林園甜品粉麵小食

營業中

休息中

6:18pm外賣，有冇魷魚有冇牛柏葉，淨係推介我食越南春卷，豬扒湯檬，出到嚟變咗豬扒撈檬，帶有鄉音嘅叔叔話八達通未叉電用唔到，轉頭阿姐出嚟個八達通機有用到🧐，外賣路程5分鐘，返到屋企，個豬扒又凍，啲粉又有怪味，冇咗學生年代嘅味道，雖然轉咗手，都唔會差咁遠啩，利申學生年代幫襯後，10年冇幫襯過，雖然我都好想幫襯小店，不過見過鬼都怕黑，轉咗手之後唔得👎🏻

大圍開咗新商場之後，對比之下，店舖林立的大圍街道上的店舖也顯得更舊了 。有時候，人們已經開始提不起舊裝修的店舖了，認為環境落後比較污糟，腦海中認為那些食物質素也會下降，或者坐喺嗰度都反胃。這間餐廳環境感覺落後，但至少冇老鼠曱甴烏蠅喺你面前飛過。。。。都食咗10幾年啦，老闆一個女人打理都唔好話唔辛苦。。。講返正題食物質素，呢個係最多人叫嘅蔥油雙蛋豬扒飯，有幾多間餐廳整呢啲豬扒飯會比咁多蔥同埋流心蛋？ 佢開先河吧，至少喺大圍凍檸茶好飲，啲檸檬係新鮮嘅，有味。 味道真叫人難忘，一啖蔥一啖漏心蛋一啖豉油飯，加埋個新鮮炸豬扒啲豬扒幾件冇骨一兩件有骨，啲豬扒係好食介紹朋友食檬粉，檬粉係由開店嗰陣已經賣緊，啲凍檬正，好多係出面食嗰啲粉又熱，汁超級酸，汁味道又淡😂😂春卷脆卜卜同雞翼都好好食千祈唔好叫牛肉飯，係真難食！ 湯河牛都可以

門口嗰啲餐牌同Menu，佢報個價錢又唔同，例如menu下面寫好咗飲品加$8佢開口就海鮮價加$10。衛生環境好差，成地都係水；枱面同埋啲筷子都黐立立。到俾錢嗰陣先好嘢，佢話可以用微信香港俾錢。佢夠膽死同我講話佢個Wi-Fi收得好差，但係佢仲喺度收緊啲外賣單個喎，根本唔係Wi-Fi問題！到之後用現金俾錢，佢竟然一直喺係個散銀袋摸來摸去博我唔記得我一問佢即刻拎出嗰啲散銀出嚟，未見過人咁唔老實，唔好幫襯！真係當人水魚咁！

以前中學成日食份量又足料又好味，今日諗住去食返以前味道，點知食到一肚火🔥🔥第一，本身諗住食返鮮牛撈檬，點知個老闆娘同我講邊有呢樣野，咁你餐牌就冇寫呢樣野啦， 又要係度fake人😅😅。而且個老闆娘態度超差，仲喺度串我識唔識分鮮牛肉同牛肉架？第二份量同質素以前已經唔同，又細份又啲牛肉又整到燶哂都唔知點食🫠🫠🫠真係唔好再幫襯間野🫠🫠

就係咁，一個悠閒嘅下午，我行過一家樸素無華嘅小食店。店鋪細細嘅，但係香味從裡面飄出，好似呼喚緊我咁。🍲 入面坐滿咗街坊，大家邊食邊嗑下計，畀我感覺好有人情味。我就忍唔住揀咗份經典嘅炸醬麵同埋一客皮蛋豆腐。啱啱嗌到嘅炸醬麵，呢個實在係得意得嚟又醒胃。麵條滑溜溜嘅，炸醬香濃得嚟一啲都唔膩口。一兜炸醬落去，每啖都有滿口嘅肉粒同豆干，絕妙嘅口感真係叫人回味無窮！至於皮蛋豆腐，鮮滑嘅豆腐襯托住皮蛋嘅鹹香，清新嘅蔥花灑面，其實係相得益彰，鹹香討好。面頭脆卜卜嘅蔥油餅更加喺一邊伴奏，輕咬一口已經覺得心滿意足！😌總之，呢次食嘢經驗簡單平實，但滋味一啲都唔平庸。有時候，最家常嘅美食就係最觸動人心嘅，有機會一定會再嚟，下次要試埋其他嘅小食啦！🥢👅

呢間係大圍街坊先知嘅隱藏美食，香茅豬扒飯是必食、叫多蔥正到爆😋😋😋另外叫左香茅雞翼撈蒙，同樣係超正、不過食得太快冇影相🤣🤣🤣咁耐冇食都依然咁好味😋

豉油撈飯，或美其名瑞士汁撈飯，是香港最傳統既碟頭飯之一。也可以說，這才是香港的好味道。而經常出沒在大圍的朋友也許會知道，大圍墟內就有一間其貌不揚，主打這樣簡單飯既小店，名叫《林園甜品小食粉麵》。近排，咁啱有事需要出現在大圍，要醫`肚，我就想起來這兒試試了。外有吸煙坐，內有有冷氣嘆既所謂雅座。但查實，如果係冬天，坐係出面其實比較爽。內裡其實係好殘舊，口講永遠是室內雅座，樓上雅座之類的美言，實在，未必係雷同。那天一個人來試，我點了一份蔥油雙扒蛋飯。成碟飯，主角雖然似是邪惡的雙蛋，但真正的美味 catalyst，其實是超甜的豉油同超香的蔥油。如沒有扒，沒有蛋，淨豉油同蔥油，都可以食晒成碟飯。改日同阿仔再來，我們選來選去，都係食返此店做得最好的蔥油扒飯。這次不雙併了，先來一個蔥油雞扒蛋飯，而蛋就要了熟蛋。熟蛋，入口時少了蛋汁，但也不妨礙美味。雞扒其實煎得很香，豉油味也是十足的。可以講，塊扒本身也是好味道。另一份是蔥油豬扒蛋飯。煎的是太陽蛋，米飯除豉油同蔥油外，更多了蛋汁的加持，是格外的味美。豬扒也是非常入味，令到成個飯都濃郁芳香，也是很好。跟餐，我選了奶茶。夠濃，夠香，也夠滑的。當然杯奶茶亦夠

一齊發掘香港嘅美食 😋.呢位朋友真係唔話得，竟然肯陪我入到大圍食平民嘢🤓 老實說，呢間主打街坊生意嘅餐廳一直喺我想試嘅餐廳名單入面，特別係佢最出名嘅香茅豬扒飯。.香茅豬扒雙蛋飯　$48-香茅豬扒飯即叫即製 🐖 雖然香茅味唔算好出，但豬扒醃得好入味，煎完之後好香、無油膩感，非常有水準 👍🏻 -老闆娘應我要求，將太陽蛋轉咗做炒滑蛋 🥚 炒蛋非常軟滑，上檯嗰陣啲蛋汁仲未凝固哂。個飯撈咗蛋汁，加埋豉油同薑蓉，味道好正 😝 出街食飯好少有添飯嘅諗法 🥰.越式鮮牛河 $35 🐄🍲 -鮮牛河上檯嘅時候牛肉仲係半熟，湯嘅熱度會令佢慢慢變熟。牛雖然係薄身，但勝在份量足。-湯底吸收咗牛肉嘅精華，很鮮味；河粉則非常幼滑。（真正嘅越式牛河會用牛骨煲成濃郁湯頭，再配上芽菜、辣椒、魚露、青檸、金不換。呢間餐廳雖然未做到呢個程度，但以CP值嚟講非常值得推介 🥳 ）.總結-林園雖然鄰近港鐵大圍站，但食物嘅價錢非常實惠，感覺佢都係做街坊生意為主。 🏘️👨‍👩‍👦‍👦-林園嘅裝修處處都有著滿瀉嘅老店味道，喺餐廳食飯，總係有一種被人情味同舊香港情懷圍繞嘅感覺 🌇.林園甜品粉麵小食大圍積福街60號祥興樓地下

朋友話係中學回憶，一於就去試試佢佢話招牌係蔥油豬扒飯，但係鍾意食雞翼嘅我就想試吓食蔥油雙蛋雞翼飯雞翼好食，外脆內軟，蛋就冇乜特別，但多蔥真係好出色！雖然個飯個樣小頹，但絕對好味道推介！

12:45打電話叫外賣，都feel到 老闆有啲火。1點10黎到扲外賣未有。我問係咪未整，佢話一接到電話已經即刻炸緊。5個字 個雞扒應該炸燶曬。老人家有D火。 叫外賣要嚟到先至即場炸嘅咁我特登叫外賣做乜

全店老闆娘一腳踢 上菜速度以一人嚟講其實好快不過佢性格率直 有時態度一般 叫咗雙蛋豬扒飯配自製豉油同蔥油 送飯一流 香茅味好出 豬扒份量適中 不過唔會煮過火 仲有肉汁 環境係偏差同舊 不過如果唔介意絕對係值得支持嘅小店Ordered Lemongrass Pork Chop Rice with Double Sunny-side-up eggs Pork chop is really aromatic and also cooked perfectly. Topped with homemade soy sauce and scallion oil gives you the perfect match for the rice. Worth trying if you dont mind the rather unpleasant environment. The shopkeeper runs everything by herself so might have to bear with the wait or sometimes her attitude. Worth supp

大圍近火車站一帶好多野食，掃街小食 燒賣魚蛋豆腐花，茶餐廳，飲茶，日本野，韓國野……應有盡有。林園算係茶餐廳同舊糖水舖格局，主打碟頭飯，粉面，同埋糖水。食物即叫即整，炸豬扒和炸雞翼都十分出色，配埋招牌嘅蔥油，可以比到8 90分。冷盤叫咗份泰式鳳爪，唔算好辣都唔錯👍🏻不過落單方面就可以改善一下，當日叫咗四樣嘢食，樓面姐姐逐樣叫入廚房，沒有手寫或者電腦入單，結果10分鐘左右，廚房出嚟又問返我叫咗咩嘢食，感覺上依種落單方式沒有效率，建議唔記得就手寫落單都寫返兩隻字😹😹，唔使做完一兩樣，又唔記得第三四樣。

大圍呢間餐廳早排勁多人排隊，仲上埋電視．個個都為咗食香茅豬扒飯而嚟。今晚諗唔到食咩，又嚟食下「香茅豬扒飯」即叫即製，果然非一般豬扒，豬扒好入味，香茅味好重，完全無油膩感。面層太陽蛋煎得好靚，又軟又滑。加入豉油同薑蓉，味道好正...老闆強烈推介堂食一定要試雞翼因為外賣拎返去無堂食咁正，今日坐低堂食，第一啖已經覺得好正，除咗熱辣辣之外，外皮好香脆，肉厚大大隻，炸完仲保留到肉汁，的確有水準嘅。除咗越南野，仲有甜品同小食，好多完化。

食過2次外賣，叫過越式湯河，撈檬同埋豬扒飯。全部都好味同抵食。呢度的炸物好好味，但我驚熱氣，所以唔敢多食，間中食下好啦~我每次都係外賣，因為現場衞生環境係好差如果真係要堂食，我覺得室外位應該好過室內。

好耐無黎了間中都會想食呀佢個雞絲河係有獨特既味道雖然雞絲有少少皮我每次都要搞一輪先食到(本人麻煩咋唔鍾意食雞皮)佢個河粉係OK既唔會好散少少幼身湯底無得輪係唔油得黎令你好想飲既我鍾意蔥佢外賣都比得多幾好幾好