁嘅價錢 真係邊度搵呀佢嘅白子軍艦真係唔好食但係淨白子係好味㗎週不時有驚喜不過佢嘅燒鵝肝醬燒得太燶喇有圖有真相嘅佢張海膽放喺拖囉上面我覺得真係好嘥料仲要賣6x除非兩個都係普通嘅食材可能會發生互補不足嘅情況可能佢想做丼嘅效果不如出返個迷你丼仲好我都明白佢有時有好多嘢都係售罄嘅情況因為要保持食品新鮮不過成日冇得食難免有啲氣餒鮫鰈魚背壽司真係幾煙靱又肥美成日經常冇貨㗎快啲嚟食啦 我最鍾意之一其實就係食佢嘅油甘魚腩油油潤潤新鮮又大塊 又厚切

食完個刺身飯 要求其中一位男waiter加水 來來回回見佢都無加 再同佢講多次 就換來佢同同事講的一句 “幾號枱 好口渴呀” 真心講句 野食同環境都唔錯 但一句說話 真係即刻扣唒分

一直對板長印象都不錯的～今天的嘴巴就是想吃壽司～就直接衝入去 lu店內到處都是聖誕的佈置～一坐下就有個服務態度好的女侍應 幫我們斟水我們直接用app點餐 很方便～上菜速度快燈登燈櫈 第一個出場的壽司就是油甘魚油甘魚的口味很多例如有黑松露，柚子醬，海鹽，原味等等我個人推介黑松露醬及柚子醬期後就一次過上其他壽司～ 玉子甜甜的～ 普遍水準不錯但今次的鰻魚很腥及有很多碎骨 所以不推薦😂

秋刀魚真係秋天最好食嘅食物油油潤潤可惜佢 全年得兩三個月有得食加埋清酒真係不得了板長食秋刀魚真係一絲不苟唔知係老細自己本身鍾意食定係點樣幾十蚊就好似入咗好貴嘅鮨店咁梗係唔同一樣嘅嘢啦不過以佢嘅價錢真係 好抵雖然佢冇以前嗰個師傅好 但係呢咁嘅價錢都算係咁啦佢嘅海膽真係好難食軍艦嚟講啲紫菜真係好腍火炙魚背壽司有時燒得唔夠 有時燒得太耐燒得太耐燒魚背會熔哂燒得唔够耐就外熱内冷...今次就燒得ok服務嚟講都算唔錯面帶笑容但係有時都要催單