板長壽司 (彩明商場) (已結業)

今日去咗板長食午餐，叫左2個剌身定食，一個係海鮮刺身飯，一個係海膽海鮮刺身飯😚海鮮刺身飯😀，剌身有吞拿魚腩、三文魚🍣、普通吞拿魚🐟、三文魚籽、牡丹蝦🍤、鯛魚，刺身都尚算新鮮，惟獨塊普通吞拿魚麻麻地，飯嘅份量都ok,定食有碗麵豉湯🥣海膽海鮮刺身飯😚，有海膽、三文魚🍣、吞拿魚🐟、吞拿魚腩、三文治籽、鯛魚，除咗塊吞拿魚🐟，其他都ok，定食有個沙律同麵豉湯🥣二人午餐共盛惠$340，中規中矩，但較唔滿意用QR code落單，搞勁耐都話error，最後都係要人手落單😨

一向食開，刀貝壽司好爽，次次都點.烏冬＄58布甸好滑，＄48星期六，日冇tea set.提提：平日lunch係會員要提員工俾返個set價，app係冇得落架。 希望佢地班員工自動波。仲有會員草分好快草到好多。未入既快入啦。

已經好耐無幫襯過板長壽司，今日經過將軍澳彩明苑，近下午兩點店內無乜人就去試下。唔知係咪疫情影響，店內真係好少顧客。疫情第三波及堂食限聚令下，餐廳將積分及優惠延長至9月，有良心餐紙上有不同特價壽司推介。自助電話落單好方便，今次叫左兩個午餐。1. 迷你蒲燒鰻魚丼定食配壽司(麵豉湯)($70.4)，食物味道尚可，而整個餐份量似下午茶多些2. 櫻花丼(配麵豉湯)($54.4)，魚生粒過往鋪滿晒飯面上，而今次份量明顯較少，其實魚生粒只是一些切頭切尾的位置，個人認為可以大方些比多D。整體來講，午餐份量偏少，對女士才講可能滿足到，但對男士來講就唔夠食，特別櫻花丼的魚生同餐牌內有好大出入。

係屋企坐監坐得耐，要出黎食d好野釋放壓力～因為無得去日本，唯有食住壽司頂住檔先😂😂😂😂😂😂😂😂😂😂😂😂呢個set都真係幾抵，80蚊走得人食材都ok,可不斷番食～～～～～～👍👍👍👍👍👍

板長lunch有餐，比之前八十幾九十平咗10-20，所以就黎試試。溫泉蛋牛丼定食。沙津係蟹柳粟米，無菜硬係差少少...個湯爆濃，濃到飲哂杯茶都未飲得哂個湯，雖有蜆，貌似真材實料，但，真係太濃了...牛丼都幾失望，無諗過啲牛肉咁韌，就算飯同溫泉蛋正常都俾個肉拖低咗...或者黎板長應食剌身唔應該食熟嘢吧...

星期六晚去左食板長，但掛住食好多都唔記得影相會員生日優惠有85折叫左個三文魚盛組合都幾抵三文魚刺身，三文魚壽司，火灸三文魚壽司再加辣味三文魚軍艦 全部3件 會員價100蚊刺身好肥美，有齊幾種唔同食法，cp值高！！跟住叫左個cream cheese黑豚肉沙律都系42蚊豚肉都唔錯，cream cheese一粒粒配埋沙律食都好正叫左個溫泉玉子灸燒佐賀和牛跟面鼓湯 （＄138）唔記得影相d牛都偏生但我接受到，和牛個面燒過下，食落都feel到d油脂搞爛埋粒玉子撈埋一齊食一流，下面系壽司飯都凍凍地如果以為系熱食既可能要叫其他啦，生生地既牛肉唔系個個接受到跟住仲叫左個天婦羅湯烏冬，天婦羅另上既，有兩隻炸蝦、南瓜、蕃薯、冬姑而烏冬系稻庭烏冬黎

這天又來到調景嶺的板長吃午餐，由於午餐時間緊迫，匆匆忙忙吃完就走罷。我點了款鰻魚飯定食，未加一前五十零蚊，價錢中等。因為定食關係，因此跟沙律及麵豉湯，沙律不錯，菜都夠爽脆，不過略嫌麻醬多了些(怕肥的人大忌)。麵豉湯夠濃味，亦有蛽些微的鮮味。鰻魚飯上枱有驚喜，然而吃完會感失望，因為無論飯，抑或是鰻魚也只是微温，不出兩三分鐘更完全變涼。雖然如此，不過鰻魚size的確算大，鰻魚味亦算夠多，而且燒汁挺香甜，有黏口效果。飯就普通，並無特別。

最近去開彩明商場，發覺幾乎全部都係連鎖店，仲要排隊排到出店外。基本本人一直以來嘅原則，唔太差又唔駛排隊自然係最佳選擇所以今次試下調景嶺嘅呢間板長，一入去店員已經問係咪會員（會員有得儲分當錢用）而且仲用電話或板腦落單，非常現代化我叫咗個親子丼飯定食，沙律不過不失，不過沙律中嘅章魚好腥，腥得好誇張親子丼飯分量算多，三文魚都有八至九嚿，仲要嚿嚿都夠肥美，口感一流又新鮮魚子都夠鮮味，配飯食一流只係略嫌分量少咗啲

基本上調景嶺沒什麼日式食肆要在這個站附近吃日式食品的話板長是這少數的選擇之一這次就和朋友來了這裡吃午飯午市時間的客流也不少～～～我選了蒲燒鰻魚丼定食定食還配有沙律及味增湯沙律配上適量芝麻醬，令人開胃生菜爽口～味增湯普通的，不會過濃或太淡蒲燒鰻魚丼，鰻魚的份量適中燒得算是甘香，但不算是好肥美的鰻魚蒲燒醬汁的味道惹味而不太鹹如果醬汁能多一點點來拌飯會更好吃到底的時候，只剩白飯而沒有鰻魚及醬汁了～飯和醬汁的份量可再調配一下！食物味道算是OK但以午餐約70多元的價錢來說只會偶爾吃一次吧！

去探朋友所以嚟咗將軍澳， 附近都冇咩好食於是我哋去咗板長度食lunch一入咗店員問我哋係咪會員，因為而家全部都係自動化用 平板電腦嚟落單， 所以都好方便 ，如果唔係會員嘅話就直接自己用手機落單就可以，而且可以有免加一嘅優惠。午餐普遍都60蚊走唔甩，最貴去到118蚊都有。我哋都嗌咗個魚生飯，套餐包埋麻醬沙律同埋麵豉湯。 可能因為個人比較鍾意食芝麻醬嘅關係，佢個沙律超級多芝麻醬，我非常滿意。麵豉湯有好多紫菜同蘿蔔 ，味道一般冇乜特別。魚生飯都ok足料， 魚生夠厚亦好新鮮。 飯嘅醋味都恰到好處，不過如果可以大碗啲就更加好。58蚊以板長嚟講算係咁啦

鋪頭一川都會駅商場去健明邨方向，位置好方便，喺鄭譚仔對面。比起譚仔成日要等位，呢間反而人流不多，經常不用等位便可入內進食。鋪面係落地大玻璃所以成日都可以睇到出面有人喺度行嘅情況，當然啲人都會望返入嚟。通常同男朋友兩個人一齊食。因為有會員，所以tablet 落order都好方便。而且壽司上枱上得好快，用料新鮮。通常會點三文魚刺身、炙燒三文壽司、炙燒牛油果軟殼蟹卷，甜蝦其他都好好食。選擇比食爭先多，刺身雖然好新鮮，但壽司下面舊飯成日都好鬆，一夾過去豉油碟通常都會散晒。

板長一直都係我優先選擇既壽司店，每一次都唔會令我失望。最愛既一定係海膽壽司，不過有時既味道會有所不同，問過店員係因為來貨有所不同，不過每一次既海膽都係好味既哈哈鵝肝壽司都係每次必點既，入口即融的感覺真係好正，每一次同女朋友一齊食都一定要食既就係鵝肝同埋海膽壽司，因為真係好好味！其他鰻魚、三文魚腩都係必食既壽司，唔會令人失望既刺身都好新鮮，甜蝦真係要食，好鮮甜。其他小食我都覺得好食☺️同埋價錢都叫合理😆

假期唔知食乜好，周圍又多人。係行過板長有位，可能價錢比較貴所以少D人去食？本來我都唔係好想去彩明間板長，因為之前食過真係十分之麻麻。但老公話都隔左咁耐，而且上次係寶琳果間板長都幾好食丫。就係咁，又去試下啦，唔駛等位嘛。因為今次係食Lunch，就唔叫太多野啦，叫左個燒牛舌，一個冷麵，一個湯烏冬，同十零粒壽司就算啦。雖然盡量叫少左，但都成400幾蚊，真係一D都唔平呢。吞拿魚腩...真係睇樣已經覺得同寶琳既有差別，完全同上次係寶琳果間食既差得多；根本係2樣野2回事，依間既吞拿魚冇味又多筋，唔掂丫。三文魚，帶子，八爪魚，北寄貝...依D就冇乜特別，感覺係好過以前既。燒牛舌，唔知係切既問題？定係燒得太熟太乾？有D難咬。係對比起寶琳果間，真係勁失望。一係冷麵，一個烏冬；2樣我都冇乜興趣，係老公同仔仔食的。我只係試過一啖，烏冬冇乜野既，仔話...同我平時在家煮既肥牛烏冬差唔多。但個冷麵呢，我自得係一個伏黎好難食架，好彩唔係我叫；最後老公要自己一個食晒。結論係，寶琳果間大D嘛，多外來客嘛，所以D師父手勢好D，食材又靚D咁囉。而彩明果間，又細間，又少人幫襯，會去幫襯既都係住附近唔想行既街坊，所以囉，食材

調景嶺站真係冇乜好嘢食，比較高檔少少嘅都已經算係呢間板長壽司了。星期六夜晚七點半來到這一地區，大部分餐廳都排長龍，我哋攞咗飛，好在等左唔夠10分鐘就可以入座。其實每次黎，我覺得最麻煩嘅都係落單，佢每張枱有個平板電腦俾你點餐，但係load得好慢，一啲都唔User friendly ,今次去佢又話有新玩法,一有入座就鼓勵大家download個新Apps ,然後喺嗰度點餐。我哋懶得download ,所以繼續用個緩慢的平板電腦嚟落單。喜歡食三文魚嘅我，點左幾樣三文魚菜。三文魚火炙壽司不錯，可以一試。最正嘅係個小食三文魚腩燒，三文魚脂肪超多，外脆內軟，好有口感，必食！今次餐廳出左新野叫赤酢丼，我點左松葉蟹三文魚丼試吓。老實說，這個丼真是一般般，松葉蟹份量不少，但是沒有蟹味，不過依個價錢，其實都唔可以期望啲乜嘢。個赤酢飯亦比較酸，我個人唔係好食得慣。反而我家人點既天婦羅稻庭烏冬就很好吃，天婦羅很脆，蔬菜也是用日本來的，烏冬質感也好，很幼細。

新年拜年，嚟到調景嶺呢邊，離開時已經差唔多七點幾左右，去到彩明商場附近，見板長壽司門口等位嘅人好少，就決定喺到吃埋先返屋企，差唔多夜晚七點半去到，唔洗三分鐘就有位。 👍🏼叫左兩碗天婦羅稻庭湯烏冬、腐皮稻庭湯烏冬，烏冬麵不過不失，湯比較甜。豚拖羅手卷、軟殼蟹手卷都幾好吃。松葉蟹三文赤酢丼跟麵豉湯，呢嗰還好，三文魚感覺唔太新鮮，而且等左差唔多半小時先上，麵都差唔多吃完先嚟。大和炸雞，雞件好硬，無乜汁，薄薄嘅雞片，有大約五件。唔好吃。吞拿魚沙律軍艦，壽司類唔記得咗影相，以前都有喺板長吃過，唔知喺轉左供應商定點，感覺無以前咁好吃，口感有啲奇怪。而且吞拿魚係一塊塊碎件，唔似以前咁好吃。而另一件油甘魚，等咗四十分鐘先上，隔離檯遲過我地入，佢地叫咗一大堆壽司，我見到不停咁上，相反我地叫嘅「一件」油甘魚壽司就足足等左四十分鐘先上，半小時麻煩佢地幫手睇睇，但無回應，四十分鐘後再叫，先幫我地睇。店舖入面無乜人，門口都無人排隊，睇落唔算太忙，但上菜速度頗慢。和風蒸蛋，後期加單，今次幾快上，但蒸蛋無以前吃嘅咁嫩，水量好似加少左，有啲「實」，無咁好味。