林園餐廳

營業中

休息中

再一次去富山工作，朝早想食飽個肚就開行turbo做，於是就搵咗呢間好就腳嘅餐廳食個大早餐，睇呢度嘅裝修同氛圍，十足十係一間冰室，再加上木皮包嘅牆壁，仲有深綠色嘅卡位，成件事懷舊到不得了。早餐揀咗叉燒公仔麵配蛋治，叉燒有大約六塊，相信係攞貨返嚟，好彩處理得幾好，溫度同味道都正常（因為最怕食到凍冰冰嘅擦紙膠叉燒），麵冇乜特別，湯唔會過鹹，全份嘅蛋治，啱晒我填肚，蛋香雖然唔明顯，但勝在麵包夠鬆軟，正👍🏻懷舊嘅唔止呢間餐廳，亦係成條邨（同我老家九成似），懷舊真係要趁個「舊」仲喺度時就找緊時間去「懷」先得架。

星期日同家人去了鑽石山掃墓，之後去了富山邨茶餐廳食晏，剛巧入到餐廳是下午2点，有個可選A餐至F餐配紅豆冰加茄汁豆或雜果沙律的下午茶餐，有A雞脾B......唔記得其他E豬肉卷F雞翼薯條我叫了雞翼薯條雜果沙律，點知來了雞翼薯條後，等了一會我話仲有雜果沙律未到，點知跟我點餐的女待應話你呢個餐係冇雜果沙律的，我攞返張餐牌比佢睇，佢話A至E都有跟，只有F唔跟因有薯條，但佢張餐牌並沒有列出，你又唔劃開F，又冇括住A至E才可配茄汁豆或雜果沙律，仲話呢度D人(食客)個個都知!我話我剛才點雞翼薯條雜果沙律你又唔講我呢個F餐冇得配?佢话係佢冇講清楚，總之呢個餐有薯條就冇沙律!我不是貪心一個沙律，只是覺得好似被人呃了很不忿!最後果個女侍應話你係唔係想食?係我就送一個比你!唔好再嘈!我話係呀要呀，你違返商品說明條例，跟住佢攞個好細的碗仔装了少少比我!我覺得今時今日呢D服務態度真是影衰同行!自己張餐跟寫得不清楚算了，客人清楚點菜時你不說清楚也罷，還用高高在上的態度對待客人就最糟!

每次來鑽石山都會到這裏吃午飯，今天也不會例外。一入到去有位不需等候，地方整潔。看看餐牌，快餐BCDE全部賣晒，唯有叫份快餐A，有湯有茶。粟米香腸豬扒飯 －起初以為有條塗了牛油的細粟米，然後落燒汁燴香腸和豬扒，原來不是。厨師用較杰的(較凋的)而稀少粟米的茨汁，感覺上失色了不了。香腸雖不是厨師牌，切開後呈深粉紅色，可能是混肉腸，但好味！豬扒有手掌般大而捲曲，外皮煎得香口，可惜肉質較淋，口感差了點，白飯反而煮得幾好，D米幾靚又大碟！熱奶茶 － VERY GOOD粉葛湯 －有待改進，味道OK，但得湯水，無料的！服務 － 女侍應故着對我介紹餐牌美食，忘了提供一杯温水給我，但經詢問後也提供了，並訂囑我小心熱，服務不過不失。

經過見到門口滿滿懷舊味道，放左好多精緻懷舊糕點，係兒時回憶，有細個時好中意食既三角朱古力蛋糕，有d款式係我未食過既tim，買左黎試下，又幾好食，可能食厭左出面既包，試試這個有驚喜😋😋

今日同朋友行咗兩萬幾步，由尖沙咀行到土瓜灣再搭巴士到富山邨落車，走入富山邨裏面都有間舊式的餐廳，就試吓佢哋的晚餐。入到餐廳見到所有環境都好有歷史味道。是日晚餐都有幾個餐可以揀，最後我揀咗蔥爆魚腩煲，有例湯送（南瓜豬骨湯），一飲落去覺得很有家的味熱辣辣的魚腩煲上枱再加上一碗大白飯，味道好有鑊氣，尤其是爆香咗的蒽同蒜頭🧄，食落去都好好味👍🏻，最後加一杯熱飲，奶茶就比較普通😄

.林園餐室 (富山邨)😋 菠蘿包 $8岀爐菠蘿包，熱辣辣，脆皮加上牛油香味，真係要比10隻手指公👍🏼😋 熱奶茶 $16再次係一杯高質嘅絲襪奶茶，茶味濃郁，淡奶嘅份量恰到好處，奶茶係口腔入面浪浪下，非常之令人回味。P.S. 坐喺餐室入面，可以感受得到老香港的生活，拿着一份報紙，悠閒地享受一個常餐，享受那屬於一個人的時光，唔需要趕頭趕命，櫈都未坐暖就要急急忙忙將食物「倒」入口，又怕阻住餐廳做生意。喺呢度，坐成朝都未必有人會趕你走，唔會成日有人問你「啲嘢食嚟齊未」，這大概就係人情味。抵食程度：⭐️⭐️⭐⭐食物質素：⭐️⭐️⭐️⭐員工態度：⭐️⭐️⭐️⭐環境裝飾：⭐️⭐️⭐️⭐衛生情況：⭐️⭐️⭐食過返尋味：⭐️⭐️⭐️⭐（滿分：⭐️⭐️⭐️⭐️⭐️）#foodiefatbee #hkfoodie #foodieiger #hongkong #foodlover #hkfoodbloger #lovefood #keepfat #茶餐廳 #香港茶餐廳 #菠蘿包 #富山邨 #黃大仙 #鑽石山 #港式奶茶 #奶茶 #香港冰室 #香港美食地圖 #食咗先至講

位於黃大仙富山村的林園餐廳是舊式的茶餐廳，自家出爐的麵包，近年裝修後，呀仔接捧，食物質素改善了不少，更加增設外賣送餐，方便我這個宅老人🙊🙊而且又可以WS下單和看餐牌👍🏻真係方便了很多！晚餐由$55-$70不等，跟一個白飯一杯熱飲（凍飲加$2和外賣盒也是加$2！蒜蓉西蘭花炒牛肉$55，份量很足，食材新鮮，牛肉炒得剛剛好，不韌😙豆卜雲耳蒸雞$56， 雞件蒸得得剛剛好，唔會鞋口，豆卜很入味，送飯一流！熱奶茶已經加咗糖，但甜度適中！茶味濃而香滑！

晨咁早就比啲短訊嘈醒😴 見今日見天氣咁好，#小秘書 破例出去食個 #早餐☕️ 曬吓 #太陽、補充吓 #維他命D☀️ 人都醒神啲🤩 出咗身汗💦 順路行去咗附近嘅 #屋邨餐廳 #林園。數數手指，我諗都有十幾廿年無嚟幫襯過，七八年代嘅懷舊裝修，依然不變😅 不過佢嘅 #食物，#連鎖店 真係無得比。新鮮嘅 #炒蛋 夾埋 #白麵包，淡淡嘅 #牛油 香🧈 確係滋味🤤 仲有呢佢啲 #沙嗲牛肉 真係好惹味，即食麵 又唔會太淋🤤 加埋杯 #港式咖啡 ☕️ 爽呀！

懷念兒時的住所，中學，行到累了 回顧以前的餐廳，已屹立不倒，N 咁多年了😀😅😃😄一杯凍檸茶走甜，茶濃郁，因行到很累所以特別好飲，一杯凍唂咕，味道沒什麼特別但人情味夠濃厚。牛油醬多士，一咬落去成啖牛油，怕怕，但兒時最愛，所以難得到訪總要懷舊一下

31/12/2018到了富山邨一趟，這是個與世隔絕的舊屋邨，很舊很遥遠，時光在這裏似乎凝滯在幾十年前...屋邨內只有四間食肆，其中一間是大快活...難得來到，便入林園吃餐飯，門面的招牌顯示着往昔的風光，裏面是啡色的卡座，有着花樣年華描述的模樣。牆上張貼着仍是用手寫的餐牌，食物價格亦没有跟隨外界而飛升。可是，這些餐牌是形同虚設的..."菠蘿咕嚕肉吖！唔該！""sorry,嗰個餐牌嗰D無㗎！""咁有D咩？""常餐同快餐啦！不過炸嗰D都無吖，快餐有D都無。"以上便是點餐時的對白，無奈之下點了鹹魚肉鬆炒飯，可是...炒飯好大碟，可是飯是暖的，也是黏的，没有任何鑊氣，味道大家可以想像...上張相，其實大家也可以看到炒飯上點綴着生葱，可是葱的作用就只限於裝飾，因為它是全生的，所以它的結局就是被孤伶地留下...隨餐奉送西洋菜湯，但不知是否蜜棗落太多，湯是甜的...隨餐又附送熱飲，熱朱力正常！埋單32蚊，值唔值真係見仁見智！

rarely seen such setting in Hongkong island nowadays, only available at residential area. Family own I think (must be). good tea and good bread. good price too. should visit again before it is gone, hopefully people realize how important such restaurants are for the local community, before everything occupied by some nasty big chain 茶餐廳, which can taste "automted" and standardized the people taste。

今年清明時節並沒雨紛紛，仲好好陽光，去完鑽石山拜山，就行落富山邨食野。 舊邨式設計的富山邨，有舊式士多，文具鋪，茶樓，最唔少得係呢間舊式茶餐廳，由門面裝修，餐牌以至食物，都係 "真.舊式"，一般扮懷舊嘅餐廳絕難媲美。 講返食物，老實講，都係一般茶記應有嘅，我都係是但叫個茶餐：叉燒公仔麵，跟雙蛋，方包，凍鴦少甜。 叉燒肥瘦適中，但顏色太鮮了，可能較多色素，麵ok，冇太淋，太陽雙蛋都ok (出邊食過唔少個蛋黄是熟透的, 好冇feel) D老人家講笑話 識食一定係先篤穿個黄啜，我都覺得真係正D 驚喜係件包好夠牛油，正呀喂！ (唔記得影相)凍鴦嘅茶啡比例適中，茶同啡本身都冇怪味(真係唔係必然㗎) 難得佢有舊式西餅賣，一定要整返件！"唔該，我要件...圓形有占(果醬) 喺面果件" (由細到大都唔知呢件野學名叫咩)椰絲味好香，唔會太甜，唯蛋糕唔夠軟屬，不過都未至於哽頸，食佢嘅風味都加晒分，老西餅萬歲！

以前每一個屋村梗有一, 兩間老牌茶餐廳係度坐陣, 主要服務村內學生同居民, 我相信呢間林園就係呢類型星期六的下午1:30來到,  只有一半滿座,  所以有大把位選擇, 內部裝修頗為殘舊, 係卡位坐低, 發覺D卡位舊到搖下搖下...叫左佢地午餐試下, 嘩!! $28咁平??!!, 而D是日飯麵類午餐則賣$32我點左叉燒通,  蛋同餐包試下,  通粉煮得比較'林', 而叉燒都算肥瘦適中, 但同一般茶記不同係佢地叉燒係略為煎過才奉上,  而雙蛋則比較油, 炒蛋都算炒得滑, 包應該係自家製,  比較軟熟而熱奶茶亦有一般茶記水準, 尚算茶香奶滑因為佢地有自家麵包師傅, 所以不定時有麵包出爐, 但麵包類價錢卻唔算好平，火腿蛋包好似賣＄7.5,  食完午餐已經下午2:10,有D麵包又開始出爐 , 冇理由唔試下, 叫左個菠蘿包($5), 咬落去鬆軟得來個皮又唔算好甜, 算唔錯!! 雖然食物飲品唔算頂級,  但性價比算高, 不過又唔需要好味到專登來試, 要試嘅, 都只係一份老香港的屋村情懷同人情味...

今日拜完山，諗住沿路行落山去返鑽石山地鐵站。見仲有時間，就不如行入富山邨搵下野食啦！富山邨既屋邨設計好特別，環境好舒服～坐小巴上山既時候見到有個熟食中心，但又唔係好記得係邊，所以就望望呢度有咩食。係外而望入去，好舊式！咁樣既餐廳真係碩果僅存！唔入去試試唔得！我只低頭閱讀餐牌，後來點完餐後發現牆上有更多手寫餐牌，最貴既扒餐都只係＄60! 呢度街坊客多，個個落黎食個包飲杯奶茶咁！而我叫左午餐：五香肉丁米線，牛油餐包炒蛋＋熱奶茶！價錢唔算超平，但呢個價錢你係食得飽既！炒蛋並唔係薄衣衣，牛油餐包好鬆軟！米線份量多，五香肉丁都好好味！店內其中一個裝飾，我不得不影相。牆上既鐘，上面既電話只得六個number!!!

今日因工作需要去左富山開工，去到富山邨第一個反應係⋯⋯童年。是是但但入左間茶記，點左個早早，一個字：平。大家唔好以為平就冇好野呀，個早早出奇地好食，尤其是沙爹牛麵。仲有呢！大家平時都唔會食白麵包，但佢將白麵包轉左到雞蛋三文治，令到食物一啲都冇浪費，佢識唔止係食物嘅味道仲有係人情味同童年回憶。